بريدة ستي - لايفوتك / بعض المواقف في صالاات الاسهم النسااااااااااائيه .. وناااااااااااسه ..

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

لايفوتك / بعض المواقف في صالاات الاسهم النسااااااااااائيه .. وناااااااااااسه ..

السلااااااااااام عليكم ورحمة الله وبركااااااااااااااااااااااته ..
هلا بالشبااااااااااااااااااب ..
منذ زمن اقرب بالبعيد هممت لاجلس واقفاً ذاهباً لاابرح مكاني
في مكاني الذي مازلت احلم ان انام مستيقظاً فيه ..

ياسلااااااام شفتوا ياشباب مايبي له شي الفلسفة .. صفصف كلمتين وخلااااااص قضينا ..

يالبي يالشباب وش رايكم بدخول الحريم للمساهمااااااااااااات ..
مانقول لاتسااااهم لكن لاتنسى بيته وعياله ..
أنا اسمع ان بعض الحريم مساهمة ورايحه جايه للبنوك ومرابطه عند شاشة النت ..
والضحية الأســــره ..

عاااااااااااااااااااااد تخيلوا موضي وهي رايحة مع منيره للبنك يتابعن الأسهم ..

الو منيره .. انا موضي يالله حنا عند الباب اطلعي ..
طيب اصبري خلين اهج عن ولدي هالصغير ناشبن بي .. اعوذ بالله ..
فطيمه خوذي اخوتس غبيه بالمطبخ لايشوفن وانا طالعه بعباتي ..
اوف اعوذ بالله ياموضي هالولد يالله اطلع منه اذا شاف عباتي قعد يصيح يبي الروحه معي ..
(((( طيب وش قلنا .. هذي البداية على حساب هالطفل ))))

هاه وراكم رحتوا منا ياموضي ..
نبي نمر على رقيه تبي تروح معنا ..
لا لا لا لاتآخذينه معنا والله ان تبلشين به .. ترى تبي تخوبل بتس ..
هالحين اذا بغينا نشري شباصات بريالين خوبلت بنا .. وشلون عاد اسهم ..
اتركيه احسن وبكيفتس ..

ماشاء الله الصالة ملياااااانه من هالحريم ..
ايه تعالي خلينا نقعد حول الشاشة اللي ورى شوفي ماعنده احد مخلينه ..
ورى ماحوله احد هالشاشة كلهن عند الشاشة الكبيرة مايشوفن زين ..

من مكان آخر ..
الو مزنه .. يابنيتي طفي عن الدجاج اللي بالفرن لايحترق يفضحن ابوتس ..
وغيري لأخوتس ترى يوم اطلع وهو جايبن العيد .. ورضعيه لو ديتول اهم شي يسكت ويخمد ..
واذا اتصل ابوتس قولي لوه .. ان امي رايحه مع خالتي للمستوصف تبي تحلل ..

من مكان آخر ..
اقول فطيمه ..
اشتري من اسهم المكيرش تراهن نازلات وعلى قبالت عيد الضحيه يبي يرتفعن ..
وع .. والله ماشتريهن لو يصيرن بعشرة الاف ..
اختي مع واحدن من عيالهم واعرس عليه قبل كم شهر ..
تبين اساهم معهم همن ياخذ الثالثه .. لاوالله ..

نرجع للدهادر موضي ومنيره ..
هاه ياموضي والله ماغير تزهمين بهالجوال وتقولين يالله بيعوا بيعوا ..
ايه ماشاء الله شوفي الشاشة كله خضراء .. ونااااااااااااااااااااااااااااااااسه ..
وبعت كل الاسهم اليوم مابقيت شي .. الله اعلم اني ابطبع اليوم ومعي 3000 ريال زود ..

شوفي هاللي اقبلت علينا موظفة هالبنك وش تبي ..
الموظفة / اقول ياخواتي .. وش عندكم هنا ..
موضي / ابد يالبي عند هالشاشة نبيع ونشري بالاسهم ..
الموظفة / وماشاء الله عليتس بعتي وشريتي ..
موضي / ايه اللهم لاحسد ..
الموظفة / بس هالشاشة اللي انتن عنده هذي كرتون شكل :d .. ماتشتغل ..
روحن عند الشاشة الكبيرة .. والله يخلف على قروشتس ..

وللمواقف بقية ..
وناااااااااااااااااااااااااااااااااااااااااااااااا ااااااسه ..

والله انك مصرتسع يا مدحد

اقول مدحد

وش رايك مهب مدحد ازين من مدحت ؟

الاسهم

ههههههههههههههههههههههههههههههههههههههه

اقول مدحتيشن عندي سؤال

كل اهلك ينكتون زيك؟!

هههههههههههههههههههههههههههههههههههههههههههههههههه ههههههههههههه

:d :d :d :d :d :d :d

وعليكم السلام ..

عاشت المواضيع .. عاد تصدق أن هالموضوع له نكهته الخاصة ..

منيرة وموضي بسوق الأسهم , شكلهن غلطن بالأسم يقصدن الحسون الله يهديك مهب الأسهم ,
عاد من زين التخطيط تضارب , بغت تحرق دجاجته وهي مقابله هالكرتون ..

تسنه قدام عيوني تلقاه حالته حاله , وكحله يسرب و ريحته كشنه وقميصه روز ونعاله تليك وعباته من عند الكتف به آثار البزر , وشهبا لهبا ..
و شنطته به رضاعة وحفاظه البزر وفشار وعصير منتهي وجوال مقطوع والقروش حاطتهن بـ مكان سري , أنتم ابخص ..
:)

عاد تدري فطيمه هي الهبال مهب شاريتن المكيرش معرسن على أخته ..
ههههههههه عاد هي غير الناس والله يالحريم يفرحن اذا اعرسوا رجالهن على ثالثه
علشان تقهر الثانية , مهّبل الحريم ..

ياويلي يا رقيه تلقاه اللحين تطزز من الفضاوة , لو هن اخذاته يوسعن صدره والله شكله به أجر ..
تحسب للريال ألف حساب .. غريبة والله ..
بالعادة الحريم ماتخلي باليد قرش , تسنه مكنسه ماغير شفط من الدراهم ..

:p

هع

هههههههههههههاي
عاااشت ايامهن

همن تلقا عاد كلمة (لو) تدهر عندهن

لو بعنا لو مابعنا

اجل قدام كرتون

أقول مدحت وراه مايشرن محمول ويرتزن بالبيت مهب أزين لهن

مجنون هيله ..
هلا بالبي هلا معاااااااااليق ركبتي ..
يالبي مدحد هذا واحد يبي يقول مدحت بس عض لسااااااااااااااانه ..
لاتقطع انت وديكك هاللي كبر قريح ..
يالبي هذا مايجيه مرض انفلونز الطيور هذا من كبره يركب معه مرض جنون البقر ..
لأن شكله ديك راضع من بقره ..
ونااااااااااااااااااااااااسه ..

برتوق صندقاااااااااااان ..
يالبي انت تدلعن يوم انك تقول .. مدحتيشن ..
يالبي هذا اسم شركة غسالات مهوب اسمي ..
يسلموا يالبي ..

ونااااااااااااااسه ..
وللردود بقيه ..

إقلااااااااااااااااااااااااع ..
أجل أسهم و حريم ..
عزّ الله الي صارت الدعوى محاويق ..

والله إنك جبته أخوي مدحت

والله وجع راس هالحريم

يقولون الرجال لا كثرت فلوسه تزوج
وبعض هالحريم مسوية ذكية . لا كثرن قروش رجله غيرت المطبخ والمجلس وغرفة النوم وصبغو البيت و شروا استراحة وتصدقوا و و و وكل شي
لميييييين يقضن قروش رجله

تبلع ريقه وترقد وتامن

لكن لاكثرن قروش المره وش تسوي

ياعيني على منيرة وموضي

ماتدري مدحت حداهن عزبه
بيني وبينك

هههههههههههههه

مدحت والتنسيييييم شكل العجز اخذن الأسهم عنك يامدحت

انت عدوك اللدود العجز والحريم المسكينات بس صراحه انك ونااااااااسه

أما يامدحت خوذي أخوك لايشوف العبات ههههههههههههه

والله إلى الحيييين أضحك .

مشكور يا ابو المداحيييييت >>> عاد يقالي ادري وشو المداحييت .

لك كل الحب والود والإخاء على طاري الإخاء أذكر أنا قدييم بالمراكز بأسرة الإخاء .

مشكووور .

قصيمي رحال :
بوه مره طلبت من رجله أنه يرمم البيت ويشري استراحة ويعمر مسجد ..
استغربوا الناس .. كل هذا دين ماشاء الله عليتس.. قالت لا علشان يقضن قروشه وما يعرس ..
هع

ونااااااااااااسه

الوسيم ..
هلا ابو عبدالله ..
يالبي مهوب كل الحريم ماتبي رجله يعرس عليه ..
بعض الحريم هالحين تدور لرجله تبيه يعرس ويفكه ..
ماغير مرابط عنده بالبيت محوم تسبده ..

وبعض الحريم الله يخلف عليه تدفع لرجله كل ماعنده ..
همن اذا اعرس عليه تندمت وقامت تصيح وتناشق عند امه ..
من حينتس وشواله تعطينوه القرووووووووووووش ..
بعض الرجاااااال معروفين قليلين خاتمه ..

وناااااااااااااااااااااااسه ..

المنخرش ..
هلا بالبي ..
هلا بولي العهد لمنتدى الطراااااااااااائف ..
اقول افطن للوحة حقت المنتدى ترى ياخي كل ماجيت تدخل للمنتدى تحك براسك ..
يالعصل يالطويل ياعروق البيدجااااااااااانه .. <<((== الا بالغصب تجي عياره ..

يالبي مايصلح لهن المحمول ..
وانت تحسبهن مثل الرجاااااااااال يقعدن على كراسي ..
هذولي لو تدخل عليهن تلقااااااااهن متبطحااااااااااااات على الأرض وحاطات ايديهن تحت اخدودهن .. وخذ ياهمق .. بيعي بعت ..
وناااااااااااااااااااااااسه ..

وللردود بقية ..

المستشااااار ..
وش المحاويق ياعللك للحريق <<((= وده يدعي عليه بس ..
يالبي لو تشوف المدرساااااااااات بعد وهن يتغبن باسيااااااااااب المدرسة ويدقن على البنوك يبيعن ويشرن بالاسهم ..
واللي رجااااااااااااااااااالهن من اول ماعندهم لاشغل ولامشغلة لقوا اسهم هالحريم فرصة ..
الوحدة تجمع قروشه وقروش خويته بالمدرسة ورجله يفحج بالبنك ويضارب بهن ..
ويمكن اذا قضت المساهمات تزوج على وحده من خويات زوجته بقروشهن بعد ..
وناااااااااااااااااااسه ..

قصيمي مايقعد ابد ..
وش اخبارك يالبي يلبقصيمي الرحااااااااااااااااااال ..
يالبي اللي يبي يعرس والله لو تنتفه الحرمه تنتيف ان يتسلف ولايهمه ..
بعدين يالبي وش تبي باللي عنده قرووووووووووووش ..
قسم لن تبلش به .. كل يوم تطلعن من الدولاب وتقعد تعدهن همن ترجعهن ..
هو وراهن ناقصات اليوم خمسمية ريال .. وين راحن ..
وتقعد تحسب طول الليل ..
وكل ليلة هذي الحاله ..
وناااااااااااااااااااااااااااااااااااااااسه ..

المتوهج ..
هلا بالبي ..
يالبي الحريم مهيب عدواتي ..
هن اخواتي وامهاتي وقريباتي .. <<(((== بداء التلفيق ..

يالبي عسااااك مانتب حرمة تبي تطلع بس تبي تهج عن ولده لايشوفه ..
اول شي تروح لهابزير وتدهده بوه وتعطيه الشغاله والا وحده من خواته ..

همن تلبس العبااااة وتطلع وهي تركض تقول سارقة شي ..
تشوف العباة طايرة وراه تقول شنطة كامري سودا مفتوحه ..
ونااااااااااااااااااااااااااااااسه ..

الوسيم ..
هلا بيك ابو عبدالله مرة اخرى ..
الله يهديك احد يرد على هالقصيمي اللي مايقعد ابد ..
قصيمي رحال شكله معه تاكسي ..

وناااااااااااااااااااااااسه ..

مدحت هلا بك أنت ماتدري إن قصيمي . . رحال يدور ثانية بس يمكن بالجنة

على فكرة مدحت مادام إنك بالرياض عندي لك عرض خاااااااص

انزل تحت بس مدحت

. .

. .

. .

قلنا بس مدحت

. .

. .

. .

تحت شوي

. .

. .

. .

فيه جريدة بالرياض ( الواسطه ) أنواع العروض كلها رجال يبون يعرسون
بعد حريم تبي تعرس مواصفات خليجية

الغريب قريت وحدة منهن بكر عمرها 26 لديها أربعة أولاد مادري سته
المهم شلون بكر وعيال اههههههههههه

المهم إيميلهم معي كان تبي

غشمرة أخوي ألبي

هههههههههههههههههه
هههههههههههههههه

إما هذي صرقعه . . .
==============
طيب اصبري خلين اهج عن ولدي هالصغير ناشبن بي .. اعوذ بالله ..
فطيمه خوذي اخوتس غبيه بالمطبخ لايشوفن وانا طالعه بعباتي ..
==================================

لك سلامي وننتضر المزيييد

محبك

دائما ً تطب في بطن الحريم وتحطمهن ...

هههههههههههههههههههه

الله يستر اذا بدن يسوقن وش يبي يصير ..

هذي اوله ..

ينعاف تاليه ..

قصيمي رحاااااااااااااااااااال ..
هههههههههههههههههههههه
حلوه يالبي بكر لديها اربعة ابناء ..
يمكن عياله كلهم اطفال انابيب .. <<<(((== انا بيبن .. والا انا طط ..
وناااااااااااااااااااااسه يالبي ..

محترف ..
يسلموا يالبي ..
اهم شي انه جازت لك يامحترف ..
يالبي بعض الحريم عاااااااااااااااادي تطلع للسوق والا تسعسق وولده يشااااااااااااااااااااااااهق ..
ولو تقوله روحي صلي التراويح .. قالت وهالولد وش اسوي بوه ..
مايطيع يطلقن ابد ..
للسوق والسعسقه تدبر عمره .. وللصلااااااة والعباده .. مايطيع ..
وناااااااااااااااااااااااااااسه ..

وللردود بقية ..

السلام عليكم ورحمة الله وبركاته
مش بالضروره إن المرأه تتجه للأسهم لأنها فقيره ، فقدت الثقه بزوجها ، عندها ظروف ..... الخ
حلو إن الوحده يكون عندها طموح ويصير لها بزنس خاص فيها بعيداً عن الرجل ..
ليه مايكون محاوله لإثبات الذات ؟ تحاول تثبت ذاتها عند أسرتها وفي مجتمعها ، تحس بقيمة نفسها
تشوف إنتاجها، تطور مواهبها وقدرتها وثقتها بنفسها .
ليه ماتكون المرأه تبي تشغل وقت فراغها بشيء يفيدها في حياتها العمليه + من الناحيه الماديه
خاصه إن هالمجال بعد ممكن يكون مريح لطبيعة المرأه عند بعض المجتمعات عندنا لأنه بكل سهوله
تقدر تتابع أسهمها وهي بالبيت يعني لاطلعه من البيت ولا شيء وبنفس الوقت مافيه وظائف!!!!
وهذي خطوه جريئه من المرأه واهم شيء الإستفاده من خبرات من لهم خبره بهالمجال وهناك دورات خاصه بالأسهم ممكن يستفاد منها ..

مشكور يا مدحت
حريم آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآ خر زمن

الله يستر من الي جاااااااااااي

شباصه ..
هلا بالبي ..
اجل تبي تشوف وش يبي يصير اذا ساقن الحريم ..
خذ هالموضوع وشف هيله وش يبي يسوووووون عنده الشباب اذا ساقت ..

http://www.buraydahcity.net/vb/showthread.php?t=45723

نجديه 2
ماشاء الله عليك حطيتي 33 سبب وحل ..
يالبي المرأة اذا نزعت الثقه من زوجها تبي تعيش بكئابه ..
الزوج اذا مايكون ذخر بالليالي الشديد والا وش ينبغى فيه ..

ولا اعتقد ان اتجاه المرأة لممارسة التجاره بنفسه كله بسبب فقد الثقه بالزوج ..
بقدر ماانه تقضيت وقت فراااااااااااااااااااااااااع فقط ..

والا المتاجره يقوم به زوجه او اخوه او احد محارمه ..
ومازال المجتمع فيه خير ..
وحوادث السلب والنهب بين الأخوان والازواج ليست ظاهره انما حوادث عرضيه ولايقاس به ..

وشكراً لك يالبي على مرورك الكريم ..

مجنون ليلي ..
حريم آخر زمن ..
نشوف وش تسوي اذا جت ليلي ..
اللهم من هج الكشره قدااااااااااااااامه ..

يسلموا يالبي ..

وشكراً للجميع ..