|
الـطـائـر الـجـوال .. والـغـلا
بسم الله الرحمن الرحيم نحن كعملاء نثق بمن نتعامل معه كـ بعض المحلات التي تعتبرها كبيرة نوعا ما ولكن عشمنا يخيب مع بعض المحلات وثقتنا بها تهتز عندما ينالنا بعض "الغبن" ولو كان يسيرا من هذه المحلات "الطائر الجوال" أسعاره تفرق عن البقية وعلشان أكون دقيق سوف أذكر بعض رأيته بنفسي : 1-جوال جالكسي 3 جديد عندهم زيادة تقريبا عشرة ريال عن غيرهم 2- غطاء لاصق لشاشة بلاستيك الاصلي 40 ريال عندهم وعند ىغيرهم 20 ريال وغير الأصلي عندهم 15 ريال وعند غيرهم 10 ريال 3- تحميل البرامج لجوال اس3 عندهم 50 ريال وعند غيرهم 30 ريال 4- الصيانة عندهم مع الأسف يحدث منهم أخطاء مثلا ركبت عندهم شاشة جوال بسعر 550 ريال ولكنها لم تصلح وعاودهم ولم أفلح لإيجاد حل ومسكت الباب ! وقس على هذا البقية غالبا أسعارهم لا مفاصلة فيها ! وليس لديهم مرونة ببيع وشراء المستعمل وطبعا العميل ليس مجبور يدفع هذه الزيادات وعند المحلات الآخرى يجد الفرق وأنا كـ عميل لهذا المحل اليوم قررت تركه لما سبق ذكره وحتى لا يفقد الكثير من الزبائن أوجه هذه الموضوع كتنبيه لمن يهمه أمر المحل التجارة والكسب أمر مشروع ولا بأس ولكن بالمعقول مع مراعاة الزبائن والدقة بالصيانة والله من وراء القصد |
الصراحة انا اعتبرة محل متكامل ....لكن عليه الغلاء....
|
^ كل ما تجده عنده ستجده عند غيره ولكن الغلا والصيانه تجعلنا نفكر في بديل كعملاء |
لاكن المحل مضمون من ناحية الصيانه
|
اقتباس:
مرحبا فيك اخونا سامي بالنسبه للصيانة عندهم هبلوا فيها وانا ماعندي استعداد ارجع لهم كل اسبوع والثاني علشان خلل في النظام مادري عن المحلات الثانيه ولاكن المفترض انهم يبدلوا الجوال كامل بما انه خلل فني في الجوال ولاكن اكسيوم يستبدل الجوال على طول ولا اعلم عن باقي المحلات مع العلم ان اكسيوم دائما يكون مرتفع سعره |
بعض المحلات لمن تجدد الديكور او تكبر اللوحه او تغير الرخام والسراميك ترفع الاسعار على حساب عملائها بدون تقدير لهم ولا وفآء مفروض يضحون على حساب كسب العميل يسلمو |
اقتباس:
والله لا مضمون ولا شيء شيء صار معي ما أقولك قيل لي مسكوني الباب من غير مطرود بعد ما خسرت أكثر من 500 ريال لشاشة وصاحب المحل على علم بما حدث ومحل آخر أكد أن الخلل في الشاشة !! يعني هذا يدل على أن الصيانه عندهم سيئة أو قطع الغيار عندهم مضروب واحد من الأثنين |
اقتباس:
أي خلل بالجوال الجديد مفروض هم أو غيرهم يستبدلونه ولكن بعض المحلات لا تراعي عملائها وترفض الإستبدال ومن كلامك أنك تتردد عليهم من أجل أصلاح الخلل بالجوال هذا يثبت أن الصيانة لديهم ليست على ما يرام سواء برمجة أو صيانة الله يعوضك خير |
اقتباس:
صدقت أخوي وبارك الله فيك |
يعطيك العافيه قلبي
|
يالحبيب لقى ناس تلعب عليهم وشاف الناس ضغط عليه
فهو زاد السعر |
من ناحية زيادة السعر قد نقول تجاره حره والزياده بسيطه لكن لي رأي خاص لهذا المحل كان عندي جوال نوكيا اجي اركب سماعه اصليه من عندهم اروح اجلس 15 يوم تخرب ثلاث مرات تحصل لي شخصيا من ناحية الصيانه ما آثق بهم وقد سمعت أنهم ياخذون قطع اصليه ويركبون اردى تعرفت على يماني امين وصاحب ذمه مبدع ونصوح وللحين اتعامل معه |
بعض المحلات اذا صار عندهم زبائن كثير يطمعون بس ما يعرفون ان الزبائن مثل ما جت تروح والسوق مايرحم الجشعين انا اشتريت منهم جوال ومن بكره رجعته واشتروه مني بخساره اكثر من 300 ريال مع انه الجهاز ما سويت فيه شي بس شغلته ولا عجبني ورجعته |
اقتباس:
وليش ما يكون العكس الزبون شاف نفسه ملعوب عليه في هذا المحل ويتخذ موقف منه الله يعطيك العافيه |
اقتباس:
فعلا مثل ما قلت تكررت الشكاوي حول الصيانة تقابل شخص ليس له خبرة بالصيانة يستقبل جهازك ويعطيك فاتوره ويذهب فيه لتلك الغرفة حتى دون ان تشرح لهم طبيعه الخراب احيانا عندي شعور انه ما فهم عطل الجوال ومشكلته وعند غالب المحلات تكلم الفني بنفسك وتأخذ وتعطيه معه ويفهم منك وتفهم منه عموما كلامك يثبت ما اشرت إليه من ضعف الصيانة عندهم بوركت |
انا بهدي لصاحب المحل هذه الكلمات
بعد ماربك انطاك علي قمت اتكبر يهل جنحانك اقصار طير ان كان تقدر بالك تهوى وتطيح ريشه انت بوسط ريح واخاف عليك تخسر اللي يتكبر على الناس هم دنياه تذله يمر وقت العسر بيه واصحابه تمله بالك تهوى وتطيح ريشه انت بوسط ريح اللي يضر الناس ينضر بشر مايعلى بالمال باخلاقه يتعلى ولا يتبدل الحال ويدوس على خله بالك تهوى وتطيح ريشه انت بوسط ريح يجيلك يوم تعثر بعد ماربك انطاك علي قمت اتكبر يهل جنحانك اقصار طير ان كان تقدر بالك تهوى وتطيح ريشه انت بوسط ريح واخاف عليك تخسر |
اقتباس:
بالصميم بوركت |
تعاملت معهم بالصيانة وبالشراء الصراحة قمة السوء وازيدكم من الشعر بيت شريت مرة منهم عن طريق الفيزا وزود السعر قلت ليش تزود السعر قال البنك ياخذ الفايدة من المحل قلت له بالفم المليان كذاب مشتريات الفيزا ماياخذ عليها فايدة منك لإني موظف سابق في أحد البنوك وبعد ذلك خصم الفايدة قلت له أجل الدعوى عندك بالمزاج إذا بغيت تزود أو ماتزود . رسالة مني ببصاحب المحل وتأييداً للصاحب الموضوع سأقوم بحمله مفتوحة لتحذير الناس من التعامل مع محلك إلا إذا بعت بسعر السوق واشتغلت بالصيانه صح لإني متعامل معك سيء جداً وتركت عنك أخذ الفوايد وذلك عن طريق إستغفالك للناس عندما يسحبون بالفيزا وفي هذه الحاله سؤقف الحمله . شكرا للصاحب الموضوع |
اعتقد ان اي محل فيه خيارات او بدائل لايهم .. المشكلة عندما يتلاعب بالاسعار بعض المحتكرون
|
الطائر الجوال
قال تعالى :
(( أم يحسدون الناس على ما آتاهم الله من فضله )) لقد شدتني هذه الآية عندما قرأت مقال نشر بالأنترنت عن احد الحاسدين على صاحب محل ببريدة وهو الطائر الجوال اللذي عرف عن صاحبه السماحه واللين بالبيع والشراء واللذي يتميز كذالك عن غيره بضمان إصلاح لمدة عشرة أيام . أما بالنسبه للأسعار فأسعارة مثل السوق إن لم تكن اقل !! فيا من تكتبون اتقوا الله واحذروا من الحسد فإنه يحرق الحسنات ويسبب غضب الله ويطرد من رحمته ... |
ربما بعض المحلات لسمعة المحل التجارية تجلب الناس إليه حتى لو كان سعره مرتفع عن السوق وكثير من الناس يذهب للمحلات المشهورة المعروفة وهو مطمئن لأن ( السمعة التجارية ) هي السبب ولكن من عقله في رأسه يعرف خلاصه ،،، |
كالعاده غالي جداااا ولا احد يتكلم .. المفروض المقاطعه
|
سبق وأن كتبت موضوع مشابه وتم حذفه
|
قاطعوهم
|
الطائر الجوال محل متكامل
والغلا اللي فيه ملاحظ ، لكن مو مشكله لما تحصل حاجتك عنده فقط والمشكله في الصيانه ، واليماني البقطه اللي يستقبل للصيانه ، هذا يبي له معط اذن علشان يوسع صدره مع الزبون ، بالنسبه لي ما راح أمر عليهم للصيانه عشان هاليماني أخاف استاثم به . واللي يقول حسد فيا حبيبي ماسكرنا محله ، الأخ يطرح ملاحظه يشكر عليها ، واهو برضه فرصه لصاحب المحل يضع تلك الملاحظات محل اهتمامه ويحاول تلافيها ويطور مستوى التعامل مع الزبون وإرضاءه قدر المستطاع ليصل لهدفه والسمعة الطيبه ............. |
اقتباس:
والله مشكله نتمنى ان يكونوا على قد الثقه والتصحيح مطلوب حتى لا يخسروا المزيد من الزبائن وخاصه البدائل متوفره شكرا لك |
اقتباس:
في مجال التقنه لا مجال للاحتكار ولهذا من السهوله ان تفقد بعض المحلات زبائنها متى ما ظهر الجشع او ساءت الخدمات المقدمه للعميل شكرا لك |
اقتباس:
حددت في صلب الموضوع ما حصل لي شخصيا ولم اظلم احدا والاعضاء الله يوفقكم ذكروا مواقفهم ايضا فلا ارى ما ترى وقد يكون الموضوع تصحيح لان الزبائن تفكر وتقارن وتحسبها صح فخمسه ريال او عشره او عشرين قد تراها بسيطه ولكن البعض لا يريد ان يخسرها بسهوله شكرا لك |
اقتباس:
لا يفرق مشهور او غير مشهور الخدمات المقدمه والاسعار المناسبه هي التي تفرق عند الزبون شكرا لك |
اقتباس:
صحيح ليش نعطيهم الزياده وعند غيرهم استطيع توفير بعض المال الذي سأدفعه لهم والصيانه اتمنى تواكب سمعتهم وكما ذكرت نحن نذكر بعض الملاحظات تحياتي لك |
السلام عليكم ...
في البدايه بالنسبه لي كانت عندي مشكله في جهاز جالكسي اس 2 في الايسيات واتجهت إلى كذا محل لأصلاحه وكلهم لايملكون الخبره ولا الطريقة ولا حتى عرفو ايش المشكله اللي في الجهاز وكان الجهاز يوجد فيه بيانات وارقام مهمه احتاجها فأتجهت للطائر الجوال قسم الصيانه واستقبلوني بصدر رحب وحددو مشكلة الجهاز بظرف 5 دقائق وقال لي ان مشكلته هي الايسيات وقيمة اصلاحها 80 ريال فوافقت على اصلاحه ولله الحمد رجع الجهاز جديد بظرف ساعه تقريباً ... وبالنسبه لأسعار الأجهزه الجديده لو قارنتها في المحلات الأخرى لوجدت الفرق الكبير وخاصه مكتبة جرير والغلا الفاحش عندهم وغيرهم الكثير ... فوجدت ان الطائر الجوال هو الافضل من ناحية الخدمه والاسعار المناسبه والصيانه الفوريه ... فأنا اتعجب مما تكتبون عن الطائر الجوال فكل ماواجهته منهم منافي قطعياً لما كتب عنه |
حقيقة:
أنا أشوف أسعارهم عادية . لكن المشكلة في الصيانة , وخصوصا فيه يماني سيء الخلق عندهم . وله مشاجرات كثيرة مع زبائن ’ وذلك بعد ما قل دبه معي , فسألت عنه من أصحاب المحل فأخبرني أن هذا اليماني متغطرس جدا . فكلمت صاحب المحل واستقبلني مشكورا بكلمات طيبت خاطري . أنا يعجبني محل ( الكفي ) أسعاره ما هي رخيصة , بس صيانة على قدر كبير من الثقة والأمانة |
اقتباس:
والله يا اخوي اني اخذته منهم جديد ولقيته بالنافوره بمحل قريب منهم وبنفس الضمان وارخص منهم حتى اكسسوارات الجوال غاليه عندهم وجرير معروفه غاليه لكن انا اقارنهم بمحلات بالنافوره وانا كنت مثلك احسبهم الافضل ولكن وجدت اني غلطان شكرا |
اقتباس:
وانا صاحب المحل طيب خاطري وطلعت من المحل بخساره نحن يهمنا ان نجد الاوفر ولا يهمنا سلوك صاحب المحل او البائع وعامل الصيانه اليماني بالنسبه لي كان مؤدب معي جدا ولا اظلمه ولكني لم اجد صيانه ولا قطع غير سليم واسعارهم اذا في اللصقه الشفافه حقت شاشة الجوال يفرق عن غيرهم زيادة خمسة ريال وعشرة سواء في الاصليه او التجاريه فكيف بالباقي؟ شكرا |
| الساعة الآن +4: 01:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.