مداخل القصيم الجميلة
 

السلام عليكم ورحمة الله وبركاته

منطقة القصيم منطقة مشهورة اغلب السياح سواء من داخل المملكة او خارجها اما ان يقصدوها او يمروا بها للوصل لمنطقة اخرى مثل اوقات الحج والاجازات وموسم التمور.

ولها سمعة واسعة في أي مكان الكل يعرفها .

تحتوي على عدة مداخل تربطها بالطرق السريعة .
اذا نظرنا الى بعض المناطق او المحافظات تحتوي على مداخل تعريفية بالمنطقة او المحافظة المقصودة , الا ان منطقة القصيم مهملة المداخل التعريفية الجميلة التي تخبرك وتشعرك انك دخلت او مررت بمنطقة القصيم المعروفة مع الأسف الشديد . من ناحية اخرى نشاهد محافظات المنطقة تحتوي على مداخل جميلة توضح المحافظة المقصودة .

على سبيل المثال :
وانت متجه للقصيم قادم من الرياض تحصل في اللوحة القصيم 99ك بعده تقريبا ام سدرة 17ك ثم بريدة 68ك عنيزة 65 تقريبا . ما فيه لافته (القصيم ترحب بكم) تكون عند ام سدرة لأنها بداية المنطقة.

والا لا يالقصمان منب مزدي بكلامي وش رايكم الموضوع مهممممممممممممممم؟؟؟؟؟

,,,,,,,,,,,,,,,,

اترك اللوحات شف مداخل المدن الثانية اشجار وثيل وشي يفتح النفس
ومداخل بريدة صنادق وورش........كنك داخل هجرة

شكرا . نبيهم يسون أي مداخل بس اهم شيء تفتح النفس
والله نتفشل اذا جاءنا زوار يقولون مانحس اننا داخلين القصيم الا لمين ندخل بريدة

اتصل بالجهة المختصة إذا أنت صادق

منطقة القصيم جميلة ورائعة وهناك مناطق تحس وانت فيها بأنك في الريف الاوروبي .
ولكن فعلا مداخل مدينة بريدة تحتاج الى نظرة
.

يالمهدي ماكانك زودتها حبتين

عاد تصدق مدخل ( سدير ) أزين من مدخل بريدة .... فعلاً اول ما تدخل بريدة ورش ومحلات مطابخ وحداده
الي يشوف المدخل يقول مدينة صناعية

اهم شي مدخل بريده طريق الرياض السريع كساره وغبار وعشش ورعيان وبعارين وناس مادري وشلون متجمعين تقل داخلين قريه قسم اني افشل

ياعزيزي الطاسه ضايعه
المدخل الجنوبي يعدلونه (بالقطاره) فما بالك المداخل الثانية
يعني لاتستعجل ووسع صدرك
فيه ناس اساسا مايهمهم مصلحة المنطقه بشكل عام

مدخل بريدة للقادم مِـــنْ الرياض يجيب الكآبة .....

والله اكيد ,ان المسؤولين المختصين غير مبالين ولكن الاعظم اذا كانوا من اهل القصيم فاين انتمائهم لها .

انا ما جازلي مثل (محافظة الغااااااااااااااط احسن استقبال دلة وبريق وفنجال وبيالة دلالة الكرم)
حنا حطولنا النجر الي غيبتوا شمسه

ههههههههههه اانت يا اما حاقد ولا عديم ذوق انتم تشوفون مدخل المجمعة على يسارك مقبرة ولا يمينك مجمع تصريف المجاري وين الزين به

مدخل بريدة من جمه سريع القصيم الرياض من افضل المداخل اشجار وكباري وجبال منظر بديع

وين الكساره فيه

خشم علي وجبال ومناظر بديعه واودية

الرعيان والبعارين وش فيهن هؤلاء مكملات الطبيعة

احسن من يكون حمير على الشارع زي معظم المدن

فنجال ودله بس وقلت مناظر جميله والله عندك ذوق

لاكتب واحد موضوع طرتوا معه بالعجه

اريد مقياس للجمال الذي تتحدثون عنه وبضرب امثله لعواصم مناطق المملكة

وانا سوف ارد عليكم بالامثله

اختي متأملة ....
هذا هو انطباعي عن القصيم ولم ازد عما اشعر به وما رأيته من جمال بالقصيم ولكن ..
انا طفت وزرت كل مناطق القصيم وادلك على الطريق الواصل بين طريق ( الرياض - القصيم ) وطريق الملك فيصل من امام المطار وانظري على جانبيه روووعة وخاصة في الربيع وهناك ايضا الكثير

شكرا لمن تحمس بالموضع لغيرته وحبه لمنطقته بغض النظر عن من انعدمت غيرتهم على منطقتهم ويريدون تبقى على ماهي عليه او تندثر (مثل بعض الناس) .
عفوا المقصود مداخل القصيم وليست بريدة خاصة.
نتمنى ان ترتقي منطقتنا جميعا سواء ارضها او سكانها وتكون جذابة من خارجها ومداخلها مبهرة من داخلها.