-*-*-*-(( رحلة أم رقيبة ..الخميس2 -11-1427هـ [ صور+ سواليف ] اللي فاضي يدخل ))-*-*-*-
 

بسم الله الرحمن الرحيم ..

السلا م عليكم و رحمة الله و بركاته ..


قبل البداية : أنا أخترت هذا القسم لأني ما أدري و ين أكتب الموضوع ..
أخبر إنه عندنا منتدى أسمه نسمات برية ، أتمنى أنه يفتح لا سيما أن الأجواء هالأيام تخلي
الواحد يكشت ، غصب ، الله يديم الخير ، .. :)






خطة السير :
ركبنا ( الضفدع ) من بريدة إلى صعافيق ، تناولنا الفطور [ كبدة ع الصاج ] ، ثم الزلفي ثم أم رقيبة
ثم رجعنا و في طريق الرجعة ، توقفنا بالدهناء لتناول الغداء . ثم رجعنا آخر العصر ..


الصور :


هذي الصورة للضفدع حقي بالمكان اللي أفطرنا به ، الصبح بدري ، بصعافيق ، و كان الجو باااارد
، و الأرض مرتويه جدا ً جدا ً من الخيرات و الأمطار و عقبال ما نشوف العراجين بإذن الله .

http://www.doha4.com/up/uploads/af7db2a2c6.jpg



شبينا على الرمث ،
http://www.doha4.com/up/uploads/212db2c970.jpg



و هذي الكبدة على الأصول ...
http://www.doha4.com/up/uploads/0c2125a8af.jpg





عكر جوّ الرحلة ، شخص [ هداه الله ] قام بالكتابة على جدارن المساجد بالقرب من الزلفي
عبارة أرشادية و أسهم تدلك الطريق إلى روما .. قصدي إلى أم رقيبة ..
أنا ماأدري هل وزارة المواصلات و الطرق ما ملوا عينه ؟
و لا الرجال ما يهنا له لمين يشوف شخاميط ؟؟ بالجدران ..
و اللي يقهرن أنه ما يكتب إلا على جدران المساجد ..

طبعا ً هذا خامس مسجد على التوالي كلهن مكتوب عليهن [ أم رقيبة ، حفر الباطن .. الخ ]
http://www.doha4.com/up/uploads/abc65865e0.jpg



المهم ..

وصلنا إلى أم رقيبة ،، العجيب أنني ما شفت بعاااااااااااااارين .. و لا شفت مزاين أبل و لا بطيخ .. .
كل اللي شفته ، ناس متجمعين و خيام كثار ، و كلهم يبيعون ، يعني بالعربي سوق سودااااااااااء ..
أي شي براسك تلقاااااااااااااوهـ و خذ هذه الأمثلة و النماذج ..


هذي سوبر ماركت ، يعني جيان يعضض أظفوووره خطر أنه يسحب البساط من حدره ..
http://www.doha4.com/up/uploads/a3ad92e451.jpg


و هذا يبيع هدايا و ألعاب [ أنا ما أدري من الي يبي يشري لعابيب بالبر .. !
http://www.doha4.com/up/uploads/daec158b77.jpg


و هذا يبيع أواني منزلية و قراشيع ، و لا حظ أنه كتب على كيس الشعير[ يوجد لدينا أشرطة كاميرة فديو ]
http://www.doha4.com/up/uploads/83dfe5db50.jpg


و هذا المطعم التركي الحديث <==== حديث مين يا عم ،
http://www.doha4.com/up/uploads/7a26a9340d.jpg



وهذا قصاب يبيع لك لحم ، ما فيه تبي نص ذبيحه و لا ربع ،
http://www.doha4.com/up/uploads/fd04c7c83c.jpg


وهذا يبيع هواااااااااء .. عمرك شفت هواء يبااااع ؟؟
http://www.doha4.com/up/uploads/2696d103ea.jpg


و هذا حلاق .. عاد هذي اللي ما راحت و لا جت .. ممكن تحديد شنب يا باش حلاق . .
http://www.doha4.com/up/uploads/285707e6f4.jpg

وهذي الصورة مكبرة لنفس الحلاق ..
http://www.doha4.com/up/uploads/06a33cbcbb.jpg



طبعا ً و دي تلاحظ معي كثرة الناس و زحمتهم .. شف وشلون :

http://www.doha4.com/up/uploads/2df346604f.jpg




قررنا الخروج من السوق السوداء .. و جدت أنه هناك مكان مخصص لمزاولة رياضة التطعيس . .
http://www.doha4.com/up/uploads/b4c9dd1f6c.jpg


رجعنا لنفس الطريق متوجهين للأرطاوية ، و قبل الدهناء فيه مصلى على قارعة الطريق <=== لا تفوتك قارعة الطريق تراه مكلفتن علي و ااااااااااااااااااااجد ..

أقول المشكلة هيي هي يبدو أن الأخ الحبيب هذا فيه حالة مهب طبيعية الرجل متخصص شاخميط على جدران المساجد ..
http://www.doha4.com/up/uploads/ccff2b1852.jpg


الله يهديه ..



دخلنا الدهناء ، سوينا الغداء ..

http://www.doha4.com/up/uploads/5a98a11e3e.jpg



إنتهينا من طبخ اللحم ..
http://www.doha4.com/up/uploads/bc79982601.jpg




و الحين جين للكلام اللي يضيق الصدر :( :( :(
تبون صورة الرز و هو مكبوس على اللحم ..

تهي تهي تيهي ..





[ لا يمكن عرض الصورة ]


لأن الرز طلع تقل حلاو قطن ، كثرت الماء و إنفش الرز ..
الله لا يوريكم شر ..


http://www.doha4.com/up/uploads/f7e03490e0.jpg





و السلام عليكم و رحمة الله وبركاته ..
أبو محمد ،،

هلا بالبي ابو محمد ..
اقول يالبي .. تصدق أحسب أم رقيبة بسطح المسجد على هالسهم الله لايعمينا ..


اقول يابي يابو محمد .. أنت رحت تشوف وش هالألعاب ..
شكل اقل لبعة بارود ..


بعدين ودي أعرف ..
وشواله الحلاااااق حاطن بابيين .. يعني تموية والا وش الساالفة ..

ودي تمطر وهو يحلق الرجاااااااااااااااااال .. الله من زين ألأمور .. يحلقة والزنك ينقط على خده ..



سلاااااام يالبي سلااااااااااااااام ..

ماشاءالله تبارك الله
اخي المستشار
صور روعة كاني رايحن معكم
كذلك الكبدة على الصاج والكبسة
وبلهنا و العافية عليكم

أبومحمد

تبقى كبير في شخصك وحتى بمواضيعك ... فلقد شوقتنا للأسبوع .... الله يجمعنا وإياكم على خير



تصوير ولا أحلى



أخوك
أبولجين

ماشاء الله تبارك الله
والله انك شهيتن اكشت الله يهديك كان صبرت لاخر الاسبوع

اقول اخوي رايح شايب معكم لان رزكم يصلح للي مالهم سنون بس ماعليك تقاطرت سعابيلي عليه ماشاء الله

اما الضفدع خوش اسم شي

هههههههههههههههههههه حلاف في البر بس يالمستشار والله من شكل اللحمه طعمها زيييييييين جالس اقزز على اللحمه بشوف هي لحم غنم او حاشي بس من شوفتي له كأنه غنم واكيد صح
تصوير خيالي وانت اروع من الرائع

بعدي والله يأبو محمد ....
وفرت علينا .. تعب المسير. >>>>> الأخ ناوي يروح .

يادافع البلا وش هالتقطيع للتسبدهـ !!

-*-*-*-(( مدحت شوقي بريدة الدسوقي ))-*-*-*-
هلا و الله أبو إبراهيم ، هذا يابعدي طلع كاتبن أم رقيبة من حاااااااااااايل إلين تاصل أم رقيبة
الرجال شكله من أهل حايل و أول مرّة يطلع يخاف يضيّع و حط اللوحات الإرشادية ..
بس أعلمك و الله يا هو خطااااااااط ..





-*-*-*-(( سفرجل ))-*-*-*-
حياك الله ، و إن شاء الله تكون معنا في الرحلات القادمة ..
أهلا وسهلين ..



-*-*-*-(( الحنون بالإنقليزي ))-*-*-*-*-
هيمو ..
أبشر بسعدك .. أنت تبي عشاء بس ..
تأمر أمر ، أنا أخبر أننا حاطبين شوش رمث أبا أشوف إن كان باقي شي ..
أبا أخليك تقلط عليه ،، محادير العافية إن شاء الله :)





-*-*-*-(( أبو رجلين ))-*-*-*-
منور يا ألبي منور ..
تشرفنا بحضورك يا فخامة الرئيس [ فادي ] ..
فااااااا دي ..
فااااااا S ...

http://www.doha4.com/up/uploads/285707e6f4.jpg
هههههههههههههههههههههه
ههههههههههههههههههههههه
هههههههههههههههههههههه

الحين الحلاق وشولة حاطن بابين اقاله علية سوق بهالشموس والله ياهي كسل ياويلي يحلق بهاكالصومعة >>>>>>>اللهم لاشماته

تغطية رائعه اخي المستشار

بالتــــــــوفيـــق

جميلة هالتغطية ورائعة
شكرا لك أخي المستشار

والحفل الختامي خميس هذا الأسبوع

ما شاء الله رحلة موفقه يالبي !
 

[blink](&) وعليكمـ ــالسلامــ (&)[/blink]

ما شاء الله رحلة موفقه يالبي !

ثاني شيئ وراكـــ بالدهناء كاشت على الطريق ؟ ( ممكن تعطين جواب ) .

http://www.doha4.com/up/uploads/5a98a11e3e.jpg

[line][/line]

اقتباس:

قبل البداية : أنا أخترت هذا القسم لأني ما أدري و ين أكتب الموضوع ..

][][][ ـالصراحة احتجاج قوي على الإشرافـ , أقولـ احرقـ رمشي أن قعد ليله موضوعكـ بالساحة ][][][

الحمد لله على السلامة يابو محمد ..
طلعة حلوة يا ألبي ..

وإذا بغيت تطلع مرة ثانية علمن ..
ترا عادي أسمح لكم تروحون بي .. :) ..

تغطية رائعة وجميلة بالفعل ,,
سلمت يداك أبي محمد ,,

يبدو إن الكبدة مقطعينه بحصات (القطع كبار) ,,
وبعدين لاتحطون طماط بأول شئ تراه (إتقزز)

أجمل الصور عندي صورة البريق حول نار الرمث
منظر شاعري يسيل القرايح ,,

الحمد لله على السلامة ,,

لعلك قطعت عنوتنا بهذه التغطية ,,

المستشار من قلب الحدث ,,الحدث لحظة بلحظة ,,

الله يعطيك العافيه

لكن تدري أهم شي الهواء لو بخمسه مهوب مشكله


.......................

رحله موفقه
بس ليش اما جيتو من طريق سموده اقرب
تعرف انه يطيح لكم حوالي خمسين كيلو بعد افضل من طريق الزلفي و الارطاوية واقل زحمه واوسع صدر
او انتم ابخص ههههههههههههههههههه

كان قلتلي أخاويكم ههههههههههههه

ماشاء الله

طلعه حلوه ورائعه

قعدت تقطر سعابيلي بالكبده اللى على الصاج

وغداكم الحمدلله على النعمه

لاتنسى تحطون بالجدول المرات القادمه

الخدمة سريعه

مشكوووور وما قصرت
 

[B]هلا اخوي ابو محمد:) :) :)
بصراحة تغطية اكثر من رائعة:41 :41
انا رحت الخميس 2-11-1427 هـ لأم رقيبة ^^^^ (اخس يالطير):) :) :)
وبصراحة شفت كل اللي انت مصورة ...
وبعدين تقول مافيه مزاين ,,, بالعكس كان يوم الخميس مزاين المجاهيم وكان قريب من مقر الحفل .. ( مشكلة يا ابن فصام ) قال المجاهيم قال !!!
ما شفت الشايب( عمره تقريبا بلا مبالغة فوق 80 سنة ) اللي يبي يطير ؟ ^^^ بصراحة انه شايب مقلع ( لكن على فكرة انا رحت وهو ما طار) !!!!
وفعلآ يطغى على ام رقيبة اهل حائل ( واكثر من يطعس هم!!! )
بعدين ماجيت العصر وشفت العالم عند التطعيس ( بصراحة توي ادري ان الشباب مفتونين بالتطعيس )
وتقبلو تحياتي ,,, < على فكرة ترانا هجـدنا اهل حائل بالتطعيس >

-*-*-*-(( أبو خشة ))-*-*-*-*-
هلاو الله بألبي ..
أهم شي جاز لك التقرير ، و بالنسبة للضفدع ، هذي تدليعه للموتر ..
تشكرااااااتي حبيب البي ...




-*-*-*-*-(( لكزس ))-*-*-*-
اللحم لحم [ هرفي صغيييييييييير ]
طعمه بالراس ، و انا شفت حلاق ثاني بس انه مهب صندقه حاطه بخيمة عمود هع هع عاشت ايامه




-*-*-*-(( الجني العبد )) -*-*-*-
قطعنا عنك المشواااار ..
ما يحتاج تكلف روحك ,,





-*-*-*-(( خوي السرو ))-*-*-*-
التقطيع حلو و مناسب ، بس لا تنسى أن الصاج صغير ..
و يعطيك أن التقطيع كبير ..
شكرا ً لميدك ..




و للبقية ردود .. <===== أبو الشباب صايرن قلابي الهرج جب رد ، و رجع رد ..
ترى الرد ، بخمسين ، و مسحيت ملعب البودرة الساعة بـ 30 هع هع كر كر كر

-*-*-*-((وحي المعنى))-*-*-*-
و بارك الله فيك



-*-*-*-(( أنوار المنتدى ))-*-*-*-
لا و أزيدك من الشعر بيتين ..
فيه أكثر من حلاق ..


و من زود الهبال فيه محل كفي شوب ..
و فيه محل مغسلة ملابس ..
يارجااااااااااال ما بقى إلا صالة تزلج هع هع هع





-*-*-*-*-(( أبو حصة ))-*-*-*-*-
هلا و الله يا ألبي ..
منور ،، و إن شاء الله إننا نبي نكرر الزيارة لمزاين الإبل مرات و كرات ..
و إن شاء الله نتشرف بلقاء ( البع ) سفينة الصحراء ..

-*-*-*-(( الإعصار ))-*-*-*-
أهلين و سهلين ،،
ومتشكرين على التواصل يا ألبي ..




-*-*-*-(( الفتى أحمد ))-*-*-*-
أحسن واحد أنت ..
تدري ورااااااااااااااااااهـ
لأنك رديت علي ّ السلام ..

و بالنسبة للخط ..
هذا مهب خط ..
سكت الموتر حقي ..
كنت واقف ، و رحت لمشوار قريب ..
ثم رجعت لنفس المكان ، و السكة كانت واضحه لأن الرمل كان مرتوي ..
و تخبر السكة تكون واااااااااااضحه ..

و أهنيئك على هيك دقة ما شاء الله تبارك الله .. .




-*-*-*-*-(( قناص الروس ))-*-*-*-*-
ولم ّ قشك ، و صف رجلينك ..
حياك الله يا أبو الوليد ..

-*-*-*-(( حفيد اعقيل ))-*-*-*-
أنا بإنتظار ما تجود به قريحتك المبارك ..
على شان نضيف لو بيت أو بيتين على الصورة
و ننزله للشباب كـ تصميم ..


و بالنسبة للطماط ما حطيناه إلا أخر شي كما تشاهد ..
و لا تنس الملح كمان ،، و لا تخاف معنا و احد أخصائي كبدة .. :)




-*-*-*-(( أبو رائد ))-*-*-*-
هلا و الله و مسهلا ..
أهم شي إنه الموضوع أعجبك ..

منور يا باش مصمم .. <==== حسيت إني وطيت لساني من قوة إن الكلمة صعبة النطق ..





-*-*-*-(( العور ))-*-*-*-
هلا و الله ،،
أجل أهم شي الهواااااااااااااء ..
أنت شكلك يا أما راعي هاي لوكس و لا إنك دااااااااااج
أشر ماطور هواء ، و خله معك ، ترى مهب كل مكان تلقى به هواء ..
شيكرن ..

وش قصدك تقول صف رجليك يابو محمد .. :i121
بعدين تسنك والم صتز الوعد الخميس .. :p :)

-*-*-*-(( المستقبل منهو له ))-*-*-*-
يا بعد قلبي اللي يظهر لي أن طريق الزلفي أقرب من طريق ساموده ضعفين ..
و العلم عند الله ،،




-*-*-*-(( أبو خطاب ))-*-*-*-
الشكوى لله فاتت ..
المرة الجااااااااااااااية .. إن شاء الله




-*-*-*-(( البوااارق ))-*-*-*-
هههههه
حلوه الخدمة السريعة ..
تشكرااااااااتي إلك



-*-*-*-(( هلي 2005 ))-*-*-*-
حياك الله وبياك في هذا المنتدى ..
و أسعدتني جدا ً بتواجدك هنا ، و بأن تكون أولى مشاركاتك
في هذا الموضوع ،، و أتمنى أن تتواصل معنا ..
فأهلا و مرحبا ً بك ..