|
شي يفقع المرارة صار معي اليوم في مطعم رشوش!!
يا أخوان رحت اليوم لمطعم رشوش ابشتري روست. لقيت سعره 8 وهو كان بـ 7 ، سألت العامل وش السالفة ومن متى الزيادة قال من اليوم!!! انا ما أدري الزيادة على الروست بس والا على كل الأصناف ، لكن توقعي على كل شي لأني يوم سألته عن السبب قال سعر الدجاج زاد ، والأسعار ما فيها زيادة في الفترة الأخيرة وما تغيرت الأسعار من مدة والله حرام هالتركي يصحى الصبح ويقرر يزيد ريال على كيفه ، والمصيبة العمالة هذي ما تنفع البلد ابد والزيادة هذي رايحه لتركيا ، والله ما ينفعون إقتصادنا ولو بقرش واحد حتى قميصه شاريه من تركيا !!! الشاهد نبي فزعتكم ،، انا بصراحة ارتفع ضغطي ان هالزيادة تتم وحنا نتفرج ،، ولا راح يوقف هالتركي عند هالحد كل فترة بزيد ريال طالما الكل ساكت. أنا اتصلت على وزارة التجارة وسويت بلاغ ، والصراحة كان تجاوبهم ممتاز جداً وأخذ معلومات الزيادة وعنوان الطعم. لكن ما أتوقع يتحركون إلا إذا جاهم أكثر من بلاغ ... اتصلوا كلها دقيقتين ، والرقم مجاني هذا هو 8001241616 ، يبي يسألك خمس اسأله بسيطة ، جهزت لك جوابها: 1- اسم المطعم (رشوش) 2- اسم الشارع ( شارع علي بن أبي طالب) 3- اسم الحي ( ما أدري هو حي المنتزة أو الأمن ... ماني متأكد ) 4- معلم قريب من المطعم --- ( مقابل شرطة بريدة الشمالية) 5- نوع الزيادة ( الزيادة ريال واحد في كل الوجبات) لا أحد يتكاسل ،،، الإتصال مجاني والمعلومات قدامك ، لعبوا فينا العمال :i121 يشهد الله أن هدفي الصالح العام ، وإلا أنا ما أشتري منه إلا بالشهر مرة. |
تممم ارساال البلاغ
|
طيب ههمن اذا زآآدوآ ريآل الحمد لله
اذا صرت مآ تقدر على هآلريآل انا آعيط ايآهـ انا احسبكك تققول زود كثيرر وعلى كيفه انت اخطيت على هآلتركي تقول اذا قام الصبح يلعب بـ الاسعآآر ومدري ايش .. طيب وش يدريكك انه هوو اللي رافعن السعرر ترآآ مآآ يجوز لكك ي حبي لكك الظلم ظلمآت يوم القيآآمه ولا انت مآآ تدري لآهنت على طرحح موضوعكك وانتبه مره ثآآنيه .. شكرآآ لك .. |
آخوي آبو روآنَ آذآ على الريال الي بتعطيه انا بعطيك عشششره ..! لكن مو مسآله الريآل آو آلنص ريآل آذكر كنت اخذ منه الرست بَ 4 ريآل ويعلم الله بعدين زآده ل 5 بعديـن قآل 6 و 7 وآليـوم 8 .؟ آلمقصد مو آلريآل و آلريآليـَن ..! آلمقصد آلزيآده الي مالقى احد يوقفه عند حـده .؟ وآلحجه الدجآج .!!! آبو عدنان صآحب المطعم على عيني وعلى رآسي لكن الشي لا زاد عن حده انقلب ضده ..! من اليوم ومن نفسي شخصيآ رآح آوقف التعامل معـَه .. ومآقصرت آخوي ديسبرتَ على الطرح تحيتي ..}~ |
اقتباس:
ريال مع ريال ريالين او ماتفهم انت معليش بس والله غثن هذا |
هذا رقم وزارة التجارة
8001241616 أي ملاحظه على أي محل كان يجب التكاتف ياإخوان والتبليغ استعن بالله وارفع السماعه |
مقاطعه انا من هاللحظة
اساسا رشوش ماعاد مثل اول كله بهارات تحوم التسبد الروست هالحين |
اقتباس:
ما ضيع البلد الا هالعقليات للأسف |
اقتباس:
|
اقتباس:
|
الي مايقدر الريال ... ريال على ريال تجيب ام العيال .. < (-:
|
أنا معك ومؤيد لك ليش زيادة الأسعار الربح مطلوب ومتفق عليه لكن ليش الجشع والطمع الزايد أنا معك أخوي ..... |
أوف اوف .. رشوش .. باقي للحين وباقي تشترون منه .. كانت أيام .. لكن نبي نعلق .. هه إذا كنت ماتقوله صحيح فصاحب المطعم صراحة لايوجد عنده ذرة دم أو ضمير ، يعني غير أنه رمضان وبالعشر الأواخر والواحد يتصدق وهالزحمة الي عليه ويحمد الله ويقول يالله لك الحمد والشكر ، يروح يرفع السعر ، المشكلة يقول زاد الدجاج ولو تفتح السندوتش كلها بصل وطماط ومايونيز وجبن .. وشوي مرق دجاج .. يعني وين الدجاج الي يقول عنه ؟؟ بعدين لو تشتري منه بيبسي .. راح وعطاك موية .. ياخي أنا أبي نصف ريال مابي موية كيفي ؟ ولو تقوله ، جلسو يناظرونك الاتراك يعني أنت بخيل وكذا ، وهم عند مرق دجاج رفعو ريال ياليته نصف ..!! حتى دايركت يعني مافيه مجال يشاورك ، الموية يحطها بالكيس وواثق أنك بتاخذها حتى موية أكوافينا الي تجي هدية مع الببسي ؟ أضف على ذلك مكان العمل صغير وتحصل عشرة فيه ، يعني انفاس ميكروبات ولاصقين ببعض ، مافيه مساحة تهوية على الاقل .. تجلس تحتار لما تحاسب كلهم يمدون لك يديهم تجلس توزع ريالات عليهم .. يعني جد جد جد .. المفروض يحط مميزات .. يوسع المحل مثلاً .. طيب يستاجر دور كامل من الشقق الي فوقه ، عشان الناس الي بتطلب تنتظر بالغرف لين مايخلص طلبها تصفح جريدة تتفرج على تلفزيون .. والغريب والمضحك بالموضوع .. أنه يسئلك اذا دخلت وش طلبك ، ويلطعك ساعة عشان يخلص الطلب ، وانت طبعا طلباتك كثيرة هه خلاص ياخي أحسن شي عندك الروست جهزه من الصبح مالها داعي تأخرنا .. أو يعني مسوي الي فريش .. |
كل المطاعم اذا قلتلهم ليش سعر زيادة ؟؟؟
قالوا لك علشان إقامة وفيزة غالي يعني اتوقع السبب الرئيسي بارتفاع الاسعار هو وزارة العمل وقرارها برفع قيمة الفيزة إلى 2400 ريال وكل هذا يعوضونه العمالة من ظهورنا والمواطن هو الخاسر الوحيد من القرار |
هو بحي المنتزه نادرا ماروح لمه لأنه عادي او اقل من ذلك ذاهب ان شاء الله ابلغ عليه |
كلا رفع الاسعر وتبي ترتفع اكثر واكثر ليه لأننا شعب استهلاكي واتكالي ولو كل واحد اخذ حاجته كان ريالنا ارتفع قيمته ومسئله المطاعم .. تبي تزيد اسعاره ووساخته اكثر واكثر.. ومع كل وجبه "هديه عطسه ".. والزبون يرد عافاك الله ومسئله ارقام بلاغات الاتصال " ماله قيمه " مجرد اثبات حاله فقط والى اتصل وسوى بلاغ .. رقمه التسلسلي / عجزته اقراه ابو روان يحترم رائيه والاسقاطات التي ذكرت ترانا غير بريئين منها ما كوله \ الله يستر من تاليها |
اقتباس:
أنا مؤيد لكلامك بقوة لا تسكت على أي زيادة مهما كانت |
طيب انت وش سويت بصراحة دفعت الزيادة ولا مشي وخليته؟
ï»·ن التجارة ماراح يسوون شي |
اقتباس:
الله يصلحك بس.... |
ياحبيبي هم في رمضان ماكان عليهم زباين الا قليل يرفعونه مٓـ❧•ـنّ شان العيد يعين الله بِــ̯͡سّ 😜
|
جاري مقاطعته في الف مطعم غيييييييييييييييييره
|
انت يالي تقول همن ريال انت امسك الريال وشف كم يصير عندك
علئ ماعتقد انه بالنهضة |
رشوش من أقذر المطاعم ببريدة ،، والناس طايحه فيه |
صراحة ياخوان رشوش متغير طعمه للأسوى...قبل بالعشر الله يتقبل منكم طلبت وحده ولا كملتها له طعم يالله لك الحمد
ومن هاك اليوم قررت مقاطعته.. وعلى طاري الزيادة ترى مطعم سندبباد رافع سعره في كل الأكلات ريال فالحل المقاطعة وإبلاغ المسؤلين.. واللي يهايط ويقول ريال واحد فغالب الظن إنه جلده عويذ الله من شرهـ |
بالنسبة لكاتب الموضوع انا اقوله اتقي الله في نفسك التركي ماله اي دخل هذا اولا . ثانيا : يمكن راعي المحل هو اللي قايله ارفع السعر والدليل انه يقول سعر الدجاج ارتفع وهو مايدري ان سعره الحين ثابت مازاد ريال . ثالثا : اذا بتشرهون على المحلات والمطاعم كل واحد يآكل من بيته اصح وانظف واطعم وخلو عنكم المطاعم او تحمل مايجيك . رابعا : اللي يبي يلووم المطاعم والمحلات على رفع الاسعار يلوووم وزارة العمل او الحكومه نفسها لأنهم يدرون بالغلاء وساكتين . فيا حبذا نكون واعيين وفاهمين مو نرمي اي كلام ونمشي . وجزاكم الله خيرا . |
مططططعم رشوش😰😰😰😰
|
حسبي الله ونعم الوكيل !!
|
اقتباس:
ي شيخ اتقي الله بالي تقوله الحكومه م قصرت امن وامان احمد ربك وكل تبن غيرك ميت عطش ومايلقى شي ياكله ويذبحون !! صدز ناس م تشكر ! |
اقتباس:
ي شيخ اتقي الله بالي تقوله الحكومه م قصرت امن وامان احمد ربك وكل تبن غيرك ميت عطش ومايلقى شي ياكله ويذبحون !! صدز ناس م تشكر ! |
الله يجزاك خير اخوي
والجشع والغلاء موجود ب كل مكان لسى م شفنا شي هالاجانب والتجار مستغليننا |
أرجوا من صاحب الموضوع متابعة موضوعي .
http://www.buraydahcity.net/vb/showt...96#post3583996 للأسف قمت بكتابة الموضوع من حرارة ما أوجس , ولا انتبهت لموضوعك .. وتواصلت مع صحفي بصحيفة انباء القصيم , وأن شاء الله بكلم كم صحفي . ينشر الموضوع .. شكرا لك |
تم ارسال بلاغ لمطعم رشوش والكوخ لزيادتهم أسعار الشورما والدجاج
|
ماينفع سوي مقاطعة هذا المطعم
|
ياحبيبي مطعم الكوخ كلهم عماله تركيه
واللي يشتغلون بس في المحاسبه والطلب يمكن اربعه غير العمال ... كل واحد يبي حصته تزيد اكثر |
تم ارسال البلاغ ومشكوور اخووي
|
من أمن العقوبة اساء الادب
|
| الساعة الآن +4: 07:58 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.