|
قصيدة {{ منيره }} في زوجها ليله زفافه
جاني الخبر يا صاحبي وأظلم الكون *** قدام عينـي ثـم نطقـت الشهـاده على العموم أقولهـا ألفيـن مليـون *** مبروك من قلـب شكالـك ابعـاده مبروك ولا يهمك سواليـف وظنـون *** من عاشق يهديـك فرحـة فـؤاده سو الفرح اليـوم واٍبليـس ملعـون *** واٍللي يشب النـار يجنـي رمـاده أنا أول العالم على الصالـه يلفـون *** وأول معازيـم الفـرح والـحـداده أبشر أبرقص على العـرس بالهـون *** وكلـن يعبـر فرحتـه بجتـهـاده لو البلا برقصـي يقولـون مزيـون *** المشكله بقلبـن راح يفضـح وداده يوم العذارى فـي دخولـك يغنـون *** وعروستك بأحلى ثوانـي السعـاده كنـت أتمنـى بدالهـا والله أكــون *** وأحط أنا كفي تحت راسك وسـاده وشلون أبكتم صرختي يوم تمشـون *** تكفـى خذنـي للعروسـه قــلاده حتى معازيم الفرح قامـوا يمشـون *** وأصبحت أنا وحدي بدون استفـاده وطفوا علي النور من غير يـدرون *** قصر الفرح يا قبر ( منيره ) ومهاده وصيتي لو جاك بنت وأنا عليك أمون *** تكفي سمها ( منيره ) قبل الـولاده منقول |
آآآآآه .. أثقلت صدري بجبال من الحزن .. وطفوا علي النور من غير يـدرون *** قصر الفرح يا قبر ( منيره ) ومهاده ..!! :( :( :( :( :( :( :( :( :( :( :( :( :( :( :( :( |
تعليق ................................!!
شكرا عزيزي : أبا مالك .. لكن هناك اقتراح : لو تضعون منتدى خاص جدا للمتزوجين :D :D :D خخخخخخخ .. . |
أبيات جميلة شكراً لك ياأسد اقتباس:
هناك منتدى إسمه (عالم الحياة الزوجية) أنصحك بالدخول إليه والإستفادة منه :D . |
تعليق ................................!!
اقتباس:
ههههههه يالمتوهق تراي عاد امزح لا تجيبه من صدز ثاني شيء انت وش دخلك راس مالك عضو .. |
التويجري شكرا لمروركـ العاطر ومبروكـ العطلة القناص ، المتوهج أشوفكم فالينه بموضوعي وش السالفة ؟ المهم شكرا لمروركم ولا عمركم تفلونه بهالطريقة تسمعون ولا لا .. أسد . |
اقتباس:
اقتباس:
من أجل الكل يبارك للعروسين :i125 . اقتباس:
سم يابابا :D . |
تعليق ................................!!
واللي وصلت له بطاقة دعوة في الحديث ( المؤمن يزني ؟ قال نعم المؤمن يسرق قال : نعم قال المؤمن يكذب ؟ قال: لا ) او فيما معناه اتق الله ولا تكذب ( تطيح عليك المقرصه الحامية ) :eek: :eek: لأني عضو رديت هنا ولو إني مشرف سردت موضوع خاص لك وثبته من أجل الكل يبارك للعروسين . لأنك عضو رديت هذا من حقك .. لكن انت لست مخول بان تتكلم على لسان الإدارة وذوي الرأي من المشرفين بحجه انك عضو وترد بما تشاء حتى ولو كنت مشرفا فللمشرف قيود كما للعضو .. سم يابابا . اختر كلمات ألبق من هذه .. ودع عنك الكلام السيء . . . |
لكن هناك اقتراح :
لو تضعون منتدى خاص جدا للمتزوجين |
اقتباس:
انا ماتكلمت بلسان الإداراة ولا شيء انا أخوك وبما إنك غالي ياأبوياسر حبيت أرشدك قبل دخولك في عش الزوجية :) . طموحاتك فوق المستحيل أجل تريد منتدى جديد لعيونك :D اقتباس:
كلمة((سم يابابا )) كلمة كلها إحترام وتقدير لمشرفنا أبومالك أبو ياسر فيه محل جديد عنده بضاعة جديدة فيها أنواع كثيرة من التحف والأثاث والورود الوصف سيأتيك عبر سالة الجوال. :D والله يوفقك ياقلبي : 12 |
تعليق
اقتباس:
ما أستطيع ان أقوله انك رجال كثير المراء .. وتحاول ان تلف وتدور بإسلوب يوحي بالحسن .. شكرا . . . |
اقول خلوا عنكم اللعب واغدوا رجال ..
|
مليون مبروك على العرس مليون يالله عسى خيره وخير وسعاده
|
الشيبان الكبارين يقولون ( مايهذري المهذري إلا من حر الصخونه ) وهذا ينطبق على منيرة اللي يخفف عنه
|
القناص _ المتوهج
خــــــلاص وراكم تزاعلتوا يالله صحيـــــــب .. وبعـــــدين انت يالقنـــــــــاص وشولوه الجحـــــــاده البطــــــاقات ووصلتنــــــا ومنتب اول واحـــــــد يعــــــرس تعسب الاعضــــاء بيحسدونك لا والله بيستانسون ويدعولك الحين اسد العقيده اخذ الثانيــــــه:p وجالســـــــن من اليـــــوم ينقـــــــل مشاعر مرته الاولى وانت يادافع البلا تبي تجحد وانت اول مــــــــره وآخزيــــــــاااااه بس بــــــــدال ماتعــــــــزمنا وترحب وتهــــلل تجحد علينـــــــا خلاص تـــــــراي زعـــــــلت:mad: المتــــــــوهج لابغيـــــــت تحضــــــر عرس القنـــــــاص دق علي ابخــــــــاويكـ .. والمطنــــــــــوخ راعي المــــــوضوع اسد العقيــــــده ما اقــــــول الا باركـ اللـــــه لكمـــــا وبـــاركـ عليكمــــــا وجمــــع بينكما على خيـــــــر :D :D الله لنا ناس عزوبيــــــــه ونـــــــاس ماخذيــــــن علـــى ثنتيـــــن بس الله الله بالعدل ما اوصيـــــك ايه ولــــــــدي شاطــــــــر .. وبعـــــــدين مهــــــب ترد علي الحيـــــن وتقــــــول وش هالاشـــاعات انا نقلــــــــت قصيــــــــده خيـــــر ان شاء الله وش التوليــــــــــف ترى خلاص العرس ركــــــــب عليك مايمديــــــــك تجحــــــــد زي القنــــــاص اللـــــــــه يصلحــــــه .. |
أبيات زي العسل ومشكور .....
|
صارت رديه بين المتوهج والقناص
|
تسلم يااسد هذه قصيدة ممتااازه
|
جزاك الله خيراً أخ (أسد العقيدة) على هذه اللفته الكريمة وقد ترددت كثيراً قبل كتابة التعقيب فربما أواجه انتقاداً من قبل الإخوة الشباب ويتهمونني بالتحيز وربما أن تحويلهم الموضوع لمساحة من الهزل يدفعني للكتابة لأوضح أن الموضوع جاد أم أن الرجال لا يعنيهم هذا الأمر؟ فقط لأنهم رجال وفي أيديهم الحل والربط؟ القصيدة تدل على شجاعة (منيرة )النادرة باعتقادي خصوصاً هذه الأيام فمن المعروف ان غيرة المرأة تدفعها لما يشيب له الرأس من قصص نسمعها من هنا وهناك في حال تزوج الزوج بأخرى. بينما نرى في المقابل نماذج مشرفة لأخريات تقبلن الموضوع فهو وإن كان شديد الوقع عليها يظل في النهاية حلالاً أفضل بمئات الملايين من علاقة محرمة والمسلمة العاقلة ترضى به طلباً للأجر من الله. بعكس من تعتقد الرجل ملكاً شخصياً لا يمكن التنازل عنه لأخرى. ودمتم بخير. |
محزنة جدا
وتقطع القلب خاصة وأنها لا مست واقعا عاشه كاتب هذه الكلمات على العموم شكرا لك ودور لنا قصيدة تفرح القلب علشان تنسينا هذي |
| الساعة الآن +4: 04:09 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.