&& بشرى مطعم ايطالي جديد في بريدة &&
 

السلام عليكم ورحمة الله وبركاته

هل الخبر صحيح ؟؟ !!
المطعم يقع :
على طريق الامير عبد الله - الملك فهد سابقا بجانب مطعم كمون-خياط ديجور سابقاً.

سمعت من احد الشباب ان هذا المطعم يعتبر معم ايطالي وسيكون من ارقى المطاعم الموجودة على مستوى القصيم لما يقدمه من اكلات راقيه وخدمات عاليه.

وانا ممررت بهذا المحل من الخارج وشدني روعة لمسات الديكور ويتكون المطعم من دوريين واتمنى ان يكون رائع في مايقدمه من وجبات.

واسم المطعم سينيز senees.


تحياتي لكم
الكشميري

أغديه م يفتح

ما جاب لنا الأمراض إلا المطاعم وعمالتها

إذا كان المطعم إيطالي ما نقاطع ؟؟؟؟؟؟؟؟؟؟؟؟

ما جانا البلاوي إلا من هذه المطاعم الخطيرررررررررررررررة


مشكووووووووور أخوي

أ

اللي أعرفه إن الدورالأول فرنسي :p

والدور الثاني نص صيني والنص الثاني إيراني :D :D

الكشميري
إعلان تجاري بطريقة جديدة :42

: 12

ما معنى senees

سي يو ..
اللي نعرف ان مثل هالمطاعم ..
لاتخلوا من الموسيقى الهادئه .. والأنوار الخافته . .بالتناغم مع الديكورات ..
لاكمال الاجواء الخاصه لمثل هذه المطاعم ..
كماهي في مطاعم الرياض المماثله ..

لانستبق الاحداث ..
ولكن التنبيه مطلوب ... قبل ان تقع الفأس بالرأس ..

شكراً اخوي .. الكش...ميري ..

سي يو ..

فارس نجد عارف اللعبه ههههههههههه

إعلان تجاري بطريقة غير مباشره .
===============
مشكور أخوي الكشميري

تسلموووو على الردود

لكن والله العظيم لم يكن القصد الدعاية كما قال بعض الاخوان
فانا والله لا اعرف حتى من هو او لمن المطعم لكن مجرد راي وبنية لما شاهدة المطعم من الخارج وانا اقول اتمنى ان يكون راقي
وعالعموم مشكوريين

للشباب اللي مايعرفون وش معانة سينس::::::

هذي بلهجة اهل بريدة تعني الكسرة::::::::::D:D:D:D

يعني المطعم اسمه المطعم الكسرة شفتوا مشكلة اللي ثقافته عااااامي تبحلون بووووه.....


اجل لوا انا منكم تسان اعلدزتوووووه وشوله نخليه والا نحوله لمقرصة والا مخبز والا دكان للتطزيز يسوون لك مطازيز يحبه قلبك:D

الله يخلف راحت بريدتنا اااااااا راااااحت يامدحت راااااااحت اللي كنا نأمل به لكن الشكوى لله.

نقاطع
 

يا شباب أنا أقترح إنا نقاطع هالمطعم بالذات
قلتولي ليش
رح للرابط وتعرف
http://www.islammemo.cc/news/one_new...p?IDnews=28763

اولا : وش معناة سيسنز ذي ..
ثانيا : ليش المطعم ايطالي وراه ما يصير سعودي ..
ثالثا : ياخي ماجت الامراض الا من المطاعم تلقاو هندي
عاد خذ الوصاخه يحط الاكل بيده ولا غسل ولا شيء
وخ بعد الله يخلف علينا نمشي ورى المطاعم ..
عموما جزاك الله أخ الكشميري علمتنا مكانه علشان نشوف كنه زين
ولا لا (((( ولا أظنه زين ؟؟؟)))

السلام عليكم ورحمة الله وبركاته هلا وغلا بالشباب

الاخبار والعلوم


ياناس أصحوا أنهضوا عقولكم لا يهمكم المطاعم ولا الخرابيط خلكم على أكل الاولين


أجدادنا (( مطازيز وتمر ولبن ))



الكشميري : هذا اللي تقوله انه بر فخم شكله لاكن اللي داخله !!!!!!! الله أعلم

يمكن يصير أغاني ورقص وأشياء ثانيه الله اعلم به


يا شباب خلنا نحارب هاللاوروبيين http://smilies.sofrayt.com/%5E/e/uzi.gif http://smilies.sofrayt.com/%5E/e/rocketla.gif


جزاك الله خير يالكشميري على الموضوع


وسلامتكم

الكشميري ..

المطعم لا ايطالي ولا يحزنون ..

سعودي 100% ..

السلام عليكم ورحمة الله وبركاته


الإخوة الأعزاء


بداية المطعم كما وصفه بعضكم أنه مبتكر وجديد

كثيرون ينتظرون الإفتتاح


بكل صدق سيكون حدث غير عادي



لكن لي ملحوظة على العنوان و بعض المشاركات


اكثر المشاركات تشير إلى أنه إيطالي والبعض يقول صيني وإيراني


وآخر يقول سيكون هناك موسيقى هادئة

:) :) :)




اسألكم من اين اتيتم بهذه الأخبار



بكل صدق وأقسم على ذلك



لقد جانبتم الحقيقة ولم يصدق تخمينكم واكرر تخمينكم ولو بنسبة واحد في المائة




تقول العرب




وعند جهينة الخبر اليقين



إعتبروني جهينة في هذا الموضوع :)




لماذا تنتشر الإشاعة بهذه القوة


لاأقصد من ناحية هذا المطعم


امور كثيرة تصورناها وهي في حقيقتها إشاعة




خلاصة القول



يقول الرب سبحانه وتعالى :


(( ولا تقف ماليس لك به علم ))

أخوي الزعيم ..

أنا عارف إن صاحب المطعم سعودي الأصل والمشأ ..

بس حبيت أستهبل على الكشميري اللي ما أدري من وين جاب إيطالي ..

السلام عليكم ورحمة الله وبركاته

حقيقة أفلجت صدري أخي الزعيم رد قوي

أما عن المطعم فكل ماقيل عبارة عن نقل

الخبر فكلما ذهب من شخص إلى شخص

أظاف الشخص شيئا جديدا ..حقيقة حزتني أكثر الردود

وممن جزم على أنه أووربي والبعض أتى بخبر بأن أوربا

تساعد إسرائيل .. مباشرة تم التوقيع على أنه أووربي

مع أن صاحب المقولة يقول سمعت .....

اللهم ارحمنا برحمتك ياحي ياقيوم

المطعم مافيه كل الخربطة ذي

وللمعلومية

لي علاقة بصاحب المطعم وأعرفه

حتى لاتقولون أنه يتكلم من فراغ

اللهم أرنا الحق حقا وأرزقنا اتبعه

وأرنا الباطل باطلا وأرزقنا أجتنابه

والسلام عليكم ورحمة الله وبركاته

ياخي انا استغرب من بعض الاخوان
اللي يتكلمون عن اشياء مايدرون عنها وقالوا قاطعوا المطعم
والله حرام عليكم ليش دائما ظن السوء عندكم بارز
اللي قال اوروبي والثاني يقول يبي يصير فيه موسيقى والثالث يقول انه يمكن يكونفيه هنود وسخين والرابع حكم عليه بالفشل....!!!!
هل هو حسد ام حقد او جهل في الشخص ؟؟؟!!!!
المفروض انكم تشجعوا صاحب المطعم لان هذا الشئ الجميل يضاف الى مدينة بريدة

بعدين انا ماقلت انه ايطالي اقول هل فعلن وبعدين وشفيها اذا كان صاحب المطعم مسلم سعودي من بريده لكن الاكل اللي يقدمه المطعم ايطالي زي باقي المطاعم الثانية ؟؟!!

(( بعدين لاتحكموا على الشئ الا اذا خلص وشفتوه باعينكم ))

أحلا يالصارخ دفاع حديدي :D:D:D:D:D:D
العشا يوم الإفتتاح على الصارخ :D:D:D:D
أنا أعرف صاحبَي المطعم
وهو سعودي شوي وسوري شوي مهب سعودي 100% :D
وبعدين يالكشميري يابعد حيي
وش إيطالي ولمصقه؟؟؟؟؟
المطعم يبيع مشويات ومن هالطراز مثل الخيام
----------------
عليك بهم يالصارخ الحلال الحلال الحلال:D:D:D:D:D لايروح دهنه

هذا المشكلة انا ماقلت انه ايطالي
لو ترجع للموضع تشوف انا كاتب في اول سطر سؤال : هل فعلن ؟
بس بعض الشباب........الله يهديهم

معناها سينس

الصواب - الصحيح

أنا أقول من وجهة نظري الشخصية :
أن المطاعم النظيفة قليلة جدا ولعلكم سمعتوا قصة اللي به ايدز , وبه اللحين
مطعم بالصفراء يقطع البيضة وياخذه ويحطه لك بالبيضة طيب أنت تضمن
نظافة ايده قد يكون رافضي لا قدر الله ينوي لك شيء شين لكن لعل وعسى
أنه يطلع مطعم صح تعامل , نظافة , الإشراف يكون فيه صرامة مايكون فيه
تساهل لأنه ما جت الأمراض الا من تساهل اشراف المكلف على من تحت
يده وإلا لو كان فه إشرافحقيقي وصارم كان ماكان فيه مثل هذه الأمراض ..

وجزاكم الله خيرا ...

سمعت ان راعى المطعم ولده بمنتدنا

واتوقع الصاااارخ
والعشاء على الصارخ

بينما يجاهد اخواننا بالعراق ،،، وبينما يقتل ويشرد اهلنا في الفلوجة 0000 نجد ان بعض شبابنا لم يتعدا تفكيرهم بطونهم


وماذا يقولبشرى ...... أي بشرى تتكلم عنها تحرير فلسطين ؛ ام خروج القوات الامريكيه من العراق


واأسفاه على الاسلام ضاع بين شهواتنا

أقول بدل هالمطاعم حنا محتاجين صالات تخفيف أجسام صابتنا التخمة والأمراض من هالمطاعم

اقول الله يهديك اخوي استشهادي
اللهم انصر الاسلام والمسلمين قبل كل شي
لكن لاباس ان الواحد يتكلم في اشياء ثانية خاصة اذا كان حلالالالالالالالال

, , ,
 

كان مادخلت على الموضوع وتعلق مدام انه بايخ