|
دعوة لمقاطعة مطاعم سيلانا للسندويتش لزيادة الأسعار من 50-60%
كما في الموضوع دعوة لمقاطعة مطاعم سيلانا للسندويتش لزيادة الأسعار من 50-60%
ذهبت لمطعم سيلانا الواقع غرب عماير الراجحي وجامع الراجحي وتفاجأت برفعه الاسعار بشيء لايوصف , ألهذا الحد وصل الأستهتار بالمواطن المسكين قاطعوهم لتأديبهم حتى يرجعوا لأسعارهم السابقة مو معقول نسكت هكذا .. ارجو النشر في المنتديات والواتساب والتويتر والتشهير بمن يرفع الأسعار .. وكل ذلك لمصلحة المواطن المغلوب على أمره ، لنقف يداً واحدة ، وفق الله الجميع للمعلومية يوجد فرع ثاني لسيلانا بشارع القناة بالقرب من قصر أفراح الأمراء ونفس الأسعار.. |
السلام عليكم كيف الحال اخباركم لو فيكم خير قاطعوا ماكدونالدزوكنتاكي وهادرديز هذالوي المطاعم الوسخه والقذره هذا من ولد الديره المفروض تشجعه وتعينه وتدعيله يمكن رافع عليه الاجار .إلمتس لاخوك العذر وشكرآ
|
اقتباس:
حبيبنا بالنسبة لي لم يسبق لي أن اشتريت من هذه المطاعم التي ذكرت، لكن ابن بلدي هل يحق له رفع السعر ، وليس رفع عادي يعني تخيل بيض مقلي ب3 ريال وش دعوى وين حنا ، نرجو المقاطعة لتأديبه ، وردعاً لأمثاله. |
اقتباس:
صحيح أخي أنا معك قلبا وقالبا.. أبوعبدالعزيز ليس هو من رفع السعر فقط فكثير رفعوا سعرهم أيضا هذا أولا وثانيا أنا معك فأنا أقول أن تكون على الجميع المقاطعة فلا إبن البلد وﻵ إبن اﻷمريكان يحظى بمثل هذا بوركتم |
يازين صامولي السلمان مع جبن ندى بريال ونصف والحمدلله والشكر اللهم ادمها نعمه
|
غير صحيح
البيض المقلي بريالين من قالك ثلاثة
إلا إذا تبي إضافة جبن يكون بثلاثة |
حبايبي
صحيح كلُ قد رفع الأسعار ولكني أقيس على البوفيهات فأسعارها لاتزال معروفة لم ترتفع كهذا الإرتفاع لدى سيلانا |
اقتباس:
فيبقى جونا افضل |
احنا معك ويليت كل واحد يشتري من المطعم هذا يبعد عنه واكيد فيه بديل
|
اقتباس:
نريد ان نوصل له العبارة ا(رجع لاسعارك لنرجع لك) ووالله اني ارتاح لما اشتري من عندهم لكن بعد هذا الاستغلال لا والف لا.. قال لي احد الاعضاء ان صاحبه طيب وصاحب خلق . واقول له طيبته واخلاقه لنفسه اما من ناحية استغلالنا كمستهلكين رجاءً معليش .. شكراً لكم اتمنى ان تصله عباراتي ليراجع نفسه .. وفق الهه الجميع |
انا موظف ببريدة وأقول أحمدوا ربكم على النعمة سيلانا طلبنا أكثر من مره انه يفتح فرع بالمدينة الي ساكن فيها فطور يفتح النفس ونظافة وساندوتش تجيك مليانة وطعم صح وأنا زبون شبه يومي له والزيادة على الدجاج والتونة وإضافة الجبن فقط وهاذي معه حق كلها مرتفع سعرها
عطونا بوفيه تفتح النفس مثل سيلانا |
بعدين هو له تقريباً خمس سنوات ليه توه يرتفع سعره الا انه ارتفعت عليه الأسعار زي ما أرتفعت علينا هو يشتغل عشان يكسب بعد ماهو فاتح جمعية بر مثلاً ونفس الساندوتشات ناخذها بالليل من مطاعم بطريقة مختلفة قليلاً ب ١٥ و ١٦ ريال
|
اهلين ابو عبدالعزيز ... إن كانت كتابتك من أجل الصالح العام فلك جزيل الشكر وإن كانت لأهداف شخصية .. فعلى نياتكم ترزقون
حبيبي أنا كنت أعمل لدى سيلانا والحمدلله الآن أستقليت بنشاط خاص فيني وكل ذلك بفضل الله ثم دعم المشرف على سيلانا وهو رجل خير ولا فيه حسد ورجل واقف على شغله ويكفي انه عنده موظف سعودي خاص بشراء الأغراض وموظف آخر فني سلامة أغذية براتب 3000 لكل شخص عزيزي الزيادة لا تتخبط فيها وتكتب 60٪ لإثارة الموضوع الزيادة فقط على الدجاج والتونة والخلط بين صنفين أو إضافة جبن من ريالين الى ثلاثة ريال وأما باقي الأصناف وهي 23 صنف باقية على سعرها السابق ريالين وأظن تعرف الزيادة على الدجاج والتونة والجبن لا يخفى عليك والذي أتمنى تسخير قلمك للتجار الكبار الذين هم بيدهم الأمور وما سيلانا إلا المورد الأخير للعملاء .. والذي أعرف انهم قرابة 10 اشهر يواجهون خسائرهم بالصبر لعل الأسعار تنخفض دون جدوى ليتك تسأل أحد من طلاب كلية القصيم الأهلية ومعاناتهم بعد ترك سيلانا لهم .. سيلانا لديهم عمالة متخصصة بإزالة حشوة العجين من داخل الساندوتش وهذا يكلف حشوة أكثر وكذلك تنتقي أفضل الشركات المنتجة لوجباتها من ما يكون الفرق يصل ٤٠٪ علاوة على رفع أسعارهم وكذلك إشراف مباشر عن طريق كميرات المراقبة لمتابعة الجودة والنظافة ولله الحمد حتى مراقبي البلدية تجدهم يفطرون فيها لأنهم يعلمون جيداً ما تقدمه سيلانا واهتمامهم بالجودة والنظافة عذراً سيلانا لباحثي الجودة والذوق الرفيع والنظافة أما غير ذلك فا بوفيات الهنود والبنقال تنتشر بكل مكان وترحب بهم .. تنبية : أيضاً تم إفتتاح فرع طريق النهضة الأسبوع الماضي مقابل شقق تنوفاء ومحلات تأجير السيارات .. "" وعلى نياتكم ترزقون "" |
اقتباس:
أقسم بالله إن نيتي للصالح العام وليس لدي أي غرض شخصي ولكن احسب معي انا أخذت منه ثلاث سندوتشات وهي كالتالي: بيض مقلي بالجبن وكوكتيل دجاج وتونة وسفن أب وماء صغير وحسبهن بــ 12 ريال وأقسم بالله تفاجأت لما ارجع الباقي أخذ زيادة اربع ريال عن السعر السابق ، طيب بحسبة بسيطة كانت السندويتش بريالين وصارت بثلاثة هالزيادة 50٪ ويظهر ان فيه زيادة برضه الى 60٪ ببعض الأصناف لانه أخذ على السندويتش فقط 10 ريال ، لا أعلم كيف ان كان البيض بريالين فالتونة والدجال على اربعه وبتكون الزيادة ليست 50 ولا 60 بالمية بل 100٪ لانه اخذ دبل . انا قصدي إنه يرجع لأسعاره السابقه لكي لايخسر زبائنه ، هذا والله قصدي ، ووالله أنني معجب كثير به لكنه فاجأني ، بالتوفيق للجميع. عموماً التنبيه الاخير انكم فاتحين فرع في الشمال غريب .. اجل تراك لست من العاملين ولا لك علاقة بصاحبه .. كفيت ووفيت |
اقتباس:
وإلا لما كان عملاء سيلانا رؤساء دوائر وظباط بعقود شهرية والله من وراء القصد ... |
عموماً التنبيه الاخير انكم فاتحين فرع في الشمال غريب .. اجل تراك لست من العاملين ولا لك علاقة بصاحبه .. كفيت ووفيت[/quote]
نعم انا كنت من العاملين واظن اني كاتب ذلك .. ولي الشرف بعلاقتي مع صاحبه وأنا أرد لأني أعرف كل صغيرة عن سيلانا وليس ذلك بخطاء أن أرد لتتضح الصورة للجميع فهناك وجبات أخرى تريد أن ترتقي على حساب سيلانا .. هل كتبت عن مقاطعة الدجاج عندما ارتفع سعره هل كتبت عن أي تاجر مورد للمواد الغذائية والذي لم يوجد أحد منهم إلا رفع سعره بيض مقلي 2 إضافة جبن 1 كوكتيل دجاج 3 وليس 4 تونة 3 وليس 4 |
اقتباس:
هل كتبت عن مقاطعة الدجاج عندما ارتفع سعره هل كتبت عن أي تاجر مورد للمواد الغذائية والذي لم يوجد أحد منهم إلا رفع سعره[/quote] عموماً سواء تعمل عنده أو حتى أنت صاحبه لايعنيني . أنا كتبت هنا لأبين لمن لايعلم ليقاطعة حتى يرجع لسعره السابق ويكون مثلاً لما يماثله من البوفيات ، ولايكون قدوةً سيئة برفع الأسعار . اما أني لم اكتب لمقاطعة الدجاج أو التجار ، أنا اقول لك البوفيات الأخرى هل دجاجهم وبيضهم وجبنهم وتونتهم تأتي من المريخ مثلاً ؟؟ لماذا لم يرفعوا ..، أما ماتقول من نظافة ولا تريدني أقارنها بغيرها ففيه أفضل من سيلانا ديكور ونظافه طبعاً هذا الذي نشاهده .. وهل يمكننا أن ندخل داخل البوفية لنرى الدواهي .. سواء هي أو غيرها .. وإلا كما قال المثل ( كلٍ يمدح بقله) اللي ارغب هو أن تصل رسالتي ، وأقسم بالله العظيم ثلاثاً أنني لست صاحب محل ولا بوفيه لكي ارتقي على حساب مطعمكم كما ذكرت أنت بعالية ، وإنما أنا من زبائنكم وغضبت حينما رأيت هذا الإرتفاع ، ووالله لم اكتبه إلا لمناصرة إخواني على من يريد استغلالهم سواء تاجر أو صاحب محل، والله أسأل أن يوفق الجميع ، والله من وراء القصد . |
ههههههههه ابو عبدالعزيز ماذا يعني لك يوم " الجمعة "
ما دام فيه أفضل من سيلانا لماذا لا تذهب إليها اللهم لا حسد تذكر جيداً يوم الجمعة ماذا يعني لك |
اقتباس:
مالذي تريد بالضبط من هالسؤال؟؟؟ لاتصير بس مشبه والله مستعد اقابلت وجها لوجه ,, ماعندي مشكلة لمعلوميتك تراي جاد بالموضوع لاتقعد تلف وتدور .. الا ماتقولي وش محرقٍ رزك . وش دخلك فيه الا اذا انت صاحبه فهذا شيء ثاني . خله يتأدب مثله مثل غيره . تراي لازلت مقاطع للمراعي أنا موظف وأستطيع لكن لعب التجار على هالمساكين مانبيه يمشي علينا والله يشهد على كلامي ولاهنا الا اللي كاتب الله ، الارزاق موزعه العزيز الحكيم |
دخلني فيه الحساد الي يفتحون مثل سيلانا ويفشلون ولو نجح الله يرزقه من واسع فضله ولكن ما يحاول يغري العمال يسافرون عشان تجي تشتغل معهم وماهم قادرين
ولا تكذب تقول الدجاج ب ٤ الدجاج والتونة ب ٣ والبيض بنفس السعر ٢ وليتك تقاط ببسي الي يدعم اليهود فقد رفع ٥٠٪ الرازق بالسماء والحاسد بالأرض |
شكرا أبوعبدالعزيز مع اني من زبائن هذا المطعم وللأمانه شغلهم نظيف وتعاملهم راقي ولكن مدام رفع السعر نقاطعه والبديل كثير واللي يقول البيض المقلي بريالين عند المقاصف الثانية احب اقول لا بريال ومع الجبن بريالين لنقاطع سيلانا حتى يعود إلى رشده |
اقتباس:
اسمع إذا يرضيك الحلف أقسم بالذي رفع السماوات بغير عمد أنني لا أملك أي محل تجاري لامطعم ولا بوفيه ولا تموينات ولا حتى مغسلة ... وأن مهنتي مسجلة موظف حكومي ..ووالله ليس لي بهذا الكلام الا حرصاً على اخواننا من هؤلاء التجار واصحاب المحلات فقد والله آذونا برفعهم الاسعار وقتلونا شر قتله كل من فتح له محل وسمع فلان رفع راح ورفع أليس بهم رجل رشيد ولا بس همهم القحش ولا همهم المواطن المسلم ولا بالطقاق .. ياخي الا يكفيه المكسب ضعفا ً ياخي المقلي على فرض انه بريال وطبق البيض قل 15 ريال والصامولي 6 ريال احسب معي خمس اكياس صامولي بخمس ريال والبيضة الوحدة بصامولية بريال 5 اكياس صامولي فيهن 30 صامولية يعني عشرين قل 22 مع زيت وملح هذي مكسب 8 ريال على فرض انه بريال واحد مو رفيقك بريالين . وبجبن ب3 وعند غيره بريال وبجبن بريالين.. عموماً انظر: اشتريت منهم بيض مقلي بالجبن المبشور كوكتيل دجاج تونة سفن اب وماء صغير واعطيتهم 50 ريال وارجع لي 38 ريال يعني اخذ 12 ريال كيف تجي ياعزيزي يالله حللها لي،، .. اقسم بالله أنني اريد الحق وهذا ماحصل والله شهيد على ذلك .. والله يرزق الجميع بغير الاضرار بإخوانه المسلمين .. يهمني مقاطعتكم حتى ترجعوا لسابق عهدكم هذا ما أتمنى.. |
يازين حسبتك ابو عبدالعزيز
طبق ب 15 وصامولي ب 5 وزيت ب 2 والمكسب 8 وين راح الغاز ورق الساندوتش الاكياس وراتب العامل وإيجار المحل والكهرب وإقامات العمال الي ضاعفتها وزارة العمل 10 مرات ايجار سكن العمال رسوم البلدية رسوم التأمين الطبي الإلزامي رسوم التأمينات الإجتماعية رسوم وزارة التجارة رسوم الغرفة التجارية رسوم الجوازات راتب فني سلامة الأغذية 3000 راتب مختص تأمين الأغراض 3000 كلاهم سعوديين من نظري وعلمي ليس من العادل لمن ينصف الناس مقارنته بعامل فاتح له بزاوية شغال لحسابه لوتطلع على دفتر البلدية لوجدت المصايب ناهيك عن طريقة بعضهم بشراء الدجاج قريب انتهاء الصلاحية بنصف السعر وغيره من المواد إذا كان غير سيلانا يبيعها بريالين بالجبن أنا بتحداك وروح بكرا وع حسابي وقارن بين حشوة سيلانا وغيرها من البوفيات إذا ما كانت حشوة سيلانا تعادل ساندوتشتين عن غيرة أنا من سيقوم بحملة مقاطعتة دون النظر الي نظافته وجودته قسماً لأقوم أنا بالإعلان في باقي المنتديات لمقاطعته أنا يغيضني عندما ينجح شخص من أبناء البلد ويكون واقف على شغله ومتابع له وجميع المدن الاخرى والكليات تطلبه بالاسم لفتح فروع فيها يتم محاربته من قبل اهل الديره نفسها .. اسئلك ابو عبدالعزيز قبل ان تكتب هل كلمت صاحبها واخذت منه شخصياً الاسباب ام على طول وجدتها فرصة لتكتب بالمنتديات والله لو كان مأجرها للعمال وشغالين لحسابهم والله لن تجد من يتكلم وللعلم لن يستخدموا الجودة التي هوا يستخدمها من اجل الحصول على اكبر هامش من الربح تحياتي |
خذه قاعدة أى محل أو مطعم
عليه زبائن تراؤه بيرفع الأسعار |
يا ابوعبدالعزيز الغالي
اشكرك على تفاعلك لكن لم نجد افضل ولاانظف من هذا المطعم شندويش نظيف ومليان وطازج إذا ما اعجبك السعر ابحث عن ارخص وتشوف انك بترجع للبحث عن النظافة وما راح تناظر للسعر وسوف ترى الفرق بكل شيء وشكراً |
انا معك رافع اسعاره عن غيره وش معنى كل المقاصف سعرهم واحد الى انت الدجاج و البيض الي يجيبهم غير يعني |
اقتباس:
كل المقاصف لم تزد في الاسعار الا هو وماسوى كذا الا بيفتح باب للمقاصف الأخرى لترفع مثله ولكن لو يقاطع لرجع لسعره الأصلي كما فُعل بشركة المراعي حينما قوطعت رجعت .. الله الله بالمقاطعة |
المقاطعة الإقتصادية لأعداء الإسلام مشروعة بلا شك، وأحيانا تكون واجبة حسب الحال، لكن ما الحل إذا كان هناك تجار من المسلمين أعماهم الطمع ، وغرر بهم الجشع فضيقوا على عباد الله برفع الأسعار؟ الحل هو في مقاطعتهم بعدم الشراء منهم حتى يعودوا إلى صوابهم ورشدهم، فالناس يجب أن يبادورا إلى حفظ مصالحهم ولا ينتظروا من الدولة أن تعمل كل شيء لهم، وفي عهد الفاروق عمر بن الخطاب رضي الله عنه قام تجار اللحم برفع سعره من غيرسبب لتكثر أرباحهم، فذهب وفدٌ إلى الفاروق يطلب منه التدخل لتخفيض الأسعار فقالوا له: غلا اللحم فسعره لنا.. فقال الفاروق الرشيد: (أرخصوه أنتم!).. فقالوا: نحن نشتكي غلاء السعر واللحم عند الجزارين ونحن أصحاب الحاجة فتقول : أرخصوه أنتم!؟ وهل نملكه حتى نرخصه؟! فقال الفاروق: (أرخصو أنتم).. قالوا: وكيف نرخصه وليس في أيدينا يا أمير المؤمنين؟! قال : اتركوه لهم...........!! فترك الناس شراء اللحم أياما،، وبعد أن تعفن اللحم مع الجزارين أرخصوه مجبورين!! |
سبحان الله
ليه ما قلت قاطعو الببسي اللي يبيعه سيلانا لانه صار بـ ريال و نص ولا ناسي انه مرتفع سعره ؟؟ ناسي ان المواد الغذائية ارتفع سعرها و وش ذنب البوفيه ؟؟؟ و وجهة نظري ادفع زيادة بس اضمن شي نظيف موب مثل باقي او خلنا نقول اغلب البوفيات ما تدري من الاساس كيف تحضير الاكل بالمطبخ و كيف تم حفظها ;) بعكس سيلانا تشوفه قدام عينك يطبخون |
ابو عبدالعزيز انت تقول قاطعوه لانه زود ريال او ريالين وموضوع تو موجود ناس تتعشى وتتغدى بابل بيز ب 500 وفوق فما تبي ذا المسكين يزود الاسعار وبعدين اللي ايديه بالنار مب زي اللي ايديه بالماء افتح مطعم وحط اسعار رخيصه لكن مب تنام وتقطع رزق الرجال بموضوع تافه زي ذا الموضوع وبعدين في بوفيات ثانيه اسعاره غاليه ولا منغث لانه صاحب المحل يجيه رزق
|
اقتباس:
أتمنى أن تكون رسالتي وصلت وشاكر للجميع ردودهم وآرائهم. |
الدجاج من حقه يرفعه أما التونه ماله اي حق يرفعه لأن أسعارهن ما أرتفعت
أما بالنسبه للبيض فسعره مبالغ فيه جدا على الأقل المفروض مع جبن أو بدون بريالين فهل يعقل رشة جبن مبشور تكلف ريال والكل يعرف ان الجبن البلك نص تكلفة الشرايح |
شكرا لك يابوعبدالعزيز على هذا الموضوع الرائع , فعلا لازم نقاطع سيلانا
امس رحت له وطلبت 2 دجاج مع الجبن طلع لي بثمانيه !!! معقوله لهالدرجه رفعوا الاسعار !!! يارجل اروح لبوفيه واطلب 2 دجاج يطلع لي باربعه واربعه اخليها في جيبي , المقاااااااااااطعه ولا شي غير المقااااطعه !! |
اقتباس:
|
ابو عبدالعزيز انت تقول قاطعوه لانه زود ريال او ريالين وموضوع تو موجود ناس تتعشى وتتغدى بابل بيز ب 500 وفوق فما تبي ذا المسكين يزود الاسعار وبعدين اللي ايديه بالنار مب زي اللي ايديه بالماء افتح مطعم وحط اسعار رخيصه لكن مب تنام وتقطع رزق الرجال بموضوع تافه زي ذا الموضوع وبعدين في بوفيات ثانيه اسعاره غاليه ولا منغث لانه صاحب المحل يجيه رزق
|
شاي بالحليب من عرفت الدنيا وهو بريال .. كيف صار بريالين؟
سجل واحد مقاطع. ولا يهمك اللي يشاغبون ويبررون .. هذولا إما دراهمهم كثيرة .. أو يعرفون صاحب المطعم. والمشكلة ليست في سيلان وحدة .. لكن سيكون مبرر لمطاعم أخرى أن ترفع أسعارها. |
ياجماعة الخير تراكم اخذتو الموضوع اكبر من حجمه ياخي خله يرفع الأسعار ... هو ابخص بأسعاره اذا فيكم خير اللي يبارك فيكم ان شاء الله تقاطعون المطاعم الأجنبية مثل كنتاكي وماكدونالدز وغيرها من المطاعم وبعدين اذا انتم معترضين على رفع الاسعار من هذا المطعم صدقوني انه مارفعها من راسه رفعها بسبب ان الأغراض غاليه عندك مثلا طبق البيض 15 ريال. والتونه بـ 6 ريال وغيره وغيره وبكذا طبيعي ان سعر المطعم راح يرتفع مشكلتنا الآن مع الرووس الكبار وهم التجار ليش ماتحاربونهم لأنهم هم السبب الرئيسي في رفع الأسعار قطع الأرزاق ولا قطع الأعناق .. وصدقوني والله ثم والله اني ما اعرف المطعم ولا صاحبه لكن الموضوع جذبني انكم تقولون له رافع الأسعار قبل كتابة اي موضوع او تعليق ابحث عن سبب المشكله وبعدها يحق لك كتابة اي موضوع خاصة مثل هالمواضيع اللي يترزقون الناس فيها او يكون مصدر رزقهم . نسال الله العظيم ان يرخص اسعارنا وان يغيثنا وان يديم على هذه البلاد الأمن والأمان والصحة في الأبدان انه سميع مجيب الدعاء . وآسف عن الإطاااااااااااااااااالة . |
ياخي اللي يقوول قاطعوا المطاعم الاجنبية
وش دراك عنا عنا انا منب اكل منهم الشي الثاني يعني لصار ولد الديرة نخليه ينهبنا مثلا ياخي انا اللي قاهرنا انه حاط التسعير ومغبيه تحت ويوم جلست اناقشه طلع لي التسعيرة واللي يقول النظافة هم انظف ليش يكشنون بديتول مثلا ولا طباخينهم يتروشون يوميا مافيش حد انظف من حد كل المطاعم بالوساخه مثل بعض ا |
اقتباس:
وزي ماتفضلت ياعزيزي ابن ديرتنا ينهبنا .. وش هالكلام .. خلوها تخيس عنده.. صح صاحب المطعم رجال ومحترم ومستقيم على ما سمعت عنه وراعي خير ولكن يجلس ينهبنا لا ومليون لا... |
| الساعة الآن +4: 05:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.