ظـــاهــره منتشره في بــريــده...!!
 

السلام عليكم ورحمة الله وبركاته::

بالنسبه لظاهرة التسوّل في بريده منتشره بشكل كبيييير جداً..
في بريده لي هالدرجه وصل الفقر والحآجه؟؟
لاسيما وفيه الجمعيات الخيريه والضمان الاجتماعي موفرين كل الاحتياجات للمحتاجين.. والدوله ولله الحمدوالمنه ماتقصر..
بدل مايعرضون لانفسهم واطفالهم الاخطار بالشوارع..
هذا إذا كانوا صدق بحاجه؟
أتمنى من المسوؤلين النظر الى هالظاهره المنتشره بشكل كبيير اطفال ونساء بكل أشاره:i121
لاحولا ولاقوة الا بالله..!

احمدي الله على ما أنتِ عليه من نعمة ..

وتصدقي فهناك .. يوم لا ينفع مال ولا بنون إلا من أتى الله بقلب سليم ..

الجمعيات الخيرية لا تستقبل كل الحالات .. وأنتِ تصدقي وكل على نيته ..

صحيح وقد ضبط عدد من الرجال الاجانب بملابس نسائية

ان الصدقة بهذه الطريقة لها ضرر كبير ومدخل لضعفاء النفوس وايظاً تطفل على اصحاب السيارات وقد ينتج من هذه الطريقة دهس وصدام وتحرش

انا احمل الدولة السبب في انتشار هذه الظاهرة ويجب الحد منها ومحاسبة المتلاعبين ومساعدة المساكين

صح هناك فقر
ولكن هناك شركات توظف مستولين

لا مو فقر الحمد لله



هذولي السوريات الله ياخذهن ان شاء الله اشغولونا انا اختك من سوريا بدي مساعده تهي تهي تهي حسبي الله عليهم حاسوا دولتنا الله ياخذهن ان شاء الله

احمدي الله على ما أنتِ عليه من نعمة ..

وتصدقي فهناك .. يوم لا ينفع مال ولا بنون إلا من أتى الله بقلب سليم ..

الجمعيات الخيرية لا تستقبل كل الحالات .. وأنتِ تصدقي وكل على نيته ..
.

اخ mezzo
اولا احمد ربك على مانت عليه الضاهر منت متابع الاخبار

وش مخليك تضمن الحياه الكريمه ترا هذولا ما توقعوا ولا نص بالميه انه يكون فيه حرب عندهم

ثانيا لو كانوا سورين الله لا يولومهم الدوله ما تقدر عليم ولا يقدرون يتوضفون من وين يعيشون

ثانيا المفروض تدعيلهم وتنار لهم بعين ألرحمه متى كانت ارض الله حكرا لك لأنهم انسان ومسلمين.

وأخيرا لازم نتعرض به المشاهد ذي ونحمد الله ونشكره ع النعم اللي من هو علينا فقط دون سواه

هالمناضر ما تفوت على صاحب القلب الحي

الي يدري يدري والي ما يدري ينام بدري

هذا كلامك بدل ماتدعي لهم تدعي عليهم..؟!

ﻵأشره عليك فكلامك يدل على صغر سنك وجهلك

اللهم انصر اخواننا في سوريا على الطاغية واعوانه
اللهم امين

تصدقو وأحتسبو الأجر

(( وعلى نياتكم ترزقون ))

أكيد هناك فقر ولاكن ليس هم من يتسولون

هذي عصابات تمارس مهنة التسول

ولي معرفة في إدارة التسول يقول ان احد المتسولين كان يدخل في اليوم من 500 إلى 800 في اليوم الواحد

يعني نحسبها في الشهر بحدود 500 يكون 15000 ريال شهريا

وانا اناشدكم من يريد ان يتصدق فعندك الجمعيات الخيرية

او اسأل عن عائلة محتاجه

والله والله والله اني اعرف اسر محتاجه لا تطلب المال ابدا من شدة الحياء

وهذا من وصى النبي صلى الله علية وسلم بهم

وجزاك الله خير اختي على طرح الموضوع القيم

بسم الله علي اكلتون
انا ما قلت شي يا ابو ربى نعم انا اعطيهم واتصدق
بس اقول يعني بدل مايعرضون انفسهم واطفالهم الاخطار يشرحون وضعهم للجمعيات ولا راح يقصرون معاهم؟؟
ومشكووورين عالرد

ي شيخ وحنا وش علينا منهم هم ينضرون وحنا نبتلش والله حاله

أغلب المتسولين ليسوا من بريدة.............

وعموما هي ظاهرة ينبغي علاجها.........

أول مره أشوف سعودي يسب السوريات ذذ

----

أي والله هذي الظاهرة منتشرة ب المررره
والله أحياناً نخاف نعطيهم يمقن يصيرون مع الأرهابيين ؟!

مشكورة ي أختي على الموضوع :41

اللي يقول انها عصابه وخربطه ما جرب الفقر

الحين فيه ناس عندهم رواتب شهريه 5000 ريال ومو قادرين يصرفون على بيتهم يعني فقررررررررررررر
حنا في فقررررررر وحنا اغنى دوله المفروض بدل ما يكون هناك تبرع للدول يصير تبرع للشعب
الرواتب من عام 1406 الى السنه ارتفعت تقريبا 30%
وبالنسبه لارتفاعات السلع اقل ارتفاع 200% من نفس العام

يعني باختصار راتبك اذا لك راتب مو لك تاخذه نهاية الشهر وترجعه لهم بعشرين يوم

والجمعيات واللي تقول اغلب اللي فيها التجار بالواسطه
والفقراء مالهم الا الضعوي ما فيه امل ياخذون تلقى الضعيف يمرمطونه من كثر الطلبات لحد ما يمل وينقهر ويخليهم

يعني المفروض الحين الدوله تفعل وزارة التجارة وتحدد الاسعار وبعدها يتم رفع رواتب الموظفين واللي ياخذون من الضمان الاجتماعي والجمعيات الى 50%
واي احد من التجار يرفع سعر اي شي لو نص ريال يغرم 100000 ريال ويعطى انذار وبكذا تنحل الامور

بس اذا ناظرت المستفيد من الارتفاعات كله اغلبهم من المسئولين يعني صبه واحقنه