|
(*_*) عـــــــــــــــقـــــــــــــــدة (*_*)
السلام عليكم ورحمة الله وبركاته بما إني طاف بالكامرة.. فاعذروني على كثرة الصور :D ومثل ماقال المثل.. أعذروا كثرة التصوير للي معه كامرة جديدة تووه شارية وأنا أطبق كلام المثل المهم هذي صورة جديدة . وهي على طريقة (الماكرو) لا أنسى أن أذكركم أنني لا أعرف أن أضع برواز للصورة فاللي به شدة يعلمن جزاو الله خير.. طبعاً الصورة يوم تمطر والجوا غائم علشان كذا الصورة مظلمة شوي:bad http://www.li1il.com/vb/uploaded/1/01169209772.jpg بانتظار أنتقاداتكم وآرائكم سرعة الغالق 200 كم على F33 :D :D :D :D خلونا ندعدع شوي أولاه canon s3 :D ====>>> مايعرف إلا ذي بانتظاركم... محبكم/أبو فهد |
شغل والله أبو فهد .. !
خلنا نستانس بالصورة الأولى لنا يومين .. ماهوب كل شوي منزل وحدة ..:oo لاعاد أمزح أهم شي تستانس .. :D |
ههههههههههههههههههههه
والله إني عجزت أصبر ولا ودي أشكرك على مرورك الكريم يالبي محبك/أبو فهد |
روووووووووووووووعــــة
فكرة + زاوية = صورة خيااااااااااال |
هلا بيك وحيد المعنى
وحياك الله وأشكرك على شخطكم المبارك ههههههه بس غريبة ماحطيت مشكور جزاك الله خير ههههههههههههه أمزح يابعدي محبك/أبو فهد |
ههههههههههههه
والله مبدع يابو فهد .. ياليت ابداعات ذي تتقلص !! :d تسلم يالبي .. الحقيقة هبال .. وينه ذي ما تحطه عندنا !!؟ |
واله حلوووة ... لكن مالقيت تصور الا حبل ...
يا منخرشششششششششوه ... جيدا ... |
أبو بكر..
وش معنات تتقلص ههههههههههه أحتس مثلنا الله يخليك يالبي.. جيداً هلابك يالبي والله شفت العقدة وجازت لي ولا أنا مانب أناظر وش انا أصور ===>>> لا تخلينا ياعمر الصمعاني |
فكرة رائعة وصورة أروع :41 ننتظر جديدك |
وعليكم السلام .. أجل سرعة الغالق 200 كم ههه تسيف امداك تلحقه ..! صورة جميله جدا وبداية قوية .. تمنيت إضاءتها أفتح قليلاً .. :) |
خذ يا ألبي .. الله يقلع البرواز الي يفرق بيننا :D http://www.9q9q.org/index.php?image=o5DVwUGEe3A21x رابط الحفظ بنسخة الإيقاع http://www.9q9q.org/index.php?image=o5DVwUGEe3A21x :) |
وعليكم السلام ورحمه الله وبركاته
هلا بخويي اللي عندي لك شي ابعطيك اياه اذا انت وافقت ؟ تعبت وانا افكر بالحتسي الحقيقه انك كل يوم تزداد ابداعن عنيفن موتأجيجن <<<<<<< افرد الجنزير وبلش به المهم شكلك بديت تسوي النحيصه اللي قلت لك آنفاً ونشبت لأحد من الشباب الله يستر لا يكون يدعي علي لاكن ياخي منتب معقول ماشاء الله عليك ملحوظه صغيره جدااا الحبل سلابتيك ( بلاستيك ) لو انه حبل عادي تصير الصوره احسن ادري انك تبي تروح على كفرين وتشري حبل وتعقده وتلحط له صوره يحبه قلوبنا :) ولا اقول لك تعرف الخيمه تعرف الطنب ( واحد من العيال ) تعرف حبل الطنب قل ايه لا يهون عليك تراه جيد بس الله الله بالعقده المنتازه والصوره المهبوله على العموم ابطلب منك طلب ابيك ترفع ملفاتك على موقع ثاني لأني ما شفت الصوره الا من رد الحبيب ستايل اخوك ابو نجديه |
سفن أب
هلا بيككك يالبي وجزاك الله خير أشكرك على مرورك وبعنف ستايل ستايل هلا والله بالغالي والنفيس أقول يابعدي.. يعطيك العافية يابعدي.. بس الرابط والصورة مايشتغلن وش السوات..؟ ابونجديه اسمك يذكرن بياسر الحبيب ههههههههههههههههههههه أنا عقدتي مهب الحبل عقدتي البروووووووووووووواز علمن شلون أسوي برواز وأعقد لك خيمة كاملة مهب بس طنب هههههههههههههههههه أبشر بالصور الجاية إن شاء الله يابعدهم وبعدين تعال المركز اللي أرفعه منه هذا موقعي مافيه أزين منه.. وشوله أروح للناس وأنا عندي هههههههه محبكم/أبو فهد |
هههههههههههههههههههههههههههههههههههههههههههههههههه ههههههههههههههه
يوم شفت العنوان .... قلت وش عنده أبو فهد خرب العلاقة مع السوزو .. بدا يعقد به ويفحط هههههههههههههه واثره حبال كنادرك .. ههههههههه ياحبيلك يالعصل ... قسم بالله ولاتصوير كمرة جوال .. وليتك حاط خلفية زينه .. لو أنت قايل لي .. تسن مدخلك بحديقتي اللي بسويسرا >>>>> يذكرن بكيك سويسورل هههههههه ننتظر صورك . بعد قليل |
الجني الدقري
ياولد قريح أمدحن لو شوي أعوذ بالله شايلن حمله ضدي هههههههههههههه تراه أبروحح لموضوعك حقت الضوية وأخرب عليك هههههههه ياخلفهم أنت توي بأول مشواري أحمد الله أني زينت لي شعارين ههههه===>>> متليع وباقي البرواز إن شاء الله أن الشباب مهب مقصرين |
أيوااه
الصورة طالعه ..!! البلاء من عندك يابعدي ... http://www.9q9q.org/index.php?image=o5DVwUGEe3A21 http://www.9q9q.org/index.php?image=o5DVwUGEe3A21x أظغط على الرابط |
طلعت الصورة ياستايل بارك الله فيك
طيب تعطين المشروع على صيغة بي اس دي علشان أتفرنك عليه لا هنت يالبي محبك/ابو فهد |
ماحفظته bsd :eek5 |
فكرة الصورة خيال يابو فهد ..
لكن لو أنت حاط إضاءة كما قال الأخ إياس .. تطلع دلع .. إضغط ctrl+m بالفوتو .. وأضف عليها حبتين إضاءة .. وشكرا .. |
ستايل يالبي
مافات شي .. ياليت لو تزبط لي برواز وتكتب عليه نفس اللي كتبته تحت البرواز وتزيد كلمة canon s3 is والله يجزاك كل خير وأبيها بي اس دي أن حصل ياخلفاتهم قناص الروس هالحين أزبطه بس أضغط ctrl+m ويزبط دقيقه أجيب الصورة هههههههه وش رايك به كذا.. http://www.li1il.com/vb/uploaded/1/01169382130.jpg بس أنت علمن وش أضغط ومالك إلا ولد يقرا يالبي محبكم/أبو فهد |
| الساعة الآن +4: 11:42 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.