|
لسالكي طريق الدائري الشرقي والرياض .. إحذروا من هذه المحطة...!!!
لسكان بريدة والقصيم والمتوجهين إلى الرياض..
وعند تعبئتهم من آخر محطة في الدائري الشرقي في بريدة قبل أن تسلك طريق الرياض (محطة الر**** والع***)..والتي تزدحم بالمسافرين.. إحذروا من العمالة التي تتولى تعبئة البنزين وطرقهم الخفية في الغش.. قبل مدة قمت بالتعبئة من عندهم بسيارة جمس ، وحين انتهى من التعبئة أخبرني العامل بعدم وجود غطاء البنزين الخاص بسيارتي.. وأنه مفقود قبل أن يقوم بالتعبئة..تضايقت ووو ،، وبعد قليل أخبرني أنه يوجد لديه غطاء بنزين لسيارة مفقودة قد يركب على سيارتي.. وبالفعل أحضر الغطاء وكأنه مفصل تفصال على سيارتي :i125،، بما لا يدع مجالاً للشك أنه غطاء سيارتي ،، :( اشتريته منهم بعشرة ريالات وتوكلت على الله. : 12 ، الغش الآخر قبل أسبوع ،، سيارتي إذا ناتعت وكانت فاااضية.. أعبيها بنزين91 بثلاثين ريال إننن طق بوزها 31 ريال.. قبل اسبوع سيارتي فيها ربع التانكي،، وحين انتهت التعبئة طلب مني 36 ريال...!!! :eek: لاحظوا إن سيارتي مستحيل توصل لهذا السعر ،، كيف وإن كان فيها فوق الربع..!! :confused: رفضت إعطاء العامل لسببين ،، ليقيني بوجود غش :i121 ،، والموقف السابق لنفس المحطة والعمالة ،، دعم الموقف اللاحق.. :d العامل وبدون تردد قال: ممكن طرنبة خربان..أنت جيب فلوس موزاتس - مزاج - أنت.. :cool: حاسبته ومشيت.. .. والله ليس القصد الإضرار بأصحاب المحطة ,, ولا قطع رزق المسلم.. وأنا أساساً ما أحس إني مسكت خط الرياض حتى أعبي من هذي المحطة. وليس القصد ملاحق ريال والا ريالين ،، والا جمع ريال وريالين.. ولكن كما قال الفاروق ابن الخطاب رضي الله عنه: لستُ بالخِبِّ ، و لا الخِبُّ يخدعُني .. وبعدين أرمي أموالي في نار أو أمزقها مع حرمة هذا العمل لكنه مالي ،، ولكن ما نسمح لعمالة تستغفلنا وتستغل طيبتنا أو انشغالنا أو أو أو.. ;) أحرصوا بارك الله فيكم..واقطعوا سبل النصب والاحتيال..وتأكدوا من تصفير عداد طرمبة بنزين المحطة.. (f) وما قاموا بهذا العمل إلا لأن بنزين 91 أرخص من الماء ،، وهو الشئ الوحيد اللي مستحيل تغش فيه العمالة وتخلطه بماء.. وهو الشئ الوحيد اللي تستخدمه وانت ضامن جودته ،، الله يديم الرخص ،، ويحفظ ديننا وأعراضنا وأمننا وأعمارنا وأموالنا.. (f) * الموقفين حصلت لي شخصياً ،، وسمعت طراطيش حكي إنه شئ دارج في هالمحطة .. :S والله على ما أقول شهيد.. |
شاهد الموضوع هذا وسوف تجد رد بطريقة حساب اللترات |
(محطة الر**** والع***) وراه ماتقوله ؟ وش خايف منه . وتراني للحين ماعرفت المحطه
|
عاجل جدا
مشكور على غيرتك
ولا تنسون كذلك المحطة االي بعد دوار السادة باتجاه الجنوب حطو عيونكم على طرنمة البنزين |
أخوي جحا
الظاهر والله أعلم أن البنقاليه اللي بالمحطة مايسوون شي الأ لاشافو شكل الواحد هو طرمبه والا شنب بس شكلك انت من النوع اللي تقول عب وتحط رجلك للبقاله وتجي وتحاسب وبالصدفه بعد مالعبو عليك مرتين طحت بهم هاذي المحطة من عهد قريش والناس عارفين اللعب اللي فيها والاستغلال |
اخي نفس المحطه هذي قبل فتره انا اعبي موتري ان طق بوزه 37ريال تفاجأت يقول تقريباً 43ريال والله غريبه والغلط مني انا لاني فتحت الغطا ودخلت البقاله.. يعني يفرق ريال مو مشكله لاكن 6ريال هذي فيها شك:mad:
في الاول شكيت في الموضوع ومشيت وانا اقول كيف :confused: وبعد فتره عبيت من محطه ثانيه وتأكد انه سارقني لاكن تحسبت رب العالمين |
التشهير بأي محطة هو اللي بيدينا لان وزارة التجارة لاتقبل شكوى دون وجود دليل مادي
|
إلا إلى الحين بقاله هالمحطه مليانه ذبان وحوسه والماء حقهم حار |
محطة الرشودي ليه الخوف
|
وصار لي مشكله مع البنقالي من ناحية التلعب بسعر البنزين ...وسويت له غسيل شراع
|
اية كلامكم صحيح احذرو من المحطة واتمنا ان يثبت الموضوع
و اسسم المحطة الرشودي |
الحذر واجب من أغلب العمالة الذين في المحطات فحيلهم متعددة......
وليس معنى هذا إساءة الظن بالجميع.......... |
\
أكمل الفراغات التالية ؟! (محطة الر**** والع***) .. توضيح : هذه المحطات تزدحم بالمسافرين .. هههههههه كل المحطات اللي على الطرق السريعه تزدحم على المسافرين .. نبي أسم المحطه ولا ترى الموضوع ماله فايدهـ .. |
محيطه الرشودي آخر محطه بالدائري الشرقي نصاب وحرامي احذروا منه.
|
.
المال السايب يعلم السرقة كما يقول المصريون . لاتختبر فقر الناس وحاجتهم فلربما لو كنت فقيراً مثلهم لأصبحت اسوأ . لذلك لاتساعد الشيطان عليهم واجلس عند سيارتك حتى ينتهي . بعد تأكدك من تصفير عداد مكينة المحطة . قبل فترة أحضر لي صديقي مصري فواتير ( فارغة ) يقول انها تباع وموجودة بحوزة العمالة . والسعودي اللي عامل فيها ذكي يطلب فواتير على شراء مواد بواسطة العمالة . فيذهب العامل السوري أو الباكستاني إلى زميله في محلات مواد البناء ليعبيء الفاتورة الفارغة ويتقاسمون فارق السعر . الكل يسرق بطريقته وليس الأمر متوقف على بنغالي بمحطة بنزين . إذا الدور دورك ألا يسرقك أحد فالمجتمع ليس طوباوياً . . |
اقتباس:
ماني خايف ولا شئ ،، بس يقالي أبستر على المحطة لاجل ما يدرعم نفر ويقول: تتقصدهم.. إسم المحطة: محطة الرشودي والعميم.. آخر محطة قبل تمسك خط الرياض.. |
اقتباس:
ثانياً: أصور لك شنبي..؟ ( على فكرة تراه موب مقياس رجولة وعنترة ) ثالثاُ: في كلا الحالتين كنت جالساً في سيارتي.. رابعاً: النبي عليه الصلاة والسلام يقول: ( لا يلدغ المؤمن من جحر مرتين ) ،، يعني نسبة الخطأ المرة الأولى وارد ، ولابد من حسن الظن ،، وعند تكرار الأمر يحصل اليقين بحتمية الخطأ أو التلاعب. خامساً: إذا كنت عارف من عهد قريش ليش ما كتبت وحذرت لاجل تفيد اخوك المسلم ، هههههههههههه وجازت لي قريش.. حسستني ان ابو لهب يفلل اليوكن عنده.. :d |
اقتباس:
خبرك عتيييييييييق ،، لاااااا حطوا فريز.. :41 بس انه سروق بنزين :( |
اقتباس:
لالا المحطة اللي قبلها اللي عند سوق الغنم - وانت بكرامة - ميب زحمة .. لكنها محطة الرشودي والعميم ،، آخر محطة قبل تمسك الخط.. |
السلام عليكم اخ جحا .. ارجو ان ترسل لي اسم المحطه بالكامل لاني اشك في اسم معين في راسي ولاني اعمل في مجال نقل المحروقات لمحطات البنزين و عندي معرفه لاغلب محطات القصيم عموما و هذه المحطه اذا كانت الي في بالي فانا اعلم مالكيها وهم اناس محترمون جدا و انا بوصل شكواك ليهم راسا وبخصوص الخلط بالماء انت طيب هههههه حصلت في ازمه تم الخلط لكن ب 95 و في سيارات خربت كمان ..! في انتظارك :d:d
|
باااس شوفت ردك الرشودي الي بعد كوبري الجامعه 22 مخرج علي اليمين قبل ما تروح الرياض او المدينه خلاص هاكلمهم بكره ان شاء الله ابشر
|
وانتبهو من محطة الصيعرى الي على طريق الربيعيه الي بعد تقاطع هرفي فيه هندي نصاب لاكن انتقمت منه خير انتقام السالفه
يوم من الايام دخلت البقاله وقلت للهندي عبي فل واعرف سيارتي اذا غلبت الروم ماتاخذ 27 ريال 91 ويوم طلعت قال 34 ريال قلت معصي قال شوف مكينه المهم سويت صجه بالمحطه وتجمهرو الي يحبون الاشراف وادق على الدوريات وتجي الدوريات قلت السالفه قال ياخي هذا من اختصاص التجاره قلت ماعرف تجاره ماعرف الا انتم وترى ها الهندي بطقه الى يشوف نجوم الظهر المهم تدخل واحد من الاخوان الي يتفرجون قال انا ادفع الفرق قلت بسلامتك لاكن اتمني انه يتربى اثناء الجمهره والصجه جاني راعي البقاله وعطاني جواله وكان على الخط صاحب المحطه وتاسف وقال لاتدفع ولا ريال وبخصم المبلغ من العامل الحين كل ماجيت للمحطه اقول عبي فل ياحرامي وادخل البقاله حتي لو ماابي شي |
| الساعة الآن +4: 01:25 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.