اقتراح...حتى لايهوي المنتدى الى الهاوية......الدخول اجباري
 

السلام عليكم ورحمة الله وبركاته

شوفو يا عيال هذا اقتراح للمشرفين وللأعضاء ولمن يهمه امر المنتدى...........يعني اللي يقرا الموضوع لا( يهمق) بينه وبين نفسه همن يسكر الصفحة ......ترا مهوب احسن له:D :D


الإقتراح
وش رايكم يا اخوان بأن نستضيف في المنتدى شخصية ( شيخ , كاتب معروف , طبيب , او محلل , مفكر اسلامي ......... والقائمة تطول)

ادري انكم تقلون والله انك مجنون بس انك منتب عاقل وانك رجال تكبر اللقمة و.....و....... بس انتم اصبرو شوي خلون اكمل ............والله ناس...:D :D

اليكم الطريقة

يعد احد الأعضاء او المشرفين المعروف عنهم جودة الاسلوب رسالة الى هذا الضيف وبأن تكون الرسالة بأسم المنتدى واعضائه .......جميل معي انتم و الا ...لا

همن عاد يطلب منه التكرم بكتابة موضوع يطلبه الاعضاء او ان يختار الضيف الموضوع بنفسه..........لكن هناك شرط بأن لا ترسل الرسالة الا ان يوقع عليها على الاقل 150 عضو من اعضاء المنتدى.
مع الامكان ان يطلب من الضيف الكتابة مرة اخرى بعد مدة من الزمن ولتكن 6 اشهر وقبل هذا كله تكون ((ادارة المنتدى )) قد حجزت اسم الضيف مسبقا......

معليش يا جماعة والله اني تعبت من الكتابة.


هااااااااااااااااه وش قلتو ؟؟

الرجاء يا اخوان أي واحد عنده اقتراح او ملاحظة يكتب...........


ياجماعة ترا خلان اكتب هالموضوع الا والله حبي لهذا المنتدى واعضائه وان يستفيد الكل وان تكون هناك مواضيع جادة و قيمة


تحياتي

فكرررررررة رااااائعة...


من ناحيتي أتمنى استضافة (ابوعلوان) حفار القبور...

والله ياهو شئ ،،، يبي يعجبكم تراه...:p :p :p

احلى فكرة
 

و الله فكرة جميلة
يا مجنون بس و الله عاقل


http://afthath.com/vB/attachment.php?s=&postid=29791

والله فكره رهيبه مره وانا اوافق .;)
واختيارك ياقلب الذيب:D يوم اختارت ابو علوان حفار القبور:D
وانا من جهتي أنسق لكم واحجز لكم مع الخالة ***ام ناصر
احسن وحده تزين عسكريم حق الأولين اللي بكيس نايلون :D :D

أقتراح ممتاز جداً من اخونا الغالي ( مجنون بس عاقل )
وأنا على إستعداد أن أدعو ما تطلبون بقدر الإمكان , نريد من جميع الأعضاء التفاعل مع الموضوع , لتنفيذه بأقرب فرصه ممكنه .

يالله ياجماعة عطونا اقتراحات
 

الحمدلله مع انه دخل 39 شخص الى هذا الموضوع رد علي 4 اعضاء مع اني متوعدن اللي يدخل ولا يكتب شي بس الشكولله:confused: :(

على العموم اشكر الاخوة

قلب الذيب..................مشكور حبيبي على سرعة التفاعل مع الموضوع و ايضا على اقتراحك لشخصية الضيف
طالبان...............مشكور على هالاطراء بس لو انك كتبت اقتراح او اسم ملاحظة ولكل جزيل الشكر على مشاركتك وتشجيعك ...........على فكرة تسان ما عليك كلافة نبي جوال الملا عمر تسانه عندك:eek: :eek: :D
همقمق................يابعدهم انت وترا موضوع ((الخالة ام ناصر)) نبي ناخذه من جد وتراي صاتس والله

عاااااااااااد الحين نبي نضبط الهرج والمدح ليش لا والمشرف ((بزاته)) مشارك معنا;) :D
ذيبان................... مشكور اخوي على تفاعلك مع هالموضوع واهم شي انه يطبق هالاقتراح بسرعة

وترا ياجماعة اضمن لكم انشاء الله انتعاش بالمنتدى وزيادة الاعضاء والزوار اذا طبق هالاقتراح او أي فكرة اخرى ...بشرط ان يتكاتف المشرفون والاعضاء على انجاحها.


.
.
.
.
.
.

.
.على فكرة عسى ماشر اشوف المنتدى له يومين ما اقدر ادخل عليه انتم كلكم مثلي ;) :D :confused: :confused:


تحياتي

الحقيقة ،، أنا اقول ،، تستضيفون ،، (( الديك )) === الحميد ،

بس لا تقولون ،، انكم تبع الانترنت ،،،


والله ياليت ،، احد ،، يولم لنا ، مقابلة / معه ،، عاشت ايامه


..

فكره حلوه ؟؟؟؟؟؟؟؟؟؟؟؟؟؟؟؟
 

والله فكره حلوه لكن أنت أحلى يامجنون . .

وانشاالله انه تبي تنعش المنتدى .. . . .

والله انك عاقل بس انك مجنون
:p :p :D :D

والله إقتراح أحلى من حلو والاحلى اللي مقترحه ;)

وهذا المشرف الشيخ /ذيبان تكفل ويقول اي واحد تبونه نجيبه

وياليت على راي الاخ قلب الذيب نجيب العلوان اللي يحفر القبور

لأنه شويب حبيب وما مثله نجيبه ويكون بداية ....

أما عن المنتدى يا عاقل ... ففيه مشكلة ما شفته بالمنتديات كله ؟؟؟ وهي انك

وأنت تتصفح المنتدى تخرج لك صفحة (بروبلم) يعني مشكلة وهذي دااااااائم

تطلع معي فما أدري يعني وش البلاء ... وشكرا للجميع .

.. فكرة أروع من رائعة ...

.. الف شكر لأخوي مجنون بس والله عاقل ...
...
.. وأرى أنه يعلن عن الشخص المستضاف قبل مدة ثم يكتب الأعضا له أسئلة .. ثم إذا جاء الموعد يجيب عليهن .. أو يتكفل أحد الأعضاء بنقل إجاباته ..




.. وأقترح بعد يكون فيه دعاية يعني مثلاً في موقع الردادي نعلن إن فيه إستضافة الشيخ أو المنشد ..( أو أي شخصية )
.. أو تكون الدعاية في المنتديات ..

.. وأقترح نستضيف الشيخ سلمان العودة أو سليمان العودة أو الشيخ سليمان العلوان .. أو غيرهم من مشايخ بريدة الكثيرين ..

أو يكون علم من أعيان بريدة مثل السلمان أو غيره

أو تاجر من التجار في أي مجال من مجالات التجارة ...

أو منشد أو دكتور أو غيرهم






وأكرر شكري لمجنون بس والله العظيم إنه عاقل ...

وأرجو أن أرى التطبيق قريباً يا ذيبان






....أ-هـ

,........., على فكره ..

الموقع وش بلاه

كل ما أفتح صفحة تطلع بلغة ما أدري وش هي ..

,,,, حتى إنى بعض المرات أفتح الصفحة أكثر من ست مرات ؟؟؟؟.



وش البلاء ؟؟؟؟؟؟؟؟؟؟؟؟؟؟؟؟؟؟؟؟؟ :mad: :mad: :( :(

آآآه لو ينجح هالمشروووووووووووع
 

اولا اشكر كل من اتعب نفسه وقرا الاقتراح واخص بالشكر من سطر ردا وهم الاخوة:
سعفة ................. هلا بسعفة اجل تقول( تستضيفون) وراه الاخ مهوب معنا <=========== قل ( نستضيف) ........ثاني شي نبي نستفيد من مراسلكم ((مصيول علوني حفظه الله)) .

فارس نجد ........ رجاء كلمات ((غزل)) ما نبي ...:eek: :D :eek: ...و مشكور على هالمداخلة ..........والله الله على الاقتراحات تكفى

على فكرة .........................ترا انت(( احلى و احلى)):D :D

ياسر البرياوي .............الله يكفينا شر هالقلب اللي انت حاط تراي انا مانب اتحمل .....:o :o ... تراي انسان رومانسي وحساس .....بعد............يااااااااااي.....:cool: ........لا والمشكلة كاتب كلام صراحة اني مافهمت شي( حلو احلى الاحلى) بس الله يرضى عليك النوبة الثانية ((غزل)) مانبي تكفى.:eek: :o :eek:
وضيفنا العلوان انشاء الله اذا تكاتف الاخوان على انجاح هالاقتراح تبي تشوفه عن قريب............على طاري صفحة البروبلم ............آآآآآآآآآآآآآه والله ياهي قاهرتن قووووووووووووووة.........بس تبي الصراحة استانست يوم شفت ناس مثلي عندهم نفس المشكلة.......:D :D

الصارم2000................ هلا والله بأخوي .........تشكرن على ايش يا حبيبي هذا اقل شي نقدمه للمنتدى واعضائه..
ومشكور اخوي على هالاقتراحات وعلى اهتمامك .
اما الصفحة فأنا والله اني ما ادري وش السالفة ...........وبصراحة ودي و يلعمنا المشرف وش البلاء وتسانهم يبون فزعة ........فك وربط او حتى توضيب للمنتدى ترا حنا مستعدين.:D :D


:D

ممكن نرفعه يا عيال
 

السلالالالالالالام عليكم يقولون الخبل ما ينسى سالفته :D :D :D .وبصراحة اقتنعت ان المنتدى ما شاء الله المواضيع فيه كثيرة لأني رحت ادور موضوعي وما لقيته الا بعد ثلاث صفحات......................على العموم هذا تذكير بس


وغير تسذا بما نه انشاالله يبي يصير هناك مشرفين جدد اتمنى ان يتبنوا هذا المشروووووع ........<==========صار مشروع:D



..وترا على فكرة انشاء الله ابجمع بعض الشخصيات المقترحة والفوائد من هذا المشروع واطرحها لكم



تحياتي

يعطيك العافيه

" توحشت يوم قلت ناس داخلين ولا ردوا قمت رجعت ورديت :D "

الصراحة الفكرة موت وأ،ا مستعد إني أنشر خبر الضيف في

أغلب المنتديات ،،،

وبعدين للمشاكل اللي تحصل في الدخول للمنتدى أنا حصلت

معي أكثر من مرة لا وبعد عن الردود والخروج تطق تسبدي

من كثر ماقالي بروبلم وأتوقع والله العالم إن السيرفر

صار مايتحمل ولازم ينقل لسيرفر أقوى منه أتمنى ذلك

بأسرع وقت ..

موافق ......موافق ......موافق ...... <------ وين بشير غنيم على غفلة :)

وعليكم السلام
 

قسم بالله أنك مجنون على سنع:)


والله أنه فكرتن طيبة......... وأنا أبسعى جاهد أدور واحد أقابل معه........ وانت بعد دور واحد.................
وتسل وماقصرت


يالله سلالالالالالالالالالالالالالالالالالام

والله إقتراح حلووووو منك يامجنون ...
لكن فيه سؤال لو تكرمت ..؟؟ هالحين تبي هالشخصية هذي تسجل معنا بالمنتدى وإلا إن أحد الأعضاء يتكفل بنقل الأسئلة من الأعضاء ومن ثم يضعها في المنتدى .. أرجو التوضيح ..


وإذا كان الأمر مجرد أسئلة تلقى على هذه الشخصية .. فأنا مستعد بقدر الإستطاعة ..

وأول شخصية في بالي .. هي ((أبووووووهم)) أبو أنس الحميدان ... وش رأيكم .. مستعد أنقل أسئلتكم له .. لكن أنتم اتفقوا على شخصية وقولوا لي ...


والسلام عليكم ورحمة الله وبركاته ..

أنا أؤيد
 

أنا معك يامالكوم إكس أبو أنس رهييييييب

وخله علشان يصير فاتحة خير ويجذب الزوار لمنا :cool:

أخي العاقل مع التحية
السلام عليكم ورحمة الله وبركاته
دعوة الى رواد المنتدى أن يأخذوا الأمربجدية أنا بالنسبة لي نؤيد فكرتك على أن لاتكون الشخصية مقتصرة على رجال القصيم حتى لانتهم بالعنصرية حيث اني ألاحظ هذه الأيام متجهين الى القصيم و نجد والنجادة في بعض المنديات .

مع الملاحظة:
أرجوا توضيح المصطلحات الواردة في مشاركتك مثل ( مهوب - يهمق ) حتى تكون مفهومة للكل

مع جزيل شكري

أقتراح راااااااااااااااااااااائع
 

السلام عليكم معشر الأحبة:
مشكور يامجنون بس عاقل على بث روح الحماس بين الأعضاء.
أنا أتفق مع العضو الفعال:مالكوم اكس في إختيار شخصية مناسبة للقاء وهو:أبو أنس الحميدان وهو معروف لدى الجميع .
اضغط هنا لترى صورة :ابو أنــــــــــــــــــــــــــــــــــس

للرفع لا لا للتثبيت .
 

يبدوا جلياً أن الأعضاء موافقون على هذه الفكرة الرائعة ومن شخصية أكثر من رائعة ، فقط بقي الآن تحديد تلك الشخصية . وأرجوا أن تفرد بموضوع خاص لكي نرى ترشيح الأعضاء لتلك الشخصية وأن يحدد الشخص المطلوب منه إجراء الحوار مع تلك الشخصية المختارة ، أيضاً نود نعرف ما هي سمات الشخص المستضاف دكتور ، عالم ، رجل أعمال ، شخص عادي ، عضو من أعضاء هذا المنتدى ، .... ألخ .



وأنا من وجهة نظري أن يجرى اللقاء مع شخصية معروفة في القصيم وخصوصاً " بريدة " وخصوصاً لدى الشباب :: وهو :: أبو علي : يحيى الهباش .