طريقة إكمال البكالريوس
 

قريبتي معلمه دبلوم عام وتبغى تكمل بكالريوس إنتظام وعندها أطفال وشباب ومسؤليات الله يعينها

متى التسجيل ووين ؟؟؟؟؟

وهل ممكن تجتاز اسئلة المقابله لانها خايفه تكون صعبه؟؟؟؟؟؟

وبرايكم أي قسم يناسب لها تبغى شئ يناسبها كونها مسؤوله عن اطفال وبيت.

هل ينقطع الراتب اخلال الدراسه؟؟؟

والله ربي يوفق اﻷي توضح لنا ويسعدها ويفتح لها ابواب الرزق من حيث لاتحتسب حتى انا متحمسه لو عجبها اسوي مثلها

الله يوفقك

اول يجب عليك الذهاب الئ اداره التدريب التربوي للبنات
ومعرفه التخصصات الي يتم الموافقه عليها لاكمال البكالوريوس

ويجب اكمال البكالوريوس بنفس التخصص

وتجيبين قبول من الجامعه بدراسة انتظام في الجامعه وبعدها تتوجهين لاداره التدريب التربوي للبنات لاخذ الموافقه منهم لاكمال الدراسة حتئ يعطونك تفريغ كامل طبعاً براتب كامل اذا فرغوك


اما اذا تم الرفض علئ التفريغ الكامل

تستطيعين اكمال دراستك انتساب او مسائي << وهذي بعد لازم تاخذين عليه موافقه حتئ اذا خلصتي يتم وضعك بالمستوئ المطلوب لنهم وافقوا عليها

* لازم دراستك تكون بنفس تخصصك او التخصص الي يوافقون عليه اداره التدريب التربوي للبنات

* اذا وافقوا علئ دراستك بنتظام واعطوك تفريغ راح تدرسين في الصباح وراتبك يمشي

* انتي ابحثي عن تقديم الجامعات وقدمي عليهم لن الاداره مالها علاقه بقبول الجامعات
هذي الخطوه عليك انتي تبحثين وتقدمين وتعطين الاداره قبول الجامعه ليتم تفريغك

* بخصوص المقابله ماتوقع انها بتكون صعبه

واتمنئ اكون وضحتلك والله يوفقك ويسهل امورك

ياسعودي عسى ربي يكرمك ويسعدك ويفرج همك.

صديقتي راحت للمركز وقالو راجعينا بشهر واحد وهي دارسه معهد معلمات مافيه تخصص.

اما انا دقيت وانجرحت الله ربي ياخذ حقي من اللي ردت علي وسكرت بوجهي تقول انا مالي دخل طيب ليش

ترد على التليفون والله من حرتي دعيت عليها طيب خوذي وعطي وتفاهمي وحاولي فيدي الغير .

الحين وش الحل لاصار المركز مايفيد ولايبغون كثرة اسئله والاتصال اهانه ؟؟؟؟

امين الله يجزاك خير وياك يارب

الاداره ماينفع تكلمينهم لازم تروحين وتاخذين الاجوبه منهم

اذا كان مافيه تخصص طبعا ادرسي الي مسجل لك عند الاداره يعني لو كان دين ادرسي دين وكذا ..

اما اذا مالك ماده تدريس اطلبي تخصص قريب لك واخذي الموافقه منهم او اطلبي منهم تخصصك لك << لازم بدون موافقه لاتدرسين لنهم بيقولون ماعطيناك الموافقه

وطبعا تسجيل الجامعات راح يكون بالاجازه بس ضبطي وضعك من الحين واعرفي الاجرآت كامله وشروط القبول بالجامعه

روحي لهم واطلبي شروط التفريغ لاكمال الدراسه والاجارات كامله
لن فيه تعميم لاكمال الدراسه واطلبيه منهم واعرفي كامل الاجرآت وكامل الشروط

وكثير الي درسوا

وروحي لمديره التدريب التربوي للبنات بشرى العنزي

روحي واطلبي كل الاجرات

والله يسعدك ويوفقك

ماقصرت ياسعودي الله يسخر لك جنود الارض وملائكة السماء.

لكن هل فيه فرق بين الكليه والجامعه؟؟؟

طيب لو سجلنا إنتساب نقدر نحول إنتظام ؟؟

وين العنصر النسائي بالذات اللي مجربه تكمل دراسه وهي عندها اطفال كيف كان الوضع ؟؟؟؟

او لها قريبه كملت تفزع لنا الله لايحيجه إلا لوجهه الكريم .

بخوص الكلية والجامعه نفس الشي الكليات حالياً تتبع الجامعه

اما بخوص سؤالك عن الراتب لك خيارين

* الاول تفرغ تام لدراسه وتدرسين صباحي وينزل راتبك

* الثاني الدراسه المسائية او الانتساب وينزل راتبك كامل وتداومين الصبح في المدرسه

اختي درست مسائي ماجستير واخذت موافقه من الاداره وتداوم الصبح بالمدرسه ومسائي ماجستير


اما التحويل من انتساب الئ انتظام يرجع لموافقه الاداره يمكن مايعطونك تفريغ علشان تدرسين انتظام
ويوافقولك مسائي او انتساب

وان شاء الله يفيدونك باقي الاعضاء


والله يسهل امورك

انها تفرغ لإكمال الدراسة وتدرس انتظام ممتاز جدا بس ممكن ما يوافقون على طلبها

الطريقة تقدم على الجامعة اللي بتدرس فيها ولما تجتاز التأهيلي أوتحضيري تاخذ من عمادة الجامعة خطاب قبول وتقدمة على ادارة التدريب التربوي ويرفع من عندهم للمدير العام يعتمده

ل سبب لو ما خذت موافقة من ادارة التربية والتعليم ما يعترفون بشهادتها ولا تخدمها في وظيفتها

ممكن تدرس انتساب ثلاث سنوات والرابعة انتظام الجامعة توافق اذا معدلها كويس بس ما اضمن لها موافقة ادارة التربية والتعليم على الموافقة ان تحول انتظام اخر عام

درسنا انتساب نداوم صباحي في المدرسة ونختبر قبل اختبارات الطلاب يعني السبت الطلاب يمتحنون نداوم بمدارسنا صباحي مخلصين امتحانات متفرغين لابنائنا وبناتنا الممتحنين

اذا جزمت تقدم على جامعة الامام انتساب اساعدها ان شاء الله

للرفع

شموخ نجد الله يسعدك ويرفع حظك ويسخر لك جنود الارض وملائكة السماء

إلا ياقلبي حتى انا مثلها وتقريبآ نوينا إنتساب يالله ساعدينا الله يسعدك

واحه الله يرفع قدرك

تبين جامعة الإمام ؟ أي تخصص ؟ لازم الآن تسددين وتقدمين الكتروني الرسوم الفصل التأهيلي 2500 ريال

شموخ الله ربي يسعدك ويسهل امرك

انا مازلت متردده لكن صديقتي شكلها ناويه خلاص لكن تستفسر

هل شهادة جامعة الامام معتمده عند وزارة التربيه والتعليم ؟؟؟وتحسب بعد التخرج بكالريوس؟؟؟

تقول هل ادفع قبل التقديم والقبول؟؟؟؟وكيف طريقة دفع الرسوم؟وهل كل ترم تدفع رسوم؟؟؟

هي راحت لجامعة القصيم قالوا لها التسجيل بشهر ثمانيه الجاي بشعبان وتسال هل جامعة الامام تبدا من هالسنه والترم؟؟؟

وتبغى تخصص دراسات اسلاميه

عريب حائل الله يسعدك
تقصد عن بعد انتساب او انتظام او كيف مافهمت وهل الشهاده معتمده.

حامله القراااااان
فيه انتساب وفيه انتظام ؛؛؛؛؛؛؛؛؛ نعم معتمده وكل شي تلقينه بموقع الجامعه
او اتصلي على الرقم المجاني٩٢٠٠٠١٥٨٠