شباب وش رايكم باللي يكلم زوجته في فترة الملكه؟
 

لعلها سنة تكون حسنة تعويض للحب قبل الملكة

يالتويجري الله يرزقك بنت الحلال اللي تسعدك و تقر عينك بها .. قولوا آمين..

و ياليتيم تفسيرك منطقي..

جزاكم الله خير..

أ.جلمبو
وجهة نظر بعيدة المدى..

مشكور.

سخافه

وين موضع السخافه يا المطيري؟؟
وش تقصد؟

حنا اليوم في الجامعه ماخذين ها الموضوع

وكان راي الشيخ و اغلبية البنات

انهم مايكلمون ولأسباب كثيره

واناء من رائيي انه ماله داعي

يكلم

ماله داعي يكلم ؛؛؛؛؛؛؛؛؛؛؛؛؛؛

شكرررررررررا على تجاوبكم السريع..

المفروض يمره بعد ؟؟؟؟؟!!!!!!!!

أبو أميره .. قطعت تسبدي من الضحك..

جازت لك يمره هههههه والله إني صادق
على الأقل يعني إذا كان يستحي قوة يدف له رساااااااااايل ....

يعني افهمها .... تراك تسويها يابريدة قلبي وترسل ههههههه ...
تخبر أنواع التفكير بالليل ؟؟؟ والله يانا حشرته قوة ..... أمزح

أبو أميره شكلك مستانس اليوم..

شكرا على تفاعلك الهادف..

لعلك تسأل الي معرسين .. هم أدرى ..
و أنا أتوقع مجرد توقع أن الإتصال يفقد ليلة الدخله طعمها الخاص الذي لن تجده في غيرها ..
أذاقنا الله و إيكم حلو طعمها عاجلا غير أجل ..



============
أبو أميرة ..
ههههههههههههههههههه
و الله إنك منسم أجل يمّره ..
ههههههههههههههههههههه

دوك هالسالفة ذي تصلح لك ..
يقول لك مرّه اتصل واحد مصري على أحد المشايخ يستفتيه ..
يقول المصري ..
ياشيخ أنا ذهبت مع ( أبنت عمي ) محرما ً لها في الحج ..
و وطئته بها ثلاث مرات .. هل علي دم ؟


===================
و الله سنعوه هالمصري من يخرخر دمه من هنا إلى مزدلفه ..
قال إيش قال علي دم ..
يالله غربله .. يارب ..
مهب عليك دم إلا عليك هدوم و بناااااااطيل يا هالمنسم ..
يالمصري ..

بعد الملكة هي زوجته شرعا وهو بالخيار .ولا تحجروا واسع .

حنا ما نحجر :i121 !! لكن نسأل و نشوف آراء الشباب و مدى تقبل مجتمع بريده لمثل هالشي..:confused:

مشكور ..:o

الله يهديك ليش الاحراج :mad: .......خربت علىالشباب رومانسيتهم :p :p
.
.
.
.
.
.
.
.
.
بالنسبه لرأيي:
وناسه لو يكلمها بعد الملكه على الاقل يصير جرب الغزل الحلال عبر الجوال
بس اذا كان الرجال يستحي , انصحه ما يكلم (( مشكله هو يستحي وهي تستحي , تعدي ساعه وهم ساكتين :D ))

اوووووووووه .. !!

بعيد اصلح انت وهلك <<<<<خخخخخخخخ

تدري على حسب تجربتي في الحياة اعتقد ماله داعي <<<< تجربة كويس

... امزح ماتسد تزوجت لكن أسأل أهل الخبرة ..

((يعني الكمخة والا اللي ما يعرف يحتسي , أعتقد انه ماله داعي يكلم لأنه يبي يكب عشاه من أوله))

تسبدي تقطعت.. يالمتزن..


((وناسه لو يكلمها بعد الملكه على الاقل يصير جرب الغزل الحلال عبر الجوال)) أثرك منتب سهل ياcity master


يا المتحرك ((بعيد اصلح انت وهلك <<<<<خخخخخخخخ ))
واللله انك جبتها..

أخي الفاضل(يا بريدة قلبي)
رائع منك أخي مشاورة الغير قبل الأقدام
**ماخاب من استخار وماندم من استشار**
ولكن أرجومنك مشاورة المختصين في شؤون الأسرة

أما أنا فأقول: أن مكالمتك للفتاة تكون عادة في وقت قصير يظهر فيها كل من الطرفين بمثالية عالية وذلك يسبب اخذ انطباع عن الطرف الأخر الذي قد يكون خلاف ذلك مما يسبب صعوبة في التعامل بعد الزواج أوصدمة للطرفين.
أنه في اثناء حديثك مع الفتاة بالهاتف لا ترى تعابير وجهك وحركاتك مما يجعلها تؤول الكثير من الكلام وتفهم غير ماتريده منها ممايؤدي إلى نشوب مشكلات في بعض الأحيان وأمور من مثلك هم في غنى عنها
نصيحة..من المفترض اخي أن لاتقول كل شيء للشلة.
اسأل الله أن يوفقك لما يحبه ويرضاه
ودمت يحفظك الرحمن.

كلم ووسع صدرك وبسط ولو يحصل تروح تتقهوى رح وستانس

الحمدلله متملك وخااااااااااااااااااصه اذا كان موعد الزواج محدد حتى

تطمئن البنيه وتاخذ عليك ههههههههههه كلام شيبان ,,,,,

أهلا وسهلا

قضية المكالمة أو المراسلة بالجوال أمرها عادي
ولا فيه أي شي يمنع ذلك

بل العكس تزيل هاجس الرعب والخوف
في يوم الدخله

أعرف كثيراً من الشباب أول الملكة اشترا لزوجته هاتف جوال مع الرقم

وعاد خذ من الرسايل الحب والغرام
مثل بقي على زواجنا كذا
وخذ عاد من علوم الحب والزرق
بس لاكن ما كان يكلمها أبد
قلت له ليش ما تكلمها بس ترسل لها
قال أطعم أنني أرسل لها فقط



أما الأطعم في الحقيقة
أنك ما تكلمها ولا تراسلها
خل كل شي في يوم الدخله
لأنه مع مرور الأيام والسنين ستتذكر أيام الدخله وما حصل به من مواقف
أما لو كنت تكلم من قبل أجزم جزماً يقينا أنه في يوم الدخله ما راح يكون لك ذكريات في هذا اليوم

يعني متملك لك أربعة أشهر وإلى الحين ما أعرست ؟!!!!:i121 :i121

غربلك الله وش تحتري !!

وإن كانك ماكلمته إلى الحين لا تكلمه أبد إلمين تدخل عليه ..

بس لا أوصيك جمع هرج كثير وسولف إلمين تمل

الله يوفقنا وإياك ويجمع بينكما بخير

ويجعلها أمطار خير وبركة !!!!!!: 12 :) :41

فرفش
:p

ما نختلف إنه لو كلّمه بعد الملكه يكون فعله حلال .. والشرع ما يمنعه أبد من ذلك ..

لكن أرى أن ( لليلة الدُخله ) نكهه خاصة ... تتلاشى تلك النكهه إذا كان بينهم إتصال قبلها ..

ووالله إني أعرف أحد الشباب من أئمة المساجد ومن سكان الرياض .. جلس بعد الملكه سبعة أشهر ما دخل على زوجته ..

وكان هالأجودي يكلمها كثير ... حتى أن فاتورة جواله جاءته بمبلغ ( 7000 ريال ) ومرّه ذكر سالفة هالمبلغ بمجلس شباب

فتحداه حداهم إن جاب الفاتورة وطلع كلامه صحيح .. فقاله خوينا وش تعطين .. ؟؟؟ قال إذا كان كلامك صحيح ..

فأبشر بمبلغ ( 2000 ريال ) فجاب الفاتورة ... ودفع صاحبنا هالألفين وكمّل العريس عليهن خمسة آلاف وسدد فاتورته ..

لكن الشئ اللي مهب معقول ... يقول كنت أمشي من الرياض إلين آصل لبريدة وأنا ما سكرت السماعه منه .. ما غير قرق .. ورومانسية ..

وكان صاحبنا ( لواق ) وراعي كلام زين ... والمره ذابت معه ... لكن بعد الزواج بفترة ... راح كل الكلام الحلو .. اللي كانت تسمعه قبل الزواج

لأنه نفذ ما عنده ... وأحرق الأوراق مبكراً ... فإفتقدت الزوجة ما كانت تسمعه قبل الزواج ... !!!

عموماً ... على ما قالوا الشباب ... كل شئ بوقته حلو ... ( ولا تحرق الأوراق ما فيه داعي )

والله أنا من رأيي وتجربتي خخخخخخخخخخخخخخ
الله يجيب ام فهد والله يستر على الجوال شكله هو اللي يبي يكلم بي مهب انا أكلم به

المهم

أنا من رأيي

انه يفتح باب

وثل ماقال أخونا المسفهل

7 شهور وخذ كلام حلو وزي كذا
ثم تتفاجأ الزوجة بأن الكلام

الحلو راح

وهي كانت متعوده على الشي هذا وجازله بالمرة

فتبدأ بالبحث عن ذلك المفقود

وسوف تجده بسهوله وبسرعه أيضاً من أحد هالذيابه البشرية


هذي وجهة نظري

عدم الأسراف في الكلام بعد الملكة

يعني بالأسبوع يزهم مرة ربع ساعه يتطمن ويسأل وزي كذا

(كلام قليل ومستمر أفضل من كلام كثير وينقطع)



شكراً أحبابي

بالنسبة للمكالمة الهاتفية هي ليس فيها شي لأن من تكلم هذه زوجتكـ

ولاكن من جرب هذه المكالمات قبل زواجه تحسف وتندم على هذا وياما حصل فسخ الخطبه جراء هذه المكالمات ....




فأنا اقول يازيناها في ليلة الزواج إذا دخالت عليها وانت وهي كل مستحي من الثاني ووووااااااك



فانا انصح كل من اراد أن يتزوج أن لا يستعجل ويتأنا ويسئل من سبقه في الزواج ....



اللهم زوج كل أعزب وأعزبه يارب العالمين ..... آمين .

حياك الله يا بعدي ..


ماشاء الله تبارك الله ..
بارك الله لكما وبارك عليكما وجمع بينكما بخير ..


والله من وجهت نظري ..
أنه ما يكون لا إفراط ولا تفريط ..

ما يقطع مرة .. ولا يصير كل وقت يكلم ..


وعلى فكرة ..

إذا جيت تعرس كز لي بطاقة برسالة خاصة ..
علشان أجي أمطخك .. هههههع .. :d


وعقبالنا أنا والشباب إن شاء الله .. :)

مادام هي في ذمته ليش لا !!

والتكليم أفضل شي بعد الملكة ....

والمعقدين اللي يضيقون الوسيعه .. لعل المخ فيه خرم !!

نصيحة لله يا أخي
إن كان في نيتك ولديك رغبة في مكالمة زوجتك فلا تكلمها قبل أن تراها، لأن الصوت يختلف عن الشكل يعني ممكن تسمع كلام زوجتك في الهاتف وترسم لها صورة بحسب صوتها ثم لما تراها تتفاجأ بشكلها ولو كانت أحلى مما تخيلت ورسمت فيحدث مالا يحمد عقباه(هذا الكلام ذكره الدكتور طارق الحبيب) وارجع الى شريط لمسات نفسية في الحياة الزوجية.

ثانيا...لم أرى بنت من البنات تحدثت مع زوجها بالهاتف بعد الملكة إلا وهي تتمنى أن لم تكن حدثته

برأيي أنا..أن يكون بينكم وسيلة اتصال صامته (كرمز) مثل الهدايا رسائل الجوال فقط(قبل اسبوع من الزواج تشعرها بفرحك فيها وتذكرهابالدعاء أن يجمع الله بينكم بخير وتذكرها بالورد )
أيضا لما تسلمها مفتاح البيت عشان ترتب جهازها ضع لها رسالة وكلام صامت (هدية بسيطة وردة جورية في غرفة النوم أو أي شيء من إبداعك)
جمع الله بينكما بخير وبارك لكما وعليكما
جميل أن تهديها ليلة الزواج المصحف نقش عليها اسمها وبجانبه مصحف نقش عليه اسمك يغلفان مع درع كتب عليه(من هنا نبدأ )
هذا رأيي والله أعلم
ولدي موقع يا اخي ممكن يفيدك إن رغبت ممكن انزل الرابط هنا أن لم يخالف ذلك شروط المنتدى

جزاك الله خير يالمسفهل:)
صحيح ممكن يكون فيها( حرق للأوراق)

و يالمنخرش:i125 الله يجيب لك أم فهد (ماشاء الله من الحين متفقين ان الولد اسمه فهد!!!!)

وأبشر ياالقناصooo1 أبعزمك بعرسي.. أهم شي الهديه ..;) ;)

وللأخوة والأخوات اللي أفادوني بأرائهم ..شكرا..: 12