|
والآن التحدي الأول لجميع أعضاء بريدة ستي ! بلا استثناء ! مشرفين وأعضاء !
... السلام عليكم ورحمة الله حيى الله الأحبة جميعاً ارفقوا علينا شوي هذا التحدي جاهز منذ مدة ولكن الضروف تخلي الواحد خروف على قولتهم التحدي هذا تراه من الطراز اللين والخفيف وبدأنا بالأسهل ! علشان ما نكسر خواطركم ! هاه تسمع ياللي ورى أنت ! ايه أنت ! زين التحدي هذا عبارة عن أبيات تسمعونها في الملف الصوتي الجاي وقد وضعتها لكم بعدة ألحان وإلقاء علشان ما تملون كم عندنا من أحباب وخلان اسمعوا المطلوب هو كم عدد الألحان في الصوت ! وهذا ما عليه درجات الأهم وهو الزبدة بأي مدرسة في بريدة مكتوبة هذه الأبيات وتراها واضحة جداً وزي ما قلت لكم بدأت بالسهل عليكم والاّ الجاي أصعب وأشد يالله هذا الصوت اسمعوه وجاوبوا بس لا أحد يغش ترى اللي يرفع راسه تبي تسحب نظارته ! آسف قلمه ! معذرة ورقته ! ملاحظة يا شباب لا يجي أحد يكتب الأبيات هنا فقط تجيب ! تقول الأبيات مكتوبة على جدار المدرسة الفلانية ! زين يالله طولت عليكم ! أغدين ألف ورى ! يالله حمل الرابط من هوني ! وسارع بالجواب ! الفائز له جائزة من المستشار والنهيم ومهندس صوت ! نريد تفاعل والتحديات الجاية جاية ! احلف ! ... |
شكراً لك على هذا الشكل من التحدي
عزيزي الليزر .. الألحان 6 ألحان إذا كان الصوت الإلقائي محتسب والمدرسه مدرسة طارق بن زياد |
أنا لهاااااااااااااااااااااااااااااااا.. لي عودة بإذن الله .. |
والله يا أنت قديم
ذكرتن يوم أنا كبر تهاويل الله المستعان ! آسف ننتظر الشباب والحكام تراهم مشرفيننا الأعزاء ولهم أن يبادروا بالإجابة ! |
أنت لها وكفو والله يا تهاويل
ترى التحدي هذا أسهل تحدي اللي ما يجاوب يا ويله فيه نقطة ترى النقاش مفتوح ممكن تقول لفلان مهب صحيح الجواب الصح كذا تماسكون اليدين وتروحون للمدرسة ! هههههه ممكن الأبيات مكتوبة بأكثر من مدرسة اللي ببالي هو اللي يبي يفوز ! هههههه ننتظر وبشوق |
للمعلومية
ترى لي أكثر من سنة ونص أو أكثر مفكر بالتحدي هذا بس الضروف ما تسمح لك والجهاز والبرنامج ووو ! وما زلنا ننتظر الشباب |
مدرسة القدس الابتدائية ... الالحان ::أربعة :: والله أعلم .. |
إن أمكن أحدكم ينزلها بدقة أقل
لتكون أيسر لبعض الشباب نكون له من الشاكرين صيغة ram أو غيرها محبكم وبانتظار الشباب |
الالحان خمس
والمدرسة اللي عند سوق الغنم سابقا عند دوار النجر ما اعرف اسمه الظاهر القدس |
الرابط لايعمل ..
أخي الغالي : الليزر ... |
اللي مو من بريدة يطلع منها ..
<< احم احم .. تسيف الحال .. |
جاري تنزيلها مرة ثانية للغالين
ونتقبل النقد والتعديل والهوشات ! يمكن مهب هي اللي ببالي والتحديات الجاية أبيات مكتوبة بمدرسة ما تاصله المواتر علشان أعلمكم كيف التحدي !! |
|
وين الشباب ؟!
كل هذا دوران ببريدة وبحث تراها سهلة جداً لا تصيفون ! |
عزيزي .. هي بمدرسة القدس ..
والألحان أربعة كما قال تهاويل .. من دون الإلقاء .. |
أهلاً بمشرفنا الغالي
تراك أنت الحكم وعليك الجوائز والا ما دريت ! |
طيب على كذا المشاركين صفوا على من مضى الجواب الصحيح الأبيات مكتوبة على جدار مدرسة . . . . . . . . . مدرسة القدس الإبتدائية الموقع الزاوية الشمالية الشرقية من إشارة يد النجر ! الألحان أربعة بس ما قلتوا لي وش رايكم بالألحان الألحان اللي جت معي واجد ! بس قلت يكفن ذولي ! وشي هي أحسنها ؟! يبقى شي مهم وهو الجائزة ! هاه الآن يجيكم النهيم ويسلمها لكم ولعل الفائز هو تهاويل ويتقدم مشكوراً !! وترقبوا التحدي القادم صورة وهناك أبيات قادمة وفي مدارس أخرى ! |
والله ويورط النهيم
|
لا نورط ولا شي
وش خانته مشرف على الصوتيات إلاّ علشان يكرم الفايزين ويثبت المواضيع هههه أمزح |
أحم ..
|
جاء المشرف جاء
ما قلت لك اقصر حسك شف فشلتنا |
| الساعة الآن +4: 11:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.