|
البارح في حديقة الهدية مهزله والله
البارح رحنا لحديقة الهدية وياليت مارحنا شي مايوصف ولا ينوصف
دبابات إزعاج ماقدرنا ناقف دقيقه إيوالله وشلون قاعدين الناس ويتحملون هالأصوات الحدائق وضعن للترفيه وتغيير جو وهدوء والحديقه إزعاج بدبابات مع دخان الدباب وأثره على صحة الأطفال ياليت البلديه يعالجون الوضع ومنع الدبابات فورا |
سبقتني ياغالي قسم بربي كدت أظرب راعي دباب ازعاج غير طبيعي ,,,,,,
|
الشكوى لله لآبد من هالآزعآجآت هالبزرآن الله يصلحهم حبتهم الدبابات
|
اقتباس:
مآتوصل للضرب يآخيي كل شي بالهدآوه ينحل العصبية مآتجيب لك الا المصآيب آركد آركد :d |
اقتباس:
لو إنك شايف وش قاعد يسوي ذاالبزر اللي عمره 19 سنه استفزاز صارخ وعدم اهتمام أو إحترام المتنزهين وربي يستاهل الظرب على اللي سواه |
اقتباس:
ليتك جالده جلد خلهم يتأدبون |
اقتباس:
ماتحملناهم بالطرفيه وعسيلان لكن بالحدائق والمنتزهات لا ماينصبر عليهم |
اقتباس:
إيوالله عقليات بزران لا وفيه بعد بنات شوف عيني يدوس عالبنزين صوت مايحتمل ودخان يضر بالصغار |
لاتروحون لمثل هذه الأماكن وبس
|
اقتباس:
ليه وش فيها وخاصة الأطفال يبون يرفهون ويلعبون |
يبي يدخل وياطاه وطي .. ويمكن لو يشوفك يصدمك بعد .. ولاتقدر تحاجه .. لأن مافيه لوحة مكتوب فيها " يمنع دخول الدبابات " .. مشكلتك دخيل على الحدائق من عندك كذا تجيب أنظمة .. ويمكن لو اقولك ليش ازعاج بتقول جرت العادة أنه مافيه دبابات تدخل .. ياحبيبي ماتقدر تحاجه دام مافيه لوحة تبين للمواطن حقوقه ، مكتوب فيها التالي : ـ يمنع دخول الدبابات .. ـ يمنع الطبخ والنفخ .. ـ يمنع تشغيل البواري والأغاني .. ـ يمنع التدخين .. يمنع ويمنع ويمنع .. جاي تبي تسوي فيها أنك مظلوم .. وحديقة الهدية بجنبها أنواع الازعاج يكفي مصنع الببسي الي كله روائح وميكروبات .. وان كانك بالحديقة الثانية الي على الدائري .. فسوق الغنم وروائحه تكفيك .. قال ايش دبابات وازعاجات .. رح نم بس ماحولك أحد .. |
اقتباس:
تكفى أفحمتني خلاص ماقدر أقول شي الأزعاج يااكسوجين مايبي تحذير ولاشي لاتزعج ولاتوذي ولاتخرب يعني لازم أمر مهب لازم الواحد من نفسه يسوي الصح |
اقتباس:
فمالك حق تقوله شي ، دام مافيه لوحات ارشادية توضح التحذيرات ، لو فيه تقدر تديره بكف وتقوله ماتشوف اللوحة هنا معك حق .. أدري بتقول ازعاج انا عارف بهالشي .. بس وين اللوحات الإرشادية ؟ الي بالحدائق مثل العالم والناس .. هههه اجل افحمتك .. عشان كم بزر راكب دباب ومسوين ازعاج .. طيب أنا من النوع الي جو جنبي ناس يلعبون كورة وكل شوي الكورة جايتني وواصله الدلال .. كيف أروح امسك لي كم واحد واصفقه .. ما أقدر احاجه دام مافيه لوحات ارشادية بكل حديقة تبين حقوق والواجبات لكل متنزه .. |
اقتباس:
كل شي يهون عند الدبابات إزعاج وخطر على صحة الأطفال التتن والكوره تروح لمكان ثاني وتفتك منهم بس الدباب يجيك وين تروح إلا إذا غادرت المكان مشكلة بريده قوم وش كاري لازم تحط لوحات :eek: |
اللي يبي حديقه فله ووناسه وتغيير جو وهدوء وراحه لا تفوتكم حديقة عيون الجواء(وكل شي فيها)
|
منتب مغصوب تطلع اقعد بالبيت
|
اقتباس:
وش فيها وين هي به عيون الجواء |
اقتباس:
وأنت الصادق الحدائق وضعت للتنزه والرفاهيه وللأطفال والدبابات مكانهن البر وإذا أنت لك محل دبابات الله يعينك على دعوات المسلمين الناس تجي تبي ترتاح وتغير جو وأنتم مشغلين العباد بالدبابات :i121 |
أسال الله العظيم ان يريحنا منهم بأي طريقة يايها الشاب اما تخاف ان توقف بين يدي الله غدا فيقول لك يا عبدي الم اصح لك بدنك واوسع عليك من رزقك واسلم لك سمعك وبصرك؟ فتقول بلى فيسألك الجبار : فلم عصيتني بنعمي وتعرضت لغضبي ونقمي فعندها تنشر في الملأ عيوبك وتعرض عليك ذنوبك فتبا للذنوب ما اشد شؤمها واعظم خطرها . اولها عناء واوسطها بلاء واخرها فناء ثق بالله أيها الشاب أن كل من أزعجته بصوت الدباب أو بالتفحيط أوبأي شي سوف يدعي عليك دعوة تدمرك وتفنيك وأولهم انا |
اذا لم تستح فاصنع ما شأت
اصحاب الدبابات هالمبزره يلاحقون العوايل وين ما يروحون عندكم النفدان ومكان التطعيس بالربيعيه وش جابكم للعوايل والاماكن الهاديه والحدايق يجب معاقبتهم معاقبه تامه وسحب اي دباب يتواجد خارج الرمال نتمنى من الهباش استلام هذا الموظوع لان المرور فيه شباب ومليان واسطات |
اقتباس:
|
اقتباس:
ياخي الكريم لو أن مكان تجمعهم في حديقة الهدية فقط ثق بالله أننا لن نذهب اليها لكن الشباب في كل مكان حديقة البصر للعوائل اصبحت مرتعا للشباب وحديقة الاسكانر أيضا والادهى من ذلك في وسط الاحياء وفي كل مكان صدق رسول الله { إذا لم تستح فاصنع ما شئت } : ( الحياء من الإيمان ، والإيمان في الجنة ) استحوا من أفعالكم ومن ازعاجكم للعوائل هولاء أقربائكم وأخوانكم ضحكنا بشباب الرياض وشباب الغربية وابتلانا الله بكم |
لاتلومون الشباب فهم جهال وعقولهم عقول اطفال ولاتربية ولا علم , الي يلام هو البلدية والأمانة والشرطة , واذهبوا الي منتزة الحاجب بعنيزة وشاهدوا باعينكم كيف دوريات البلدية والشرطة تحمي المنتزة من السقيط والعرابجة وغيرهم وتطردهم طرد الكلاب .
|
الله يعين الازعاج بكل محل وحتى وحنا بالبيت نسمع لجة الدبابات
|
ازعاج
|
-
لوحات ارشادية ! نتمنى ان ترتقي مدينتا ويكون هناك مكان ملائم ومتنزه يسر اعيننا اذا ذهبنا اليه ووقتها يضعو لوحات ارشاديه كان حلم لي منذ ان كنت صغير ان ترتقي مدينتي وتصبح كما رائيت في دول الخارج لكن هذا الحلم رائيته يحتضر بعيون اطفالي حين اصطحبهم الى اي متنزه لارفه عنهم فاظطر ان اركب الطائرة الى اي دولة خارجيه باحثا عن اماكن تريح انفسهم وتسر نظرهم |
الله يهدي الجميع ويصلحهم ..
|
كلي امل من المسؤلين ان يتداركو الوضع فقد زاد الحديث عن هذه النقطه كما اني قد كتبت موضوع بعنوان انقذو منتزة الهدية وجعلت له تصويت الرجاء المشاركة بصوتكم مشكورين
|
هي كذا الحياة ونت صغير تزعج واذا كبرت ماتبي الازعاج
|
أفضل حل هو وجود الهيئه وسيارات أمن هناك وفي كل متنزه للعوائل لأن هناك حيوانات ما يتأدب إلا لازم العصا بظهره
|
حسبي الله عليهم أزعجونا وافقعوا رووسنا
|
ايه والله ازعاج الدبابات المفروض كل مراهق معه دباب علطول حجز الواحد جاي يرتاح ويجد الازعاج والفوضى نريد من المرور متابعة هذه الظاهرة والتشديد عليهم مو جالسين بجنب ساهر وتاركين العالم في خبر كان
والله في الاسياح وعنيزة والبكيرية والمذنب والرس يمنع دخول الشباب العزاب داخل الحديقة وكم تجد الراحة والاناسة وانت مع اولادك لكن نطالب اميرنا المحبوب بوضع حملة الاسبوع القادم وسحب جميع الدرجات النارية التي تسبب الازعاج والفوضى في الشوارع والحدائق الله يرجع ايام الهباش |
ياخي حديقة الملك عبدالله افضل واريح ولا دبابات ولا غثاء
|
بس للتوضيح قليل جدا نروح لهالحديقه وبالصدفه مرينا من عنده وإلى الدبابات اللهم ياكافي تقول متعمدين
يوذون ويزعجون ويلوثون البيئه ياناس حرام عليكم أوذيتو المسلمين إزعاج تفحيط مادري وش بعد اللي يجون للحدائق غالبا يبحثون عن تغيير الجو وإسعاد أطفالهم باللعب واللهو المباح وأنتم بالدبابات بتحرمونهم فرحتهم |
يتميلحون ب الدبابات ، وهم مايدرون أنهم أزعجوا خلق الله ب الأصوات :s:(
الله يعين بس |
ما لك الا الحاجب .. منتزه جميل وكبير جدا وعليه حراس امن والدوريات الامنية متواجدة فيه على طول وفيه صالات تسوق
|
نعم هناك أنانية من قبل بعض الأباء لا يراعي الذوق العام وشعور الآخرين همه أبناؤه فقط والباقين عليهم الطوفان هذه تحتاج ذائقة وثقافة لا يملكها البعض مع الأسف الشديد نعم تفريح الأبناء جزء مهم لكن هناك مواقع تكون أفضل من هذا المكان بحيث لا يكون على حساب الأخرين أليس كذلك .. ...؟ |
| الساعة الآن +4: 11:57 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.