|
الآن :: التحدي لجميع أعضاء وزوار بريدة ستي :: أين مكان هذه الصورة ؟! ::
سلام من الله عليكم ورحمته وبركاته يالله حي الشباب ارفقوا شوي بدون ازعاج لا تذكروننا بصالات الاسهم الله المستعان التحدي يكمن في صورة ملتقطة من ناحية من بريدة الحبيبة السعال المطلوب ! بس مهب من الست وعشرين ! لا تحمسون هذا ما عليه اقروش السعال يقول والتحدي ينطق ويتحدث بأم شفتيه ! >>> احلف ! والا مهب بنت جيرانهم ما أطول عليكم بس قلت خلنا نسولف شوي لأني داري إن ما أحد جايبه <<< يحطم الولد :D لا تخافون المكان سهل والصورة واضحة المرة هذي مزح والجايات أوريكم الشغل ! أبجيب صورة من تحت سرير غرفة جدي الأول :p هاكم الصورة ولا بأس بالتعليق على اللقطة يا مبدعي التصوير لنستفيد جميعاً محبكمـ والسلام عليكم . . . أوه نسيت أثري ما حطيت الصورة يالله أبروح أحملها وأجي والجائزة قيمة لمن يأتي بالحل الصحيح والا يا مشرفي قسم التصوير خلاص الجائزة على كيف كيفكم وتسليمها سيكون في حفل قادم إن شاء الله ما يبطي كلها كم سنة بس ooo1 هالصورة أعجبتن وحطيته والا ما أدري وش يبغى به أخيراً جت الصورة تفضلوا وسارعوا بالإجابة أنا بانتظاركم هماه يالله سلالالالام http://drr.cc/up12/nfak.jpg محبكم في الله وترقبوا التحدي القادم بس مهب قريباً :D .. |
اخي الغالي الليزر اعتقد ان الصوره في قلب حي الصباخ وتقبل تحية أخيك بارقــــــــــ |
أشكرك على مبادرتك الطيبة
ونشوف الشباب من مصوب ومعارض وفي الأخير نعطيكم الحل والكروكي بعد ! هههه |
ما شاء الله تبارك الرحمن
أحس أني في أوروبا على تشابك الأثل الصورة والله أعلم أنها في وسط مزارع رواق دمت لنا شكرا لك |
وهذا رأي مغاير
وننظر آراء بقية الشباب ما عرفتوا الجواب هاه أقوله !! أقوله !! خلاص نصبر شوي هههه |
سلا ا ا ا ا ا م
حياك ربي أمـــــــــــــا الصورة فهي في خب ا ل ب ر ي د ي ها وش رايك بالفراسه |
ما شاء الله عليك
ولا زلنا ننتظر آراء الشباب يمكن صح ويمكن خطأ شكلي أبقول الجواب ههه |
بضراس أهم شي انه بحدى الخبوب
|
ممكن ليش لا !!
نشوف الشباب هم يطيعونك والا لا !! محبكمـ |
إيه ذي ببريدة صح ولا لا ؟؟<<<< جوابي صح لاتقول غلط ..
|
الأخ الإعصار أنا حافظن رواق حفظ وهالمنظر مهب بـ رواق
أتوقع إنه ببريدة <<< لا والله معقوله هع هع لا أتوقع ..!!!!!؟؟؟ اصبر بعيدين أوافيك بالإجابة حياااااااااك ربي |
والله الوالد يقول .. اما صار بالصباخ فهو برواق .. !!
هههههههههههااي .. عاد ما ادري عن ابوي .... ولكن أفاد أحد الزوار عبر رسالة جــوال .. أنه في خضيراء .... ! شف اذا كان الجواب صح ... نرسلهم الجائزة ولي نصه .. :D |
أخي الليزر
بصراحه أنت تلعب بأعصابنا وهذه الطريقة ليست بتحدي إن كنت جادا في التحدي لابد من توسيع الصورة قليلا حتى نعرف أين هي ثم نجاوب عليك بكل سهوله وبدون حرق اعصاب إهههمممممممممممممم هذا رأي واحد ما يصبر شكله حار الزبده من الهرج إن لم يكن المنظر في رواق وعلى مسؤولية أخي ريشه ربما يكون في طرق بيرحا |
لا لا لا هين برواق مابه هالمنظر
متأكد 100 بالأف أنا ساكن هناك ؟... ويوميا نروح نجيب كراث من المزرعة للأهل ونمر مع هاك الطريق حياك ربي |
اهههههههههههههه
فضح روحه الأخ ريشه |
انا اقول الصوره هذي راسخه في ذهني مضبوط
هذي صورة للطريق اللي يؤدي الى مقبرة الصباخ وهو واضح بالصوره النور اللي داخل من جهة اليمين و النور هذا مقابل باب المقبره وهو مدخل (حايط السماعيل)بالصباخ خذ العلم اللي يجمد على الشارب تحياتي للجميع ;) أبو همس |
فعلا صوره جميله لكن الجائزه لي يالليزر انا أول من رد وجاوب صح بالصبااااااااااااااااااااااااااااااااااااااااخ |
أعلمكم الجواب
أثركم ماش يا من يطلب توسيع الصورة كله واحد ما تستفيد ! ما فيه معالم تدلك ! لا به برج بريدة ولا منارة الراجحي ! يالله ننتظر رأي البقية إلى الحين وللأسف ما جبتوه خلاص يا المنخرش لا تولم جائزة الشباب عساهم يدلون بيوتهم ! |
بس ترى اللي جاب المعلومه كاملة ياخذ نص الجائزه يابارق وتراي حبيب ييزين السعي
|
الصورة قطعاً بالصـــباخ ,,
وغيره ماعندي ,, ويالله هات الجايزة أبروح أرجع موتري على ورا علشان أحمل الجائزة >> مصدق |
هذه الله يسلمك في الدعيسه أو المريدسية
قل لا عاد تراي اعرف الأثول زين ! |
اليزر
الضاهر انه بل الجنوب مادري وش اسم الموقع لكن اذا خليت سوق البعارين يمين وبتلت البعارين القديم !!! بهاك المنطقه |
والله شكل الجايزة ماهنا جوايز
أغدين أشيل عفشي وأمشي عندكم جواب والا نقوله ؟! ما فيه مانع الواحد ياخذ لفة ببريدة وضواحيها ويشوف ترى المكان مهب صعب أبد ! |
ما سمعت اي تعليق على ردي؟؟!!
|
للأسف حبيبي
المكان ما حوله مقابر الله يختم لنا ولكم بالصالح من الأعمال ! |
والله ماظنتي إنه ببريدة !! وش ذا !! أتوقع إنه بباباقاري بسلوفاكيا >> شلق :،:،:،:،:،:،:،:،:،:،:،:،:،:،:،:،:،:،:،:،:،:،:،: http://www.buraydahcity.net/vb/attac...tid=7271&stc=1 ABu RaiD |
كلكم غلط وأنا راح أجاوبها ..
هي في مزرعة ( ؟ ) على الطريق الداخلي الغربي في المزرعة بين ثانوية ابن حميد والمنجم .. يعني في حي البصيرية .. هاه وشي جائزتي .. |
بشيكاغو,,,,,,,,,,, اخلص علينا تراي احتميت
|
حياك الله أخوي الليزر ...
هذه الصوره ملتقطه من الصباخ وتوصيف المكان هو : وأنت جاي من عند سوق الغنم ومخليه على يدك اليسار تجيك أشارة لف يسار وخل مركز بيع الأعلاف يمين وأمش شوي حوالي 300 متر يجيك شارع صغير على اليمين أدخل معه وتشوف المكان ... ولك جزيل الشكر . |
أعتقد ...
حويلان ... فيه منطقة شبيهة بهذه المنطقة الشارع اللي قبل أول مسجد وأنت جاي من طريق المطار |
يا اخوان الليزر هو وخشته .. تراو ما يدري ههههههههه
|
ما أدري وأنا اللي ملتقطة يا الدب
والله أنتم اللي ما أدري وش أقول ! أنا الحين ايقالي جايبن السهل الله يعينكم على الجايات للمعلومية ترى الجواب الصحيح قد أتى في الموضوع إما بالصفحة الأولى أو الثانية أو غيرهن ! وش رايكم ؟! من تحسون اللي جاب الجواب صح ؟! قريباً يسلم الجائزة خمنو من اللي جابه صح ! اليوم يعلن الجواب أو بكرى ويسلم المنخرش الجائزة للفائز ! لا تنسوننا ترى يمكن به عشاء ! مروا على الأماكن المذكورة وتأكدوا ! محبكمـ |
لاقينا انت وجبهك ...
والله يبيلك من يلزخك بذييا .. ويربطك بهالماصورة .. لمين تغدي رجل .. خخخخخخخخخخخخخخخخخخخخ |
المشكلة إنك قدوة
لكن أوريك أنت مد ايدك بس ! مد يالله ! مد ايدك خل أشوف ! هههههههههههه <<< ناوي مشاكل ترى هوشتي أنا قصيدة هجاء وهندسة صوت ونشيد قوي !! هههه |
شف يالغالي الصورة هذي بالمريدسية أو بخضيراء... هيموو |
الحنون الحنون مرحباً بك
الشباب ما شاء الله ما خلو شي نبي نعطيكم الإجابة والفائز وتروحون بأنفسكم بعد طباعة الصورة وتشوفون ! وش قلتوا ؟! |
يالله بس عطن الجائزة ولاتقعد تفسلف علينا ..
لاتنسى تراجع الرد 27 واحد واثق تماماً تصدق لو معي كاميرا كان رحت أصور المكان وأجيبه هنيا .. إذا كانت الجائزة آجار استراحه يوم تراي عزمتكم من هاللحين ;) :) |
الظاهرالصورة في القصيعة ا و في حو يلا ن
|
تخيل الجائزة أجار استراحة
منين لنا الدراهم يا خلفهم ! والله لو أنا المنخرش والا أثره هو اللي منه الجائزة ولم الجائزة يا خرخوشي ! >> رهيب التدليع ذا ! |
ياليزروه
عجّل ياخي مش فاضين دردشه فين يابويا دا المكان ..... بسرعه فين بتقاوب ولا لا |
ننتظر الجواب الدعوة فيها استراحة وعشاء
ننتظر |
ياخي فيه ناس
يحطون تواقيع ما أدري وش قصته ! بدون ذكر أسماء علشان ما يزعل الإعصار !! هههههه المكان هذا واضح والجواب الصحيح مذكور بس يا ليت ألقى ورد وأشكال علشان أحط الفايز فيها ونعلن الجائزة بحضور المنخرش ومدحت والمشرفين جميعاً ترقبوا الجواب الصحيح واللي يبي يروح يشوف المكان ما عندنا مانع الآن سأبدأ بالوصف للمحل من مدخل بريدة من طريق عنيزة وش قلتوا ؟! من جامعة الإمام تقريباً خلاص نبدأ بالرد الجاي تمشي داخل لبريدة مخلي جامعة الإمام سابقاً يمينك ! ثم تمشي إلى أن تجيك أول إشارة .....!! |
طيب اتوقع انه ؟ مو غريب علي المكان بس وين مدري ؟ عموماً تشكراتي
علا التحدي ولاتنسى تخشروني في الجايزة ولا ااا؟ |
حبيبي الفهداوي
تابع معنا الوصف على طاري الوصف لا تفشلوننا عند العالم تزدحمون وتفرجون على المكان ! ارفقوا شوي ! مع إنها صعبة على ما أظن علينا يا أهل بريدة ! |
الليزر .. تراك طولته وهي قصيرة !
والشباب معتلقين .. وأولهم أنا .. يالله اخلص .. وصل اربع صفحات ... وانت تهبل بنا .. |
لا ولا يهمكم
نكمل الوصف بس ركزوا معنا شوي وش وصلنا الحين يا أبومعاذ شكلك متبع زين الإشارة الأولى تجاوزه واستمر إلى أن تاصل إشارة النجر .. جيد ؟! عاد خلكم معنا ونكمل الحلقة الجاية وإن شاء الله ما نبطي ! |
)(**)( الليزر )(**)( السلام عليكم الصراحه تشت لني ماجيت الامصيف ياليت ترسلي الوصف برساله خاصه .. قاهر الأمريكان 11\10\1426هـ |
شف أخوي الليزر : شف انا ابشارك معكم صحيح إني لي سنوات كثيرة مغترب عن ديرتي ( بريدة ) بس عروقها واشجارها في قلبي واعرفها واتذكرها شارع شارع ، الصورة ياحبيبي بخضيراء والوصف خذه : وانت جاي من الدوار الكبير مادري وش اسمه لكنه بحي السلام الي عند مطعم الخليفة تمشي باتجاه الجنوب يجيك شارعين متفرعين واحد يروح يسار لخضيراء رح معة لين تدخل بحي خضيراء ويلف بك الشارع يسار تمشي يجيك المنظر الي انت مصورة ... وشتبي اكثر من الوصف بعد ....الرجاء إرسال الجائزة بالــ Dhlأسرع ...والي يبي يتأكد يروح للوصف ويشوف.
وكل عام والجميع بألف خير وسلامتكم .... أخوكم : ولد بريدة |
اخبر هالصورة بطريق خب القبر اللي يطلع على خضيرا
ان كاني منب واهم اغدي اجابتي صحيحة |
إن ماخاب ظني فهالصورة تمثل الشارع الواصل بين الأربعين والثمانين سابقاً
اللي الحين صارت صناعية السليم مادري الصانع وإلا الحل الثاني فهي بحي خضيراء اللي يطلع بك لطريق جامعة النفود !!! ;) |
للأسف أحبتي
المكان تابعوا معي الوصف وتعرفونه ولا ودي أطول عليكم واجد قلنا إذا جتك إشارة النجر ديور ! يعني ارجع وفي رواية ريتيرن ! وفي رواية ضعيفة فوق تحت المهم ديور وارجع لإشارة السالمية لف يمين مع الشارع الجديد ! هاه تعبت وأرجع لكم ولن أتأخر ولا عندنا مانع باللي يكمل الوصف وقد أتى الجواب في ردود أحد الإخوة ! محبكم |
بعدها لف مع أول الطريق السيدين يمين
بعد منتزه النخيل على اليسار تجد نزله وهي لفة على اليسار هذا هو إكمال الوصف يعني في مزارع الصباخ دمت لنا |
صح تذكرت يالليزر هذا الطريق اللي من حايط النويصر بالصباخ اللي بجنب الشقيران القصاب
|
تابعوا معنا وتعرفوا
لن نطيل بحول الله بس يا ليت المنخرش يجهز الجائزة ويغلفه ويركبه بصندوق العربجية ! ههه |
هايدي الصورة قبل مسجد الجاسر على اليمين وانت ملسك طريق حويلان
قبض على عشرين مروج مخدرات قبل ثلاث شهر تقريباً |
ليش ما تتابعون معنا وتشوفون
مهب بعيد المكان وأنت بجنبه تاصله رجل ! |
هايدي الصورة بطريق حويلان قبل مسجد الجاسرعلى اليمين
ومن داخل قبض على عشرين مروج مخدرات قبل ثلاث شهور تقرباً مش هيك؟؟ |
واااااااااااااااااااااااااااوك ..
<--- واحد مشتب |
شكلي بافجر بك تفجييير يالله علمنا المكان :i121 :i121 :i121 :i121 :i121 :i121
يالله انجز :bad شكل بالاسكان >> هع هع هع |
ياخي ما تعطى وجه انت
بسرعععععععة قل الجواب على فكرة ترا جوابي هو بحي الصباخ حياك ربي |
الله العالم قربت التلفيعة :bad
يالله ناجز الله يرحم والديك والله الحل اتوقع مثل ماقال ابوفارس >> موهب غريب علىّ المكان :D |
ذكرونا وش وصلنا بالتوصيف
تراي نسيت بعدين وش اللي محرق رزكم اللي يبي يروح ويشوف مكان أحد أجوبة الأعضاء يبي يعرف المكان بالراحة واحد يبي يجيب المكان بطريقة ذكية بس ما مشت ولله الحمد !! يعرف نفسه ! |
ادري انك تعني الخالدي >> لأني أنا متوقع اني شفته بالمكان اللي قال
والمكان قبل خيمة ابوعلي الدخيل وانت جاي من شمال |
أعرب الخالدي
رد رقم كم ؟! وتكميل الوصف ما يبطي بإذن الله الله يستر من الكف ! شكلي أبلبس كسارات ! |
|
الاخ الليزر
هل تعتقد بمماطلتك هذه أنك ستشوق الشباب لا ياحبيبي اذا كنت تعتقد أنك خبير في فن التشويق فأنت مخطئ بما أنك قلت أن الإجابة الصحيح موجودة خلاص اعلمنا ماهي دون مماطلة وتنكيت زيادة عن اللزوم أم تريد زيادة المشتركين عجباً والله |
بالصباخ
|
يالله علشان ما تزعلون
أبختصر لكم الطريق بديت أرتجف شوي ما أدري وش الحاصل فيه ناس هيبه مروا حولنا ! اسمعوا وش قلنا احنا ؟! إذا جت إشارة السالمية لفوا يمين واتجهوا قبلة زين ؟ بعدها استمروا !! استمروا زيادة !! استمروا كذلك !! كذلك استمروا حتى يجيكم حرف تي يعترض لكم طريق الناصرية صح والا لا ؟! صح طيب لفوا يمين إذا وصلتوا هناك دقوا علي أكمل ! |
عرفت المكان !
الي وقف عنده الليزر بتوصيف |
والله انك مهبول يالليزر ....
مير ما قضى حجرك ؟! حجر ابوبس .. هههههههههههه |
الحقيقة أخي الليزر مبدع لكن ..
في بريدة عدة أماكن مثل هذا .. أنا أعرف مكانين .. واحد في على الدائري الداخلي الغربي وواحد عند مسجد الجاسر بحويلان .. فأتمنى إذا وضعت مسابقة أن تبتعد عن التشابه أو قمت بتصوير أول الطريق وليس آخره .. تصفيق حار لإبداعك .. |
اقووووووووووول ...
تراي .... علقت ... وشكلي مانب طابن هالموووضوع ... ايههههههههههههههههههههههههأ |
تبي أوصفلك الإنجلزي ولا بالعربي
. . . . . .نزولاً عند رغبة الإخوة باللغة العربية وانت ماسك طريق حويلان يجيك مسجد الجاسر على اليمين قبل المسجد فيه طريق يدخل يمين هذا هو وقدام ماسكين فيه عشرين مروج مخدرات قبل ثلاث شهور تقريباً. |
الآن أكمل لكم الوصف
وللأسف تراي ما دريت إنه فيه أكثر من مكان متشابه بهذه الصورة بس أعجبني المنظر قلت خلني أصوره نكمل لكم بس بعد الصلاة قربت الإقامة ! |
صلينا ولله الحمد
الله يتقبل بس أحس إني طولته حقيقة ونص الشباب يبي يجيهم ردة فعل من مواضيعي وأنا أعتذر أشد الاعتذار قلت أدامنا في الطرائف والتنكيت والسواليف ناخذها سواليف أما إن كانت تبي تؤدي إلى تكتير بعض الإخوة والزعل فلا وألف لا لي عودة قريبة لإعطائكم الوصف كاملاً وأجيب الورود للفائز وأجي بس المشكلة أبو خرشه ما شفناو ولا جاب الجائزة ولا كأنه بالديرة لكن ما عليكم لعل الجائزة ضمير مستتر تقديره تتجي إن شاء الله |
وين الإعصار يعطينا ورد وحركات
اسمعوا معي كويس إكمال الوصف قلنا تلف يمين إذا جاك حرف تي خلك معي تستمر إلى أن تأتيك إشارة الخليج حقت جامع الخليج ( الونيان ) لف يسار ثم لف يمين وين صرنا الحين ؟ مسكنا طريق القناة جيد ؟ تمام استمر سيدا >> أكيد يعني اهجد بس لا تقاطعنا قلنا استمر وخل المقبرة على ايدك اليسار إن حصل تسلم على بعض أقربائك بالمقبرة فيحبذ ذلك وتراها قد تكون سنة مهجورة وللأسف ( كنت قد نهيتكم عن زيارة القبور ، ألا فزوروها فإنها تذكركم الآخرة ) أنا عاد أنتظركم برى إلى أن تنتهوا من السلام لا تبطون تكفى ترى الشباب ما ودهم نصيّف |
يا شباب
حرام عليكم صيفتوا يا اخي وبعدين جمعوا معي ورد ما لقيت إلاّ شويات تدرون لعلهن يكفن أبكمل الوصف ثم أشغل الهلي وأروح أجيبهن ! شكراً لكم |
عاد أبخلي هالرد مميز شوي وصلنا النهاية ولله الحمد :) شفتوا حطيت وجه يبتسم هذا أول الغيث نعلة ! آسف أول القطر مطرة خلكم معنا هنا نكمل التوصيف ثم نعلن الفائز وعلى الجميع الحضور ! حتى مدير المدرسة يبي يجي إلى الفراش أول واحد زين يالله نكمل الوصف بسم الله الرحمن الرحيم ثم الصلاة بعد والسلام على نبي دينه الإسلام وبعد أولاً أحب أن أعتذر من بعض الشباب اللي كتروا شوي وأقول إن شاء الله ما أعودها حقيقة كنت أبستعرض بخف دمي لعلي صرت ثقيل دم أبجيبها بطريقة مرحة وطريفة لأن المكان واالزمان وشبة الضو تناسب المقام ولكن لعلي بديت أخاف من النعال والبوت والفوتبول ولا يهونن الزبوريات فأجمعنا أمرنا وربطنا عفشنا وصملنا على أن نكمل التوصيف وننتهي :D هذا الوجه فاصل بين المقدمة والتوصيف فقط لا غير التوقيع : رقم الشيك : طيب إكمال التوصيف باللون الأحمر حتى تبين وش قلنا حنا طيب خل المقبرة يسارك والخليج يمينك متجه شمال تجيك الإشارة اللي بها أرقام اللي من اليمين يجونك اللي جايين من السوق ومن الجامع أيوه طريق الملك فيصل عليك نور بس لا تقاطع مرة ثانية ممتاز مع هالإشارة رح يسار أوه شكلكم عرفتوا وين حنا رايحين له طيب ما يخالف إذا لفيتوا يسار تجيكم الإشارة الثلاثية هاه خلوها وطولوا يجيكم بنك الراجحي على اليسار لا تلتفتون عليه يمكن تصدمون انتبهوا للدرب زين يجيكم دوار حويلان ديوروا :D أصلاً حاطين صبات ما تقدرون تديورون انبه لا تصدم الصبات أنت واياه ما لي دخل بكم تسيف تسذا قصرت من الكتابة ياخي مهب معقولة أبتلين وأجي حقيقة والله مهب لعب قصرت <<< ياخذ نفس وهو ياطا بالفارة على اعتمد الرد |
اقول يالليزر زغل على مسابقتك واذلف الله يقلع اللي يتابعك انت وجهك :i121
وش هالخرط الفاضي أنت رجال تبي تعطينا الوصف أو أبلع العافية وانطم :bad اعذرن على الاسلوب بس ماهنا اشن من لمني حمقت :i121 |
غفرانك
|
اقتباس:
أجل غفرانك ههههههههههههههههههههههههههههههههههههههه عاد تصدق أول مرة تنكت زين :i121 يالله عطنا المكان أو ابرسل لك عنتور يتوطى بطنك :bad |
ههههههههههههه بعدهم اااااااااالليزر اذكر جيت هنا اول ما ارتز الموضوع وتوك توصلهم بذا
ههههههههههه شف لا جى المفرق ذاك ديوربهم يصلون قبل <<<< قط خخخخ |
آسف على التأخر
وحقك علي سفروت ارسل لي ياسمين تفاهم معي لا تجيب لنا جلوف الرد القادم هو النهاية بإذن الله وسيكون بلون خاص خاص والا خاص >>> ما لقى شي يقوله ! :) .. |
.. الرد الأخير وبعده يقفل الموضوع يا شباب أبشركم وصلنا قولوا كل عام وأنـ آسف الحمد لله على السلامة إكمال الوصف تؤشر وبلون عنابي متوسط علشان تكون كعنوان قلنا إذا جاك دوار حويلان استمر يجيك مديور وسيع ويمينك مسجد المطوع لف يسار رايح لحويلان متجه أي جهة يا سفروت شمال خطأ جنوب والله يا أنت ضايع نعم قلنا تتجه جنوب مشمل ناحية حويلان إذا مشيت لك شوي يبي يجيك خط من اليمين هو اللي يوصل بطريق حويلان وهو جاي من إشارة الدرع من خب البريدي تعدّه أبداً إذا تعديته بشوي يبي يجيك مسجد الجاسر على اليمين ( أول مسجد ) على الخط دق ريوس وادخل قبله يمين إذا دخلت لك شوي ديور :D إذا ديورت ووجهك للشارع ترى المكان المراد والمعني هو اللي وراك :D :D :D على كذا وصلنا وأأسف على ثقل الدم يبقى الفائز وكما أرى أنه صاحب رد رقم ثلاثين لأنه أول من جاوب والا فيه ناس عقبه جاوبوا تحياتي للجميع وعاد حفل التكريم الله يعينكم نبي نفتح له موضوع ثاني أوسع لنا وأشرح شوي من هالكتمة والا وش رايك يا سفروت يا غالي ؟ خلاص تم هيا فإلى هناك :D .. |
أجل الشارع اللي قبله ادخل وبعدين ديور تلقاه وراك
هههههههههههههههههههههه :p ولو بادي تنكت :bad :eek: اول الموضوع ياعليك ثقالة دم مهيب معقولة :D :eek5 |
وش دراك
يمكن تكون مقصودة علشان ما تفكر بالموقع زين وأنت شايلن الدم الثقيل على ظهرك ! تسلم حبيب ألبي ولا يكون في الخاطر علينا شي |
الليزر والله انك 7 7 7 http://www.0zz0.com/2005/11/15/159401232.gif اعنبو بليسك كل ذا توصيف بس تبقى منسم يا منسم المتحرك = الباشق سابقا ً |
أعجبتني خطة منسم
متعوب عليها صراحة ما شاء الله أثر صوتك زين الله لا يضرك هههههه |
ههههههههه الله يرجك يالليزر
أجل ماتقدر تديور به صبات على العموم بانتضار التحدي الثاني |
??????????????????????
|
لالالالالالا وألف لالالالا
ما نبي تحدي اذا كان على هالشكل والله هو حوسه الليزر الله يقطع دابر عدوك الصليبي |
وش السالفة ؟!!
وراكم علينا ! التحدي قضى الله المستعان وطارت الطيور بارزاقه وترغبوا التحدي القادم يمكن يكون صوت أو تصميم أو صورة أو سالفة أو مقطع فيديو أو منارة مسجد أو شارع أو نخلة ! ترقبوا بس مهب الحين عقب العيد المقبل >> المقبل والا الدبيان ! |
| الساعة الآن +4: 09:16 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.