|
قصيدة رثاء في خالي الشيخ / عبدالله ابراهم الطويل رحمه الله .. يارب تجوز لكم ..
منك تعلمنا الوفا والشهامة .. ومنك تعلمنا دروب الرجاجيل يامن علا شآنه وطيبة وسامة .. يبكيك ربعك والرجال الحلاحيل وتبكيك من شرق البلاد لتهامه .. ويبكيك فنجالك ودلتك والهيل ويبكيك طفل تو بآول فطامه .. ويبكيك ربعا يفقدون المعاميل عليك قلبي يابو صالح ندامه .. وعليك عيني مامرحت تالي الليل وعليك ياللي عالي في مقامه .. من يعرفك دندن عليك الهماليل شيخ علا في كل مجد احترامه .. تشهد له الأيام والنجم والليل بأحلك ظروفه يرتسم بإبتسامة .. كنه يبشرنا ببيض المقابيل حتى المرض مافك عنه احزامه .. يضحك ولاكنه على جرف مهيل وحتى بلحظات الألم واحتدامه .. ماصد عنا نافل الناس والجيل يارب برد وسط قبرة اعظامه .. في قدرتك سق له صدوق المخاييل تنبت على قبره نفل والخزامه .. وتحف قبره من عطا دارج السيل لأنه كريم مافجر في خصامه .. ولاهو من اللي ينقل القال والقيل ماحط باله في كثير الغشامة .. قفى بعلمه والمكارم محاصيل يافي بميقافه وكل التزامه .. قدوة لنا بالكايده والتساهييل يالله يامرسي صدوق الغمامة .. يامرسلـ(ن) على ابراهة طير ابابيل يارازق النملة وطير الحمامة .. يامن امرت الليل والجدي وسهيل تجعل له بجودك نجاة وسلامه .. في ساعة فيها حساب ومكاييل بأبو محمد تلتقي بالقيامه .. يجمعكم الله في جنان الاكاليل وختامها عليك يابو الشهامة .. دمعي سكبته والعباير مراسيل .. ******** وسلاااااااامتكم .. والله يرحمه ويسكنه الجنة .. |
الله يرحمه . .
لا وش دعوى أكيد بتجوز لنا . . .
(( قيل لأعرابي لماذا المراثي أجود أشعاركم قال : لأننا نكتبها وأكبادنا تحترق . . )) |
النداء الخالد ..
لم تحترق اكبادنا وحسب .. بل تفطرت .. ففقد الأحبة مؤلم .. وشكراً لك يالبي .. |
ياحبذا كتابة ترجمة لخالك إن كان من أهل العلم
أسأل الله أن يغفر له ويرحمه ويتجاوز عنه ... |
تأبط رأياً ..
حللت أهلا اخي الفاضل .. افعاله ومواقفه هي التي ترجمت هذه المساحة الكبير من الحب وجعلتنا نفتقده ونبكي عليه .. ونسكب دموعاً اكتوت منها افئدتنا .. ولو كتبت بماء البحر فلن نوفيه حقه .. فقط أقول .. إنا لله وإنا اليه راجعون .. |
إنا لله وإنا إليه راجعون ..
غفر الله له وأسكنه فسيح جناته .. ماشاء الله عليكـ يامدحت مبدع في كل المجالات .. :) تحياتي ؛؛ |
إنا لله وإنا إليه راجعون ..
غفر الله له وأسكنه فسيح جناته. |
غفر الله له و أسكنه فسيح جناته ،
لكن أنا أبا أسأل سؤال ، اقتباس:
اقتباس:
و إنكانه أبو صالح ، منهو أبو محمد و وش دخله بالسالفه .. لا يصير أنا أبو محمد يلتقي بي خالك يوم القيامة .. لا يا ألبي تراي ما بعد مت .. بسم الله علي .. |
نسأل الله أن يغفر له ويرحمه ويسكنه الفردوس الأعلى من الجنة .
مرثية رائعة وجميلة منك أخي مدحت شوقي وقد جازت لي لكن وراه أبطت ما جت لنا بالعادة المراثي قبل الدفن والا بنفس اليوم . |
الفااااااااااااااااااااااااااارس ..
آمـيــــــــــن .. وهلا بيك يالبي .. ايه اشحطن علشان ارقى االأثل .. ياحبيلك يابعد معاليق ديودي انت .. عااااااااد واحد قال لي والله مرثية زينة .. قلت لوه خلك تموت بعد قسم اني لاأحط بك مرثية تطق لهذي بإصبع بس انت خلك تموت وتشوف .. <<((== ثور هالمدحت .. وشلون يموت ويشوف .. ويسلموا يالبي .. |
قمردين ..
آمـــيــــــــــن .. هلا والله بريحة رمضان .. هلا بقمر دين والسمبوسة والتوت وبواري وترمس امي لطيفة الله يرحمه ونخلة زميعة .. بعد والله ياهالنخلة اللي توه تطلع .. شكله به نفس من اخوي عبدالله .. والا يمكن من عقب ماصدمه تركي بالسيكل بدت تطلع .. <<((== يبتل هالصعيدي هدر يكب عشاء اهله .. ويسلموا يالبي .. |
هلا بالبي المستشاااااااااااااااااار ..
اقول يالبي عض على الشين .. يتغير اسمك الى واحد كله شر بشر .. مستشر اعوذ بالله .. <<((== شكله وده يقول عض لك على شحمة بس هون .. يابعد معاليق اباطي انت .. خالي ابو صاااالح .. وانا قلت .. ( بأبو محمد تلتقي بالقيامه .. يجمعكم الله في جنان الاكاليل ) اقصد ابوي ( ابو محمد ) الله يرحمه .. وعسى الله يجمعهم بالجنة ومن يقول ومن يسمع ومن قراء ومن يكتب .. اجل تحسب ابو محمد انت .. وانت تحسب مابهالديرة الا انت ابو محمد .. اقول دن هناك انت وخشك بس .. حتى عمي صالح ابو محمد .. وصالح الخضيري ابو محمد .. ماتلااحظ انهم كلهم صالح .. يعني كل صالح لازم يصير ابو محمد .. سبحان الله محمد وصالح دايم يجون مع بعض .. حتى ابو صالح البريدي اسمه محمد .. <<((== ياجماعة خوذوا الكي بورد منه قسم ان يقول عيارة امه هاللحين من زود الهداره والدباشة .. <<((== خاص للمستشار .. اقول يالبي اشواء ان كتابة القصيدة مابه ( طقة ) أمشي عليه .. والا كان ماكلن تبن .. وشترن يالبي .. |
رحمة الله و أسكنه فسيح الجنان ..
من بين حروفك .. أحسست بحرارة ما فيك قلبك .. أحسن الله عزائكم .. و جبر مصابكم .. و أسكنه فسيح الجنان . |
رحمه الله تعالى
واسكنه فسيح جنانه لكن سؤال من وين لقيت هالقصيدة ؟؟؟؟ يالله اعترف وبدقيقه |
عمر 55
يسلموا يالبي على هذا الشحط .. أجل تأخرت المرثية .. يعني ودك اني كاتبه قبل لايتوفى .. ناوي توهقن انت .. علشان يعلقونن عياله بمروحة المجلس يقولون انت تتفاول على ابونا .. عاااااااد تخيل نايف اذا قام يزبد ويرعد كالهزبر .. همن صكك بطراق طير سعابيلك .. والا ماجد اذا ناظرك بعيونه وقالك وش عندك انت .. والله من الخوف ان تعلم بعيارة امام مسجدكم .. أما خالد عساااك ماتطيح بإيده هاك الافغااااااااااااني والله ياهوا اقشر بعد .. تخيل وهو حاجرن بزاوية وعاضن لحيته ويقول .. ترثي ابوي وهو مابعد مات .. ويح قلبي وش السوااااااااات في تلك الساعة .. يسلموا يالبي .. |
اقتباس:
إذا ما مات ذو علم وتقوى ** فقد ثلمت من الإسلام ثلمة وموت الحاكم العدل المولى ** بحكم الأرض منقصة ونقمة وموت فتى كثير الجود محل ** فإن بقاءه خصب ونعمة وموت الفارس الضرغام هدم ** فكم شهدت له بالنصر عزمة وموت العابد القوام ليلا ** يناجي ربه في كل ظلمة فحسبك خمسة يبكى عليهم ** وباقي الناس تخفيف ورحمة وباقي الخلق همج رعاع ** وفي إيجادهم لله حكمة هؤلاء الخمسة 1- العالم 2- الحاكم بأمر الله والعادل 3 - الجواد ( الكريم في البذل والعطاء ) 4- الفارس في سبيل الله 5- العابد لله الصوام القوام |
الأخ الحبيب / مدحت شوقي بريــدة ,, القصيدة بحق رائعة وتجسد لحظات الفراق وحرقة البعد بكل دقة وقبل هذا تصور ماكان عليه من فضل وبذل ورجولة ووو أعجبني فيها الكم الهائل من المفردات الجزلة , والتي تنم عن مقدرة شاعرية لم تأخذ حقها لذا أتوقع أن جل قصائدك هي قصائد مرتبطة بمناسبات فقط ,, اللهم اغفر لخالك وجميع أموات المسلمين عظم الله أجركم وآجركم ,, |
اقتباس:
البوااااااااااااااارق .. آمـــــــــــــيــــــــــــن .. ويسلموا يالبي .. لقيته في مشاعري وأحاسيسي تجااااااه هذا الرجل .. ومشكور يابعدي .. |
| الساعة الآن +4: 10:36 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.