|
مشروع صغير
السلام عليكم .. موضوعي لـ اهل الخبرة ومن لديه تجربة ناجحة لدي( عشرون ألف ) وأريد ابدأ بمشروع صغير .. من لديه خبرة او معلومة مفيدة يدلني .. ويذكر مالديه . اريد الاستفادة من هذا المبلغ بأي وسيلة ومحتاجة دعم بـ نصائح اوتوجيهات اوأفكار لكم مني الدعاء . *ورجاءً بدون اي عبارات جارحة او تحطيم |
أولاً : الله يبارك لك فيهن ويزيدك من فضله
ثانياً : مبلغك قليل إذا كنت تفكرين بشيء فيه عمالة ، لأن مبلغك سينتهي قبل أن تبدأي .. إذا كان لديك صنعة في يدك من أعمال يدوية أو لديك نفس في الطبخ والحلا فأعتقد أن البداية بمبلغك جيدة فقط تحتاجين لتسويق ، ولا أفضل من المدارس والبازارات واجتماعات الأسر .. وإن لم يكن لديك شيء من ذلك .. فأعتقد أن أول شيء يجب أن فهميه أن عليك الصبر على الربح القليل لحين ارتفاع رأس المال من الأرباح وبإمكانك التوسع .. وبداية أقترح عليك أن تشتري بضاعة تقليد ماركات مثلاً من الرياض وجدة وتبدأي بالبيع بالتجزئة على من حولك وقرايبك ومن ثم التوسع .. اقتراح بس ، وإما عجبك قولي وش هالملقوف |
اعتقد لوتفتحين ( معمل صغير للملابس النسائية ) يعني تاخذين الكتالوجات من النت وتواكبين الموضة
تاكدي راح تنجحين بعون اللة. نصيحة : لو تدخلين معك شريكة يكون اجود وافضل... وبالتوفيق |
صدقيني يا اخت شوق اني مثلك
عندي مبلغ تقريبا 400 الف ومادري وش افتح فيهن فكرت بالاسهم قالو لي انتبه ترا فلوسك تروح عموما اذا تبين نصيحتي فانصحك بالنصيحه الي تشرى بالذهب شوفي وشو الشي الي تعرفين له وتحبينه وابدي مشروعك فيه اولا لانك سوف تتمعين بعملك ثانيا لانك ستبدعين فيه كونك تحبينه بالنسبه للمبلغ الي عندك فإن كنتي تحبين الطبخ خصوصا الحلويات والكليجا او المحاشي مثل ورق العنب والكبه صدقيني يبي يتدبل خلال ست شهور بشرط زي ماقلت انك تحبين هالشغله واذا ماتحبينه لا والف لا اهم شي نصيحتي الي قلته لك ولكل من يقرأ الموضوع لا تفتح مشروع الا بشرط انك تعرف له وتعشقه لانك ستبدع فيه ومع الصبر ستكسب السمعه الحسنه وتشتهر عن طريق الناس وقبل الرحيل نصيحتي اذا تبين النجاح فيجب ان لا تتشرطي على الاخرين كثيرا وتتحملي غثاء الناس والا مانتي ناجحه لان شرطك في اخر موضوعك حسسني انك حساسه جدا اقتباس:
|
خذي بضاعة خردوات مثل إلي في محل أبو ريالين وبيعيها , طبعاً البضاعة هذي تلقينها في ميناء جدة |
حطي لك Coffee بمشغل عليه زباين ... اتوقع مايكلف كثير ....اوكشك شنط واكسسوارات راقية برضو بمشغل ...
|
بالتوفيق
|
إذا عندك اخ او زوج متفرغ انصحك بمكتب خدمات ( تعقيب ) ... غير مكلف وربحه جيد
الله يرزقك من واسع فضله ... |
السلام عليكم ' المبلغ قليل .! ويمكن تشغيله فى تاجير الدبابات بحيث اول تتفقين مع واحد ثقه يأجر دبابات وبعد مايوافق وعلى سعي معين تشرين فى المبلغ .. دبابين واحد بانشى = 15000 ريال واحد عادى = 4000 ريال اتمنا لكى التوفيق |
افتحي كشك عصاير طازجة في احد النوادي مثل بادي ماستر او سيتي سنتر او النخبة..
غالبا يحتاجون شي بارد بعد التمارين واللعب.. او كشك تكميلات الجسم فيتامين وهيك ايضا بالنادي.. بالتوفيق |
الله يسهلك
|
بشرينا ... وش استقريتي علية؟؟
|
حطي لك كوفي ب كليات البنات ..
احسه مشروع ناجح لان تعرفين ب كليتنا م فيه الاشياء ذي ألزينهه .. ب التوفيقق .. |
شُكراً لكم بحجم السَمآء |
شوق سؤال وأتمنى تجاوبين عليه
كل المشاريع الي طرحوها لك من أسهل مشروع لأصعب مشروع عليك هل تستطيعين إدارة مشروع بنفسك ؟ أو تفضلين شخص ثقه يشغلك الفلوس وتستلمين أرباح ومتى مابغيتي فلوسك تورجعلك متى ماقدرت أرسلك خاص رح أفيدك بكلامي أكثر بإذن الله وبإذن الله رح تدعين لي لأني ما أبي لي ولك ولكل طفرانه تتمنى يكون لها دخل الا كل خير بإذن الواحد الأحد. |
اقتباس:
السلام عليكم . . . اكيد اذا حصلت احد خبرة بالمشاريع وثقة . احب لي انه يشتغل لي واستلم ارباح *معذرة مقدر أرسل ع الخاص * |
اممممممممم اعتقد بالنسبه لرؤوس الاموال الصغيره ومن وجهه نظر وتجربه افضل شي هو
التقســـــــــيـــط نعم التقسيط عشرين الف حلوه جدا .. والمشروع مايحتاج محل ولا ترخيص ولا شي اهم شي تركزين على الاجهزه خصوصا الجوالات ايفون وجالكسي وبلاك بيري .. اضافه الى شاشات التلفزيون والاجهزه المنزليه غساله فرن ثلاجه مكيف .. طبعا على حسب المقدره تبي تقولين شلون اضمن يسددون .. انا اقول لك .. بالبدايه خلي شغلك بين صديقاتك وقرايبك علشان الموضوع يكون مضمون الطريقه كالتالي .. جت صديقه اختك مثلا او بنت عمك تبي ايفون 5 سعره بالمحل مثلا 2300 انتي فايدتك 400 ريال بيصير المبلغ 2700 وطبعا لازم دفعه مقدمه 10% بيصير الدفعه 230 واحسبي القسط الشهري على خمس اشهر كحد اقصى بتتحرك فلوسك وخلال فتره بسيطه بتطلعين ذهب |
| الساعة الآن +4: 01:31 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.