|
والله لو بناتكم
السلام عليكم ورحمة الله بركاته
بااااااختصار والله لو بناتكم حمير ماخلوتوهن باهالكليات تحت الشمس عالطول وخاصه الكليه العلميه اللي كأنه كلية بالبنقال وين مسؤول الجامعه ايه نعم واقوله بشكل مباشر واللي يشوف يبلغه الوضع بكليات البنات مايجوز تدرون كم درجه الحرارة؟ طيب وبالشتاء حرام عليكم والله ان وحدة متشنجه من البرد العام الماضي اما الطلاب بجلسات مكيفه مغلقه هههه يعني البنات اقوى حرام عليكم وجود مشروع ضخم لكليات البنات لايعني عدم احداث تغيرات ضروريه لتصبح الكليات امنه ومريحه ماجا كلامي من فراغ لا انا هنا اذكركم فقط قبل نوصل الموضوع لمن هم اكبر منكم اما والله انكم لأمنتم أمانه وانكم امام الله لمسؤولون |
والللي يبي يرد ويتفلسف لايرد لانه رح يكتم حق مشروع
وحقيقه واضحه للعيان ويصير تقل خالف تعرف ويصير شكله غبي |
اللي عنده صور لكلية بنقلاديش الحبيبه يتحفنا ويوري الناس جمالها الباهر طبعا ممنوع تصوير بلاويها الا اللي تهرب الكاميرا وكمحترمات لن نهرب ونصور
ارسلو وفد محترم ليرى ويتأكد |
ي ولد اركد وش بلاك
|
شكلك يسلام عليك ابيز من الحراره ......شكرا على الحماس |
اصلا سكن العمال ارحم منها دايم اجي بطيح من الارضيه وانا لابسه بدون كعب الارضيه دمار القاعات وصخه ومتكسره وفيه مجاري ودورات المياه وانتم بكرامه تشمون ريحتها وانتي مادخلتيها للحين اللي عنده صورها ينزلها عشان الناس يحكمون
لان البعض يتوقع انه نبالغ في الكلام لكن ذي الحقيقه ولعلم الصور نزلته وحده العام هنا |
حنا بدوله غنيه وشلون حاله الكليه من بد كليات بريده
عندكم التربيه والادبيه ليش فيهاا اهتمممام من بد كلييتنا ححنننا علمممممممي وربي حححرام عليكمممم كل شي نشتكي منهاا نحتااااااج للصييييانه للكليه نبي تجديد الطاولات برا وداخل الكليه وعدد الطاولات قليله البنات ككككثار وممنوع نجيب فرشات ب الله عليكم وين نجلس حننننا اوادمممم مؤ حيوانات نحس يكفي الحر الي نجلس فيه الله يخليكم نبي ااحد يوقف معنا معقوله شايفين وساكتين على ظالم م يخاف ربه م نقول غير حسبي الله ونعم الوكيل على كل ظالم ما يستحق كرسيه الي فيه |
من حقكم واللهـ ..
حسبنآ اللهـ ونعم الوكيل |
السلام عليكم ..مالكم بالطويله بنختصر الموضوع لكم ع طول :إحنا طالبات بالكليه ألعلميه ( كلية العلوم والاداب ) بالقصيم وتحديدا ببريده ..طبعا من دخلنا الكليه واحنا نعاني من تقصير فظيع بكل النواحي سواء كان من ناحيه (وسائل التعليم / معامل الحاسب / الكيمياء / الفيزياء / الاحياء /أو شاشات ألعرض و و و ....!! أو من ناحيه شكل الكليه الخارجي من ساحات وجلسات و و .... الخصراحه الموضوع يطول الحكي فيه لو بنحكي ماراح نخلص لان من جد شي الواحد مايقدر يتحمله نهائيا بس بنختصر هالكلام كله هذا بمقتطفات من الصور لبعض الاماكن ( ولاحظوا قلنا بعض الاماكن ) وطبعا ماخفي كان اعظم نخليكم مع الصور وأنتم احكموا عليها بأنفسكم ..» جدران الكليه !http://bit.ly/zTqgzA «الساحه الجميله ! ولا يفوتكم كرسي الحمام!!http://bit.ly/AB1TWd»نجي لبعض الساحات عندنا مثل هذا الكورنيش عندنا!ووشوفوا شكل الطاولات والجدارhttp://bit.ly/A82WZZ «جهه اخرى من الكليه !http://bit.ly/wTCSAH«جينا عاد لما يسمى بشارع الحب بالكليه وكله اشعار وغزل وملتقى الحبايب ! http://bit.ly/zhPFVe«هذا المكشات عندنا في ربوع بلادي ولكم عاد حرية الاختيار مابين التراب ولا فوق الطعس ولا فوق الخرسان !http://bit.ly/wRsbFA«هذي بعض من المناظر الخلابه من كليتنا الغناء ! http://bit.ly/xll9AD«اهم شي القطوه مستمتعه بروعة المناظر اللي حوله ! http://bit.ly/y0C061«نجي الحين لدورات المياه اعزكم الله ل تعليق !http://bit.ly/z7Ig1Y« هذي المغاسل المعقمه !!http://bit.ly/As9tAB «هذا من دورات المياه تطبون ع القاعات يالروعة ذلك المشهد !! http://bit.ly/wmWBxA«وهذا من داخل احد القاعات تطل ع دورة المياه ياربااه قمة الروائح الجميله !! http://bit.ly/y7LzGK«وهذا احد المباني عندنا ومايسمى بمبنى الدشره والخراب بالسطوح !! http://bit.ly/A1Rkgp بعد هذا كله وش رايكم فيهم ؟قسم بالله ولا سكن عماله ! يعني بجد ملينا وتعبنا من قل الاهتمام فيهم المشكلهاحنا ندري ان اللي سويناه غلط اننا صورنا بس من شي شفناه ماقدرنا نتحمل،وللأسف محد حاس فينا !!
|
مشكوره على تنزيل الصور خلي الناس يحكمون ويحسون في المعاناه اللي نعيشها
|
هذي كليه ولا حوش معزى ومسلخ بلديه لا لا لا ما اصدق أن اخياتنا يتعلمن في هالمزاااااااااااااااااااااابل
حسبي الله عليكم يا مسؤولين يا..............اللهم اني صائم :i121 :i121 :i121 :i121 :i121 |
الحوش والمسلخ ارحم بكثير من هالكليه قسم بالله ان ريحة دورات المياه نشم ريحتها وحنا مادخلنا وانتم بكرامه وهذا غير المبنى المهدد بسقوط وهو مبنى أ
|
احد ينزل الصور عند موضوع الصحفي الي هنا ب القسم الاخبار
لان مشاركتي قليله مقدر ارسل روابط :oo |
اخيتي سكر بالعسل ذايب من اللي يقول انك غلطانه بالتصوير لا بالله انك فعلت الصحيح اها الحين دريت ليش يمنع الجوال من اخواتنا في الكلية علشان ما تطلع بلاويهم وفضايحهم يقولون بنيات يخافن لا تخافن الا من اللي خلقكن
الا صوري واللي يجيكم قسما عظما ان تجيهم اشناااااااااااااااااااااااااااب الأرض كلها وتبلطهم سراميك ارضيه لكم ما بقى الا هي كادين عليكم هم كانس يكنس اثرهم من على الأرض الله يخلي لنا ابو متعب بس ما قول الا حسبي الله على الظالمين المعتدين السروقين |
صراحه مره رحت زياره وانهبلت .. اقول ماشاء الله شلون الطالبات يدرسن به
الله يعينكم |
اقتباس:
+1 :41:41 |
الله يعين بس وش نسوي نترك الدراسه مانقدر وكل مره يحطون لوحة صيانه ومانشوف شي
|
بنات الفرج جاء باذن الله
الصحفي بينشر الصصور ب الصحيفه أدخلو موضوع حقه وشوفن اللهم لك الحمممممد |
اقتباس:
|
هنا بذا القسم
اسمه لايصال صوتكم الى المسؤولين فقط ( ادخل واشرح موضوعك ) |
لا اقصد وين راح ينشر الموضوع بأي جريده
|
مدري والله سالته بنشره ب صحيفه ب النت او بجريده
انتظر الرد بس جيبي بنات خلو يشتكون كمان أنا جبت بنات معي الله يسهل ان شاء الله |
انتي لك لقب في ملتقى طلاب وطالبات جامعة القصيم
|
بنات الصحفي يبي نكتب له خطاب
من الي راح تكتتب وتكتب كل شي واضح |
الحقيقه صدمه لي جدا حين رأيت الصور معقول هذا بكليه او حوش غنم .. حسبي الله علىكم .. |
كأنه مهجوره
الله يعينكم |
السلام عليكم ورحمة الله وبركاته بس هذي المشكله ... وما خفي اعظم بصراحه لو تصير البلد لبنان كان شفتو التغير والتطور في بلدنا بس ماصرنا لبنانييين للحين . الله يصبرنا ويصبركم |
حسبي الله عليهم قسم انصدمت واو يازين كليتنا الله يعينكم وشلون تتحملون ( لكم الله ياخيتي)
اهم شيء لاتتوقفون واصلوا خليهم يسنعونها انتم مثلكم مثل غيركم هذي كلية الصفراء سنعوها خليهم يشوفون لكم حل يريحكم والله ماقول- الا: لقد اسمعت لو ناديت حيّا ولكن لاحياة لمن تنادي// |
ايي الكليات ذي
|
حسبي الله ونعم الوكيل حنا مانبي لطلعنا من الكليه غيرتوها حنا نبي الحييين قبل ما نخلاص دراسه
|
اقتباس:
ألعلميه بحي المنتزه :oo |
اقتباس:
طيب انشرو الموضوع ترا طالبات الكليه م عندهم خبر عن الحمله ضد الكليه الي تابع لها الحين الصحفي يبي خطاب وقال أكتبو كل شي تشتكون منه م شفت ولا وحده تحركت وقالت وش نشتكي منه الا كم وحده للدرجه عاجبهم الوضع لازم نقوم الدنيا ب تويتر فيس بوك وكل موقع خلونا يد وحده والله ننجح |
طيب كليه الشريعه نفس الوضع ؟
|
حسبنآ الله ونعم الوكيل ,, حرآم والله وش هالمهآزل ذي ,,, الله يعظمم آجركن بس اللي تطلبن العلم بهالآمآإكن ذي :( |
المفروض يحطون سبرات عن الشمس ..والا وشولة الوحدة تطلع خارج اسوار الكلية يامن الذهاب ويصير به حراسة شديدة ......
انا اقترح على كل طالبة ان تسنتر داخل اسوار الكلية والتصويت بالمايك وتطلع بعد التأكد من ولي امرهاء |
اقتباس:
مادري والله |
اقتباس:
الله يعيين |
اقتباس:
اصصلن الكليه مكشوفهه نطلع ندخل كل واحد شمس وحر لا مظلات ولا كليه تفتح النفس |
| الساعة الآن +4: 11:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.