|
ايحدث هذا في نهار رمضان سبحان الله !!!
السلام عليكم ورحمه الله وبركاته واسعد الله اوقاتكم في كل خير ...
اسئل الله لنا ولكم القبول يارب العالمين اللهم امين .. يحدث بشكل شبه يومي في شارع عمر ابن عبد العزيز في حي الضاحي كل صباح تفحيط لشباب وازعاج للسكان .. مما يتسبب في قلق الأهالي والتذمر من النوم بسببهم هداهم الله ابي افهم شغله هم ما ينامون ولا كيف ؟ بل والله انه يحدثني احدهم يقول رئيتهم بأم عيني مع الأسف الشديد يفطرون في نهار رمضان الله المستعان ..! اين دور الأباء والأمهات عن هؤلاء الشباب الا يعلمون ان كل شي هين الا في حقوق الله عز وجل ...الدوله ما قصرت لاكن اين دورنا نحن عن هذه الظاهره خلال هذا الشهر الفضيل فقط ...... سمعنا عن وفاة اكثر من شاب في المملكه والسبب كما تعلمون التفحيط ليش حرام والله اللي يسوونه في انفسهم والله ... ولا ينحرق الا قلوب الأباء والامهات على فقدهم اقول ظعو حد لهذه المسئله ولا سوف يحدث شي لا يحمد عقباه .... دمت برعاية الله |
صدقت ..
كنت قبل أيام قريب من إحدى الاستراحات الجنوبية وسمعت أصوات معازف وطبول .. ! وسألت أحد الشباب عن ذلك .. فقال : كل يوم على هذا الحال حتى أنهم في الصباح يفطرون ويفحطون .. ! قمت بالاتصال بأحد أعضاء الهيئة الذين أعرفهم شخصياً وبلغت .. ولكن لا أعلم هل قاموا بفعل شيء أم لا .. ! هداهم الله .. |
اقتباس:
|
الله يهديهم الشباب محتاجين من يوعيهم بطرق التوعية
فيهم الخير والبركة والله الهادي |
يا رجال ما فسدهم إلا أهلهم والي قاهرني أكثر لا صار عليه شئ لا سمح الله قالوا تفطرت قلوبنا عليهم ياناس يا عالم والله إنكم انتم الي تموتونهم وتفسدونهم بشرائكم سيارات لهم دون أن يبلوغو سن الرشد والعقل الرزين وتحمل المسئولية , ليش بريده من تالي صارت زحمه ان اقولكم لا تقولون الحرس وما الحرس علشان كل طفل معه سيارة بدل سيكل ولي مو مصدقني إذا وقف عند اشاره يطالع السيارات اللي حوله ويتأكد من كلامي وأولهم اللي كاتم ام الموتر تظليله ولن تستطيع ان تراه بالعين المجرده بل بدربيل قاهر تظليل ؟! دمتم بود
|
اللهم لك الحمد والشكر الشرهة على الآباء والدلاع الزائد لأبنائهم بنتفيذ أية آمر يطلبه الإبن مما يسبب العزوف والمشاكل وغيره |
اشكركم جميعا لتفاعلكم ....
لاكن انا لي طلب ووودي ينفذ ودي انه يكون عندنا محكمه مروريه تقوم بمعاقبه الموذي وتطبق عليه الشرع بنا يرضي الله ورسوله .. كما هو الحال الأن في كثير من الدول المحكمه المروريه تفكنا من الواسطات وغيره خلاص صدر حكم بحق فلان وش هو مزين مفحط يا الله جيبوه موتروه شهرين وهو.ست شهور وهكذا ... وبعدين اوافقك الراى وبقوه يا ايفون احيانا يقعون الأباء في اخطاء فادحه واحيانا الامهات في الأستعجال لقيادة طفلهم لسياره .. هل هو مؤهل للقياده من معرفه قوانين وانظمة المروراو بس اشرله وخلاص هذا غلط وغلط فادح ... ياليت الأباء عندما يفكر ان يشتري سياره لولده يظرب الف حساب للعواقب قبل اي شي اخر ... اشكركم جميعا |
ألله يهديهم بشهر الفضيل
|
نصيحتي لك ولوجة الله
ابتعد عن نشر مثل هذه الاخبار .. عبر الانترنت او في المجالس .. دورنا يكون بتربية من حولنا ومتابعتهم ولو حتى وصل الأمر لمراقبتهم ( من باب الخوف والحرص عليهم ويكون في حالة وجود مايدعوا لذلك ) وايضاً دورنا مع من تحدثت عنهم بنصيحتهم في مكان وقوع الفاحشة ، او ابلاغ الجهات المسئولة سواء الهيئة او المرور او الشرطة .. اما نشرها بهذه الطريقة فلا ... ( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آَمَنُوا لَهُمْ عَذَابٌ أَلِيمٌ فِي الدُّنْيَا وَالْآَخِرَةِ ) واعتقد انني قرأت موضوع في هذا القسم وبنفس الصفحة مشابة لموضوعك من ناحية مايحصل ... وهنا يجب ان نتذكر بأن كثرة المساس تميت الاحساس .. فارحمونا واريحونا من مثل هذه الأخبار ... ونسأل الله الهداية لنا ولهم آمين |
اقتباس:
بس يا الغالي انا ما شهرت فيهم ولا ذكرت اسامي اشخاص معينه انما ارد ان يوجهوا و ينبهوا ويوعوا عن ما يقومون بصنيعه .. الاحظك قسوت على عموما المنتدى ما وجد هنا الا لقضاياء مهم وارى ان هذه المسئله قويه وكبيره وشكرا لك |
إذا كانوا يفطرون بالنهار فلا حولا ولا قوة إلا بالله
ويا ناس ويا أعضاء اللي له أولاد ينتبه لهم أنا أشوف كل ولي أمر يتكلم بمجلس < الشباب سهر والشباب تفحيط طيب انتبه لأولادك المشكلة أن كل أب معطي أولاده ثقة زاااائدة عن الحدّ |
اقتباس:
ياحبيبي لا تجي تقول اين دور الاباء والامهات .. انت قل وين دور المرور , المفحط يفحط ويمل والمرور توه يجي ولا تجي دوريه وحده . وتجي تقول اين دور الاباء والامهات .. ياخي امسك المفحط وغيبه وراء الشمس .. واللي يجي يتوسط له غيب شمسه بعد . اذا تبي الحل الحل موجود .. لكن من لا يريد الحل فدعه يتمتع بمشاهدة شلالات دماء المتجمهرين .. وشكرا |
الله يهديهم يارب
|
يجب معالجة الوضع بالطرق المناسبة............وأهم سبب لذلك هو الدعاء لهم
أسأل الله لهم الهداية والرشاد........... |
الله يصلحهم بس
|
مالهم الا حل واحد السجن او السيف الاملح اكثرهم بزرنجيه يدور والخرنق معه على باب يمين
|
اللهةة يههديهمٌ :eek5(h) و يَ لييتتٌ ككلْ الآبـآآءءً ينتبههونننَ ويرآقبوؤننٍ آولآدهممٌ وححتىىً بنآتههممٌ :d(h) يَ رببً ـإنككُ تصصُلٍحْحههًممٍ :41(h) |
انا اعتقد انا الحل بما ان الشباب طايش وما عنده شيء يسويه وكل ماقلنا شيء قالوا فراغ ان كبار العقول من الرجال السنعين يتطوعون ويروحون لها التجمعات ويسوون مسابقات وفله ووناسه ويحتضنون المواهب وشوي شوي ويتطورون ويصير الشي رسمي والله ان عيالنا ضايعين مالقوا احد يلقيلهم وجه كلن لاهي فضلا عن الاجر يالله من فضلك والواحد يحتسب::
وشكرآ |
الله يهديهم ويصلحهم
|
والله الواحد يضيق صدرة لا شاف بعض احوال الشباب وده مرة ينصحهم ومرة يقول بكيفهم ومرة يقول اغدين اكوفنهم ومرة يقول ادعيلهم بالهداية .......................................
الله يهديناء وياهم وجميع شباب وبنات المسلمين في هالشهر الفضيل ................ |
| الساعة الآن +4: 05:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.