بريدة ستي - اسعار البنزين الجديده قريبا واسعار الغاز المنزلى ومبروك على الشعب الحبيب

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - اسعار البنزين الجديده قريبا واسعار الغاز المنزلى ومبروك على الشعب الحبيب (http://www.buraydahcity.net/vb/showthread.php?t=50359)

ولد_الصفراء

27-10-2005 12:56 AM

اسعار البنزين الجديده قريبا واسعار الغاز المنزلى ومبروك على الشعب الحبيب

السلام عليكم

ابشروا ابناء بلادى

سعر البنزين الجديد قريبا...... من 40 الى 50 هلله لليتر اى تخفيض 50%

وسعر الغاز للمنازل 7 ريال اى تخفيض 50%

ابن حزم

27-10-2005 01:10 AM

المصدر ,,؟؟؟

الــنــهــيــم

27-10-2005 01:14 AM

وانت مصدق يابن حزم تسأل عن المصدر !

ولد_الصفراء

27-10-2005 01:19 AM

تذكرو كلامي قريباً بس لاتنسون الهدية :p

الــنــهــيــم

27-10-2005 01:20 AM

ايه باللحيل ..

ولد_الصفراء

27-10-2005 01:29 AM

:p لاتتطنز :p :p

الــنــهــيــم

27-10-2005 01:32 AM

لا وش دعوى بالعكس .....

بس انا ضد تخفيض البنزين ...

ياخي قيمته الان معقولة !

طريب	27-10-2005 01:39 AM

لا وش دعوى بالعكس .....

بس انا ضد تخفيض البنزين ...

ياخي قيمته الان معقولة !

يبدوا انك مهب انت الي تعبي ... أو الله يخليلك الواااالد..
المشكله الي هو يعبي ### ولكن الله يخليلنا الديزووووله..
شعار الديزل (عب وأنس) (أمش ولاتوقف) عاد الثانيه من عندي..
المهم ياوليد الصفراء أهم شي نبي الصدق أي نبي المصدرررر.!!!
وشكرآ

الوسيــــــم

27-10-2005 01:44 AM

يمدحون التوت .. وراه ماتقعب لك جره ..

عبدالملكـ

27-10-2005 01:47 AM

النهيم شكلك معك ديزل :)

saudmkm

27-10-2005 01:55 AM

الله يبشرك بالخير ياولد الصفراء .......
آآآآآآآآآآآاه ليت سيارتي بنزين
ياوليدي بن سعود كـــــــــــــــــــــــــــــــــــــــــــــــــ ــــــريم

بريماكس

27-10-2005 02:56 AM

أبن سعود كريم .. و الشعب يستاهل ..

و الأيام تحمل الأخبار ..

.
.
.
.

من خلف الشاشة
بريماكس
:)

الإعصار

27-10-2005 03:07 AM

أخونا ولد الصفراء الأخباري دائما نتفائل منه خيرا

تذكرون زيادة الرواتب لم أعلم إلا منه بفترة طويلة

ونحن ننتظر الخبر المفرح
ما لي إلا الدعاء لك بظهر الغيب على الأخبار السارة

والله يوفق ولاة أمورنا على الخير والصلاح والتوفيق وحبهم لشعبهم الوفي

تصدقون أعبي كل أسبوع 150 ريال شهري يكون 600 ريال

الله يعين

مدحت شوقي بريده

27-10-2005 03:25 AM

البنزين اعلن سابقا ان فيه زيادة ستكون في عام 1427 هجري ..
وسيكو هناك نوعين من البنزين واحد ممتاز وسعره اكثر من ريال تقريبا 1.20
والثاني عادي وسعره اقل من ريال

قمردين

27-10-2005 05:13 AM

الله يرزقنا الجنة

الــنــهــيــم

27-10-2005 05:16 AM

ويحرمنا من النار ..

The Free Man

27-10-2005 05:20 AM

الله يسمع منك

جزاك الله خير ياولد الصفراء

تميم نجد

27-10-2005 12:52 PM

لا وش دعوى بالعكس .....

بس انا ضد تخفيض البنزين ...

ياخي قيمته الان معقولة !!!!!!!!!!!!

وش عنده النهيم .......

شكلة في بيتكم ......... آآآآآبار نفطية

أقول اعقل يا ولد الصفراء لا تلعب على روحك البنزين ...سيزداد في عام 1427

ابو غماس

27-10-2005 01:21 PM

اقول صم يا حلو

ميمون

27-10-2005 01:53 PM

مثل ما قال ابو ابراهيم ..

الربع مبيتين النية ، ومعلنين عن الزيادة في الأسعار قبل سنتين ويببي يطبقونها عام 27هـ ..

الظاهر انك سمعت عن الزيادة مهب النقص بس شكلك واهم :)

وش صار على تسديد فواتير الاتصالات .. ؟؟ والاجازة .. ؟؟ :)

على فكرة الأخبار غير الاشاعات .. حنا نبي الأولة

تحياتي

الوسيــــــم

27-10-2005 05:41 PM

صح عليك يامدحت ..

زيادة نصدق .. لكن تخفيض .. متسحيل ..
إلا اذا كان ينهبك من جهة ثانية ..

والله يعين ..

(أبن تيمية)

28-10-2005 07:03 AM

ياجماعة الخير لاتكذبون الرجال

أنا أعتقد أن كلامه صحيح سوف يخفضون بسعر البانزين .. لاكن كلامه ناقص بحيث أنه :

البانزين نوعان :

الممتاز : وهو الموجود حالياَ بالسوق سوف يزيد سعره قليلاَ .

العادي : وهو أقل جودة من الممتاز وسوف يكون أقل سعره من سعر التر الحالي .

مثل الأمارات .

الرقيعي

28-10-2005 08:03 PM

الحيـن هم ما يصدقون يرفعون السعر

وزادوا الروتب وتبيهم يخفضون السعر

ما اقدر اقول الااااااا ولــد خال ابـــــــوي حك ظهري اذا نزلوا السعر

ولد_الصفراء

30-04-2006 10:57 PM

عاجل : تخفيض سعر البنزين من تسعين هللة إلى ستين هللة
صورة لكل من استهتار بكلامي

أسد العقيدة

30-04-2006 11:00 PM

لله دركـ ياولد الصفراء
وين النهيم عطنا الفرق تكفى
نبي نعبي به يالمناسب .

احمد المحمد

30-04-2006 11:33 PM

حتسي بعارين:d

فهد703

01-05-2006 12:03 AM

الله يسمع منك
ياولد الصفراء

:: السامي ::

01-05-2006 02:00 AM

اقتباس:

المشاركة الأساسية كتبها ولد_الصفراء

تذكرو كلامي قريباً بس لاتنسون الهدية :p

سبق يستحق الإشادة أخي ولد الصفراء:)

ولد_الصفراء

01-05-2006 08:36 AM

صورة لكل من استهتار بكلامي

الـمـتـوهـج

01-05-2006 08:56 AM

جزاك الله خير

ماقصرت على هالأخبار المفرحه

وفقك الله وأعانك.

التويجري

01-05-2006 01:58 PM

ولد الصفراء عيني عليك باردة ياحاجرهم انت ..

لكن ..

مو كل مرة تسلم الجرة ..

يعني ممكن مرة تصيب وثلاث ترليون طعش تخيب ..

يو نو ..

برعي	01-05-2006 02:31 PM

ياحبي لك بعد ..
ولايانا قعدت أمطخ صورت .. أبو متعب بالجريدة
الله يجزاه كل خير ..

الساعة الآن +4: 01:01 PM.