ماهي أسباب توقف خبز البر وماذنب كبار السن المصابين بالسكر
 

اليوم كلن يدور خبز البر ومافيه موجود بكل المحلات
والمشكله كبار سن مصابين بالسكر والخبز العادي
محجوبين عنه يرفع عندهم السكر وش ذنبهم
فنرجو من إداراة المخابز توفير خبز البر للمضطرين
وبعدين وش الفائده من المخابز إذا ماتوفر الخبز بانواعه

السلام عليكم

اخوي رح للسوق واشتر طحين بر وسوه بالبيت ابرك لك واحسن من شغلهم

ماهوب لازم نشريه من البقاله نشتغل بيدينا حنا

خبز البر انتاجه مكلف
والناس ماتتقبل رفع الاسعار

فالمخابز وفروا على انفسهم العناء واغلقوا خط الانتاج

هل هذا هو السبب ؟؟؟؟؟؟؟؟؟؟

تعودنا على المخابز

كل عمرهم ماشين تمام وش اللي تغير وإذا لازم يرفعون السعر الشكوى لله يعني مارتفع غيره
أنا مستعد أشتري لبوي وأمي بأي سعر أمي عنده ضغط وابوي عنده سكر
خبز البر ضروري وخاصة لكبار السن والمرضى وربك لايحيجك للبشر

بوه خبز بر عند مخابز السلمان اللي عند فندق موفنبيك رح لهم

بس مااظن بتحصل خبز بر بالبقالات

مادري اخاف مايصلح لهم بارك الله فيك

من فترة وعندنا قناعه السلمان بالصامولي والرهيف والأرياف لخبز البر
ولكن الله يهدي اصحاب المخابز ويقدرون الوضع وخاصة كبار السن والمرضى

والله يامخابز جونا عندهم خبز مهب طبيعي بر ونخالة وحبيبات ووو
يجننن ماشاءالله تعدت باقي المخابز

وتلقاه بالبقالات الكبيرة

خبز جونا بجميع انواعة شيء رهيب وخاصة البر والسلمان منحوا جونا فرصة انهم ينتشر التعامل معهم جربوه صدقوني ستستمتعون جدا وخاصة البر بالحبوب الكاملة

إذا نخاله مايصلح نبي بر وخفيف بعد وشكرا

الله يكثرهم وينفع بهم وشكرا

ماشوف بالبقالات بر جونا أول كان يجي بس انقطع وشكرا

المهم يصلح لكبار السن واللي عندهم سكر وضغطر وشكرا

مريض السكر والضغطـ يأكل التوست سواء ً أبيض أم أسمر أفضل من خبز البر هذا كلام طبيبــة للوالدة
شفى الله مرضنا ومرضى المسلميـــن ..

وتأكد من أخصائي تغذيــة

كبار السن لو تجيب لهم توست يمكن يزعلون منك مايبون غير خبز البر
وحسبي الله على هالمخابز اللي يبون مكاسب وبس

هالمخابز مايعجبهم العجب ولا الصيام برجب يبون مكاسب مضاعفه بكل شي مايدرون إن الخبز
وإن كان مكسبه قليل لكنه سبب في تحقيق مكاسب بالحلويات وغيرها وأذكر تلاقيت مع ناس
بمخابز الأرياف وكلن يقولون نجي نشتري خبز ومانطلع إلا حنا شارين أشياء ثانيه
وبالنسبه لخبز جونا جزاه الله خير بس لو يهتم بالبر فقط ساده ومالهم إلا الدعاء من كبار السن

حصلت ببنده طااازج اخذت كميه للوالده وبالفريز علطول

الله يخلف بس بريده على كبرها مايلقى فيها خبز

الله يرزقك برها وعسى الله يجعله بالعافيه