|
ناوي اتزوج في الاجازه هذي ... ارجو منكم المساعده
السلام عليكم ورحمة الله وبركاته ...
كيف الحال اخواني انشاالله طيبين : حبيت اطرح عليكم موضوع لاني واثق انه ما راح يجيني منكم الا كل خير !!! : : فاجئتني امي في بداية الاجازه تريد ان تخطبلي بنت تقربلي وهي ملزمه على البنت خصوصا البنت داخله قلب امي ... وهالامر يرغبني في البنت لكن اللي يخوفني في المسأله هو الامراض الوراثيه ... خصوصا اني انا ابي البنت : اكيد اكثركم يعرف ازواج يقربون لبعض. : سؤالي لكم : من معرفتكم هل سبق وشاهدتم امراض وراثيه وهل هي منتشره, ام هي مجرد اشاعه واتوكل على الله واخطب؟ انا عن نفسي لم ارى من قبل : اسف اخاوني على الازعاج بس والله محتاج الفايده بأسرع ما يمكن. والله يجزاكم خير |
أجل امك ملزمة على البنت ..
لاتصير امك تبي تآخذه له .. هاللحين انت اللي يبي يعرس والا أمك .. يالبي ويابعد معاااااااليق شدوقي .. خل عنك هالهرج وراااااااااثي وماوراااااثي .. قريبتك هذي اذا كانت راعية دين فاربط عنده .. وخل عنك الخراااااااااابيط .. بل وراثي بلى هم .. نعم الواحد يعمل السبب .. بس حتى زواجك من القريبة اللي تعرفه وتعرف اخلااقة بحد ذاته يعتبرعمل بالاسباب لنجااح زواجك .. والله هاللحين تبلش ماتلقى البنااااااااااااااات اللي يستاهلن انهن يصيرن امهاااااااااات .. لاتصير مثل اللي يدعس ايده بجخر .. مايدري وش يطلع لوه .. ضب والا عقرب والا بطه .. بطه ترى مهيب البطة الدبشة هذي .. لا اقصد بطه يعني بطه من داااااب .. <<((== عاشت ايام التصريف ,., والله يوفقك يالبي .. |
أستخــر . . ويالله الخيره . .
بالتوفيق . . |
كــانـَ اللهُ فيـ عونكــَ , أخي النورس . |
من اسمك تجد الجواب اقلب اسمك مع حذف الألف
|
يقولون هذا وليس كل مايقال صحيح يحصل لكن حالات نادرة وقليلة أسأل الله ان يوفقك وأن يجمع بينكم بخير توكل على ربك. اقتباس:
ممكن أعرف يافرخ الفيل ماهي الكلمة التي ستكون إذا قلبت إسمه !! :) وماهي معناها ! |
الزواج الاقارب
اخي العزيز توكل على الله واتخذ القرار بنفسك بدون ضغوط خارجية وان كانت قريبتك داخله قلبك فتوكل على الله والا فهذي مش لعبة دي عشرة سنين لا يوم ولا يومين ولكن النبي (ص) في اقواله يفضل زواج الغير الاقارب من ناحية العلاقات الاجتماعية وثانياً في الصفات الوراثية حيث يقول (ص) "غربوا في النكاح"
|
يالبي يالمتوهج .. تراه واضحة يابعدي ..
سر .. ونل .. والا لا يالبي يافرخ الفيل .. |
اهااا مشكور مدحت من اليوم جالس أقلب وأحاول بس ماضبطت :D |
الفحص اللي قبل الزواج يبين لك كل شيئ.
|
وعليكم السلام ورحمة الله وبركاته أهلاً بأخي وعزيزي النورس نصيحتي لك أخي أن تتوكل على الله .. وتتقدم لخطبة قريبتك وما تدري لعل الله أن يكتب لكما التوفيق بسبب طاعتك لأمك أمّا مسألة أمراض وراثية وغيرها .. فلا تُشغل نفسك بتلك الأمور فقط عليك بالدُعاء .. وستجد ما يسُرّك بإذن الله ونعرف الكثير مِن مَن تزوج من قرابته .. ويعيش حياة زوجية هانئة سعيدة ويبدو من كلامك أنك مُقتنع من تلك الفتاة .. لذلك سر على بركة الله وأخطب الليلة قبل بكرا .. بس لا تنسى تعزمنا :) |
وين راح
شكله الحين بشهر العسل الله يوفقه اجل سر ونل فقعت راسي يوم مليت امر اشوف الردود هههههههههه |
الله يوفقه أن شاء الله وعقبال بعض شيبان المنتدى..
|
الإخوة ما بقو شيئ..
لكن خذا هالرابط تجد فيه ما يسرك إن شاء الله.. جميع ما يخص المقبل على الزواج.. وكذلك المتزوجين.. http://www.islam-qa.com/special/inde...bsite=1&ln=ara لا تنسانا من الدعاء.. وفقك الله.. تحياتي لك،،، |
إييييييييييه . أمك ملزمة علييييك
أقول قم بس نم . . تبي تلعب علينا . . البنت أنت اللي حابة و فاغين راس أمك يا الهولة . . أبي فلانة . . تراه سنعة . . لكن ما أقول إلا . . و ما الحب إلا للي بداخل القلب مخياله . . يالله بس توكل على الله ومثل ما قال حدا الشباب . . الفحوصات إن شاء الله تبين . . و بالتوفيق حبيبي . . الله يجمع بينكم بخير مقدماً . . |
نصيحة إذا تعرف البنت زين ..
وهي خاشة في مخك خذها ولا تتعدها إلى ما لا تعرف ..! أما إن كنت تعرفها .. وتعرف ما لا يسر فيها .. فإياك أن تقترب منها .! وخل أمك .. هي التي تتزوجها .! :) ولا تجامل أحد في موضوع الزواج قياسا على : لا تشاور أحد في قتل الأمريكان .! |
اقتباس:
أخوي (عمر الدوري ) المحترم سمعت أنه لايجوز قول ( النبي (ص) ) لانه فيه تقليل لشأن الرسول صلى الله عليه وسلم والواجب قول( صلى الله عليه وسلم) شكرا ----------------------------------- وفقك الله يالنورس على قول مدحت (سر ونل) :d : 12 |
بسرعة لاتصير غبي مثلي انا كنت ناوي اخطب وحده يوم قررت اخطبها تفاجات بملكتها من شخص ثاني : 12 اذا كنت مرتاح لها لاتطير منك |
الله يهدي امهاتنا دائمًا تقف في وجه أبنائها وتكون هي العائق في عدم الزواج , فعندما يطلب الابن الزواج تخيرك بـ بأربع وتتستر عن الباقي من بنات الناس فيظطر الإبن إلى الإستعانة بعمته او خالته او اي وحدة قريبة له وينسى امه وهذا ملاحظ واخي نموذج ...
|
اقتباس:
طيب واذا ماجازت لوه ..؟ ياحبيبي النورس .. إذا ماكنت مقتنع بهالبنية ورأيت بعد النظرة الشرعية بأنك ترغب في غيرها .. فلا تتردد في البوح لأمك عن هذا الشيء .. وإياك ومجاملة الوالدة .. ربما البعض يأخذ العلاقة بالوالدة بطابع رسمي .. لا ياأخي أمك تحرص على ماينفعك .. ولو كانت السعادة تنتزع من القلب لكانت الأمهات أول المبادرات .. هاذي المسألة حتمية [من الملاك حتى الهلاك] .. فلذلك لاتأخذ شيء مااقتنعت به جبرا ً لخاطر الوالدة ولكن .. قل للوالدة تدور لك غيره .. وليس هذا عصيانا ً أو عقوق لكن من حقك أن تختار .. حاول أن تقنع الوالدة بإعادة البحث مرات ومرات بأسلوب طيب ولين .. بحيث ماتشيل بخاطره لانك مابغيت البنت اللي دخلت قلبه .. والله يوفقكم وعقبال العجايز والعوانس من رجال هذا المنتدى المبارك .. :D وإن كنت أشك بأن في الموضوع إنّ كما قال أخوي ajmn بالتوفيق للجميع .. |
صراحه ردودكم شي توسع الصدر وتحمس الواحد :41
تسلمون والله الله يجزاكم خير : فرخ الفيل:اجل سر ونل شديد الملاحظه ماشاءالله عليك تسلم والله يالغالي اخوي المسفهل : مشكور على النصيحة والله يعطيك العافيه المنخرش : اي شهر عسل الي الحين عزوبي. والله يوفقك الطموح: اسعدك الله بكل ما يرضيه ajmn: اقتباس:
ههههههههههههههههههههه لو ما ابي البنت كان بكل بساطه اقول للوالده خلاص هونت ما ابي اعرس الشرهه على اللي يقولتس ابعرس الغشيم : اللهم صلي وسلم على نبينا محمد ولد الصفراء: والله انك صادق ... انت كلامك يخوف توضيح الاشكال: ملاحظتك منتشره بكثره الله يهديهن مدحت شوقي بريده & الرعد القاصف & الشكيم & المتوهج & عمر الدوري & بريداوي بالرياض & ابو صالح & عبدالرحمن الثاني & التويجري مشكورين الله يبارك فيكم ويعطيكم العافيه |
اخطب الليله قبل بكره
سر...ونل... وقبال بعض شيبان المنتدى بعضهم الأولة وبعضهم الثانيه والله الله على الثانية |
اقتباس:
تصدقون أنا بعد انفقع راسي عجزت أفهم إلى أن فهمونا الأخوان أنوااااااااااااااااااااااااع الشرافه :) سهج بموضوع الرجال :D |
ماخاب من استخار ..
وفقك الله لكل خير أخي .. |
صح يمدحت . :41 على فكره يا النورس لاتبلش بردود طف كمبيوترك ورح سنع نفسك قبل فوات الأوان طع شوووووووووري . اقتباس:
|
اقتباس:
انا مع الرجال اعقلها وتوكل وتذكر انه ما راح يصيرلك الا اللي كاتبه لك ربك بالتوفيق |
انا من رأيي
انت ما كتبت الموضوع الا ودك بالبنت, لو ما تبيها كان ما جبت طاريها :D استخر وحط رجلك قبل لا تفوتك :41 |
لا تنسى تبشرنا بملكتك
بالتوفيق اخوي |
| الساعة الآن +4: 01:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.