ياشباب بريدة هل يصير كل هذا ببريدة ونظل مكتوفي اليد....
 

السلام عليكم ورحمة الله وبركاته
إتصل بي احد الزملاء طالباً مني ومنكم الفزعة ياشباب بريدة :41

سيارته نيسان مكسيما موديل 1999 لونه الخارجي ذهبي و الداخلي بيج. قير تماتيك مافيها شكه رقم اللوحة (ر ع ط 468). تم سرقتها من عند بيتهم بحي مشعل.
قلت له و لا يهمك راح أحط مشاركة في منتدانا الغالي و أطلب من شباب الفزعة ان يبحثوا عنها في كل أنحاء مدينتنا الغاليه أو خارجها يعني المدرسين الي يترددون على مدن خارج بريدة، و إلا الطلاب الي يدرسون في مناطق اخرى، و إلا شباب الصيد. المهم أن كل واحد يدوره مثل ما يدور سيارته و الي يلقاه يبلغ الشرطة.

طبعاً الشرطة ما راح تلقاه كالعادة .... بس بلغ علشان تثبت إخلاء مسؤليتك عن سيارك الي ضاعت منك.

لكن الي أبي أقوله إلى متى هالمهازل ياشباب ..... وين رجال الأمن البواسل الي كل يوم الجرايد كاتبين عن بطولاتهم.... أو بس بطولات في تجاه معين.

إلى متى ياشباب بريدة و انت ساكتين عن هالمشاكل تشتري سيارة بهاك القيمة ويجيك حرامي يضفه من بيتك مثل سلام عليكم.

لكن الي أبي أقوله إلى متى هالمهازل ياشباب ..... وين رجال الأمن البواسل الي كل يوم الجرايد كاتبين عن بطولاتهم.... أو بس بطولات في تجاه معين

رجال الأمن البواسل ??????????????????????!!!!!!!!!!!!!!!!!!!!1

للرفع ..

الأمن بالإيمان ..

وتطبيق الحدود ..

والله المستعااااان ...


الله يرده له سالمة غانمة ..

سلام :
والله أني بدوري لاشفت الماكسيما المذكورة أني اتصل على 911 فوراً .

ولك تحياتي،،ولد بريده

على صاحب السيارة ......ان يقول للجهات المختصه ان الي سرقها إرهههههههابي...
عشر دقائق وهي عنده بإذن الله .........

السلام عليكم
التاجر، قناص الروس، الصاعق، ولد بريدة،طفشان، طريب شكراً لكم على مروركم.
أنا عارف إن المشكلة بالتربية ولكن وش نقول.
ثم إذا كان الي سارقها من أبناء بريدة فبريدة لم تنزل بقعة من الجنه مثلها مثل اي مدينها فيها الصالح والطالح، وستنجادي بأبناء بريدة لعلمي أن الصالح يغلب الطالح إن شاء الله. وإلى الأمام ياشبابنا.

أود تصحيح معلومه وهي أن السيارة قير عادي مهب أتوماتيك

الله يستر علينا وعلى كل مسلم

للرفع

هذا مله إلا يتصل على هالرقم ويلقاه بأقل من نص ساعة


990

انا بادور وانت دور والحلال مايروح ومصير المكسيما ترد لصاحبها

طيب ممكن تحط رقم جوال صاحب السيارة ...
علشان اذا مسكته وش أزين لك ... أروح للمنتدى وأرد اقول تعال بالمكان الفلاني .. غير معقول ...

لا حول ولا قوة إلا بالله


هذا من ضعف الإيمان


وهالشباب اللي يسرقون السيارات هم حقين التفحيط وتربية الشوارع



لو أبوه وامه ربه بالبيت كان ما سرق سيارات الناس



وش يقول أبوه : هذا رجال وما أقدر أقوله اقعد وانثبر بالبيت

وتقول أمه : خللللللللللللووووووووه يستانس ، وشوله نحجره بالبيت ، خللللوووه يروح مع ربعه




الله المستعان ولا حول ولا قوة إلا بالله



مشكور على الموضو الأكثر من رااااااائع


وإن شاء الله جاري البحث عن السيارة

ملكي شكراً جزيلاً على التفاعل.
بالنسبة لرقم الجوال ما اقدر أحطه لأن رعي السيارة ما أذن لي. لكن أنا قلت بلغ عن السيارة ولا يحتاج إنك تمسكه أو تمشكل روحك معه. و على أية حال لك كل التقدير على هذا التفاعل.

معلومة أحب أقوله لكم يعيال ديرتي لكن ما أبي أحد يزعل مني.

تصدقون أن فيه أحد المجرمين المفسدين في بريدة قام بأكثر من 120 جريمة سرقة تم القبض عليه أكثر من مرة.

لكن أخر مرة تم القبض عليه قبل سنتين تقريباً و احيل لأحد القضاة من أجل يحكم عليه بحكم الشرع لكن وش تتوقعون القاضي حكم عليه؟؟؟؟؟

ما أبي أعلمكم علشان ما تزعلون أو تضيق صدوركم.

فقط قضى صاحبنا المجرم سنتين في السجن أو تزيد أشهر، وخرج من السجن ليعود إلى ما كن عليه قبل ذلك من الهيصه و الحرمنه.
فهل ياترى لو إن المجرم سرق شاة لهذا القاضي فهل سيحكم القاضي على هذا المجرم بقطع اليد، أم أنه سيحكمه بسنتين فقط.

لكن أنتظروا المزيد من الإنفلات الأمني إذا لم يغير القضاء من احكامه ويتجه للصرامة مع مثل هؤلاء المجرمين.

اللهم إحفظنا و حفظ بلادنا من كل مكروه.