|
مسابقة أين تقع هذه الصورة من بريدة (شاركنا مسابقة حلوووووة)
السلام عليكم و رحمة الله و بركاته يا هلا و الله و مرحبا بكم كلكم .. تنويه أهدي هذا الموضوع للأخ (المنخرش) بمناسبة المولود الجديد :) .. . . نروح حق الموضوع .. <== وش عنده عثمان الجاسم على غفله هع هع هعاااااات الموضوع .. هو باختصار فكرة مسروقة من الكاتب الكوميدي (مستر سعفة) ,, خخ يعني موب شيء جديد مني .. بس على ما أعتقد أن شيء جديد عليكم .. بس نبي تفاعل .. و نبي حماس .. أوكيشن شباب <== هع .. الفكرة وشي .. أنا و أعوذ بالله من كلمة أنا معي كاميرا .. لا و لا هيب أي كاميرا .. كاميرا أحسن من كاميرا فوكس أو أسامة .. كاميرا كبيررررره .. لو تشوفن و أنا جالس أصور .. تقل ماسكن شوزل من طول العدسة .. أو تدرون تقل ماسكن أر بي جي .. المهم .. أني أبلقط صورة من مواقع مختلفة من بريدة و أبمسط بهن بذا .. و اللي يعرف مكان الصورة .. يقول الصورة بالمكان الفلان (أسم الحي أو أسم الشارع) أو أي شيء يوضح لنا أنك صز عرفت مكان الصورة موب تلعب علينا هع هع هعاااات .. هاه .. فهمتوا و إلا أروح أجيب سبورة و طباشير ..<== أوووه يا قدم الطباشير .. إلى الحين بوه طباشير بالمدارس ؟ أأأأيه على أيام زمان .. و الله من ضف الطباشير و الشخمطة على بيبان البيت بعد .. طبعاً .. راح أطرح صورة ثانية بعد الصورة هذي .. إذا شفت أحد جاب مكان الصورة السابقة .. و هكذا يالله نبدأ يا شباب .. والمين أنت و أياه .. المنخرش .. المنخرش .. المنخررررش وين طس له هالآدمي .. ذا المنــــخررررررررش لا حول و لا ياهو حسربنا هالولد عجزنا و حنا نلاحقه .. الحين تلقونه طالع بالشارع يلعب طب مع ولد الجيران و لا لبس نعالوه .. حتى ياليته يعرف يلعب .. ياويلي يشري له طب بعشرة تريل و يملىء قوطي النيدو سن به علم .. و يروح يدربي راسه عند أخوياه و يرجع و هم ضافين كل الطب اللي معه .. إلا عاد طبتين ما أحد يآخذهن منه لأنه هن سر نجاحة الأول أسمه (صغوري) و هذي آخذه من بكلة أخته و سادن الفتحات اللي به و يلعب على أخوياه يقول هذي طبه .. و الثانية أسمه (كويتية) و هذي طبه مدري وش الله قايلن به .. المهم .. نعود حق محور حديثنا .. الصورة الحين جاهزة .. و نبي اللي يعرف الجواب يرفع أصبه و هو متكتف .. و يجاوب ما نبي صراااخ و تراه اللي يقول استااااااااد استتاااااد .. منب مخليه يجاوب .. الصورة الأولى تقول : http://www.buraydh.com/forum/upload/booored11.jpg طبعاً تراه المكتب موب لنا .. قسم بالله ما أعرف راعيه .. الحين يجي أحد و يقول قاعدن يصور مكتبهوم.. يعني دعاية غير مدفوعة الثمن .. بس يستااااهلون عيال العم .. :) .. يالله يا شباب اللي يعرف الجواب .. يقوله و الجائزة .. إن شاء الله بالجنة .. يقولن الفائدة قبل الجائزة أوبصح سذا .. . . من خلف الشاشة بريماكس : 12 |
يا ألبي ذس إز بشارع القناة >>> شارع الفتاة حالياً خخخخخخخخخ
|
هههههههههههههههههههههههه شكلك مسفهل هالمرة أكيد أنك مكلمن أحد اليوم هع هعااااااات وبعدين تعااال ياللي ماتستحي ايقالك تعرف تحفر حفرة للطب جايبن كنادر الكعب حقات امك وتفرم به التراب وتقول حفرة الطبه إذا جت تطب لازم تتعلق بين داخل والطالعي (همن يحطله ساقي) المهم شف أنت ودميجك الصورة حق الموضوع ===>>> عيت تجي المهم متى طرشت الصورة ذي ====>>> والله ياعليهم شين هرج(طرشت) هههههههههههههههههههههههههههههه ----------------- الصورة هذي تقع قبل دوار أسواق الغد وبعد قصر الأمراء بشارع القناة يعني وجهك هالحين شمال وانت متجهن لبيتكم اأأأ قصدي لحي مشعل ههههههه هاه بشر يالبي صح علي |
شارع القناة قدّام القصر اللي أعرست به منيرة بنت خالتي <<< إن شاء الله الجائزة لي ؟
|
اقتباس:
لا .. لا .. هذا بريماكس مهب المسفهل الله يهديك >>> فرحن أن أسمه جاء طاريه لا أصطره |
ههههههههههههههههههههه
حلوة يالمسفهل يالبي |
شارع القناة يا بووووو ..
|
خطأ فادح ارتكبته يا أستاذ بريماكس ..
مهب هع هع هعات .. وإنما .. هع هعااااااااات الهع ألقف يا أبوالوليد .. هع هع |
والله اني ماشفت الصورة .. مير يوم قلت عيال العم .. قلت خلااااص جبته <=== ألله على الفراسة ..
مكتب المحيميد بشارع القناة .. مقابل قاعة الأمراء .. وإلى الآن ماشفت الصورة .. هع هعااات الهع .. |
هلا بيييك ..
شيء جيد .. اللي يفوز يجيم مكان نخمن أين هو .. << متعوب عليه نخمن .. وإن شاء الله أبجيب لكم شاع ما تسد شفتوه ولا بفرانكفورت .. إن شاء الله عقب أسبوعيين .. هع الهعييع الهعاااااااااااااات .. تجديد يابو عبدالله .. |
يا سلاااااااااااااام عليكم .. و الله يا أنتم بعد ذياااابه .. <== يمدحكم تراه لا تحسبونه سب :) . . موقع الصورة السابق .. : القصيم - بريدة - شارع القناة - و أنت وجهك شمال قبل راعي الهايلكوس اللي يبيع مكسرات .. :) . . يالله عاد الحين فيه صورة ثانية ... عفواً .. قصدي بوه صورة ثانية .. الصورة الثانية تقول : http://www.buraydh.com/forum/upload/booored22.jpg أين تقع هذه المحطة ؟ و شوكرن لكوم .. .. . من خلف الشاشة بريماكس |
أبو خااااااالد ..
المسابقة حليوة .. وقد سبقك ( الليزر ) في تحديه ! المهم .. الصورة الأخيرة .. في الجامعيين .. << هي ذيك الديرة اسمه الجامعيين ؟؟ :confused: أقول : إذا خليت ( النفسيّة ) وراك .. واتجهت جنوبًا .. تأتيك على اليمين .. يعني .. إذا صرت ماسكٍ شارع الستين .. ومتجه شمالاً .. تعدّ إشارة جدودنا .. تأتيك على اليسار عند المديور .. يعني .. أو يكفي بس . :) القواب صحيح يا باشا ولاّ لأّه ؟ |
الجوااااب .. خطأ يا أبو عبدالله النادم ..:)
هج وش نفسيتوه .. هع .. الرجاء المحاولة نوبة ثانية وشكرا .. <== :) |
لعبة حلوة ولا تبطي بوضع الصــور خلك سريع أبوخالد الأخيــرة " محطة الجوزاء " بسلطانة نياااها :،:،:،:،:،:،:،:،:،:،:،:،:،:،:،:،:،:،:،:،:،:،:،: ABu RaiD |
هذي الله يسلمنا وأياك من كل شر محطه بالبصيرية .. يعني لا خليت ثلاجة المنجم على يمينك وأنت رايحن شمااااال بعد الثلاجة بــــ 300 متر تجيك هالمحطة ... والله يا جماعه بهالمحطة مسجد إن االي يصلون به أكثر من مسجد الونيان جماعه ورا جماعه .. من يدخل الوقت لين يدخل الوقت اللي بعده عالم ما يحصيهم إلا اللي خلقهم .. |
واااو ..
لي ساعةٍ أشرح .. وآخرته خطأ . ما في مشكل .. أورّيك الصورة الجاية .. :D |
مشكووووووووووووور على المسابقه
الظاهر ان المحطه بحي البصيريه عند التقاطع صح ولا لا |
اقتباس:
هل من مترمج أأأأ قصدي مترجم ..؟ == ياحليلكـ يابوالوليد :) ;) |
اقتباس:
هههههههههههههههههههههههاي لا ياشيخ أيقالك رسمي القصيم بريدة ههههههههههوالله ياهي تسد عن المسابقة كله بعذرك متليع من ابداع هع هع هعااااات العهاهيع |
مبرروك يا أكليل ..
أصلا أبختبركم .. أبشوف اللي صتز يقرأ وإلا بس يناظر الموضوع ويجي يرد .. وفزت أنت .. << أمووت على الترقييع .. |
لالالا يالحبيب مانبي مثل هالصور سهلــــــه ذي
عطنا صوره غيره أغديـــه تصير صعبه >>>>>> وش عنده000 0 00 07 7 7 7 7 7 7 7 7 7 7 |
هذي الله يسلمك وياجرن ووالديني ووالديك من النار والمسلمين 00
بحي الزرقاااء يعني لاصرت بطريق الحمــــر متجه غرب تجيك على اليسااار 0 0 0 0 هااااه بشررر 001 ! ! ! ! |
اسمعو الهرج دامه يروح ويجي < < < :
هذي محطة البصير اللي بالبصيرية اللي قدامـ أسواق العميريني اللي حول ثلاجة المنجم < < < إعلانات ببلاش للحجز الاتصال على جوال ( 0509؟؟؟؟64 ) لا أحد يتصل إلا بالليــــ ؟ . . |
أقول من اللي فاز
أو بس كلام وصور عطنا دوافع وحوافز ياللبي ولا تراه مانب مشارك غير ماشاركت وشف لك إلى بكرا تفكر زين هعهعات |
أجل حوافز يا بو فهد ..
أحلف أن برطمك بغى ينشق .. أحس أن حنتسك تصافق يوم قلته .. عندي إقتراح يابو خالد .. اللي يفوز بحل المكان يحط هو صورة .. وشكرا ,, |
فكرة جيدة أخوي قناص...
لكن إلى الحين ماحطيت صورة بريماكسوه .. سجلني من المنبطحين أمام الموضوع.. << وش قالوا لك تلفزيون لا .... أقصد المجد.. الصورة أكيد بالبصيرية محطة البصير...بجانب مستودع الشماس الخيري... |
المحطة في البصيرية شمال ثلاجة المنجم: 12
|
أهلا و سهلا صبايا <== صبايا أيه هين .. الواحد شنبه تقل ليفه هع .. على طاري الليفة .. تذكرون الليفة الناعمة .. و الله يا يصير عليه سوق برمضان .. الخطة : 3 ليفه + 1 ولاعة + 1 ببسي و خذ لعب بحوش البيت .. يطلع الحوش تقل عرس .. خخخ و الله يخلف على الثياب على طاري الثياب .. و الله يا أنتم شهبان يا عيال بريدة <== الأخ مقطوعن سره ببيروت ooo1 .. و الله يا أنتم شهبان بعد .. شكلكم تعرفون بريدة عاير عاير .. الله يستر بس لا تجيبون صورة لغرفتي .. <== يقالوه له غرفة ما سنه ينام بالمقلط هع :) . . نعود لمسابقتنا : الجواب الصحيحة .. هو ما ذكره الأغلبية البصيرية - محطة البصير - جوار ثلاجة المنجم - و غرب مستودع الشماس الخيري . . و الحين معي صورة جديدة .. مووووووت .. تهبل .. <== سواليف حريم خخ .. المهم .. الصورة اللي معي الحين .. صورة سهلة و واضحة .. يعني شكلكم كلكم تعرفون .. بس أنا أول ثلاث صور أبخليهن بسيطات و الوعد بالصورة الجاية والله لا أخليكم تفحطون .. ما عرفتوا مكاناتهن .. الصورة الجديدة تقول : . . http://www.buraydh.com/forum/upload/booored333.jpg يالله .. وين هو فيه الإشارة هذي .. و وش أسم الأسواق اللي وراي و أنا جالس أصور <== ترا هذي مساعدة :) . . . . صديقكم بريماكس |
. . هل هي الي بل الأسكان عند سلة غذا ئك . . |
أقول ياااا بريماكس هذي محطة برزة اللي بالبصيرية صح والا لا << شف عاد لك اختيارين بس
الاختيار الأول : تقول صح والاختيار الثاني : تقول أكيد صح وإذا كان الجواب خطأ أجل أنا ما أدل ولا أدبره <<< خلاص |
يا شيخ أحتريك تنزل صورة ...
يوم نزلته ودخلته وثر به ردين ... والله ياأنتم قرمين.. المهم الصورة أتوقع بالأسكان وراك سلة ذائك اللي به شجر كذبيات.. أتوقع ذلك.......................................... يارب أفوز.. |
شف لو تقدم شوي تلقا بيت عمتي الله يحفظه
ولو تبتل تطول تطلع على البشر شارع عمر بن خطاب تروح لعمتي الثانية هعهعااات الحربي تدمي مسمعه ====++++ هجت به محمد المساعد (يحسبه قعقات) ووراك سلة غذائي يالبي |
ياعيال اللذينا .. لاعمركم تردون قبلي ..
يااخي الفراسة زايدة عندي حبتين هاليومين .. والله يستر من الجاي .. |
المنخرش .. اجل عماتك حركة ..
لا تصير بس شغالتكم بيته بحي النخيل .. وحنا ماندري .. هع هعات الهع هعيع |
طيب وش صار على اقتراحي ..
|
أي اقتراح ؟
<=== إلا يدخل نفسه بالسالفة .. هع هعات الهع |
المحطة اللي بالصورة هذي تراه محطة برزة "البصير" القابعة في وصط غرب البصيرية مع النص .
اجعل المحطة عن يمينك واتجه شرقاً ستصطدم في دوار الشماس بينما لو جعلتها عن يمينك واتجهت شمالاً ستوقفك الاشارة اذا كانت تضيء باللون الأحمر أما إذا كانت الإشارة تضيء بالون الأخضر فبإمكانك مواصلة المسير لتشق الطريق بين المنتزه الغربي وحي مشعل , وبإمكانك الإنعطاف يساراً عند وصول الإشارة لتسلك طريق الملك فهد غرباً أما لو جعلت المحطة يسارك واتجهت جنوباً فإنك ستسير بجانب ثلاجة المنجم وشكراً . |
الصورة اللي بعده تكفى .. تراي متحمس بالمرررررررررررررررررررررة ..
|
هذي الصورة سلمك الله بحي الأسكان
وأنت واقف الحين ويمينك أسواق للمواد الغذائية والله أعلم ان اسمة سلة غذائك تلف يسار يجيك العثيم مول على يمينك تلف يمين يجيك المسجد اللي يصليبه الشيخ عبدالعزيز الأحمد برمضان على يمينك وإذا طولت عدااال سيدا بعد الإشارة تجيك على يمينك مدرسة بلاط الشهداء وإذا سيدت عدال تطلع على الشراع اللي يوديك لهذاك وش اسمه ذا قصدي هذاك يعني اللي اسمه آآآآآآ وش اسمه . |
هلا و الله يالعيااااااااااااااااااال يا سلام على هيك حمااااااااااااااس .. . . . كلكم أموووووووووووح .. <== يعني مطخة .. :) بووووسة يعني للي ما يفهم . . بالنسبة للصورة السابقة .. تراه صح على المنخرش و اللي قالوا مثله و الجواب هو : بريدة - حي الإسكان - شمال بيت عمات المنخرش (نورة و العنود) <== نورة و العنود .. هههه و اللع يا هي ما تجي .. شكل الأوله جايه يوم هم ساكنين بالخبوب .. و الثانية جابه الله يوم تمدنوا و سكنوا بالشماس .. هع هع هعااات .. . . عاد الحين معي صورة .. جديدة .. حول بيتنا القديم .. <=== يعني أني ساكن بيت جديد :) .. http://www.buraydh.com/forum/upload/booored44.jpg يالله وين هوبه الصورة ذي .. و منهم راعين السيارات .. <== شرط إن يجي أحد يقول أسماء راعين السيارات .. ذولاء قصمان مشافيح خخخخخخخخ . . يالله .. باااااااي .. <== ياااااي .. خخ |
في حي مشعل على الطريق المشؤوم الـ 80 صح ..
|
هاذي الصور موجودة في مدينة بريدة
صح؟! |
:41 :41 :41 هذا طاال عمرك اليوكن ألي يويتس :rolleyes: :rolleyes: هذا حق رجل عمت المنخرش00 :p جاين ياخذ عمته أأأأأ قصدي جاين ياخذ ولده000 <<< صدق بتعريف راعي السيارات 0 0 0 والله ياخيــي أول مره أشوفه 00 :i121 :i121 0 0 0 مير به ثانوية الأمير عبدالإله ببريــــــده :eek: :eek5 :eek5 :i125 :i125 |
صح عليك ابو فارس الخالدي . . بحي مشعل .. على الطريق المشؤوم شمال أسواق السحيمان و الحجيلان .. . يالله عاد دوكم هذي .. صعبة شووووي .. . http://www.buraydh.com/forum/upload/booored55.jpg اللي يعرف الجواب لا يقوله .. <== لغز بزارين :) .. . . شكرا لكم .. يالله ورونا شطارتكم ..يا شباب بريدة الحلوين .. <== والله ما الظاهر حلوين :) . . من خلف الشاشة بريماكس |
من اللي غلط على بدرية وساره
يطلع بسرعه لا أرنعه |
إييييييه ..
يا ربيه هالمواقف مهب غريبتن علي .. تسنهن مواقف الكلية التفنية .. أو لا .. |
هلا و الله بالمنخرش و الله معليش بدرية و سارة بطلااااات العالم :D . . قناص الروس صح عليك .. ماشاء الله يالله عاد رح أستلم هديتك من المنخرش و قله عطن من فئة (أ) الجواب الصحيح : مواقف الطلاب للكلية التقنية في بريدة . . . يالله عاد الحين صورة جديدة : http://www.buraydh.com/forum/upload/booored66.jpg . . . . بريماكس |
بسررررررررررررررررعه قبل ما يرد أحد قبلي <<<<<<<< هذا الشارع اللي عند مطبخ الطابخ بالموطأ الجنوبي . . .
|
لا ، أنا أعلمك .. وأتحداااك إن تسانه خطأ .. هذا .. الشارع اللي عليه .. مختبر التشخيص البيطري بمنطقة القصيم .. وش قلت ؟ :) |
صحييييييييييح ...
هذا بالمؤطأ الشمالي .... عند "مطلوب" بجنب بنده منوّل ... وحول مخابز الشريدة الوطنية :) هذا التي اللي بالشارع يصبخك جدار المقبرة ... شششششششششششششششششششششششششششش |
معروف هذا المكان وهو ماقال هذا هو.. قصدي أنا..
وأشوف مطلوب كلن يعرفه ماشاء الله... اللي ما يعرفه يكلمن ..علشان أعلمه أخوي بريماكس إذا حطيت صورة علمن تكفى.. على المسنجر.. تكفى ودي أحله الأول لو مرة.. |
مسابقة رااااااااااااائعة
أخوي أبو خالد بس عندي لك ملاحظة ملقوفة :) وهي ياخيي أن صورك كله الصبح يبدو أنك كثير النسات من الدوام :) هههه أما الأحتمال الثاني وهو انك تستحي تصور قدام العالم لأنه معروفه أذا جيت بتصور ببريدة جاوك العالم وبدو يطنبون ويشورون ويدورن حولك غديهم يطلعون بالصورة ههههههههههههه :) |
أقول بريماكس
أبحوس المسابقة :D الصورة ذي وين ياشباب http://www.buraydh.com/forum/attachm...id=15305&stc=1 هههههههههههههه :D |
هلا بالعياااااااااااال معليش سهجتكم لي كم يوم .. لأني أنشغلت حبتين ... :) و الجواب صح عليكم يا عيال اللذينا <== حمق عليكم وشلون عرفتوا الجواب . . الجواب الصحيح حي المطأ .. جنب مطبخ الطابخ . . عاد دووووكم الصور الجديدة ..ذي ورونا شطارتكم .. . . http://www.buraydh.com/forum/upload/booored77.jpg يالله .. وين هو فيه الصورة ذي ؟ . . . بريماكس |
القصيم - بريدة
وهن تقول لقعه تراه ابتوطا بأرحامك |
أتوقع انه حديقة الملك خالد ..
|
هالصورة يا بريماكس ان كنت منب واهم الحديقة اللي بطلعة الحبلين ...
صح ولا لا . |
ذي والله أعلم أنه حول مبنى (البريد) سابقاً
|
برموكسي هذي
1/ شمال ثانوية ولي العهد مباشرة. 2/ جنوب المركز الصحي للصفراء . 3/ شمال بيت طويل العمر . 4/ جنوب دار التربية للبنين . * - ملاحظة يوجد في الحديقة مراجيح من الطراز العجيب . مثال : بما أن من ياتي يريد التسلية يتزحلق بالزحليقة ينزل هو وثوبه يبقى شامخا في أولها . من ياتيها لا بد أن يكون يحسن مهارة القمز . |
هالصورة سلمكـ الله ساني ما نب واهمـ فهي عند مدرسة عثمان بن عفان . . .
دمت بحفظ الله ورعايته . . . الله لا يهينكـ لا تبطي علينا خلاص . . . عاد قل خلاص . .. مجرد إقتراح للمدحت وللمنخرش . . . < < < يا جمعة الخير ثبتو الموضوع إذا ما عليكمـ أمر . . بلغ عدد الصفحات . . . (( خمس صفحات )) . ... . . |
أهلا بكم .. . . ماشاء الله عليكم .. صح على (على نياته و سربال الكرامة و الفتى أحمد) . . سربال الكرامة .. ما بقى إلا تجيب الصك حق الحديقة ما شاء الله عليك .. :) . . يالله عاد الصورة هذي نسائية .. و الله لو تنقزون ما طلعتوه .. . . http://www.buraydh.com/forum/upload/booored88.jpg هذا الفقرة .. إهداء لصديقي العزيز [لون] عاد هنه ما يجاوب :) . . أخوكم بريماكس |
حي المنتزة الغربي .. بجانب جامع الملك خالد .
<--- إغمتوه .. :D |
اقتباس:
|
مثل النهيم ..
|
معليش بريماكسوه...
والله أني مشغول مرررررررررررررة.. ولا قدرت ألحق على الصورة.. لكن وعد مني أني أنا أول من يحل اللي بعده.. لكن مافي وقت محدد للتنزيل..وبعدين عندي إقتراح .. حاول أن لا يكون فيه لوحة واضحة حتى يكون صعب قليلاً.. ...........................محبك لون................................. |
بريمااااكس .. أنوااااع الخاااامس .. خماااااسة .. قصدي .. ونااااسة .. :D << إيقال له مدحت على هالألفااااااااااات .. :) |
بريماكسوووووووووووووووووووووه..
وين ياخوي من زمان ماشفناك..
صار لك يومين ولا حطيت صورة .. شف يا أنا يا أنت بسررعة.. ؛؛؛إن لم تحط شيئاً فسترى بعينك مالا تسمعه خشك؛؛؛ << متأثر بفلم كرتون.. عجل علينا الله يهديك ويجزاك خير.. |
ايه هج خلاص
|
بريمـــــــــــــــــــــــــــاكس . . . هل تسمعني . . . ! ! ! < < <=
http://shady1234.jeeran.com/bsmalah.gif بريماكس ياخوي وينكـ طالت بكـ الغربه . . . عجل علينا الله يهديكـ الموضوع حماسي . . . لكن يمكنه خطأ عليكم يحتري الجواب الصحيح . . . (_(=.(_(=.(_(=.(_(=.(_(=.(_(=.(_(=.(_(=. ــــــــــــــ لكن يمكن جواب الصورة يمكنه بحي النازية شارع العدل . . . دمتـ ـم بحفظ الله ورعايته . . . - - - - - - |
خلف الببسي
|
ننتظرك
|
هلا والله ياالعيال .. <== تقول داخل حوووش .. و هو يسحب رجليه خخ .. . . قسم بالله معليش على التأخير.. بس و الله غصبن علي .. و اللي ملقوف و وده يدري وش السبب .. يضغط فيذا : http://www.buraydahcity.net/vb/showthread.php?t=55235 . . نعود للمشابقة .. قصدي المسابقة .. <== عجزن يمسحه و يكتبه من جديد .. :) الجواب صح عليك بالنهيم .. واللي قالوا مثله .. دار الفضيلة الخيرية النسائية لتحفيظ القرآن الكريم ببريدة القصيم - بريدة - حي المنتزه الغربي - جوار جامع الملك خالد - جنب بيتنا القديم :) . . عاااااد الحين .. معي صورة بسيييييييييييطة قووووووة و الله ما يعرف الجواب تراه هدر <== خخخ يا عيني على الأخلاق .. . . المهم الصورة هذي بس عشان نستعيد جوء المسابقة .. يالله دوكم الصورة : http://www.buraydh.com/forum/upload/booored99.jpg يالله عاد .. ترا اللي ما يعرف الجواب أبصيحه .. :) .. . . أنتظركم يا أعزائي .. . . بريماكس |
أأوووف توي مارن من عنده ... شف سلمك الله .. أبدلك مع الطريق اللي رحت معه له .. << فهمت شيء .. اطلع من التخصصي زي ماطلعت <<< يبيكم تدعون لمريضه .. ولا مهب يدعدع أبد .. ثمن يجيك حرف تي .. رح يسار .. ثمن يمين مع الشارع العام ذاك .. اللي ماغيره .. اللي ينتهي بدوار المحاكم قديماً والآن إشارة خماسية .. ثمن دردع مناك إلما يجيك ذا على يسار .. أب صخ .. |
هذا يالغالي اذا حطيت ماكدونالذز وكنتاكي وبنده على يمينك ومشيت 600 متر اسفط على يمين وانزل من السياره وناظر وراك تلقاه هناك (يعني متعديه بقحشة امتار)
(وش رايكم بالتوصيف) |
مقبول عذركـ يا أبو خالد < < < . . .
http://shady1234.jeeran.com/bsmalah.gif يا أبو خالد مقبول عذركـ . . . : : : لكن ترى الصورة اللي أنت حطيته ترى ما نعتبره صوره . . . : : : ننتظر الصورة التاليه بعد ساعتين . . . : : : خذ الجواب : ( تدري مثل ما قال أخوي فهد 703 ) . . . : : : |
خل حقل التجارب خلفك وأنت متجه شمال <== قصدي إشارة المحكمة
يجيك على اليمين |
: 12 : 12 : 12 هههه هذا سؤال .......
هاذي المحمطة محطة البصـير . اللتي تقع على شارع اللثمانين في البصيرية قرب من ثلاجات المنجم.... أمام مدرسة بن حميد سابقاً.... تكفوون .. :i125 |
أهلاً شباب .. . . عاد تراه موب جود بكم يوم أنكم تجاوبن على الصورة السابقة .. لأنه بسيطة حتى الثمالة <== لا تفوتكم الثمالة ذي .. :) .. . . الجواب الصحيح : القصيم - بريدة - طريق الشاحانات - عقب دوار المحاكم على يمين و وجهك شمال :) يا ناس وش الحل مع الأعضاء .. اللي يدخلون يجاوبون على الصورة الأولة .. و الله يا يجين مر بالأمعاء الدقيقية أذا شفت الردود .. يا أخوان .. كل واحد يعلم اللي بجنبه .. ترانا الحين بالصفحة الخامسة مدري كم .. يعني به طعشات الصور .. موب صورة وحدة .. . . و الحين معي صورة جديدة .. بس صعبه شووووي .. يعني أتحدى لوون يحله .. لو ينقز ما جاب المكان .. :) <== يا ويلي وش هو قايل لووون .. ماهنا أحليله .. :) . . الصورة تقول : http://www.buraydh.com/forum/upload/booored10.jpg يالله عاد ورونا شطارتكم .. . . مع السلااااااااااامة : 12 |
هذي الله يسلم عمرك يابوخالد .. على طريق ( أنقع ) .. ودمتم سالمين ..>>>> الصباخ .. :D |
صحححححححححححححححح ياتهاويل ممتاز
اووووووه صح مب انا اللي يحكم آآآآآسف يابريماكس المكان هذا اذا كنت طالع من( النقع ) متجه غرب |
فعلا طريق النقع ..
عند المركز الساطع .. |
نعمـ صحـ عليكمـ :::...
يعني أيضاً إذا صرت متجه شرق يجيكـ هذوليكـ القصرين اللي بجنبهن بعض . . . واحد أسمه أمسية فرح والثاني والله مادري وش اسمه :::.... ننتظركـ على أحر من الحطب ::::..... --------------------------------------------------- |
والله ما ادري...
|
القصيم - بريدة - تقاطع شارع الشاحنات مع أنقع
هههههههههههههههه ابو خالد شكلك إذا بغيت توصف لحد تقول القصيم - بريدة - تعرف مخابز الأرياف ........... هههههههههههههههههههههههههههههه همن يقول لا ما أعرف ه اوووء طيب القصيم - بريدة - وانت جاي من عند الأسكندرية رايحن جنوب لخب القبر انتبه على اليمين تبي تجيك لوحة (الصومال 30 كيلوا متر) تعداه تبي تجيك طلعت الغاط وانت متجه لأبها خله بيمناك وادخل بين لبنان وآسياء يعني تصير أفريقيا الجنوبية على ايدك الفوقية حلوو أول دولة خله ثاني دولة خله ثالث دولة يبي يجيك قبله القطب الجنوبي لحظة تراو صغير على اليسار يالله ياضح ادخل معه تجيك لوجة ساكو على الفوق ههههههههههههههههههههههه هجت به |
تسيف ماطعتبك وأنت تصورر00
هذي ياطويل العمر إلى خليت مسجد الربيش يمينك رايحن للنقع تجيك كتبت اللـــه على يسارك 00 0 0 0 0 |
ول عليكم يا عياله .. :) .. صح عليكم القصيم - بريدة - طريق أنقع - قبل قصر الربيع و قاعة أمسية فرح . . عاد الحين معي صورة بسييييييطة ما تستبطهاش .. <== كرره 6 مرات ههههه . . تقول الصورة : http://www.buraydh.com/forum/upload/booored111.jpg يالله عاد ورونا شطارتكم .. . . بريماكس |
هعع ..
شارع الستين .. |
أقول يا أبو خالد إلتفت يساركـ وتشوف مطعمـ الصواني . . .
أيييييه رح تغد ولا تعزمـ المنتدى . . . ------------------------- |
أشارة الستين مع الثلاثين
|
والله أنه مهب غريبه علي 00
بس مادري وينه00 والله ياهو جوو00 |
قناص الروس صح عليك أنت واللي قال مثلك .. شكلك كل ظهر مسنتر عند الصواني .. الخطة حبتين مضغوط و خمسه ببسي .. و كثر سلطة ههههه .. . . الجواب الصحيح : القصيم - بريدة - الفايزية - شارع الستين . . يالله عاد الحين معي صورة جديدة .. http://www.buraydh.com/forum/upload/booored12.jpg أين يقع هذا الشارع ؟ .. أنتظركم .. :) . . بريماكس |
بسرررررعة قبل يجي أحد .. هذا بالخليج يبو .. إذا مشيت شوي يبي يجيك الونيان .. مهوب تسذاتا ؟ :D |
حي الخليج ..
هههههه عرفت اللوحة الصفراء .. العلامة الفارقة .. (( العليان للحلويات )) |
النادم : عساك تصلح .. قل آمين .. |
آمين .. :) |
محطة البصير بالبصريه اللي به المسيد اللي يبكر........
|
هذا طال الله بعمركـ ::::... الطلعه اللي ترقى لشارع الونيان ::::...
لكن عندي لكـ صوره شكلكـ مخطط عليه وهي {( الدلال المناظر اللي بالفاخريه )} :::::.... وش رايكـ عاد بالفراسه ......خخخخخخخخخخخ -------------------- أبو خالد مالكـ عذر الحين Dsl شغال وتقول أحسن شيء <<< تراكـ أبطيت علينا ::::.... |
هذا ببريدة
القصيم - بريدة - شارع الدولة - بالزفلت - إذا رقيت تشوف مسجد الونيان |
ماشاء الله عليك النادم صح عليك :) تستاهل كرتون ريكو .. و كيس فشار نسمه و اربع حبات برميت .. ههههه .. الجواب الصحيح : القصيم - بريدة - حي الخليج - جوار مستودعات العليان للحلويات . . و الحين بعد معي صورة جديدة .. شكله سهله .. بس أغدي ما أحد يعرفه .. . . تقول الصورة : http://www.buraydh.com/forum/upload/booored13.jpg . . يالله من يجاوب الأول ؟ . . بريماكس |
عادي أجاوب ؟ :) << يبي يخرب عليهم .. هذا سلمك الله دوارٍ على طريق النهضة .. إذا طولت من عنده .. خليت شقق الوطن ذي على يمينك .. تبي تمشي شوي .. ثم يلف بك الطريق .. وتطب على الدرب اللي عليه القصور الملكية .. ( ما أدري وش اسمه .. هو طريق حايل .. ولا المعارض .. ولا المدينة .. كله يجي :p ) .. اقتباس:
|
| الساعة الآن +4: 01:31 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.