مهازل العييري بارك
 

السلام عليكم ورحمة الله وبركاته ..... مساااااااء الخير
بصراحه لست من اللذين يكتبون دائما في هذا المنتدى المبارك لأن اسلوبي ليس بمستوى القراء الاعزاء ... ولكن رأيت بالأمس اشياء لم استطع حبسها في فسي فقلت لعلي أشارككم بعض ما رأيت وأخرج ما في خاطري ...
اتصلت بي الوالده وقالت ( نبي نروح للعيري بارك تخاووننا ) قالوا بزاريني نبي نروح قلت مشينا ( على فكره هذه المره الثالثه اروح للعيري بارك ) :i125 وانا في الطريق لاحضت ان لوحات العييري بارك مكتوب عليها ( بالبخاخ ) للأزعاج .. ( يعني صارت الجمله اللي مكتوبه هى ( العييري بارك للأزعاج ) :i121 وصلنا البوابه قلت لرجل الامن : ( سكرتوا الكرفونات ؟؟ مافيه ازعاج مثل اول ؟؟) واخبرته بما كتب على اللوحات الخاصه بهم ... !! قال لي : لا ما فيه ازعاج :S
طبعا دفعنا المبلغ الكبير ( 40 ريال ) للسياره ودخلنا ( وش رايكم بالسعر)
وصلنا اهلنا وجلسنا .. نزلت المركا والفرشه والقهوه والبرحي :) يوم صبيت فنجال اشتغلت المكرفونات ( العييري بارك والعييري بارك ..... انتم خابرين ) :bad
تبي تسولف مع خويك !!! ما تقدر
شوي يوم مر القطار اللي انتم خابرين مليان حريم والشله اللي ورا يصفقن ويتمايلن ويغنون :eek: ( شوف عيني ما حد قال لي ) وش رايكم ؟؟؟!!! بعد شوي مر الدباب حق الهند ( اللي فيه مراتب ورا ) مشغل اغاني هنديه وراكب معه حرمتين لحالهن ؟؟!!
طبعا الكثير منكم شاف الدباب هذا ،، صغير والحرمه جالسه وركبته عند ظهر السواق (الهندي) :i121 وفوق هذا كله مستانسات يصفقن..... ( لا احد يقول هذولي موب من جماعتنا .... كلهم من اهل الديره ،،، وحنا شفنا أهل الديره وش مسوين بالنبقيه السنه الماضيه يوم يصير به ماء :cool: ( اكيد كلكم شفتو المهازل ) ;)
نرجع لموضوعنا الاصلي ( العييري بارك )
وما يمديك تفرح بتوقف المكرفونات وتبدا لك بسالفه ( الشرهان ) إلا تشتغل الكرفونات مره ثانيه وعلى هالحال :bad ... وفي الختام اعذروني على ركاكة الاسلوب ولكن حاولت البعد عن الكلام المنسق حتى اتمكن من قول كل ما اريد ( سيبويه ) :i125 وندائي الأخير للغيورين من أهل هذا البلد أن يطلعوا على هذه الاوضاع ويكلموا المسؤلين بهذا المنتجع .... ولكم مني جزيل الشكر
للتواصل ahm868@hotmail.com

للرفع..مع شديد الحرقة
نحتاج أفكار عملية للإنكار بارك الله فيكم..
ولي عودة إن شاء الله

خوكم:الـ غ ض ن ف ـر

لاحول ولاقوه إلا بالله ..

أتمنى أن نرى الهيئات هناك ...

ياشباب اللي يبي ينكر يكلم الرجال مهوب يقعد يشوه السمعة
وبعدين ترى الرجال يغار وفيه خير،واحد من الشباب دق عليه وحلفه انه اذا شاف شي انه يعلمه...........

معقولة ياناااااااااااااااس ..
أهل بريدة كلهم .. عجزين لايوقفون واحد عند حـــدة ..
وين أهل بريدة أهل انكار المنكر وأهل النصح ..
والله غريبة ..

الهيئه ممنوعه منعاً باتاً من شان الشباب ياخذون راحتهم
لاتنكدون عليهم :i121

الله يستر علينا ..........ولا يفضحنا .........قولو امين ............
مالت على هالبنات ما امدانا نمدحهن الا وفشلننا مالت عليهن.................

الحين تشغلوننا بالعييري بارك وأنتم أول ما يروح هناك
وبعدين ما تبون الحريم ينبسطن محجورات بالبيت
وأنتم كل واحد قاعد مع اخوياه بالاستراحة ويبي ينبسط ويأخذ راحته ولا أحد يقوله شي
ولا تقوله امه ولا اخته اكشت بنا صار مثل الشرطي عليهم انتي اجلسي ولا تتحركين ولا تفتشين
قعدتهن بالبيت ازين استحوا على وجيهكم إن ما انبسطوا وشوله يرحون
وأنا ما ادافع عن العييري ورحت مره له وحرمت اروح ثانية المكرفونات لحاله تطفشك
وما كثر الله إلا الاماكن
وبعدين ترى التفضيح بالرجال ما يصلح رح لمه ونصحه ولا خذ رقم جواله وارسل رسالة
والرجال طيب جدا ولا عرف عنه إلا كل خير

شكمانين لا تزعل من كلامي لأن هذا اللي بقلبي

يالبي أنت ماقد شفت الجمل وهو يزبد إذا شم ريحة فحل قريب لنياقه ..
ياخي وهو بهيمة يغااااااااااااااااااااااااااااار على محارمه ..
لاتنقم على الشباب اذا غاروا على محارمهم .. هذي من الرجولة والشهاااامة ..

أجل تبيه يخليهن يركبن القطار وكل مايمرن من عند شباب يزاعقن ويصارخن ويستهبلن وتبيه يسكت ..

وأنا معك يابعد تسبدي بنصحه بالانفرااد .. لأن النصح بهالطريقة فضيحة .. مهوب نصيحة ..

لكن يمكن لأن الموضوع من العااام والشباب يلتون ويعجنون ولاتحرك ساكن .. حمود هو حمود ..

ويسلموا يالبي ..

اخواني

المكان المشبوه ويكثر فيه المنكرات

يجب الابتعاد

مع ابلاغ ومناصحه الجهات المسئوله مند ادارة

ويجب ابلاغ الهيئات بما يقوم به الهندي من تشغيله للغناء

والله مااصدق ان الشئ هذا يحصل بمنتج شئ اسمه (عييري)

الله يجزاك 100000000000خيرعلى حرصك وغيرك .

بورك أيها الغيور

اللي يقرا كلامكم يتوقع ان العييري بؤره فساد......والله رحت له مافيه هاللي تقولون عنه

الكل محترم نفسه والله اعجبوني الشباب هناك والله كل واحد ماشي بحاله مع اهله لالهم ولا عليهم

واذ تقصدون البنات اللي يستعرضن والله ماللعييري ذنب اذ كانوا اهلهم مو مربينهم يعني اشكال هالبنات نشوفهم بالسوق بالمستشفيات مو بالعييري ايحانا انقهر من اللي يسونه اقول يعني لانها متغطيه مايهمها

احس حتي لو ماعرفوني احتقر نفسي وانا امشي واتمايل واتكلم بصوت عالي

الله يهدي الجميع ويصلح الحال

السلام عليكم


ياخوان ارجوكم تمهلو قليلا واعرف السبب

الهيئة منعت من الدخول حصول هناك مشكله كبيره وصلت الامارة

وبعد ذالك منعت الهيئة (( منقول و ماكداً ))

الشي الثاني

احد الشباب كلم صاحبه وناقشة وقال انا صدري مفتوح للي يبي يناقش

ولا احلل احد يرى منكر ولا يعلمن (كما قال)

فالله الله ياخوان اهيب بكم بمناصحته

وجزاكم الله خير

اضم صوتي الى صوت اخي شكمانين !!!!

ماكتبته أخي غيض من فيض . .

ونزر من قطر . .

زاره أحد الإخوة من إحدى المدن بغية ( التنفه ) في مدينتنا الغالية . .

ويالهول مارأى . . ومضى يسرد علي ما أستحي من ذكره عند سلالة الأمجاد

واحفاد أبطال الأمر بالمعروف والنهي المنكر. .


. .

وعلق في ختام حديثه بقوله :
( وين نخوة أهل القصيم . . أراها أمامي في كل شارع من شوارع بريدة إلا هذا المنتزه

فما السبب ؟؟ )

. .

وبالطبع لذت بالصمت لأني لاأعرف مالسبب . أو ( ماالمسؤول بأعلم من السائل ) .

تحياتي لمن أثار الموضوع . .


النداء .

مشكور يأ بو شكما نين ,,,

على المشاركه الجيده ,,,

من الآن نبدأ :
1ـ برقية للإمارة
2ـ برقية للشؤون الإسلامية
3ـ نخاطب رجال الظل
4ـ نخبر العلماء والمشايخ
5ـ نحذر العوائل ونوجههم
6ـ تكون من أحاديث المجالس
7ـ نذكر الخطباء
.................................................

مساء الخير
شكرا لحظوركم جميعا واطلاعكم على الموضوع ... لكن احب اعقب واقول :
1- انا سألت عن إدارة المنتجع كنت ابي اكلمهم عن الازعاج وعن عدة اشياء لكن للأسف ما احد عطاني جواب ( ردود غبيه ) ما ودي اغثكم به .
2- الصور التي نقلتها لكم كنت قد شاهدتها بأم عيني .. ولولا الحيا كنت صورت بعض الصور.. وبالنسبة للهيئة فعلا كانت موجوده ، وبعدما رأيت هذه المناظر قررت ان اوقفهم واكلمهم ولكن للأسف لم اجدهم ( يمكن لأن الوقت كان متأخر )
3- الاخوه اللي يقولون يفترض انك تكلم صاحب المنتجع !! أقول هذا مكان عام يعني اللي اشوفه اكلم عنه الجميع ، فأنا لم اتحدث عن بيت شخص أو شي خاص بفرد ( هذا شي غير معقول )
4- اما من قالت خلوا الحريم ياخذون راحتهم فأنا اترك الرد لكم .
هذه وجهة نظري ( مع العلم اني شخص عادي يعني منب مطوع ولكن شي يقهر) ... تحياتي

للرفع

الله يفرجها

على رسلكم من يمثل العييري هو من يزوره ....


وأنتم من زواره ومرتاديه ....... ما ذا فعلتم ما ذا قدمتم هل أنكرتم المنكرات هل قلتم كلمة طيبة ...