مقابلة مع مدحت شوقي بريدة ..... سيو
 

السلام عليكم ورحمة الله وبركاته وبعد

لكل متميز لابد من هديه على الأقل رمزيه حتى يظل على تميزه ويبدع ويتألق

من منا لا يعرف مشرفنا خفيف الظل مدحت شوقي الملقب بالمصري ((

من باب التشجيع له والتحفيز وأيضا من باب الشرافه بحكم إني قصيمي أصلي

أتمنى من الغالي المصري يقبل هالدعوة المتواضعه مني إلى مقابله شخصية عبر هذا المنتدى الرائع وله حرية اإجابة على أية سؤال أو تجاهله

تفضلوا يا شباب بالأسئلة على بال ما يطب علينا مدحت ويجاوب بالتي هي أحسن :D

[align=right]مدحت لو سمحت سؤالي هو [/CENTER]
[align=right]إسمك الخماسي ::::: عمرك ::::::: المهنة::::::: هوايتك [/CENTER]

[align=right]:::::: ماذا إستفدت من هذا المنتدى بصراحة من جميع النواحي:::::[/CENTER]

و شكرا لك

كيف اخذت الجنسية السعودية ؟؟؟ وأين ؟؟ ومتى ؟؟ وكيف ؟؟

أول شي بسم الله الرحمن الرحيم

اشكر الأخ زياد بن محمد على هذه الدعوة
وأقول شكراً !

اسمي الخماسي == ترووك >>>> خمسة أحرف

العمر == ما قد مضى .

المهنه == أعزب .

هواياتي == ركوب القدم ولعب السيكل .

كم عدد أسنانك؟ وما مقاستها؟ وكيف تأكل

أما عدد أسناااااااااااانك ~~~~~~~~~ سقهاااا

مدحت من أين اكتسبت الطرافة وخفة الظل ::::::؟؟؟؟؟؟؟؟؟؟؟؟؟؟؟

زياااااااااااااااد بن محمد ..
شكراً لك يالبي ..
يابعد سري .. المقطن .. :D

اسمي الخماسي ..
عاااااااااااااااااااااااااااد عاد عندكم الاشاره الخماسيه ..
مابوه زيه بالعالم ..
وصار كل شي عندكم خماسي .,. لايجيك مخمس للي جنبك هالحين .. :D
<<<<<<<(((((== ولو صاير يمون بالحيل الصعيدي ..:p

اسمي الخماسي ..
مدحت شوقي بريده متولي الدسوقي ..


عمري زي عمرك .. بس انا اطول منك ..:p

المهنه ..
طالب القرب منك يالبي .. :D


هوايتي ..
ملاااااااااحق البساسه .. وتشويتهن ..
واحسن هوايه عندي .. جمع صور التكرونيات اللي عند الحرم ..

فائدتي من هالمنتدى ..,...
التعرف على احوال العالم .. في بريده ..
عااااااااااااااااااااد الشرافه من تخلى لوه يالبي ..

سي يو .. يالبي .. وشكراً لك الف مره ..
يالبي ..,..

مدحت من هو الشبيه لك في المنتدى ؟
ياخفيف الظل

سؤالي اانا ماهو مقاس وا بالأصح ماهي نمرة سروالك
ههههههههههههه

سؤالي اانا ماهو مقاس وا بالأصح ماهي نمرة سروالك
ههههههههههههه

عطوووووووه من هااا الأسئلة تراه فرصتن ماتعوظ

ترووووووووووووووووك ..
وراك ماتخلي اللقااااااااااااااااافه ..
ابعد عن المكرفووووووووون يالله ..:D :D :D





محترف ..
كم عدد اسناني ..
اسناني يالبي ... واحد ومسوس ومخرث يالبي ..
وصايربلحاله ..,.. تقول شايب قاعد بمدخل دكانه ...
اما عااااااااااااااااااااااااااد كيف تأكل ..
احد قايلك اني كائن حي .. شكل ثاني ..
على طاري وشلون تاكل .. خذ هذي الك ..
فيه قرد أكل خوخه .. يوم جاء يبي يخرجه من تحت نشبت .,. يالله بالعزر طلعت ..
يوم عطوه زيتونه .. اول شي سواه ..
قاسه من تحت هي تطلع والا ( لا )
<<<<<<<<<<<<((((== ياقدمه الصعيدي ..
سي يو ..





الكشخه ..
الظرافه .. ( سليمان عبالعزيز الظرافه ) ساكن بالعجيبه ..
الظرافه <<<<(((== هذا واحد يبي يقول الزرافه .. بس عظ لسانه ..
اما خفة الظل ..
قل الله من ثقل الدم ..
انا اذا جيت ابحلل دم .. يجيبون دينموا شفط .. والله يالله يشفطون ..
ويطلع قطع حمر .. تقول شعيريه بالصلصه ...
سي يو ..

يووووووووووه ..
اسف صادفت مشاكل .. نسيتك .. قمزتك يالبي ..
سااااااااااااااااده ليه تنسدح ورى الباب .. ماشفتك ..

كيف اخذت الجنسيه .. ومتى وكيف ..

أخذت الجنسيه يالبي .. من بدوي راعي غنم ..
قلت لوه اعطيك جنسيتي وتعطين جنسيتك ..
يالبي بدال ماتقعد تدور ربيع .. وماتلقى ..
رح فحج عند النيل .. ان ترعى انت ودبشك ..
عااااااااااااااد صدق المسيكين يالبي .. وعطان بطاقته وعطيته اقامتي ..
بس لوه شنب وانا زالط الشنب ..
قصيت شنبي اللي بالبطاقه .. ولصقته لوه بالاقامه .. وراح ..
عااااااااااااد شفته عقب كم سنه لقيته داق البدله والكرفته هاك اليوم ضايعه ..
و رابط بداله سرواله ..
بس الغريبه انه لابس البدله والكرفته على الثوب ..

سي يو ..

سؤالي لمدحت الطوشة أبو أفكار زيطة =======>>> ايقالهن معايير قل ايه بس :D:D:D


يابعد مناخر أم الهكي يامدحت ياعجينة السنبوسة ياالعصل اههههههههههههههههههه تخيل عاااااااااااد يبيعونك ببندة اههههههه عجينة سنبوسة مدحت شوقي بريدة وبريحة الثوم اعععععععععععع :D:D:D:D:D:D


سؤالي هو:

وش وظيفك ؟؟؟؟ وهل تقبلن سواق هيلكس احمل تبن من عندك وابيعه بالسوق ====>>>>>>>>>>> كب العشاااااااااااااااااااااا :D:D:D:D:D:D:D

ياويلي يامدحت تبيع تبن اجل اهههههههههههههههه ياحليلك...........


هذا سؤالي ونبيك تجاوب بصراحة وشي الوظيفة ياشيرة المنتدى.

يا شبااااااااااااااااااااب بدون تنكيت واستهتار ودنا بالجد لو سمحتم

سؤاااااااااال جدي وإجابة جد

رجااااااااااء لا تحرجونا مع ضيفنا العزيز

عااااااااااااد تعرفون المصري لما يزعل على طوووووووول ينفرد جنزيره




سؤال :::: هاااااااام وتردد كثيراا

شخصية مدحت شخصية مميزه حتى نستفيد منها لا بد أن نفهمها أكثر وأكثر فيجب عليك ياأيها المصري أن تقووووووووول لنا الحقيقة
نريد العمر ......... هل أنت متزوج وهل الزواج يعيقك عن الأنترنت ...........
ماهو طموحك لهذا المنتدى في المستقبل هل هناك خطط واضحه ....................
يعني بتفتح لك منتدى لوحدك مثلا مثلا والعياذ بالله ..........

هل أنت رجل أعمال كما يقاااااااال يعني ولد نعمه تلعب بالدراهم ..........





شف كل الأسئلة بجهه والسؤاااااال الأخير بجهه

لقاء مميز و رااائع ..

شخصية مدحت شوقي بريدة .. تمتلك (قلمين) راااائعين ..

قلم هزلي نكتي طريف .. يضفي على المنتدى .. شيء من الطرافة العذبه ..
و التنويع الجميل .. وخفة الظل .. و غيره ..

و يملك أيضا قلم جاد .. هادف .. أديب .. تجده في المواضيع الجادة التي تتكلم عن قضية من القضايا .. بشكل جاد .. بعيد عن الطرفة و الفكاهه ..


ليس لدي من سؤال .. فقط أحببت أهني أستاذنا مدحت .. على هذين الصنفيين من الأقلام .. و ما شاء الله تبارك الله ...



بريماكس

...

السلام عليكم ورحمة الله وبركاته

حبيبي مدحت هناك عدة مفاتيح عفوا عدة اسئله تبتريم(1) في خاطري

السؤال الأول: ماسر علاقتك بــ سعيدة أم الهكي؟؟؟

السؤال الثاني: هل صحيح ماسمعنا أنك تنوي تخطب الأخت سعيدة؟؟؟

السؤال الثالث: هل لك قصائد تغزليه في المحبوبة سعيدة؟؟؟


تحياتي لحبيب القلب مدحت شوقي بريده متولي الدسوقي الرشيدي

/--/--/----ـلام

---------------------------------------------
(1) تبتريم: أي تجول

النهيم ..
مشواري مع النت ..
مع اول يوم شريت جهاز كمبيوتر <<<<((((== الهدر ناوي يشغل النت برادو ..
عااااااااااااااااد عسى الله يجيب ام العيااااااااااااااال ..,.. علشان يجون البزارين ..
عاااااااااد شكلي مالي الا سئيده ام الهكي .. علشاني أهبه أهبه أهبه ..
وهي ماله غيري .. لأن ماأحد يبي يرضى به ..
صايرة اللهم ياكافي ثلاث قطع ..
1) الشنطه الدريه ..
2) الكرشه ..
3 ) خشمه المدور .. اللي صاير كأنه كفر صالون ..


عاااااااااااااااااد العلاقه القويه .. مع بريده ..
لأني مولود ببريده ..
ومرضعتن عجوز من العصيلي وعجوز من الربعي .. وعجوز من الزميع ..
مابوه وحده بالشقه اتغطى عن .. يا اختي ياامي ياخالتي .. الا وحده صايره عمي ..
امي جادعتن عند مدخل الشقه .. ومن جت من هالحريم .. شقلتن ورضعتن ..,..
واذا صار هاك اليوم بوه عزيمه والا عيد ..
تجدعن بحوش الغنم .. وماتشوف الا .. عنز ورى عنز .. صافات سرى ..
وأنا ماغير شفط .. نعنبوا ابليسك يوم عمري سنتين ووزني 47 كيلوا ..,..
عاااااااااااااااااااااد وشلون ماتبين انتمي لبريده ..,..

الواااااااااااافي ..,..
الواااااا .. ... .. في <<<<(((((== هذا واحد اتصل على بقاله ويساله همن انقطع عليه الخط .. ... الوا .,.. في ..

خفيف ظل .. هو الظل يوزن ..
ياحبيلك ألبك بعد ..,..

لو انك لاحق على بطل العالم ..
كاااااااان تعرف خفة الدم صحيح ..
والله ياهوا موووووت هاك المنسم .. بس وينه ..,..


************************

المنخرش ..,..
وش تبي بمقاس سروالي ..
مشتغل خياااااااااااطه تالي عمرك ..
بعدين من قال لك اني البس سروال ..
انا بحياتي مالبس سروال ..
اسرع لتطيرة الشراااااااااااااااااااااااااااااااب ..
تاااااقف .. همن تجلس .. همن تقولبه .. همن تقوم .. ولا احد شاف ولااحد دري ..
اما السروال .. اقعد افصخ والبس ..
قسم ان يدرري عنك اهل الحارهم كلهم .. انك ناوي اتطير الشراب ..
<<<<<((((== ياشينه الصعيدي مايعرف يجيب أمثله زينه .. كلهن مثل خشته .. تقول مولود بحمام ..


******************************


ابو محمد النجدي ..,..
يالبي يالمراسله ..
تعبانه اليوم .. وشريت له شراب الكحه ابو زهره ..
بس يالبي قحنة نصه .. والى هالحين نايمه ..
بعدين اشوفك دايم تقول ( يابعدي هي )
ماودك اعطيك رقم جواله .. اللي اذا دق عليه احد .. قالت تعالوا افتحوه لي ابرد ..,..
طيب وشلون امك انت بعد ... الله من الحراره شكله رافعت الكموم وتقلي من الصبح بالسمبوسه واللقيمات .. همن تحطهن على السفره ,., واذا بردن .. قامت وسخنتهن .. وهذا هي الين يئذن ..
سي يو ..


امااااااااااااااااااا عدد اخواني ..
فهذي عد واغلط ..
تصدق انه طلع لي اخوان جدد ..
صارت امي حاطتهم عند خالتي ..
واثنين مسلفتهم ام جيراننا ..
واثنين معطيتهم هدايا لوحده مايجيه الا بنااااااااااااات ..
ماشاء الله عليه الوالده .ز لو تجمع اخوتي ..
كان يطلع دفتر العائله .. ( دفتر ابو أربعين )


سي يو ..


*****************************

مهبووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووووووووووووووول قسم بالله بغيت أبتل ما سك الزر

مدحت تراااااااااااااا إذا به جائزة تحفيزيه لك غااااااااااااااليه الثمن بغلاء حبك في قلوبنا ((((((((((



بس يعني لو تكرمت بلا هك ((((( خصوصا سالفة السروااااااال أصلا أنت سبب عدم لبسك للسرووووووووااااااااال هو ليس الخفه في قضاء حاجتك لكن لأنك ما لقيت مقاسك
ههههههههههههههههههه

ممكن تذكر لنا قصة حبك مع سئيده أم الهكي < بإختصار لإنك قرقه الله يجزاك خير

سمعت إن إخوانك يسمونك مجنون سئيده .

هل هذا الكلام صحيح.

طيب كم وزنك يالنحيف؟

إلى الحين تلبس النظارات الشمسية بالليل؟

كم مقاس قميص شغلتكم ؟

مدحت تراي كاتب سؤال



رد عليه ولا والله لاافرق بينك وبين سئيده

يالطير وين السعال اقصد السروال اقصد السؤال برعه


تراني ناسيه

النهيم ..
من الذي دلك على المنتدى ..
كأن ودك تقول .. من اللي علمك عن هالمنتدى وابلشنا بك .. :D
تهي تهي تهي ..,.. وهاهو الهدر مدحت .. يبكي ويبكي حتى ماعت عيونه من البكاء ..
حشاء هذي شمعه مهيب عيون ..
سي يو ..


يالبي ماعرف الا منتدى بريده ..
هو اللي اشارك بوه .. ويخب علي بعد ..,..


عاااااااااااااااااااااد الاعضاء اللي قابلتهم ..,..
من قلت لوه ابجي أشوفك ... قال انا بمكه ..
واذا صرنا بالعطله قال انا بأبها .. وهو يتسدح بالمقطوع والا مخطط الرواااااااااف ..,..
الا واحد قاله لي بصراااااحه .. لاتجي .. نقعد نبلش بك انت وثومك ..,..


***************




شيخ بريده ..

وظيفتي قهوجي يالبي ..
وابشرك مرشح طقاقه عقب ( سئيده ام الهكي )
عااااااااااااااااد لو تشوف التكرن عند البيجوا .. اذا جيت ابركب ..
كل واحد جايب الطار حقه ( الطبل ) يبين اوقع عليه ..

وسئيده من بعيد تغمزلي .. وانا هاااااااااج منه ..

***************


زياد بن محمد ..
يالبي تبي اجاوبك ..
اعزمن على الفطور .. وأنثرلك كل الاجابات ..
<<<<((((== بتله يسحب بطنه المصري ..,.. مقيوله .. العرق دساس ..


سي يو ..

... ودي أسئلك أسئله جااااده .....

موهب مثل بعض الشباااب .... اح ح


باي لغه ترى الحق ؟؟؟؟
وش اكلك المفضله برمضان ؟؟؟
كيف عرفت المنتدى ؟؟؟؟؟ """سؤال محرج"""


ومشكووور ياحبيبنا

النهيم ......... هالصعيدي مايقدر يجاوبك لأنه ياويلي عنه له أكثر من شخصيه وهو بلش بروحه ما يدري هو مدحت وإلا شوقي وإلا دسوقي وإلا .....


يقوووووولوووووون والعهده على الرواة الله يحفظهم لنا :

مدحت ...... هالأيام محتاج ندعي له ........... المسكين ..... ياويلي صدمته قبل أمس سيارة وحساااااااااااافه راح الموتر 2004 جيب ربع
وهالصعيدي طلع مأمن بس ماحسب حساب بدو بريدة ما أحد يتليقف عليهم ...........كسروا راسه مع كم عظم ؟؟؟ !!! عسااااااااااااااااااااااااااااك ماتشوفه في قسم ICU العناية المركزه بمستشفى شهار

الدكتارة بلشوا به ما يدرون يعالجونه وإلا يضحكوووووووون من تنكيته المهبوووووووووووول متكسر وقاااااااااعد ينكت

ماقلت لك صعيدي ......



عاااااااااااااااد يمن أهل الخير دريوا به افتحوا له حساااااااب في بنك سويسرا حتى لو أي واحد يبي يتبرع له على طول ما يحتاج يشوفه ولا حتى يعرف ملامح وجه

عااااااااااااد لا تخلونه في محنته تراااااااااااه بالحيل محتااااااااج

هذا رقم حسابه ::::
ع ن ب ر 3
فرع : قسم الأمراض النادرة :
مدينه السعااااااااادة حي ألأمل


شفاااااااااك الله يا محت وأرجعك إلينا سالما من جميع العااااااهاااااااات ومشتقاتها

بريماكس ..,..
ابو تج ..

الف شكر لكم حبايب البي على هذا الشحط ..
يسلموا ..: 12


****************


طير غيمار ..
ومنه قول طير غمارتين :D ..
سر علاقتي بسئيده ام الهكي .. <<<<((= سر والاكتف :D ..,..
يالبي هذي لقيته بالحرم ووعطيته ريال ..
وقامت ومطختن وملت خدي سعابيل ..
بس وراه سعابيل التكرن سود ::D D:D ..
ومن هاك الساعه وانا اهبه ..,..

يالبي .. ابي الفكه منه .. وانت تقول اخطبه ..,..
هذي سئيده شايفة روحه دلووووووووعه ما أحبه ..
تدري ليه دلوعه .. لأن به برص .. ومستانسه ان به شي ابيض ..,..:D
سي يو ..

القصيد الغزليه بسئيده ..
ياسئيده ياسئيده .. ان اشهد انك وليده ..
خشمك كأنه دولاب .. واثمك كبر الجريده ..,..
ياسئيده ياسئيده ..:D

سي يو يالبي ..,..



**************************


زياااااااااااااااااد بن محمد .. مره ثالثه ..
يالبي مالقيت مقاسي الا عند السنيدي حق الخيااااااااااام ..,..
بي بدون كرسي .. وماينفع ..,..

سي يو ..


**************************


الاعصااااااااااااااااااااااااااااار ..,..
ياحبيلك يالبي ..,..
حتى انا اريد أن اتعلم الرزانه منك .. وشلون وكيف ..
ودي اصير عاااااااااااااااااااااااقل بس عجزت ..
امي تقول .. لو تنقز .. مازوجناااااااااااك الين تعقل ..
وأنا ودي اعرس ..,.. بس الحريم اذا جيت اخطب ..
قالوا لي اهلهن نبي ننشد عنك .. واذا نشدو هونوا ..
اقل شي امام المسجد .. يقول مانشوفه الا وهو يخقل المصاريا اذا اسجدوا وينحاااااااااااااااااش ..
عااااااااااااااااااد ربي عاقبن .. مره خقلت مصري .. وانكسرت رجلي ,,.,,
نعندوكم الخلفيه عنده مرااااااااااااابيع ,.,
زين اللي ماصار فيه مسمار فرقعين جدي ..,..
سي يو ..



************************


ابو محمد النجدي ..
يالبي كل هرجك عن هالمراسله ..,..

يالبي له اسبوع ماغير تكحكح .. تشوف النمل يتمشن جنبه ..
كل ماكحت طلع نص سحوره ..
والنمل مقبلااااااااااات على شتاااااااااااااااااء ..,..
ماتسمع الا .. ( هيا .. هيا .. هيا بنا .. اني أرى حبتين ارز )
هيا ايه النمل اسرعوا .. قبل ان تأتي الشغاله فتكنس ماسقط .. هيا هيا ..,..
وخرشه جنبه ياويلي ..,..
الله يشفيه ويعافيه ..,..



************************

وش الهذر هذا والله انكم فاضين صدتس اذا قالوا شبااااااب (_) بريده (_)

هههههههههههههههههههه

اقول عندي سؤال يالمهم



من هو الي دلك على المنتدى ومن هو الي علمك تفتح المنتديات والمواقع ؟

هههههههههههههههههههه


الله يحوم تسبدك

تقطعت من الضحك

ياسئيده ياسئيده انا اشهد انك وليده
خشمك كنه دولاب واثمك كبر الجريده
ياسئيده ياسئيده

ما شاء الله صرت شاعر شاعر ههههههه اه اه ا ه اه ا

ضحكتني وانا قاعد اقرأء رد زي ××××× التزم الأدب ×××××




تيه تيه تي

الله يقطعك مثل ماتقطعت أنا يالمصري

صادفت مشاكل ..

قصة حبي مع سئيده ام الهكي بأختصاااااااااااااااااااااار ..
بأختصاااااااااااااااار .. ابي الفكه منه .. ما أهبه ..

يالبي ..
اخوان سئيده .. يسمونه مجنونة مدهت ..
اصلاً اللي يفكر يحبه .. مجنوووووووووووووون ..
من زينه هي ومناخره اللي كل ماشفته لقيت النمل داخلات طالعاااااااااااات ..

وزني .. __ ( تم حذفه بناء على رؤية الأخ ابو تج ) __

يالبي انا ما البس نظااااااااااااارت شمسيه بالليل ..
هذوليك نظاااااارات طبيه .. بس من زود البحلقه بالناس .. قضن .. وقلبت الوانهن ..

قميص شغالتنا رقمه ( 41 ) حافظه لأن رقم فانيلتي ..

دايم اشوف عليه فانيلتي ..
ودايم القى قميصه بدولابي ..

سي يو ..



*************************


الحنون ..
وشي أسئلك هذي ..
الحق هو يشااااااااااااااااااف ..
يالبي الحق خابره ( الطبقه ) .. يعني الحق عليه لايفوتك ..

اكلتي المفضله .. البقدونس المحشي .. <<<<((= يبلغ يالبي ..,..

عرفت المنتدى ..
عن طريق .. زعيم التنسيم وذروة سناااااااااامه ( سعفه )



*******************************


سي يو ..

تسلم والله ما تقصر

نشوفك بالدردشه الي انا حاطها اوكيه

مقابلة رائع ..

تسجيل حضور .. لي عودة بإذن الله ..

سؤالي هو:
ماعدد إخوانك؟
وماهي الشهادة التي تحملها؟
وأين درست المرحلة الإبتداية؟

... طوت طوت طوت طوت ..
طخ >>صك السماعه

طوووووووووووت طوووووووووووت ..
سراج : السلام عليكم .
المقدم : وعليكم السلام ..
سراج :منكن اشارك ..
المقدم :من معنا ؟؟
سراج : معك ابو تفله ونص :)
المقدم : تفضل


السلام عليكم ..يا شيخ المصاريا

اخي وحبيبي وقرة عين ابراهيم .. الدختور \ ابو مصطف الشيخ مدحت
-- يبي يشبك بس ما يدري وشلون


يا شباب اللهم لا رياء .. الشيخ مدحت واعه اكرر اللهم لا ريا ..

حافظن 76جزو وباقي كمن جزو ويحفظ القران ..


اما عن شخصيته :
1. واحدن طويل قصير ..
2. دب عصل ..
3. ابيض واسمر >> من كثر ما مطخ سئيده تغيرت البشرة ..
4. معه لكزس430 ولا بغا يركب سئيده جاب البيجو المروحه ..


المهم : مدحت واللهم لا رياء يشتغل بسوق الخضرة بالنسيم ..>> طاح به

عاد شوفو ا .. مدحت يطلب منكم الحل لأنه يبي يرجع ابطاقة لم البدوي وياخذ الإقامة ..


مدت تنفع تشتغل محامي .. ولن تطلع فلوس لقدرة >> عشان نطور المنتدى ..


يالبي شكرا لك ..

العمود ..
انا أحتريك يالبي ..,..
سي يو ..




السندباااااااااااااااد ..
ياخي تبي الجد .. اني معجب بروقاااااانك ..
ماشاء الله عليك رااااااااااايق مره ..
دائم اقر ردودك .. انواع الروقان ..
أحس انك منبطح على بطنك وتكتب الرد بروس اصابع رجليك وتنقم فصفص وتقراء جريده :D ..
يارااااااااااااااايق ..,..

عدد اخواني .. موجود برد سابق ..
**** امااااااااااااااااااا عدد اخواني ..
فهذي عد واغلط ..
تصدق انه طلع لي اخوان جدد ..
صارت امي حاطتهم عند خالتي ..
واثنين مسلفتهم ام جيراننا ..
واثنين معطيتهم هدايا لوحده مايجيه الا بنااااااااااااات ..
ماشاء الله عليه الوالده .ز لو تجمع اخوتي ..
كان يطلع دفتر العائله .. ( دفتر ابو أربعين ) ****

:D :D :D
اما عاااااااااااااااد الشهاده اللي احملها ..
ماعندي الا شهادة الضمان حقت المكيف اللي بغرفتي :D ..
يالبي نجحت من سادس ابتدائي ..
وكاتبين التقدير (( يالله يالله نجح :D )) أردى من مقبول ..
ويوم انجح من المتوسطه ..
حاطين التقدير رسمه ( راسمين .. رجل مدرس وهو تشوت طالب شوت :D )

عااااااااااااااااااد الثانوي .. الى هالحين ..,..
ما اغير انجح .. من ثالث أول الى ثالث ثاني .. الى ثالثه ثالث .. مابعد قضيت اصبر ..,..
:D :D :D
المرحله الابتدائيه درسته .. بمدرسة عتيبه بن قحطان الخامسه والعشرون :D ..
وهذي بالنسيم يالبي ..
الفرااااااااااااااااااااااااااش طال عمرك عسكري:D ..

والحارس يجيبون دوريه :D :D :D ..

سي يو ..

أحم أحم أنا رايق ....

البي وخشمي ورقلي ونعلتي >> والله ياهو مايعرف يدخل <<

أيها المصري المحترم ....:::<<< عاد ضاعت الطاسة ))((//.,

أنت صتز معك لكزس 430 ((:..؟" تراي خفيف على طول أصدق </،/×÷/

ولا البيجو عطية الله قايمة بالواجب ؟.<>:/,/ الواجب ولا الفصل :D:D ؟:"/:>؛،

عندي سؤال .


هو كم منتدى تنستخدمه انت ؟




ودمتم سالمين

سراااااااااااااااج الخير ..
يالبي انا ما اصلح ( محامي )
انا يابعدي محرج بسوق المقاصيص ..
تلقان واقف فوق ددسن وأحرج على مكيفاااااااااااااااات وسخاناااااااااااااااااات :D ..

الا مره لقيت واحد يحرج على ولده ..
يوم ناظرت لقيته سعفه:D .. ياويلي مهبل بأهله :D ..
يقول ابوه اني اليوم لاقيه بمنارة المسجد فاك المكرفونات ..
وحاط بدالهن لمبات .. واقول ليه ..
يقول علشان اذا اذن تولع اللمبه بس :D :D :D ..
((( لا يصيــر بــوذي :D :D :D ... ابو الشبااااااااااااب )))

عااااااااااااااااااد رحت اصلي العصر .. يوم رجعت تدرون وش لقيت ..
لقيت سعفه يـعـد القرووش:D ..
يالبي بايع ابوه :D :D :D ..

سي يو ..


***************************


snake

يالبي لكزس 430 ... تهي تهي تهي ..
انا اذا اذا نطقت كلمة لكزس توحشت ..
وش عااااااااااااااااااااااااد اركبه والا اشتريه ..
يابعدي .. انا مامعي الا حق العلامة اللي على الكبوت ..:D


الله يخلي البيجو .. اذا خربت المكينه .. والا القير والا اي شي ..
فتحت الكبوت وجبت عيال العم من العزبه ( هريدي .. وحسنين )
وسالقطتهم بوسط الكبوت .. وخليتهم يشقلون السياره ويدابتسون به ..:D :D :D



**********************

ابو تج ..
شعلة منتدى الطرائف .. لشهر رمضاااااااااااااااااااااان ..,..:41
هلابك يالبي .. يشرفني حضورك ..
وأنا يالبي ما استخدم الا منتدى بريده بالمشاركات ..
وبعض المنتديات اطلع عليه فقط .. وأحياناً اضع مايناسبها من مشاركات ..,..

يسلموا يالبي ..,..



سي يو..

أما لعمر هذي من اسرار المهنة >> لذلك انا اشتغل بالاحوال .. مثلا

وانا فاتح الجهاز واكت السيد مدحت شوقي

ويطلع 100 مصري ..

بجثت عن المتجنسين ..

حصلت 3 ..

واحدن عمره 70

والثاني.. عمره 16

والثالث .. عمره 29

==============================================

اقول يا البي اخير احد الاجابات


==============================================



عاد سعفه لاتشره عليه .. لأنه منذ مبطي لم نره ..


يمكنه قاعدن يفك المنتدى يبي ينطله :) ..


شكرا يا البي ..


ولا تجحد على لشباب 430

مشكوووووور مدخت شوكي هههههههههه

على ردك على سؤااااالي هههههه واحد ما يعرف يكتب ههههه ا ه اه اهتا ها


دمتم سالمين

خخخخخخخخخخخ

مدحت سؤال يبطح روحه

كيف حالك؟؟؟

من شين السؤال ما رد عليك ههههههههه اسف

أصلا مالي 5 دقائق حاطه

اهبي يهالوذحة

الحين له يوم ولا رد عليه هههههههههههه

مدحت خلفهم ..... لي قصة معك ...
أنا مره كنت حاضر عرس واحد بالمنتدى المهم أنتو كنتم متجمعين حقين المنتدى
أنا أدري انكم حقين المنتدى المهم انت جالس تنكت قسم بالله اني ذك اليوم أول مره
أفطس من الضحك مثل أكالمره عاد يام سألت عنك قالولي هذا واحد مشرف بالمنتدى
أسمه مدحت شوقي وودي أسألك سؤال إذا ... إذا صار فيه عرس مره ثانيه عادي أجي
أقعد معكم -------------> نشبه هههههههههه

الكشخه ..
يالبي متحمس على هالسؤال ..,..
( كيف حالك )
ذكتن بأثنين أول مره يقعدون مع بعض ..
ماعندهم الا وشلونك كيف حالك .. الهرجه كله سلااااااااااااااام ..

بس ابشرك بخي يالبي ..




السيد دكتور ..
هلا بيك يالبي ,.,.,
عاااااااااااااااااااااااااااادي تعااااااااااااااااااال ..
واذا ماشالك المكان تشيلك حجورنا يالبي ..
تخيل المكان زحمه .. وكل واحد قاعد بحجر الثاني ..
<<<<<(((((== صارت جلسة حريم كل وحده خامة بزره ..

سي يو ..

ما شاء الله عليه مدحت شوقي بريده يجاوب علي اسالتكم والله لو انا كان حذفت الموضوع

شلكم رفعتوا ضغطه ههههههههههه



دمتم سالمين

يا ألبي يأبوتج مدحت والله من التهرب من الإسئله
( يجيد فن التهرب )

هههه يازينك

كم طولك وعرضك
 

هلاااااااااااااااااا في الاخ مدحت شوقي منور يقصد منور المطيري
ياأخ مدحت كام كان طولك وماهو وزنك الان وعرضك

محبك الحلو

:D >>>>>>>>>>فضيحه<<<<<<<<<<:D

أبــو تج والله ياعليك شين رد وش قال قال ههههه يازينك
الله يخلف على امن جابك

أبو تج وراك

السيد دختر مدحت نكتة شكله يوم انولد انولدت معه الظحكة وبعدها الناس عرفوا يضحكوووووون

كانت مقابلة شيقة مليئة بالأبتسامة إن لم تكن كلها

ومازاااااااالت
لكن بسببب ضيق الوقت ...... لا يسعني إلا أن أقوووووووول

ألف شكر للأخ العزيز خافض الضغط والسكر ملح وسكر ومقبلات المنتدى بل المنتدى قائم على أصابعه الذهبيه
الغاااااااااالي مدحت طولناها عليك نأسف على الأطاااااااالة وشكرا على الإجابة

وفقكم الله وزادكم سعادة ونورا



والشكر موصول لأخونا الأعضاء جميعا على المشاركة

يا أخوان أدعو لأخونا مدحت بالسلامه ..

وش فيه حبيبنا مدحت..
الله يقومه بالسلامة...

مقابلة رائع ..وجميلة..

المقابلة الجاية من بيكون

يا مدحت شوقي بريدة


: 12 : 12 : 12

فيه شخص من الشماسيه
 

عطاوه عين ماصلت على النبي يقول مدحت يرد بسرعه ماودي اوضح انتم لاحظوا هالشي وسلامتكم

نأسف للغلط
 

لاوالله اخونا الي كلمتكم عنه قال ماشاء الله اجل مدحت وش فيه ابطى عنا وعن ردودنا وعن المنتدى نامل ان ياتينا خبره عاجلاً:(