|
[ زواج المسيار ] .. حُلُم الرجُل .. وكابوس المرأه !
السلام عليكم .. أوّل شي .. حبيت أسألكم عن الجو هالايام .. صراحه فرصه أن الواحد يرمي الجريده اللي بين يديه وهو في صميم عمله ، ويرجم " ريموت الدشّ " في أقرب زباله وهو في بيته .. ويظهر على " وشّ الدنيا " ويشمّ هوا ويشوف هالخير .. الله يجعله عام ونافع .. آمين :) ماضوعي هذا بيجي على " الوتر الحسّاس " ورُبما أني في أي لحظه أخرج من دائرة الإسلام من قِبل بعض الصنف الزهري ! لكن أنا ماعندي في أحد .. وراح أطرح رأيي بِكُل صراحه ... وهذي زينت " النت " .. أن الواحد يقدر يكتب أي شي ومافيه أحد يعرفه .. ويقدر الواحد يسب أي مسؤول واتحدى ذاك المسؤول أنه يسوي شي .. أكيد أنه راح يبلع العافيه وراح يقول في نفسه : حسبي الله عليك يابيل قيتس .. أشغلتنا بهالحاسب الله يشغلك في نفسك ! :D موضوعي هذا ترددت في طرحه أكثر من مرّه .. لكن اليوم راودتني نفسي ( المراوده هذي جائزة شرعاً وقانوناً ... والدليل أنها بيني وبين نفسي ) ! راودتني أني أمصع به هنا .. واطرحه على " بِساط أحمدي " .. ونشوف رأي الجميع من أزواج وزوجات ومُطلقات وعوانس وأرامل .. حتى " المُعاقات " لهم حق الرأي .. يعني الكُل يشارك .. حتى العزوبي - قليل الخاتمه - له حق أنه يحتسي ويعطينا رايه ! [ الزواج .. كَلِمه جميله .. ولفظ راقي وماذُكِرَ في كتاب الله إلى لِما لأثره العظيم في حياة البشر .. ] الكلمات المذكوره أعلاه كتبتها باللفظ العربي الفصيح عشان أعطي - بعض الناس - نفس << تراي ماقلت " الحريم " ! :p ويوم أن الزواج كان جميل .. وحياة .. وأُنس ... وسكن .. جتْ الطامّه والمُصيبه الكُبرى على راس " بعض الناس " .. فخرجت علينا هيئة كِبار العُلماء قبل أشهر بجواز زواج المسيار .. ! يعني ياللي ما أعرست ... خذ لك مسيار .. وشف لك وحدتن ترضى بك .. أزرق عليها وانت متلطّم .. واطلع من البيت بسرعه لايشوفك أحد من اهل الحاره .. وانت ياللي متزوّج لك وحده أو ثنتين أو حتى ثلاث وودّك بمسيار .. خذ لك مسيار .. ورتّب معها على أنك تجيها كل أربعاء ليلة خميس بس .. عشان أم العيال ذاك اليوم بتصير راقده عند اهلها .. أدخل بيتها بِخفيه .. واطلع منه صبحيّة يوم الخميس بحركة خفية .. ولاتنسَ تبعد سيارتك عن البيت عشان مايشوفك جارهم ... ثم يبلّغ السُلُطات .. وتروح في " سين وجيم " وماتسوى فضيحتك توصل للصين في ثلاثة أيام ! :D زواج المسيار .. حُلُم الرجُل .. وكابوس المرأه .. أخترت هالعنوان لأني مُقتنع بحيثياته ... وأعرف مكنوناته .. وأدلّ طُرُقَهُ وأزقّته وشوارِعَه الخفيّه .. يعني " مدمن شاهي " يدلّ الدرب .. وليس القصد أني ماخذ " مسيار " ومطفي النور .. لا .. أنا أعرف كل شي لأني أسمع في كل مجلس ( ترى أبو حمد خذ مسيار ) و ( ترى علي ولد المنفهق طلّق ذيك المَرَه اللي أعرس عليها مسيار ) و ( نصيحه يامُدمن أعرس مسيار ولامن درى ولا من شاف ) .. وبحكم أني أسمع هالكلمات دائماً .. فمُباشرة حرصت أني أعرف كُل مايتعلّق بذاك الزواج .. من لون وطبع وَصِفه وحتى رائحة هل هي زكيةُ أم كرائحة " مُبيد حشرات " ذو قوّة فعّاله << كذّابين .. وين قوّه فعّاله والصرصور يقعد اسبوع مامات .. يتقلّب تقولون صايرن له حادث على طريق الجنوب ! :eek5 أخواني / أخواتي <<< حطيّت بينهم فاصل لأن الخلوه الغير شرعية " لاتجوز " ! زواج المسيار .. عفّه في زمن الذُل << يصلح عنوان شريط ! زواج المسيار .. كابوسٌ حيّ لازال يرنّ في أذن كُل امرأه تشكّ في حال زوجها .. وتقلّب في جوّاله بسرعه إذا راح لدورة المياه ! :rolleyes: زواج المسيار .. حُلُم أغلب الرِجال << أقول " أغلب " لأني أدري عن الوضع " منيح " .. حُلُم من فقد الراحه الزوجيه من جميع النواحي .. عِندما يفقد الزوج جمال ذاك السكـن والمسكن فلن يجِدَ " بُدّاً " في أن يبحث عن تِلكَ المرأه والتي تقبل بـ " مسيار " من دون تحديد ليله أو إعالة أو أبناء أو همّ وغثى ! وعندما تصطدم تِلكَ الزوجة بِتِلكَ الحقيقه .. فإنها تنتحب .. وبودّها أن يموت " أباها " على أن لايتزوّج زوجها عليها ولو بمسيار - مشي الحال - ! أكتب هالماضوع .. وانا ماشميّت حتى ريحة " زوجه " .. ولكني أتكلّم عن حقيقه واقعه .. ومُعاناة دائمه من قِبل الطرفين .. ! :cool: بالأمس كُنت مع أحد " شيبان " حارتنا المشبوهه << مشبوهه لأن فيها سرق غازات في وضح النهار والـ " بتاع " نايم في العسل ! كنت أتكلّم أنا واياه عن أكثر من موضوع ... ومن ضمن ماتطرّق له .. أن " أبو ابراهيم المنجطل " أعرس على حــــرمته .. وخذ له زوجه مسيار ... وشرط عليها قبل الزواج أنها ماتجيب عيال .. وبالصدفه أكتشف أنها " حامل " .. والرجّال بلشان بعمره .. كيف يعلّم زوجته الاولى بهالموضوع وكيف يواجهها بالواقع الحتمي لزواجه من حرمتن ثانيه .. واقترحت عليه - بِِحُكم خبرتي في هالأمور - أنه يسلّمني عليه أوّل شي ويقول له ترى المُدمن يقول لك ( إذا بغيت تدخل مره ثانيه لبيت حرمتك الثانيه المسيار .. أبعد سيارتك عن الباب .. ترى الجماعه دارين عنك من البارح .. نمْ وآمن ) ! :p = = = قبل أنهي موضوعي : تراي مُسلم .. وقبل شوي مصلي ومتسنن .. يعني ترى الموضوع مُجرد حروف " قرقعت " في صدري .. وقلت بطرحها .. يمكن نلقى حل لــ " ابو ابراهيم المنجطل " ! سلام :) ------ المساحه هذي للإيجار اليومي ! خلونا على الأقلّ نترزّق من وراكم .. بدال هالعطاله اللي ذبحتني ! ------ :: مدمن شاهي :) :: |
هلا بالبي مدمن شاااااااااااااااااااااهي ..
يابعد معاليق شدوقي انت .. اقول يالبي ياخي ( بعض )اللي متزوج مسيار تحس وكأنه حرااااااااامي .. يجي للبيت متلطم .. وقبل مايدخل يوقف ويناظر يمين ويسااااااار .. وإذا ماشاف أحد ( نقز ) بسرعة ودخل مع الباب .. يالبي وش الله حادهم على هالكساااااااااااااااااااافة .. مشكور يالبي على طرح هالموضوع .. ولي عودة .. |
اقتباس:
[ :) ] قل آميــــن .. ..:: أبورائـــــد ::.. |
الصراحه موضوعك "يشب التسبد":i121
وبعدين الي يعرس مسيار فانه جـــبـــان وخواف.. ليش مايقوله من زمان تراي ابعرس عشان تراجع نفسه وتشوف كان هي مقصره معه.. واذا كان وده يعرس"طنه" فياخذ من بلده ,,ماياخذ من ناس مهب من بلده((ما تنتسمى)):i121 ســــــــــلام: 12 |
السلام عليكم زواج المسيار هو زواج شرعي لا بأس به وعند العقد تتنازل المراءة عن حقوق وتشترط حقوق،
وقد لا حظت أن كثيراً من النساء الآتي يردن زواج المسيار هن ممن يعملن بوظائف ومشتغلات عن إقامة بيت حقيقي وتربية كافية، فأنا أقول بعض النساء زواج المسيار أفضل لهن من ناحية أنها لم تتفرغ لزوجها... على قرومررت عيني اءة طلب بعض الدكتورات زواج مسيار يعني دكتوره ما هي فارغه تشوف وش الي يبي زوجها فهذا سبب مقنع لزوجات المسيار وأما بالنسبة للأزواج فبعضهم يريد التعدد لكنه العمل الوظيفي لا يسمح بذلك كنظام الساعات والداوم العسكري والشركات فعنده زوجته ولم يكفيها حقها من الإقامة والمعاشرة ويريد التعدد بهذه الحالة أقول خذ مسيار وتفرغ لها يوم الجمعة |
والي حتى المسيار ما حصله وش يزين ؟
يذبح روحه.. ؟؟:( -- دايم اقرا لك.. واحب ارفع لك القبعة احتراماً.... يابعد تسبدي انت.. :) |
انا واعوز بالله من كلمه انا بالنسبه لي ومدري عنكم احس كذا احس ان اللي تتزوج مسيار اكيد اكيد فيها شي يخليها ناقصه وماتقدر على الزواج المعترف به دوليا يعني ماتواجه الحموله لاسباب ما تتعذر ذكرها وبالنسبه لي ايضا كعزوبي فانا مااتوقع ان شاء الله اني بتوهق زي ابو براهيم المنجطل الله يفك اسره ويالله ترزقنا جميعا الحريم اللي نفتخر بهن ونرزهن ونرز عيالهن وخوالهم والنسب و.....و......وكل شي
مدمن شاهي شكلك انت اللي اكلها عالعموم الله يشفيك ويفك اسرك ومشكور عالموضوووووووع الجرئ جدا جدا جدا وسلامتك |
خمس نجوم لأحلى موضوع بالدنيا :cool:
العجيب أن الموضوع تم طرحه في ثلاث قروبات .. يعني اللي وصلني على بريدي اليوم بس ( 96 ) رساله .. اللي يسأل عن الحُكم الشرعي .. واللي يؤيد .. واللي يرفض ... واللي يلعنون ويسبون ويشتمون << والله لو أني شارون ماقلتوا لي كذا ! يارب سترك .. |
اقتباس:
تصدق ردّك خلاني أشكّ بعمري واتخيّل نفسي أطخم في وقت مافيه طخوم إلا بشارع التحليه ! لكُم الله ياحقون " كرنتينه " :cool: لي عوده لك وللجميع يالبي ! |
اقتباس:
تصدق أني ارتعت من كلمته .. :eek: |
الصز انه يصلح للي براسه زواج وهو توه على الزواج يعني توه لاوضيفه ولا دخل له ولا شي يعني
داج هاج !!!!!!!!!!!!!!!! فهذا يصلح له |
اقتباس:
السؤال اللي يمصع بنفسه .. آلحين العوانس يقبلون لو بمسيار ؟ |
اقتباس:
شكراً لك ياحلو ... |
اقتباس:
|
اقتباس:
هلا ابو خشّه :) والله أنت الجريء اللي خرّبتها وطالبت حرمه عيني عينك << لاحظ .. من تالي اللي يقول أبي آخذ مسيار يُعتبر جريء ! .. آآآآه يالزمن ! |
اقتباس:
المره ولو كانت مسيار فهي تبي واحد(ن) معه موترن صاحي تشخّص فيه يوم الخميس ودراهمن كل ماحتاجت منه ( غرفت ) ولا شاورت ! شاكر مرورك ياحلو ،، |
زواج المسيار نعمه ولكن البعض جعله نقمه كان يحل بعض المشاكل لكن البعض جعله هو المشكله شوفوا هالمثال واحكموا هذا واحد سلمكم الله هو وأخوه كلهم متزوجين ولهم عيال قدر الله وتوفي أخوه هالرجال خاف على عيال أخوه انهم يتشتتون ويضيعون وإلا تتزوج امهم واحد مايقوم بحقهم ويراعيهم زين ففكر انه ياخذ أمهم ، لكن المشكله انه هو في أقصى الرياض شمال وعيال أخوه بأقصاها جنوب وش يسوي ؟!! مهب معقول يتردد يوم هنا ويوم هنا فكر فكر فمالقى الا انه ياخذ مرة أخوه مسيار عشان يقدر يهتم بعياله ويصرف عليهم ويربيهم في هالحاله أليس زواج المسيار نعمه ؟! تحياتي ....swelem ملاحظه : القصه حاصله فعلاً |
اقتباس:
|
والله أنـــك بــطل دمـــدوم .. :41 بس على فكرة المسيار ماتحب مدمنين الشاهـــي.. :rolleyes: تبيك تجي تشوف شغلــك وتمشي:D .. ألا تسانك تبي تباشرله بلبــتن.. :D ===================== المسيـــار مثل ماقالوا زينه للي داااااج وبنفس الوقت مقطـــع... :) فهذا يعف نفسه بهذا الزواج... أمــا بالنسبة لابو ابراهيـــم فأتوقع مادام أنه خربـــانه خربــانه :rolleyes: وقبل يكبر البطـــن يعلـــن زواجــــه وخلاص يكون هذا ولــده ...:re " يمال الثانكيو والله " وسلملي على أبو جط :D : 12 |
اقتباس:
ويامال العافيه ألبي :) أسعدني مرورك والله يزوّجك ;) |
الله يخليك لهلك ooo1 جااايب هاالموضوع علشان يبتلشون المساكين الشباب :confused: مثل ابو ابراهيم
ايه مير:cool: قل: لبوابراهيم يعلم عياله باالمره :bad ولاتراه تبي تجي قااااااااابعه عباته تتله من عندهم ولاتمصع رقبته المسيكين :S ((((((((حبل الكذب قصير))))) وبعدين:i125 لاصار الواحد حااااااااااااااااااااط براسه انه يتزوج يأخي يعلم زوجته الاولى مثل ماقالت الاخت الحسناء علشان تماتسن عمره :D والجحاده (((المسيار)))يصير الرجااااااااال على اعصابه تقل يمشي على الغاااااااااام :eek: وشششششششششش الله حادك واذا درت ام العيال ,وش موقفك ويمكن تهج وتخلي لك الدار وتصير انت:bad بين ناااااااااارين:i121 ياابومسيار؟؟؟؟ :confused: وعندها بماذا تفكر:eek: تترك المسكينه الثانيه؟؟والمشكله تكبر اذاكان فيها اطفال ؟؟وش ذنبهم ؟؟عيالك تنساهم ا(((((((((((((((اقرؤاسنة المصطفى صلى الله عليه وسلم )))))))) واقتدوبسنته في كل شيء من امور الحياة ,,,,,,,وليس فقط الاشياء التي تعجبكم اللهم اغفر لنا ولموتانا والمسلمين اجمعين ,, |
اقتباس:
كخخخخخخخخخخ .. والله ياردّك جايــ(ن) يركض من دون نعال ! :D والله أنا صراحه أنقد على الرجّال اللي مايطقّها بوجه مرته ويقول ( إسمعي يامره : ماعنّي وعن الزواج .. أعقلي وانضبطي ) :eek: شاكر حضورك .. |
زواج المسيار ممتاز وفلة خاصة للحريم
لأنه مثل ما قالوا تكون المرأة مشغولة بعيال وبنات مهب فاضية لرجال تقعد ( إداريه ) وتشوفله مطالبه وإن جاه رجال فهو يبي يكون شايب ( عجزت عن نفسه ) |
اقتباس:
طيب إذا كانت المره فاضيه :rolleyes: ! ياولله البلشه ! |
المسكين في زواج المسيار هو الرجل ياخذ له وحده وتوهقه بالحمل
|
ربما بعض الفتيات تقبل به...
وبعضهم _تتروع_أذا ذكر في المجلس.... الناس أصناف... ومثل ماقلت.. ناس تبغاه.. وناس تنهبل منه |
| الساعة الآن +4: 09:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.