|
يوميات ممرضه وممرض !
السلام عليكم كثر الحكي عن الممرضين والممرضات السعوديين والتخصصي فايحه ريحته باالمواقف ذي .. اللي أحب أقوله :- ( الممرضات السعوديات يخربن سمعتهن بأنفسهن واللي يقول اثبت يجي يدخل المستشفى ويشوف مو يتبطح ببيته ويجلس يدافع .. وبالأخير الممرضات يجن يدافعن ويقولن الناس ضدنا .. ( الكل مو ضدكن باالعكس مهنه شريفه ونفتخر بكن بس بمستشفى خاص نسائي او قسم خاص بمستشفى يعني ما تترزز مع الممرضين والمراجعين وإلا تحملن اللي يجيكن من الناس وكلامهم .. ( واقول انا ما اعمم بكلامي بس هذا النسبة الكبيرة جداً في المستشفى والخافي أعظم الله يستر .. ( واللي بنته ممرضه اتمنى يرجع يربيها من جديد .. كل الود لمن طل وشرف .. |
كلامك بالصميم ,,,مشكوور علئ الطرح(h)(h)
|
العفو بارك الله فيك ..
|
اي شي فيه اختلاط اغسل يدك منه |
العطر + الكعب + نصف الوجه طالع + وطقه العلك+ والكركره هذي صفات(بعض) بناتنا الممرضات للأسف’’ |
الله يرحم الحال
|
الله يستر على بنات المسلمين |
التعميم خاطيء.. والتزكية محرمة
لن ندعي الكمال .. لكن .. لانعمم الخطآ من يقول بنزاهة ( واقع المستشفيات عموماً) ومايخص علافة الجنسين بالعمل.. فإنه شاهد زور .. والرسول صلى الله عليه وسلم لعن شاهد الزور .. إن ما أؤمن به وأشهد الله عليه.. من خلال معرفتي بعمل الممرضات.. فإن الواقع مخزي.. وماخفي كان أعظم.. إسأل الشباب عن من يأخذون إجازاتهم في دبي أو البحرين مع الممرضات الفلبينية.. قبل سفرهن لبلادهن( خمسة أيام في دبي مع ولد الحلال) وبعدها تودعه للفلبين وهو لديرته وغبار حااارتهم!!! .. أحذر كل أبله أغفل أرعن .. يدافع عن واقع التمريض.. أقول له اتق الله .. ولاتقل إلا حقا... حتى من هم على رأس الهرم الوظيفي في المستشيفات يعلمون مدى الخطر .. ويجتهدون في مكافحته.. .. فقط في مستشفى بريدة المركزي .. إسأل عن المدير المناوب.. الرجل المخلص .. سين من الناس.. فقط .. قل لكل ممرض ( معتدل ومحافظ) تعرفه.. كيف يقوم ...... بدوره أثناء مناوبته.. ومدى اهتمامه وحرصه على سير العمل .. ومنع كل بذرة شر أو محرم..حتى إنك لتجد بعض الموظفين يحمل في قلبه على هذا الرجل .. نظير جهده واحتسابه وشدة متابعته .. فجزاه الله خيرا.. .. لتوعية الجاليات جهد في المستشفيات .. لكنها مقصرة ونحن معها في الدور التوعي المتمثل بتكثيف تعظيم العفة والحياء.. للمرض والمراجع.. .. نعم هناك من الممرضات السعوديات .. من هي عن الف رجل.. قمة في الحياء والعفة والطهارة.. وهن بحمدالله كثير.. ليس في القصيم فقط.. بل في عموم المملكة بحمدالله .. ... أعود وآكرر.. لا والف لا لمسألة التعميم .. الناس ليسوا سواسية.. هناك الشريف وهناك الوضيع الحقير .. لكن الإعتراف مطلوب.. ليس من باب فضح عيوب الآخرين.. لكنها رسالة تنبيه وتحذير.. رسالة لولي الأمر.. بالنصح والمراقبة.. رسالة للموظف والموظفة .. بتقوى الله.. وترك ملاذ النفس وأهوائها... وتذكر أن المحارم قصاص.. ومن عرّض بعرض مسلم .. سلط الله عليه من يعترض لأهله.. أختي الممرضة .. شخصيتك بمايتداول ويُسمع عنك من حياء وعفة وصلاح .. سلوكك في العمل.. رسالة عن البيت الذي تربيتي فيه .. أنت(ي) سفيرة بيت أهلك .. بكل تصرفات تصدر منك .. وقلّ وندُر أن يشوه السفير عادات بلده ومجتمعه الذي تربى فيه !!!! كل شاب له علاقة بفتاة .. يسأله الناس.. هل ستتزوجها لاحقا؟ يجاوب بلا تردد .. لا .. لا .. كيف سأتزوج من فتاة أقامت علاقتها معي سراً دون أهلها ودون حياء منها!!؟؟؟ .. المرأة فتنة .. بلباسها .. بطريقة مشيها.. بزينتها... والعفيفة العاقلة ،. من وفقها الله لدرب السلامة والحياء.. حتى ولو إختلطت مع الف رجل ورجل... أخي الشاب .. ماتفعله الفتاة من تبرج( أحيانا) .. إما أن يكون بتقصير منها في مايخص لبسها وماترتديه.. وليس ذلك علامة على تفحشها وسوء تربيتها.. ربما صدر منها فعل أقول عابر.. وفي قلبها خوف وخشية من الله.. وحرص على شرفها وسمعتا.. ثم يخيل لك الشيطان بخبث طويتها وعهرها.. في حين إنها بريئة وقلبها سليم .. لكنها أخطأت في هذا الموقف بالذات!!! |
كل التقدير للمحترمين اللي شاركوا باالموضوع ..
|
واللي ببطنه ريح ما يستريح
|
والله كلامك صحيح ولكن ترى الأهل يوثقون بزيادة بعمل بنتهم والواجب ان يتابعون وضع بنتهم بالمستشفيات
|
سمعت الممرضة بجميع دول العالم سيئة حتى بالدول المنحله
|
الله يستر
دخلت احد الأقسام الادارية في التخصصي وتألمت من المشهد
الله يستر على بنات المسلمين |
عجبا لكم معشر الرجال اذا صار معك حرمه قلت مابي دكتور ابي دكتوره
واذا ادخلت الوحده تمريض وات طب قلتوا ماتربت وش تسوي اجل |
اقتباس:
إختي الشيهانه شكلك مكثره من الكراث عشان كذا مخك قفل :d الرجال يتكلم عن اللبس و المكياج و الدشارة حقت الممرضات ما قال لا تتوظف البنت ممرضة كل اللي قاله يا ليت ان البنت تخاف الله و تخاف ع سمعتها قبل كل شي و بعدين يا اخت شيهانه مدري بومه :eek: انا و اغلب الناس شايفين بلاوي الممرضات و خرابيطهن بالمستشفيات طبعا مو الكل البعض منهن و المشكلة هن اللي يخربن ع سمعة الشريفات و بعدين سؤال بريء اقوا شي :bad ليش بعض البنات اول ما تتوظف بالمستشفى ع طووووووووووول تخرب و تتجرأ و تدشر و تتغير تصرفاته اذا شافت رجال و تتميلح و و و و المشكلة ان بعض البنات الموظفات يحسبون ان الوحدة لا توظفت ممرضة لااااازم تكون اخلاقه زباله (( احنا ما نقول لا تتوظف ممرضة بالعكس مهنة شريفة و به أجر بعد بس المشكلة ان اغلب البنات الصايعات هم اللي يبون الوظيفة هذي عشان ياخذون راحتهن ع الاخر و التخصصي مليااااااااااان من ها الأشكال اشوفه كل يوم قدامي 8 ساعات و اعرف كم وحدة صايعة تبيع شرفها بمقابل مادي و اللي مو مصدق يروح للتخصصي و يشوف بأم عينه ,,, |
بسم الله وش دراك تسنك تشوفن:eek: لا وابشرك معه فول وفلافل وبيض :113:
وبعدين هو عمم يقول اللي بنته ممرضه يربيه من جديد وللمعلوميه انا عن نفسي اقول اللي تشتغل بمكان فيه اختلاط تتحمل الكلام اللي يجيه وادري بعد ان فيه بنات بهن شر وحقيرات بس لأنه لقت احد ملقيه وجه اما بالنسبه ليش اذا توظف تدشر ووو اتوقع بعض البنات تتميلح عند خويته ويقالهن بالعربي دعدعه والجراء لانه خلاص تتعود عليهم وتروح الهيبه عشان كذا أنا كارهه هالشغله |
اخواني اخواتي الغالين ..
أنا ما فتحت موضوع من شان كل واحد يغلط ع الثاني حنا اخوان .. فتحت الموضوع للنقاش الهادف البناء من خلاله نوصل فكرتنا اللي هي سائدة لدى الجميع عن سوء تصرف بعض تصرف بعض تصرف بعض الممرضات والممرضين في المستشفيات نبحث عن وجهات نظر إيجابيه للحد من تلك التصرفات .. واللي غلط علي ما راح أرد عليه واغلط لأني واثق من عدل ربي سبحانه ) .. |
غربة الروح ( بارك الله فيك ع التوضيح ) بس تكفى ما نبي تجريح لأي عضو يشارك ..
|
اقتباس:
اختي بارك الله فيك عندنا مشكلة كثير تحصل انو الواحد يبحث عن جزء من الموضوع ويجلس يطقطق عليه .. اتمنى تقري المشاركة كامله وخاصه الجزء الثاني منها .. ،، |
اقتباس:
كلام كليم |
معليش انا مو قصدي اغلط
بعدين اذا اهله نفسهم يدرون ان البنت بتروح لمكان مختلط وماقالوا شي او معجبهم تبين حنا ندور له حل من المفترض انهم مايخلونهن يشتغلن والا يروحون لهن بمكان شغلهن ويشوفون وش يصير آسفه مره أخرى |
الله يستر
|
التمريض مهنة شريفه وحاجة ملحه لايختلف عليها اثنان ولا استغناء عنها مدى الازمان ولكن البيئه المختلطه هي الكارثه العظيمه والطامه الكبرى التي جرت علينا الويلات وانتهكت بسببها المحرمات مما جعل اكثرالشريفات العفيفات يعتزلن هذا الميدان ويهجرنه ليس زهدا في هذا العمل الجليل ولكن لعلمهن المسبق لما يجري فيه من حوادث واحداث مروعه معلنه ومستوره تشيب لها مفارق الولدان وعندي قريبه لي تبحث عن وظيفه من عشر سنوات وحصل لها وظيفه في مكان مختلط براتب مغري فرفضت وقالت لو اعطوني الدنيابحذافيرها ماقبلت فعرضي اشرف واغلى من الدنيا ومافيها فضياع المال له عوض وضياع الشرف لاعوض له فنناشد القائمين على هذا القطاع الغيورين على وطننا واخلاقناان يتقو الله اتقوا الله اتقوا الله في بناتنا في اعراضنا في شرفنا فكل مايقع من مخالفات فهي في اعناقكم يوم القيامه ستسألون عنها فمن اخذ الاجرحاسبه الله على العمل والشرف اغلى مايملكه الانسان بعد الدين اصون عرضي بمالي لاادنسه ### لابارك الله بعد العرض بالمال |
التمريض للامانه للاسف سمعته هي والطب عمومنا سيئه في جميع دول العالم
والتمريض مااتدخله الاوحده متفتحه وصخه يعني او جاهله وفيه كثير من الممرضات فيهنا خيرر وفيه للاسف عاهرات عمومنا حسبي الله علىى من يحاول افساد المجتمع الحل الوحيد لهلمشكله مستشفيات نسائيه خااااصه |
الي تبي الشر تبي تسويه لو كانت ماتطلع ولا عنده اي وسيلة اتصال
والي فيها خير لو كانت بين ١٠٠ رجال مستحيل تغلط ' وانا عن نفسي اعتبر مهنة الطب إنجاز وفخر لكل من دخل هالمجال |
. عيادة إنفنتي العيادة كلها بنات ’ الإستقبال فيه بنت جداً محترمه مع نفسها و مع أي شخص و هذا ما لاحظته .. لكنْ في الأعلى و أنت في الدرج تسمع أصواتهنْ فتتفاجأ بالنقاب الواسع + مكياج كامل ذرة حياء لا توجد !! تتكلمْ مع الرجال و كأنه أخوها . الشيء المؤلم أنها أفسدت النظرة للبنتْ في الإستقبال ’ كانْ الله في عونْ كل ممرضة و دكتورة محترمة نفسها (f) . |
المفروض يصير فيه هيئة بالمستشفيات .. شرايكم بالفكرة !!! ولا يحطون حق شؤون الموظفين مطوع !! أحلى شيء ويكون مطوع من حقين الخبوب ... والله ماتسمعون ان فيه خربطه بالمستشفيات .. |
الحين ورآكم تمآسكتو بالشوش آنتم .؟
يقولك الخير يخص والشر يعم والي نشوفه حنآإ آن معظم الوظآئف التي فيهآ آختلآط يكون فيهآ مشآكل وآحتكآكآت قد ينتج منهآ مشآكل كبيرهـ جدآإ وبعدين من زين الممرضآت عندنآ بالسعوديه والا الممرضين (( السعوديين )) مآيدرون معين هي هآبه دآيم مخلين الشغل لهالآسيويآإت والآ هن مآيعطن آنفسهن فرصه آبد للآسف .. |
مافي مكان بالعالم فيه اختلاط الا وأكيد ابليس وعياله يلعبون
الله يصلح ما يعطي والله يستر علينا وعلى المسلمين أجمعين بالنسبة لبعض الآباء وبعض الأزواج امام راتب الممرضة يرضون بمثل هذا العمل وبعضهم يحسن النيه والظن. أنا عرف كذا ممرضه ما دخلو هذا المجال الا من اجل راتب المغري وكلهن جايبات نسب متدنيه فى الثانويه ولم تقبلهن اي كليه او جامعه غير التمريض. لانه يقبل النسب المتدنيه لذالك. لاترجون من شخص داخل هالمجال لانه فقط ماحصل غيره. يقبل فيه خير. العمل ان ماكان بحب او على الاقل اقتناع ما يضبط |
انا اقول ان كلامك منطقي،،،وحقيقي،،،،ولكن من يرتب الوضع،،،النقد موجود،،لكن ،،،الاصلاح اين؟؟
|
انا مرافق لمريض سرطان في مستشفى الحرس الوطني بجدة و 90% من الممرضات سعوديات لم يمر علي اي موقف مما قرأت في الموضوع {وهذا لا يعني عدم وجوده} وجميع من رأيت قمة في الاخلاق وقمة في التفاني في العمل وانا أرى أن مهنة التمريض هي المهنة المستقبلية وارى أن الناس في هذه الأيام قد شنوا حملة شديدة اللهجة على الممرضات فطعنوا في أغلب شرف الممرضات _نسأل الله السلامة_ (( فإن آفة الناس ليست في الجهل وإنما في التجاهل )) هذه وجهة نظري فإن أصبت فمن الله وإن أخطأت فمن نفسي والشيطان |
الوضع يحتاج اصلاح سواء بالتخصصي ولا المستشفيات الثانية
|
ابو بسام شفنا قدامنا تصرفات مالها داعي واقصد مستشفى الولادة
فيه ناس قاهرني قهر |
اقتباس:
جميع القطاعات الحكومية فيها تصرفات تقهر ولكن اللي حصل في مهنة التمريض أنه أي ممرضة من أقربائنا أصبحنا نقذفها ونشك في شرفها وفي سلوكها وأي شخص يسجل بنته بالتمريض نشك في غيرة على محارمه واللي أشوفه أنه المهنة فيها ملاحظات ولكنها مهنة انسانية والتخصص فيه وفرة بالوظائف ومناسب جدا بمعنى أن البنت تسجل بالتمريض وتوظف بوسط بريدة أو بالكثير بالضواحي وبراتب يتجاوز 8 الآف ريال |
اقتباس:
وحنا ماندري يمكن لو صرنا مكانهم طلع منا اسوأ الله يغفر للجميع |
السلام عليكم ورحمة الله وبركاته----------بنسبه للموضوع انا احيي جميع الممرضاة من اخواتي واقول لهن ولا تنظرون لمن يريد احباط من همتكم واما بخصوص الاشياء اتي تطرقتها في موضوعك اقول لا تذهب للمستشفياة اذهب الى الاسواق وشف التبرج وسخافه اذهب الى الحدائق وشف التصرفات السخيفه ----واما متقوله لم تكون ظاهره وكثيير بدرجه التي صورتها لنا ممكين يكون هناك شواذ واما الكثر فهن من الانساء المحتشماة ---- ولاكن فيه بعض البشر يشوف على كيفه ويغمض على كيفه
|
آيش قآلو اختلآط , م يقول هالكلام الي رآعي اللف والدورآن , واكيد بيكون مجرب هالشي فآخذ موقف , لآ احد يبرر لي , مهنة التمريض م وصلت الوقآحةة الي بعقل كل شخص صحيح فيه نآس تلعب وانا معكم بس مو للدرجة الي انتم " تخيلتوها " , آن جلسوا بالبيت قلتوا مهنا وظآيف , وان دخلن تمريض قلتوا آختلآط , والطب كذلك , السؤال وين تبونهم يروحون ,؟ مآ خآب من دآر ظهرهه للنوعيآت هذه من النآس , وعلى فكرة الي يبي الشي بيلآقيه بآي مكآن ,,, |
أنا ممرضه بس بقولك شغله والله قشعر جسمي من بعض الردود المريضه
الله حسبي وحسب كل بنت عفيفه قذفتوها بالكلام وشككتو بتربية اهلها لها بأي مكان واقرب مثال السوق بتلاقو بنات هم بيلاحقو الشباب وبتحصلو العكس تماما ومع ذالك مابنقول كل البنات صايعين وماتربو واللي يقول ان التمريض يقبل نسب متدنيه يروح يسأل قبل يفتي بالكلام! ؟ مابقول اكثر من حسبي الله وهو نعم الوكيل |
الممرضة السعودية لها علاقة محرمة مع الدكاتره والممرضين الاجانب لإن المرأة السعودية لها عقيدة تقول ليس حرام مع الاجنبي بل الحرام بس مع السعودي فقط
|
سبحان الله .. بالأمس كنت مع أحد الشباب وهو ممرض جديد في مستشفى التخصصي
بصراحة قال لي كلام عن الممرضات السعوديات قد ضاق صدري منه . يعني مماقال أن أكثر الممرضات بنات البلد للأسف لها علاقة مع طبيب أو ممرض علاقة كلامية وليست بالضرورة عاطفية , هذه العلاقة المقصد منها أن الممرضة تأخذ ممسك على هذا الطبيب أو المسؤل حتى يتصرفن كيف مايشائن ولا يستطيع هذا المسؤل كف هذه الفتاة عن بعض ما تريد , لأنهـا (ماسكة عليه ممسك). أنا أقول لنا في مستوصف سلامات عبرة فقد عزل قسم النسـاء تماما عن الرجــال مرضى وممرضين ونجح في ذلك فياليت تطبق هذه التجربة على المستشفيات الكبيرة . |
الله يهدي الجميع
الأختلاط مصيبة ومشاكلة كثيرة على المجتمع والفرد |
اقتباس:
اختي انتي في مهنه شريفه ونفتخر فيك بس بمستشفى خاص او عام وفيه نساء خاص .. وانا بموضوعي ما عممت .. انا قلت الواحد يروح يشوف ياخذ لفه قبل يرد باالموضوع ويشوف الضحك والميانه قسم بالله تقل اخوان ببيتهم .. شي يضيق الصدر والله ,, الله يهدينا ويهديهم ويستر على بينات المسلمين .. ,,, |
يااااااحسافة شكلك ماتروح للمستشفيات شكلك راعي رقيا شرعية
ياحسافة رح شف الممرضات اذا ماحامت تسبدك وتغير رايك بعدين استغرب هجومك على المشرف وتهديدك لهم اتمنى ان يحذفونك |
ياحسافه النقد مفيد وهو نوع من النصيحة اتمنى ان تتفهم ارا المشرفين الي مادري ليش متحملينك
|
عزالله بيض الله وجهك يااحساس ذوق
انا زوجي كان ممرض وحول اداري يعلمني ببلاوي هالصايعات عطر وضحك وبالطوضيق وفهارة واللي مو مصدق يروح يشوف بعينة يكفي النقاب العيون طالعة وتطالع فيك لاحياء ولاميز واعيباه استحن على أنفسكن أنتن ماترضن على رجالكن أنهم يطالعون أحد يعني أنتن حلال وهم حرام يطالعون أخس وظيفة التمريض وعذرا على العصبية |
كلام سليم آنآ آطبق بـ آحد المستشفيآت الكبيره ببريده وآشوف ذآ آلآشكآل (عطورآت تدوخ + عيـون + تمتير الاسيآب وسوالف مع الشبآب+ ورفع الصوت والضحك+وفيه آشيآء آستحي آقولهآ والله) شيء يضيق الصدر آقسم بالله آنغبن وآنآ آشوفهم كذآ وين آلحيآء وين التربيه..! وش ذنب آميمتك وآبوك اللي معطينك الثقه.! وعلى فكره علشان مانظلمهم موب كلهم كذا فيه ممرضات محترمات كثير |
الشيخ بن باز رحمه الله طالب بفصل الجنسين عن البعض والامر ذا يرجع لأمير المنطقه هو اللي يقدر يفصل بين الجنسيين .
لي زميل من تبوك يقول او ماطالب ابن باز رحمه الله بمنع الاختلاط في المستشفيات اول من امتثل لهذا الامر امير تبوك بالفصل وحتى يومنا هذا لايوجد اختلاط في مستشفيات تبوك لماذا لاتعمم بالمملكه بشكل عام |
كـــلامممم
|
أنا مستغرب أين ولي أمر الممرضة السعودية هل رضي أن تكون بنته أو اخته مع رجل أجنبي لوحدهم بالغرفة
كل هذا ثقه بالبنت إبليس اخرج آدم من الجنة هل بنتك أو أختك افضل من ادم هل هي احسن من ادم اخلاق |
فعلا قريب لي كان يشتغل في احد مستشفيات بريده
لم يحتمل الوضع طلب نقل لمكان اخر لايوجد به نساء الظاهر شي اسمه التموين او شي زي كذا |
تصدقون عاد اني قريت كتاب مترجم للغه العربيه عن طبيعه
عمل الممرضه وكان يتكلم عن كل الي ذكرتوه من قله ادب وكان يصفه انه هذا عمل الممرضه المحترفه ان تكون جذابه لطيفه انيقه مريحه وذكر اشيا ماتذكر ..... انا اقول هالشغله ماتصلح لبناتنا |
لوكان النساء لتمريض النساء والرجال لتمريض الرجال بدون تواصل الممرضين مع الممرضات كان افضل وأصح ولايكون فيه مجال ان يدخل الشيطان بينهم وتعمل الممرضه بكل اريحيه بدون احراج امام المريض او الممرض او اي رجل .
انا شخصيآ وجدت الممرضات متحشمات ومحترمات ولله الحمد ,,, الله يوفقهن ويستر عليهن وجميع بنات المسلمين . |
والممرضين عاد اللهم لك الحمد وانا اقول للبنات لاتتزوجين ممرض الا اذا كان يشتغل بمستوصف الحي
لان الرجل اللي يعمل بمكان مختلط متعب جدددددا لكثرة علاقاته بالنساء من القلب |
| الساعة الآن +4: 11:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.