اتقوا الله في بناتكم واولادكم في حديقه الرفيعه
 

السلام عليكم
اسرد لكم مأرت عيني قسما مناظر تقشعر منها البدن
شباب وفتيات بعمر الزهور يتبادلون الضحكات والكلام فيما بينهم
وامام الكثير من الناس اين الخوف من الله اين الرقابه اين المسؤليه
اين واين واين الى متى نسكت عن تلك المناظر فانصحكم نصيحه
لوجه الله يامن تركتي بنتك تتمشى لوحدها مع صديقاتها فتحملي ماستجذب لكي من مصيبه تندمين عليها فانتي محاسبه عليها وانت ايها االشاب اما تخاف الله وانت تعصيه ضع بنتك واختك في محل هذه البنت فكيف ستصنع معها اللهم اهدي الجميع واصرفهم عن ماحرم
الله وجزاكم الله الف خير

جزاك الله خير
النفس ضعيفة فان تُركت هلكت وأهلكت
وتحجيم الهيئة وانشغال الاهل من اسباب الانفلات
الله يصلح الحال

شامخة بحجابك.. الله من الاستشراف بعد
يعني مومعقول الاهل بيخلون بنتهم اربع وعشرين ساعة تحت المراقبة هههههه! كيف تفكرين انتي؟ انتي الوحيدة الشريفة بالحياة؟

والثاني قال ايش يخلونها خاصة بالشباب.. ياأحمق الحديقة للعوائل وفيه حدائق كثيرة مخصصة للشباب ليه يجون لهذي؟ كل شي بهالديرة تبونه للشباب!! هههههه مريضين

انا اتمرن هناك, لكن من بدت الاجازه وانا اروح لحالي حديقة الملك عبدالله مضمار مابعد صلحوه بالكامل. البنات الله يصلحهن تجي لابسه ليقينق وعبايه مشدوده والـ (h) واضح من ورا :d . والمشكله البنت هي الي تتحرش فيك وتلمح , يعني تمشي هي وصاحبتها وتدفها على ؟! اسسس كلام

^
تمَرن أجل ؟!

ياقدمكم بعد انتم ومواضيعكم

اذا غاب الرقيب فتوقع ان يحصل كل شي

الله يجزاك خير وهذا صحيح اختلاط لاداعي له

والله غريبه انا يومياً امشي بالمضمار كامل .
والله ماقد شفت شي استنكره بالحديقه.
العالم تجري وكلن ماسك طريقه.
وبعدين الهيئه موجوده بالحديقه.
واللي يبي يعاكس يبي يعاكس بجهازه مهوب فاضح نفسه بالحديقه والشر اللي يبيه يلقاه.والخير بعد مثل .نسأل الله الهدايه لشبابناوبنات المسلمين.ويحفظ بلادنا وآمنا من كل مكرووه.

يامن مايامن ، خلاص واضحة هذيك الحديقة يعني تراك تعبين بقربة مشقوقة يعني لو اسئل بياع كشري بالقاهرة كان قال حديقة مغازل ، فلاتتعبين نفيسك بس وتجتهدين على الفاضي كل الناس تدري فيها لدرجة أن بعضهم حط لوحة من عنده واحد مجتهد ولصقها بالماصورة وكتب " حديقة عوائل ممنوع دخول الشباب " حتى اذكر كان فيها خطأ املائي ، لعلى وعسى أحد يحس الا أنه لازالت قلة الحياء ووساعة الوجه موجودة ، والهيئة ياغافل لكم الله ..

انا ماجيتها الا مرة واضطريت اني اوقف لانه جاني اتصال وانا بالشارع قدامها ومابغيت اسوق الا وش اشوف حتى صاده .. بس انا اتوقع الي يجونها من برى بريدة ماتوقع ومستحيل يخشونها ، وهي بهذا الشكل ..

الزبدة عقب النوبة لاتوطوطين لها بس تاخذين اثامي سكوتس وجلوسك معهم على الفاضي وبلغي الهيئة لهم ارقام وواضحة وخلاص ..

وبعدين خلاص ترى الناس بطلو يروحون حدايق ، صارت حقت المصريين والاجانب ترى ، استاجرو استراحة وخلاص ، ياقدمكم حديقة انا اخر حديقة نزلت فيها كانت ايام حديقة البساسة حقت المنتزه الي فيها طيارة على شكل زحليقه ..

اما اروح انا واهلي حديقة .. خيررررررررررررررررررررررررر .. قالو لكم اسمي ميدو من الفيوم ..

ارتقوا ياخوان وحاولوا تتعايشون مع واقعكم مو كل من شاف موقف جا طاير يتشكى فالخير والشر في كل مكان حتى بجوالك وانت بغرفتك .. واذا مراهقين وبرزان طافين مايقاسون على الجميع...للاسف مجتمع متشائم

وين الهيئة مايجون للحديقة
ويحمونا من معاكسة البنات
تحرش نسائي لا يطاق


:d

الله يازمن طلعنا حنا نتحرش بكم :oo

من زينكم عاد:d

اذا رايت مثل هذه الامور ما عليك إلا تبلغ الهئية ويجون واللي يشوفون منه أذى يشلونه معهم ويحقق معه

الله يهدي الجميع

لا حول ولا قوة الا بالله

الله يهدي الجميع

ههههههههههههههههههههه ياحبيلكم بعد وربي احبكم

أنا شخصيا لي سنتين ونصف اجي لمه بشكل شبه مسستمر يعني مالي بأمور المغازل الحمدالله في الفترة الأخيرة المغازل بدأ يصير بشكل أقوى تقريباً في 10 رمضان جيت ألف فيها كعادتي حصلت 3 بنات و3 شبان البنات عن الشباب 60 متر وفيهن وحدة يارب لاتبلانا بحكم مريت بقربهن وسمعت شويت حستي المهم مشيت أنا يوم وصلت قبل الزاوية الجنوبية الشرقية أقرب فيما بينهم ونظرت للشباب وواحد هو يعاكس تلك البنت تعديتهم بشوي أسمع الولد يصرخ على البنت ( عطيني رقمك ) !!!!!!! والتوقيت كان الساعة 2و 37 دقيقة ليلا والله هذا الحاصل مشهد أمام عيوني والله يشهد على كلامي

الشكوى لله الهئية ما نشوفه بالحديقة هذه شبه نهائي

هناك ناس قد فسدت و اصبحت تالفه فأصبحت تفرح بكل مايسؤ الناس

جت على حديقة الرفيعة هي .. بكل مكان المشاكل الي تقولون عنه ذي رحتو للنخيل تشوفون رحتو للحضاري رحتو للعثيم غرابيل وفساد ما الله به عليم .. لكن الحامي الله سبحانه وتعالى والي يمشي بدربه محدن جايه .

البنت المحتشمه الي تمشي بطريقها الكل يضرب لها ألف حساب والبنت الي تدور القلهي الله يهديه ويفتح على قلبه ..

حتى الشباب الي يغض البصر واساسا مايروح لهالأماكن يكون أصرف له مالك ومال الأماكن الي به فتن ..

جبل بعدان
 

أختي الكريمة لا يجوز وصف الناس يا أحمق انتي تنصحينا من جهة والسب من طريقة ثانية
من السابق كان الشباب ان عاكسوا البنات نرى البنات ينزلنا رؤوسهن الى الارض حياء وخجلا , لكن الان العكس الشاب هو من يضع راسه في الارض حياء وخجلا ’ انا بنفسي رايت موقفا بنت تمر من امامنا وترفع عباءتها الى فوق ركبتهيا اكثر من مرة قمت وصاحبي وتركنا الحديقة :eek:

جزاك الله خير والله يستر على المسلمين

جزاك الله خير والله يستر على المسلمين