|
تكفون وش أسوي بالأشرطة اللي عندي
بسم الله الرحمن الرحيم
السلام عليكم ورحمة الله وبركاته وبعد حياكم الله وبياكم ياشباب ووفقنا الله لما فيه الخير والصلاح وتكفون ياشباب أريد اقتراحاتكم أنا عندي فوق 200 شريط صوتي من الأشرطة القديمة يعني لهن بهالخمس سنين طالعات ، ولاأدري وش أسوي بهن عطون اقتراحاتكم ولاحد يحقر نفسه فقد تكسب أجراً عظيماً من خلال اقتراح تكتبه في دقيقة شاكراً لكم ،،، والسلام عليكم ورحمة الله وبركاته |
حياااااك الله ابو دعفس
اقترح عليك بالتوزيع الخيري على الشباب فيما هو *مناسب* من الاشرطه ((يعني مهب تشوف عربجي وتعطيه شريط**جزيره الاسلام** للشيخ سلمان)) !! وانت قسَم اشرطتك الاشرطه الوعظيه بجهه والاناشيد بجهه والمواد العلميه بجهه وهكذا والتوزيع كلُ بحسبه.. وان تسانك مشغول وماعندك وقت توزع عطهن اي تسجيلات اسلاميه وهو يتكفل بتوزيعهن على زباينه.. ((بالنسبه للمحاظرات القيمه والمواد العلميه خاصه القديمه انصحك بالاحتفاظ بها وجعلها مرجع لك تستمع اليها بين الفينه والاخرى )) محبكم... |
بسم الله الرحمن الرحيم
السلام عليكم ورحمة الله وبركاته .. حقيقة يابو دعفس بقايا المجد ما قصر .. وازود من عندي اقتراح .. انك تمر على هالحلااااقين .. اللي يشغلوون اغااني وانت تحللللق وتحط عندهم شريط شريطين .. أيضاً لو تعامل مع حلاقين أو ثلاثة كل فتره تجيب له اشرطه أو مطويات أو كتيبات تكون للي يبي ياخذ منهن حياه الله .. موفق حبيبي |
الأخ الحبيب / أبو دعفس ,,
المكتب التعاوني للدعوة والإرشــاد وتوعية الجاليات بالصفراء يستقبل مثل هذه الأشرطة ,, وكذا غيره من المكاتب الأخرى ,, بارك الله فيك ,, |
أخوي ..
فصّل لك دولاب بأي ثمن كان .. وضع الأشرطة فيه .. فهي كنزٌ عظيم .. وخصوصا المتميز منها .. وبعدين حط عندك مسجل كبير في الغرفة .. وكل يوم شغل شريط واسمع .. وخذ للسيارة .. ثم رجعها وهكذا .. ولا تتوقع أنك ربما تعرفها إذا شغلتها .. صدقني .. ستسمع الشريط .. وتذكر الأيام القديمة التي سمعت بها الشريط لأول مرة .. إذا عندك أشرطة نشيد قديمة .. تكفى عطني إياها .. الزئير .. الإعصار .. والشلة ..! |
السلام عليكم ورحمة الله وبركاته
أخي أبو دعفس هناك من هم بحاجة ماسة إلى هذه الأشرطة وهم من هم قاطني القرى والهجر و أيضاً إذا حصلك توصلهن إلى أحد الدعاة الذين يصلون جنوب المملكة فهم بأمس الحاجة لمثل ذلك . وإن كانك بلش بهن أنا أتكفل بتوزيعهن عنك . وشكراً |
هلا ابودعفس ..
اهم شي وقبل كل شي .. اذا عندكم بالبيت عجوز .. فارفع الأشرطة فوق دولااااااااااااااب ملاااااااابسك .. والا ارفع جدتك فوق الدولاااااااااااااب .. :D لأنه اذا شافتهن فتراهن ماهن لك .. تبي تسجل عليهن ( الهزاع ..ام حديجان )... أو نورعلى الدرب .. يالبي انا مابديت احلت اشرطتي بالحوش الا يوم توفت جدتي .. :D عاااااااااااااااادي تخشع مع خطبة والا محاضرة ماتدري الا ابو هزاااااااااع خاطم عليك .. ( يوميات ام حديجاااااااااااااااان ) .. والا تدخل جو مع نشيد ومستانس .. همن ماتدري الا ناقزن لك ابو مقرن :D :D وقايل ( نور على الدرب ) والله ياهي احباااااااااااااااااط بعد .. عاااااااااااااااااد يالبي فيه مراكز كثيرة لاستبدال الاشرطة .. وأظن تسجيلاااااات احد عندهم تبديل .. أو اذا كنت مانت بحاجتهن عطهن اياهم واكسب الأجر وهم يتولون امرهن .. ونااااااااااااااااااااااااااسه .. |
فيه مسجد بالإسكان يجمع الأشرطة .. تسانك تبيه .. راسلنا عالخاص يبو |
نقد
اقتباس:
اشكر صاحب الموقع على اتاحته الفرصه لي بتسجيل اخي الفاضل انا لحظة عليك ملاحظة بكل صراحه اعتبرها خيبه منك استسمحك عذرا على الكلمه هذي انت كتبت :/ ( اقترح عليك بالتوزيع الخيري على الشباب فيما هو *مناسب* من الاشرطه ((يعني مهب تشوف عربجي وتعطيه شريط**جزيره الاسلام** للشيخ سلمان)) ليش العربجي تعطيه شريط نكت؟؟؟؟ ليش فرقت ؟؟؟ مين هو العربجي بنظرك؟؟ هل العربجي بنظرك الي منسم وماهمه احد وراعي طهبله؟؟ او العربجي راعي السكار والنكار وقلة الصلاة؟؟؟ بلله عليك مين تحس احوج لشريط العربجي ولا الشيخ سلمان بن فهد العوده ؟؟ هل جعلت الشيخ سلمان بن فهد العودة مقاام عااليااااا او ملك من الملائكه؟؟؟؟ ياخي الكريم فيه احد يتعدى ثقافة الرسول صلى الله عليه وسلم؟؟؟؟؟؟؟ علمني هل الرسول صلى الله عليه ويسلم مايحدث العراااااابجه على قولتك ويدعي لهم بصلاح؟؟؟ اخي الكريم لاتجعل نفسك تكبر عليك اذا انت قلت عربجي وتقصد فيه المطهبل ( مهبول ) ياخي ماعليه شرهه بس انا افهم منك انك تقصد الي يسمع اغاني مثلا يدخن ياخر الصلاة عن وقتها يسهر الليالي هذا الي فهمته منك علشان كذا اقولك اتقي الله في نفسك وفيه عرابجه ثقافتهم تعلو عليك --------------------------------------------- تقبل خالص تحياتي ويش يروي العطشان من كاس مكسور ++++ ويش يملك المظلوم غير الندامه |
هلاااااا بحبيبنا دقلص...
اشكرك على هذا النقد الهادف فلاحرمك الله الأجر ماقصدته اخي العزيز هو ان يتناسب الشريط مع حاله المدعو فالعربجي لو اعطيته شريط عن **اهميه الصلاه** لكان خير له من **جزيره الاسلام** فهو للدعوه الى الواجبات اهم من غيره وللدعوه اولويات ... اما مفهوم العربجي فبنظري هو المفرط بالصلاه المضيع لواجبات دينه وعلى ذلك فقس.. وهذه الطريقه لم ابتدعها ولكن لنا في رسول الله اسوه حسنه.. فكان المصطفى صلى الله عليه وسلم يخاطب معاذ بن جبل بخطاب لا يخاطب به غيره من الأعراب ، فيخاطبه عن العلم ، وعن أثر العلم ، وعن حفظ الله ، وعن حدود الله ، ويخاطب الأعراب عن التوحيد وأنه يقودهم إلى جنة عرضها السماوات والأرض .. وهكذا كلُ بحسبه وبما يناسب حالته .. ((فالدعوه تختلف على حسب حاله المدعو وماهو محتاج اليه )) اما بالنسبه للشيخ سلمان فحاشا لله ماندعي له العصمه ولكن اتينا به هنا على سبيل المثال فهو شيخنا الفاضل امام الدعوه واستاذ الصحوه نحسبه كذلك ولانزكي على الله احدا.. قلت حفظك الله ((علشان كذا اقولك اتقي الله في نفسك وفيه عرابجه ثقافتهم تعلو عليك)) لاتعليق!! فقد صدقت بهذه اصلح الله الحال.... !!عاد تدري عزيزي دقلص لو انك بجنبي وش ابسويبك!! ((تسان احب راسك تقدير واجلال لك ياحبيلك بعد)) اسال الله ان يجمعنا وإياك في جنات النعيم محب الجميع.... |
ياخوي عندي لك اقتراح وممتاز ومجرب خذ الاشرطة وضعهن في احدى المدارس في مرحلة المتوسط اذا كنت مدرس او وكل عليهن مدرس وضعهن للاستعارة وزود عليهن من عندك اشرطة اناشيد والله مني انا راح يستفيدون منها
|
السلام عليكم ورحمة الله وبركاته
اعتذر عن التأخير .. ------------------------ بقايا المجد إكليل حفيد عقيل عبدالرحمن الثاني الجنرال مدحت شوقي بريدة النهيم دقلص عاشقة الجهاد جزاكم الله خير .. لاحرمكم الله الأجر .. حيث إن هذه الردود أشبه ماتكون بورشة عمل جمعت فيها أفكار جميلة جداً وفق الله الجميع لما يحبه ويرضاه |
جائتني رسالة مكتوب فيها
تبرع بشريطك الإسلامي المستعمل للإستفسار 0500472005 |
السلام عليكم ورحمة الله وبركاته
أخي الكريم أعرف أحد الدعاة معرفة تامة يقوم بجمع الأشرطة المستعملة وكذلك المطويات المقرؤة وتوضع في كيس بعد التنقية وتوزع في مجمعات الشباب مثل الباحة في الاجازة وكذا في الحج و...و...و وقد صاحبتهم في رحلة دعوية أستفدت الكثير الكثير من الفوائد إذا كنت تريد توصيلهن رسالة خاصة حبيبي... تحياتي العطرة... د.طير غيمار.... |
أخي شموخ بزمن الهوان
أشكرك على الإفادة ، وهذا أقل مانقدمه لنشر الخير ********** طير غيمار جهد جميل جداً ، بارك الله في هذه الجهود وياليت مثل هالأفكار تنشر في المجالس لأن الناس عندهم أشرطة تم سماعها ولايعلمون مثل هذه المشاريع ليفيدوا منه الآخرون ،،، والدال على الخير كفاعله ،،،،،،، |
الحمد لله أثلجت صدري
تلك الإقتراحات .. مازال فينا شباب ذللوا سبل المعالي ورضوا خدمة الدين ونتمنى التطبيق أولاً وآخراً مع التحيه .. |
أبوفارس الخالدي
الحمد لله الأمة ماتزال بخير --------------- تابع للموضوع : http://www.buraydahcity.net/vb/showt...24697&posted=1 |
| الساعة الآن +4: 08:24 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.