|
باركوا لي .. شريت كامرة Canon PowerShot S3 IS هنا نستقبل تعازيكم أأقصد تباريككم
السلام عليكم ورحمة الله وبركاته قدر الله علي ياشباب ومسكت مع هالدميجة أنه يطق له كامرة ديجتل تونس خاطرة وتفرحة بالليل وتونسه بالنهار وتكون ساعده الأيمن في كل مشاويرة :D وقدر الله علي ودبرن المبلغ ووصينا أحد الأبطال أنه يشتريها لي بعد مشارورات من الأخوة المتخصصون في هذا المجال ===>>>>> وش اسم امك بعد:D ماباقي إلا هي فقلت يارجال جربنا البنك والأتش بي وكامرة الجوال:D ولكن مانفعت ماطاح اللي بالراس وأخيراً طقينا كامرة s3 كانون وقد وصلت بحمد الله وسلامته بعد معانات طالت يومين:D ==>>> رحنا وطي وقلت لازم أجيب صور للشباب علشان يشاركونن الفرحة لكن... بلشت وشلون أبصور الكامرة والله بلشة أقاف قدام المراية (يطلع أصبعي) أجيب قاعدة وأثبته وأحط العدد التنازلي (مانفع يطلع باقي الحمام) ماعنده مراية إلا بالحمام:D وأشمر ععن ساعدي وأسل جوالي من غمدة وقلت جابك الله والله أنك فزاع ةتنفع بوقت الشدايد:D والله وأصور الكامرة من عند خدودة وجبهته وخلفيته:D وأبوريكم أياه تراه به أزرار إلا باتسر عليه ضغاطات مادري منين جايبينهن هذا من مواصفاته هالحين والمشكلة ماجاء معه شنطة وأنا اللي أدبتس ادور له شنطة من جيان لجيان ===>>> أيقاله بكانرفورا عندهم 100 جيان عندك واحد وانتبه لا يصك بس ماش قلت مالنا إلا شنطة بانسونك حقت كامرة الفيديوا:D المهم مهب هذا موضوعنا أبوريكم الصور الحين وعطون رأيكم وياليت أصحاب الفكر البشري والمتخصصين يعلمونن وشو هالكلام هذا اللي سمعناو من الكامرة Canon PowerShot S3 IS 36-432 mm F2.7-3.5 أرقام وقلينزي مافهمت شي http://www.dpreview.com/reviews/images/canon_s3is.gif هذي الصورة من الموقع حقهم يغرونك بهالصور اللي بالدعايات وإذا جاء الصدز ماعندك أحد وهذي صورة أكبر من الموقع http://www.dpreview.com/reviews/Cano..._S3_3q-001.jpg هذا إذا فتشته http://www.dpreview.com/reviews/Cano..._Front-001.jpg اللي يمين الفضية هذي s2 واللي يسار هذي s3 بتاعتي:D صورة أخرى http://www.dpreview.com/news/0602/ca...ntback-001.jpg صور متفرقة http://www.dpreview.com/news/0602/ca..._s3is_back.jpg http://www.dpreview.com/news/0602/ca...s_backopen.jpg http://www.dpreview.com/news/0602/ca...s3is_front.jpg هاه شفتوا وشلون زينه لكن شوفو الصور ببيتنا من تصويري http://www.mnkrsh.net/kshkol/canon/1.jpg http://www.mnkrsh.net/kshkol/canon/2.jpg http://www.mnkrsh.net/kshkol/canon/3.jpg http://www.mnkrsh.net/kshkol/canon/4.jpg عاد لاتحطمونن أولاه فرحون شوي :D آسف على الهرج الممل لكن حبينا نستانس شوي محبكم/أبو فهد |
كفو والله يا بعدي ، هذولا عيال النعمة تطن معه كاميرا يشري كاميرة ! تطن براسه محمول يشري محمول !! وأنا لي سنة وأنا ودي أشري وجه لجوالي ، وعجزت ! >> هلابيك :41 ماشاء شكله مربربة تبارك الله بس ما أظن يا ألبي تقدر تشيله ، خبريبك مامين يديات ياويلي ما تقدر تشيله أخاف تسويلك ملع ولا شئ ! مير يا ألبي لا جيت تشيله تسالم أحد يجي يعاونك ، هماه ! كم الأقيام ومنين شريت !!؟ لاهنت |
ألف مبروك أبو فهد الله يطعمك خيره ويكفيك شره تكسره بالعافية إن شاء الله اقتباس:
نفس المعاناة أنا شريت الكاميرا من الرياض أحسب معه شنطة لكن تفاجأت إن مافيها شنطة ! وبعد جهد وعناء لقيت شنطة لنفس الشركة كانون عند استديو ألوان بشارع الخبيب سعرها 50 ريال الحق قبل مايقضن |
مبرووووك تباريك كثير .. الله يطعمك خيره ويكفيك شرهـ .. موفق .. |
أبورائـــــــــد
وجع يوجع العدوا أقولك من لي سنه وأنا محتميتن تسبدي أجمع لي 400 ريال همن أشوف كامرة بنك همن أقول ماتغلى عليه همن يالله جمع من جديد :d عاد بديت أجمع وأنا مغمض:d علشان ما أشري شي ههههههههه أبو حمد البريداوي هلابيك يالبي هلا ومسهلا أنت صاز والله قالي واحد رح فصل أزين لك عاد أنت متأكد أنه موجوده باستديوا ألوان لأن اللي عندي ابرهم له علامة كانون:d د . قـصـيـمـي هلا بك يالبي وأشكرك بعنف على مرورك الكريم محبكم/أبو فهد |
أبو فهد الله يطعمك من خيره ويكفيك شره ولا تقطع بنا من الصور
بالنسبة للشنطة نفس المشكلة شريت كاميرا سوني H2 وفصلت له شنطة من عروق الشمال مثل شنطة البيالات ولكن ما انصحك لأني قمت الفجر وحنا مسافرين مع الشياي وواحدن منهم يحاول به يبي يدخله بالعزبة يحسبه شنطة بيالات >>> ويييييييييييييين يالحبيب المهم والزبدة أني رحت لم مكتبة جرير ولقيت عندهم شنطة حلوووه ومعقوووول جدا سعره ومكانه بالمكتبه الدور الأول ورى الدرج شكرياتي العظام أبو عاصم |
كفو والله يالذيب
والله بغيت أفصل له أنا لكن أخذت شنطة الكامرة مؤقت فقط وجزاكم الله خير على المساعدة ياحبيلكم والله ياخلفاتهم محبكم/أبو فهد |
الله يطعمك خيرهـ ويكفيك شرهـ .. عاد لاتنسى أبو معاذ من صور الأثل :s |
تستاهل يا المنخرش . .
و الشنطة أمرها سهل مرة . . أنا شريت مثل كامريتك بالضبط . . شف رح لشارع المياة . . فيه راعي الشناط ( الشماسي ) عنده حقيبة يحبها قلبك . . و سعرها ما يتعدى 40 ريال . . مخصصة للكاميرات . . يا الله عقبال ما نشوف ابداعاتك . . هنا أول تصوير لي فيها . . http://www.buraydahcity.net/vb/showthread.php?t=66723 |
عيوووووووووووووونييي والله .. يأبو فهد ..
تمرن عليه اليوم >>>>>>>> يحسبه موتر :d الله الله الله .. يطعمك خيره ويكفيك شره .. ويالله وين الصور أفاااااااااا وصراحة كمرة إحترافية .. وتستاهل والله يألبي .. لاكن سؤال محيرن .. وراه ماصورت الكمره بالكمره الجديده .. >>>>>>>> هدر :d ياحبيلك يألبي . والف مبروك مرة آخرى كمرة شخاميط الجديدة ^_^ |
الف مليووووووووووووون مبرووووووووووووك
|
البركة يابو فهد يا ألبي ..
وزعقبال ما نشوف الإبداع .. ومهب غريبة على مثلك .. مشوار الألف ميل يبدأ بخطوة .. << قضينا من الجد .. :d تبين أحلف أنك ما تدري وش هن له هالضغاطات .. ههههههههه .. تخيلت شكلك قاعدن تسلبه .. ما تدري وش السالفة .. هلا هلا .. عاد باتسر تطلع علينا .. الغالق والعدسة وشغل عدل .. كفو يالذيب .. عاد لا تحرمنا من إبداعك يا ألبي .. |
ماشاء الله يابو فهد الله يطعمك من خيره ويكافيك شره أرونا من جديد صوركـ .. . |
الشجاع
ههههههههههههههههههههه أبشر من عيوني يالبي :D ajmn أبشرك شريت شنطة من استيوا اللوان مثل ماقال أخوي الله يجزاو خير كانون الأصلية والله الله يعطيكم العافية ويجزاكم خير الجني العبد هلا بدقريي العزيز:D حياك يالبي.. هههههههههههههههههههههههه أن شاء الله والله أنكم تستاهلون أكثر يا أبعاد حيي ===>>> جمع بعد وحيد المعنى يسلمك ربي وما أستاهل كل هالمليون مبروك :D قناص الروس ولو أنت سامعن بالشحط ولا تردي متى تقال ههههههههههههههههههه ياحليلك يابعدي الله يرزقك مثله أو أزين منه إن شاءا لله وعقبال مانشوف d80 تتندح به:D al7nooooon هلابك والله يابعدي حنا ماحنا بواصلين ماوصلوتوا لكن على شوي شوي;) :D محبكم/أبو فهد |
ما شاء الله..
مبروووووووووووووووك يابو فهد.. تخربه بالعافية.. عاد يالله ورنا الإبداعات.. |
ألف مبروك أخوي ابو فهد
الله يطعمك من خيره ويكفيك شره نصيحة اخوية : حتى تستطيع الاستفادة من الكاميرا زمن النقود التي دفعتها لشرائها حاول قدر الاستطاعة تعلم أساسيات التصوير وأدوات التحكم بالكاميرا .. تمنياتي لك بالإبداع بالنسبة للصور التي التقطتها بالكاميرا فيها ضعف بالتركيز ويبدو إنك قد زدت من الحساسية لذلك ظهرت نقاط خفيفة على الصورة حاول الاستفادة من ميزة الماكرو بالكاميرا لالتقاط العناصر القريبة .. بورك فيك وفي كاميرتك أخوك أبو إياد |
الأسمراني
حياك الباري يالبي وجع يوجعك أي تخريب أمداي أشرية الله يصلحك أقول تموت بالعافية إن شاءا لله:D ===>>> مايعرف يمزح أبد الجدعان هلا بالمدير الأستاذ أبو جدعان تصدق إني أشوف صور اللي تنزلها أنواع الكامرة وتشتب تسبدي:D عاد أنت الله يهديه ماسمحت خاطري ولو بكامرة وحده على الأقل d80 تعبرنا :D هههههههههههه يابعدهم والله أنك صاز جاء لمي أحد الشباب المتخصصين (عمر الصمعاني) وعلمن من سلسل لطاقق عليكم :D وشف بعض الصور لعله تجوزلك وأرجوا أن تبدي رأيك وملاحظاتك http://www.buraydahcity.net/vb/showt...853#post528853 محبكم/أبو فهد |
وعليكم السلام ورحمه الله
12345 مليون مبروك الله يجعله معونه لك على الطاعه وعقبال ما نسمع انك شريت اس ال ار 12 ميقا تستاهل يابو فهد مايشده اطيب منك ابدع كما انت دائماً اخيك ابا نجديه |
ابونجديه
هلابك والله أبو نجدية .. وش يقرب لك نخل السكري ====>>> ولا حرف:d حبيب البي عقبالك كامرة بي ام دبل يو 2007 :d وش هالكيلام اللي تقوله انت الله يجزاك خير يابعدي ويكثر من أمثالك محبك/أبو فهد |
| الساعة الآن +4: 09:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.