|
ما هو موقفك ممن يريد إيقافك لتوصله وأنت في الطريق .. سؤال للجميع .. ؟؟
بسم الله الرحمن الرحيم أسعد الله أوقاتكم بالخير ، وأنتم من أهله بإذن الله .. أيها الفضلاء الكرام: بعيداً عن التشدق بعباراتٍ التكلفُ منها بدا ، والفائدة منها عدمت.. بين الفينة والأخرى ترى وأنت تسير بسيارتك ميمماً وجهةً معينة، في طريقك رجلا ً يُـلوح لك بيده يريد أن تُوصله إلى مكان ما ، _وربما تكرر هذا كل يوم _ السؤالُ هنا: هل تقف مباشرةً لإيصاله إلى حيثُ أراد ؛ من باب: ( والله في عون العبد ماكان العبد في عون أخيه) ؟ أم تتجاهله وكأنَّ شيئاً لم يكن؛ تفادياً للقصص التي تتكرر على مسامعنا بين الفينة والأخرى في خطر بعض من يريدون إيقاف الناس! ؟ أم توصله إلى مكان قريب من مبتغاه ؟ أم أم أم ... أسألةٌ تتردد في الفؤاد ما هو موقفك ممن يريد إيقافك لتوصله وأنت في الطريق .. ؟؟ طبعاً السؤال حال السفر وحال الحظر .. مع خالص محبتي وتقديري لكم .:: ليث الغاب ::. |
بسم الله الرحمن الرحيم ..
سؤال جميل .. أما في حال الحظر .. إذا كنت مشغول أو منتظرا موعد معين أو بالعربي مانب فاضي ..!!؟ الصراحه اني دابة سليمه هاكالوقت ماشوف الا طريقي هو به أحد يشّر بس ...!؟ :) وانا لست ممن يدوجون في الشوارع في أوقات الفراغ ولله الحمد .. الله يعافيهم ولا يبلان .. لذلكـ غالباً إذا ركبت السيارة اصير رايح لم شغل معين .. باختصار .. إن طاحت عيني على واحد يشر .. إذا كان شغلي يحتمل التأخير وقفت .. أشوف وين يبي ما اقوله اركب على طول .. يمكن انت بالخبيب متجه جنوب همن لا ركب قالك أبي الاسكان .. وين حنا بوووه :) أسأله قبل أن كان على طريقي .. أرحبوو يالاخوو .. وان كان يبي مشوار غير .. عاد هذا شي راجعن لشغلي ان كان عادي أصيف عنه ..والله ركبته ووديته .. لكن هناكـ حالات تستلزم علي الوقوف .. مثل مره واقف عند اشارة العجاجي بشارع القناة .. ولا هاكاللي يدف السيارة رجليه من عند الاشاره لمين خطم مع تقاطع الاشارات ووقفه على جنب يوم وصل مكان زين .. المهم باقي على الإذان دقايق معدوده .. فتحت لي الاشاره .. وعلى طول نحرت الرجال قلت (( ما يحس بمعاناة هالرجّال الا اللي مجرب مثلي :) )) .. <<< ياما وياما طفت به السيارة وبلش بعمره .. المهم شكلي طولت عليكم ابختصر .. السلام وعليكم السلام .. عساماشر يالطيب .. تبي فزعه شي .؟ قال إيه والله تكفى شكله تبي بنزين .. وانا قلت لكم قبل يوم اشوفه باقي على الاذان دقائق معدوده .. قلت سم وابشر وانقز واجيبله بنزين من اقرب محطه .. طيرااان يالله امتسنته .. واجيبه له .. ويعبيه ويشغل .. الحمدلله .. والله ياهو تشقق من الوناسه مايدري وش يقوولي .. بدا يدعيلي .. واقلط معنا ومادري إيش قلت ابد الله يسلمك تكفينا دعواتكـ يالغالي .. << جاب قصة حياته .. المهم مع ان الرجال باين عليه من مظهره الخارجي مهب مستقيم .. يعني حليق ووووو .. بس ترى مثل هالفرص ماتعوض .. المهم مثل ما قلت لكم مثل هالمواقف ماتفوت ..لا زم تاقف وتشووف يبي خدمه ولا شي .. ( اللهم اجعل أعمالنا خالصة لوجهكـ ) ثانياً : في حال السفر .. << خرمس .. مقزز مايشوف الا الطريق .. :) بالسفر ما آقف الا للتفتيش .. :) الله يكفينا الشر .. المعذرة على الإطالة .. ابوفهد |
يسعدني أن أكون ثاني من يرد على هذا الموضوع القيم للأخ الفاضل ليث الغاب .. أما عن إجابتي فأقول : أولاً: في الحظر .. ربما أقف له وأوصله في بعض الأحيان ولكن ليس الى المكان الذي يريد انما الى اقرب نقطة يلتقي فيها طريقي وطريقه .. وربما لاأقف له .. ثانياً : في السفر .. لم يسبق لي أن وقفت لأحد .. ولو واجهت عائلةً متوقفةً تنتظر من يقف لها لوقفت ولكن لم يمر بي هذا الموقف .. أما إذا كانوا شباباً فإن كان الطريق عامراً ربما أقف وإن كان غير عامر فلا .. وكلُّ هذا بشرط أن لايكون معي عائلة أو نساء ..أما إذا كان معي عائلة أو نساء فلا أقف بتاتاً .. هذا رأيي .. وأشكرك أخي ليث الغاب على هذا الموضوع .. راعي بريدة.. |
بصراحة أنا لن أقف بعد الموقف الذي حدث لي لأحد ..
فذات يوم كنت أمشي في شارع القناة في بريدة .. لقيت شايب ومعه واحد شباب ويشر لي الشايب : 12 أنا وقفت بحكم أنه شايب :o يوم وقفت ويفتح بابي الشايب بقوة :eek: أنا مسكت العروة حقت الباب وجريته لمي بحنكتي وذكائي وسرعة بديهتي :D وحطه بالأول وماتسمع ألا زعق .. :i125 وبعد التحميص مدري التمحيص أكتشفت أنهم مهبولين يدورون بتله بهالمنطقة وأنواع المشاكل :42 : 12 ،،، /ـ/ـ/ـــلامـ،،،، : 12 |
السلام عليكم ..
أما في السفر فلااااااااااااااااااااااااا .. وأما في الحضر فالغالب 99% لا أقف .. لكن هناك حالات أقف لها : حينما كنت في الجامعة إذا وجدت في طريقي أحدا في شارع القناة أخذته وكذلك في الرجوع .. وأحيانا ( تطن ) معي أوقف .. وأحيانا أرى من مظهر الشخص ما يعجبني فأقف .. أما إني أشوف خكاريا يؤشرون ويرقصون فانس اني أبوقف لهم .. تحياتي |
اقتباس:
الأجمل مرورك يا غالي :) اقتباس:
رأيٌ جميلٌ سديد ، لكن . . . واكثر خرطك :D اختصر ياخي :bad ، ^ ^ ^ تراي أمزح :) [quote] اقتباس:
فكرة جميلة أجل: اقتباس:
:D شكراً لمرورك أبا فهد مُحبكـ .:: ليث الغاب ::. |
سأضع النقاط على الحروف "مهب عاقل"
السلام عليكم هلا بالجميع أولاً / مبدأ المساعدة والخدمة مطلوبة . لكن تقدر بظروفه ، مثل اللي معه عائلة طبعًا خطر يقشك . ويحقله ومعذور ، والله من كثر الوشيش. وإذا بغيتوا قصة حصلتلي شخصيًا أنا والعائلة عند مصنع الببس قبل 5 سنوات بالضاحي :mad: فأنا مستعد . وترى بعض الناس تمدحه لقلت صتيمة صبحية العرس رايح لمكة ويوقف لراعي ددسن متعطل بطريق ظلم. إذا كان ما معه عائلة بسفر (وأحيانا على حسب السيارة) قال العرب "قلي وشي سيارتك أقول من أنت" فيقف لكن على حذر، وعلى طاري ذي ترى عندي قصة له بس حاصلة لحدا اخوياي إذا كنتوا تبونه أنا مستعد . أما إذا كان وسط الديرة محد هاجنبك وسط العالم. وبريدة من تالي سايرة طوكيو. سيارات وشوي أوادم . فالله الله بفعل المعروف باكر يبلاك الله تعرز بمطينة الطرفية ولا تلقى أحد يساعدك العالم تمر من عندك ططططططططططط وعاد إيدك ماشاء الله خفيفة وعلى طاري ذي به سالف لواحد من الشباب بس أبقول غصب لا فضت أناملي وحد من الشباب غرزة سيارة بحبس مزرعة متعب " وشكله ماعمره ساعد أحد يعني اسمع " ولا واحد وقف عاد آخر شيء قعد يحرّج عليه بالكنود . |
اقتباس:
ويسعدني أن تكون أحد ممن يطرحون رأيهم هنا :) وجعلني الله خيراً مما تظن والله المستعان.. اقتباس:
رأيٌ جميل وقريبٌ من رأي أخينا إكليل فبارك الله فيكما :) اقتباس:
والشكرُ موصول لك بمرورك ومشاركتك.. خوي السرور اقتباس:
زين أثرك ذروق << وش عندوه الجزوم :D يبدو لي بعد هذا الموقف لن تأتي على هالشارع بعد هالموقف :p أبا عبدالعزيز شكراً لمرورك.. مُحبكما .:: ليث الغاب ::. |
أخي ليث الغاب يسعدني تواجدي في موضوعك . . أذكر في بداياتي الأولى في القيادة و عندما اشترى لي والدي - حفظه الله- أول سيارة قال لي ( انتبه لا تقف لأحد ) و ذكر قصصا ( مرعبة) :i125 عدم الوقوف لا يؤخذ على إطلاقة فأشكال المؤشرين لك تدل على خباياهم <<و إن كان هذا الأمر ليس على إطلاقه . أذكر أنني في احد السنوات كنت في الطريق إلى المنطقة الجنوبية و عندما وقفت في أحد الإشارات في حوطة بني تميم إذا بذلك الرجل الطاعن في السن يرد الركوب :o و يقول سأذهب معكم >>والله ياهو نشبة :( و اصر على الركوب لكن ولله الحمد كان معي كورولا و الركاب خمسة فاتخذنا حجدة عدم وجود مكان و فك الله أسرنا منه :bad ولله الحمد . . . *************** أخوك الصمصامـ ،،، |
على فكرة ..
المعذرة على الخطمة الثانية .. مرة من المرات .. واقف عند إشارة ( مانب قايل وين هي بوه ) :) المهم .. << الرجاال مصنف .. مشغل المسجل ( قرآن .. ياسر الدوسري ) .. وداخلن جو معه .. وانا واقف عند الاشاره .. مادريت الا وباب الراكب ينفتح ويركب رجال .. انهبلت قلت بسم الله علي .. يوم ناظرت .. ولاووه واحد من الشباب .. أعرفههه .. امر اطرده قلت والله ماوديكـ .. اذلف هبلتن :) <<< خاطم .. مع السلامة |
معاناة رواها لي أكثر من شخص خصوصاً من يزور بريدة ويقضي فيها أيام قلائل لايجدون من يقف لهم أو حتى سيارات أجرة .
المشكلة أنه ليس هناك حتى الآن من يستثمر في (الليموزين) ويريح أصحاب الحاجات ويريحنا معهم . :) في رأيي أن الليموزين من الحاجات الضرورية للمدن التي تتوسع بهذا الشكل ! . : 12 |
وعليكم السلام ورحمة الله وبركاته .. هلا أبو عاصم وش علومك . . شف يا بعدي .. على حسب الشخص اللي يشـّر .. إذا صار بنقالي .. انس آقف ..لو ما عليه إلا بدلة علاقية وسروال نص والسماء تمطر .. بعض الأحيان يصير الملوح بيده رجل كبير في السن .. ومن خارج بريدة .. لابأس .. أقف له .. حتى يأخذ صورة حسنة عن بريدة .. إذا على حسب حال الشخص .. وبعض الأحيان أقف بدون طلب .. كالحالة التي ذكر أخي إكليل .. تطورت يابو عاصم .. بديت تكتب مواضيع زي ذي .. خخخخخخخخ يا حبي لك يالعصل .. :) :D بأمان الله .. |
اقتباس:
والآن عندك تخطيط على الليمزين بعد الجامعه .. إيه أمد عليه ترى يبي يصير بالديوان همن لازم خبره عاد تشتغل عند راعي ليموزين الشهر بثلاثين عاد الليموزين مهب أهليّة يبي يعطونك ألف ولا ثمانمية .... اعان الله الجميع .. أسد . |
ميمون.. شكراً لمرورك وإضافتكـ .. [quote] اقتباس:
عليكمُ السلام، أهلا وسهلاً بك.. اقتباس:
يا سلام كلام جميل، من شحص أجمل ;) اقتباس:
صدقت اللي معه عائلة خطر عليه خصوصاً بالسفر.. وننتظر قصة مصنع الببسي :D اقتباس:
أما ذي بتلت أضحك السراحة :D :D اقتباس:
ليس على إطلاقه :) ، لكن هذه نظرةُ قطاع الطرق :rolleyes: اقتباس:
ليش لا .. ;) اقتباس:
جميل جداً خاصة ً إذا احتسب الإنسانُ الأجر عند الله بمساعدة الأخرين.. اقتباس:
ههههههههههههههههههههه عاد أنا أقول مهب تقل طوكيو تقل بكين << أسمعه من العبودي الرحالة بالرادو دايم :confused: اقتباس:
يبدو أنهُ كلام مجرب ;) اقتباس:
ما تلاحظ كل كلامك على طاري ذي :bad ^ ^ ^ أمزح تراي :p ننتظر باقي المواقف منك وعلى الرحب والسعةِ أبا عبد الرحمن .. شكراً لمرورك وتشريفك.. الغالي الصمصام.. اقتباس:
وأنا أكثر بارك الله فيك :) اقتباس:
تماماً كما قال لي الوالد حفظه الله ، بل إنه جعل عليَّ الحرج :rolleyes: اقتباس:
صدقت كلام جميل وغاية في الروعة، فلا فض فاك.. شكراً لمرورك أبا عبد العزيز .. الغالي إكليل.. مرحباً (بخطمتك ) الثانية ، وما أجمل ( خطماتك) .. السراحة موقف مرعب تدخل جو همن ماتدري إلا اللي هابلك :eek: لكن تدري وش الحل : . . . أول ماتركب السيارة قفل الحبات << أنواع الذراقة :D شكراً لطلتك أبا فهد.. Abufahd فعلاً بريدة تشتكي من قلة (الليموزينات) ، وليتنا نكون قريباً من مدينة الرياض في كثرة (الليموزينات) ، ولكن مع التطور السريع الذي نراه في بريدة في نظري أنه يتحتم على تجار (الليموزين) أن يكثفوا تواجدهم .. سررتُ بمرورك أبا فهد .. أبو محمد النجدي.. الله يهديك تبي تتكس بالناس بعشرة من دوار السادة إلى البرج :p ترى راعين الدداسن يودن لعنيزة بعشرة << يعني انكسر سوقك :D شاكراً لك ومقدراً حضورك معنا.. قناص الروس.. اقتباس:
كما قال الصمصام تماماً :) اقتباس:
ليس المهم هذا أبداً، بل المهم أولاً الأجر عند الله ؛ ويأتي هذا تِباعاً.. اقتباس:
زين :i121 شكراً لمرورك أبا الوليد.. مُحبـ الكلـ .:: ليث الغاب ::. |
والله يا ألبي هذي على حسب إذا كنت مسافر غير إذا كنت بالديرة وإذا صرت بالضاحي غير إذا صرت بالصفراء وإذا صرت بطريق ظلم غير إذا صرت بالزلفي وهكذا :) مرتن أمشي بحدى شوارع الخبوب وأنــا أمشي أنــاظر من بعيد تقل فيه شئ بوسط الشارع مصورة ؟؟ لالا صبة ؟؟ ماتجي صبة كبيرة كذا أجل وشو ؟؟ صار صعيدي واقف بوصط الشارع << عاد منكبره الشارع :D ويبي واحد يوصله الله يقطع بليسه تقول بعير مغطين ثلثين الطريق حشى مب آدمي ذا مير غصب أوديه .. عاد يوم ركب .. هلوست من ريحة الثــوم :mad: :،:،:،:،:،:،:،:،:،:،:،:،:،:،:،:،:،:،:،:،:،:،:،: ABu RaiD |
مثل ماقالوا الشباب على خسب فرق بين ديرك اللي انت به وبين ديرتن ماتعرف به أحد لكن بالنسبة لي أشوف شكل لاشخص اللي أنا أبشيله تسانه يستهال من اهل الدين وديته للي يبي ومن عيني وراسي
وتسانه من شكله مايساهل دق حوله وقل هو به أحد يشر أصلاً ههههههههه |
يا حيّ الله أبو عاصم
ما أزيد على كلام الشباب .. إن الدعوى على حسب شكل اللي يشّر .. فإن تسان اللي يشّر واضحتن عليه الحاجه الملحّه >> وخروا عنه .. فأنا والله يا بعدي لازم آقف وكل شئ تحكمه الظروف .. بس أهم شئ لا يصير اللي يشّر من العماّل .. بعدين تعال .. ذكرتن بمره جاين من الرياض .. والله ويبنشر الكفر والموتر محمّل وعيّت العفريته ترفع الموتر .. قلت ما به فايده مالك إلا تأشّر ويا هوه .. يا ناس .. تكفون وقفوا .. والله ولا تسن به أحد >>> تحس أنه شبهه لين جاب الله لي ذيك السطحه .. والحمد لله .. وإلا لو الدعوى على الناس تسان أموت جوع تشكرات ( ليث ) .. وتقبل خالص الجغفات .. وأحلى المطخات .. |
عاد تبون الصدز انا من النوع اللي ياقف لاي واحد حتى لو كان شبهه وشنبه يخط بالارض واقف واقف وش يبي يضرن؟! التعب على الموتر وانتسان بوه شر خلطتوه هو وشنبه <<<< لا تخلينا يالقوي :cool: فاقولكم الواحد يصنع المعروف ويكسب الاجر من وراء هالعالم اللي متعطلين ولو حط الواحد روحه بمحل هاللي متعطل تسان خطرن يصدمه من قو اللفه عليه خلو عنكم بس .. الواحد يدور الاجر باللي هو به مهب يتهجج عن الخلق ويتعذر بان هذا شكله مهب عاجبن وهذا شبهه وهذا خكري وهذا يمكن يغولن وانا اسوق وهذا سمين واخاف يبنشر موتري وهذا عصل واخاف يشق مرتبة موتري وهذا وسخ واخاف بيدأ ينغف اذا ركب بموتري وهذا ... <<< يسد لا اطحلك :i121 ثم لاتنسوا امر مهم جدا وهو اهداء الراكب شريط او التحدث معه عن الدين فلربما اسلم قصدي اهتدى بسبب هالتوصيله انتم وخششكم اللي تسنهن ثلاث قدور مجدوعات بالسطح من سنة جدي :D |
اهلا بالشيخ ابو عاصم
موضوع جييد بالنسبة للموضوع فقد قال حسين الصنياح في كتابه ردود على ليث الغاب في باب اذا اشار لك شخص في الشارع؟هل ستقف له؟ في المجلد السابع صفحة 1398 قال .لابد من الوقوف وخدمة اخوانك المسلميين.... على طارئ التتكييس اذكر بعد مانتهيت من الدراسة مالقية لي شغل سنتين وانا داااااااج فقال لي احد الشبااب لاازم تتكس حتى تلقئ شغل عااد انا رحت الصبح واذا ببنقاليين يشروون وقفت عندهم ولقيت ماعندك احد اقصد ماافية لغة وانا وايااه فهمت منه انه يبي التخصصي والثاني يبي مكان ثاني طبعا الثانى الغريبة انه سااكت وشكله دكتواار المقصود انى وديت الاول لتخصصي وقال شوف فلوااس مع الثااني انا يقاالى ماهمن القروش قلت طيب خلااص ويركب الثااني قداام المقصود واقواله وين تبي يبدا يتكلم لغة عجيبة مررة المقصود وانا واياه درت كل بريدة وكاان عندى موعد مع احد الشباب ماامون عليه يعني صعبة استمر بالبحث وااقوالة خلااص انزل وزعل قلت يارجال ماله دااعي استئثم قلت له يااخى ماابي منك قرووش لكن مازاال زعل وادفع له خمس رياالات فاانا رحت ابكسب لى قرووش فااذا انا دفعت عشريين ريال بسببه مع الجهد والبحث والوقت المهم قلت للبنقاالي يله رح انزل وتكس بالخمسة الى اعطيتك اى سياارة اهم شي بعد جهد وجهييد نزل ورحت لخويي الذي قال لي تــكـــــس وسئلن خويي وش صار على التتكييس قلت اتكس واعطى الى اتكس قروووش ماعليييييش ابو عاااصم غيييرت الموضوووووع صح ادري انه مااحد فهم شي لكن بس حبييت ان اشاارك بموضووع الشيخ ابو عااصم والسلام |
في الحظر .. لا توقف.....البته....كيفي...
في السفر .. إذا واجهت عائلةً ربما أقف...ولكن على حسب المكان والزمان .. :41 :41 أما إذا كانوا شباباً>>>>>>>فلا أقف إطلاقا........سفرا أو حظرا... ..أما إذا كان معي عائلة أو نساء فلا أقف بتاتاً ..:41 :41 :41 هذا رأيي .. والشكر الكبير لصاحب الموضوع ..:41 |
| الساعة الآن +4: 01:22 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.