|
يا بنات تعالوا هنيا أبيكم ؟
السلام عليكم ورحمة الله وبركاته
الله يجزاك الف الف خير انك دخلتي و ما كسرتي بخاطري الموضوع.......... الموضوع و ما فيه عندي شوية درهم والحمد الله والشكر على فضله وابي اسوي مشروع......... وهوعباره عن مشغل نسائي .............لاني والحمد الله شاطرة بالمكياج والتسريحات واخذه دورات وابغا اديره بنفسي ويكون اناشاء الله سبب في رزقي والموقع واناشاء الله شبه انتهيناء مع صاحب الموقع وهو بشارع المشاغل لكن اللي ابشوركم فيه هو 1-الاسم (ابي من كل وحده الله لا يهينه ثلاث اسامي على الاقل) 2-ايش من وجهت نظرك سبب نجاح المشغل ابغا همتكم معي و شوركم واكون معكم اول باول عن اي شي يكون جديد يخص المشروع الله يخليكم لا تخلوني تراي متعشمه في بنات ديرتي والله يوفق اللي تبي ترد على و ماتخليني الله يرزقها وتنال اللي ببالها ابي صفحات من الردود |
اولا اختي الله يوفقك ان شاء الله وينجح مشروعك
ثانيا ارشح اسم ديالا على اسمي وان شاء الله نلقى عندك التميز والابداع والجديد وبصراحه موقعك مره ممتااااااااااااااااز شارع المشاغل جدا مشهور بالتوفيق ان شاء الله |
بصرحه الاسم حلو ومشكوره اختي على ردك ديالا على ماظن فيه مدينه عرقيه بها الاسم بس ابغا اكثر من اسم والله يخليك ويوفقك
|
وعليكم السلام ورحمة الله وبركاته .. حياك الله بين خواتك ندخل في الموضوع على طول وش رايك بإسم (لمسة جمال) والعاملات أنا أشوف المغربيات ماشاء الله شغهلن زين وإذا فتحتي المشغل علميني بجي من الرياض أزورك :) |
وعليكم السلام ورحمة الله وبركاته .. اولاً مبرووك وبالتوفيق .. ثانياً بإعتقادي من نجاح المشاغل هو النفس الطيبه والحرص على الزبونه والاهتمام بها .. ولاننسى ان ثقة العميله اهم شي , لذلك تعرفي المشاغل ومشاكلها فيأخيتي احرصي كل الحرص على تفتيش الجوالات ليس فقط الزبائن حتى العاملات أتمنى من كل قلبي نجاح مشروعك وربي يوفقك لما فيه الخير .. امممممم اما الاسم وش رايك تسميه لمسة الماسه :D او جمالك او لمسة ابداع او زهرة اللوتس او الأناقه الشرقيه .. دعواتي لكِ بالتوفيق .. |
ما شاء الله
بس اهم شي العـــــــــــــــــــــــــــــــــــاملات لانهم الاساس بكل شي شوفي عاملات مشغل شيفو بالرياض شي بصراحه غير عن حقت بريده هذا اللى عندي |
بنت الوجيه
ربي يوفقك انشاءالله بدايه مثل ماقالت الماسه اهم شي التفتيش علي جوالات الكميرا واذا تبين مساعده في عامله سوريه من عيوني وبالنسبه للاسم...الجوري...فرحه... وبالتوفيق. |
الله يوفقك ان شااااااااااالله واهم شي المعامله الطيبه بين الزباين والعاملات
يعني يبي يجيكم حريم اشكال وشخصيات مختلفه لذلك اهم شي طريقة التعاااااامل ماتكون العامله حااااااره وتهاوش اذا الزبونه حاره وتبي تلقى شي لاني مره رحت لمشغل شفت حرمتين معهن بنت صغيره يتهاااااااوشن مع الكوفيره وصراخ الكوفيره ماااااااشاالله رزينه مااااااسكه اعصابه وذوليك تقل مهابيل بس يلجلجن لماااطلعن عموماااااااااااا تبغين اسمااااااااا للمشغل من عيوني الثنتين وان شاااااالله نبي نجي لمشغلك علشااااانك منا وفينااااااا والله يوفقك بر اسي بعض الاسمااااااااااا مثل ----- المتميزه ----- ميلان ----- سر الاناقة ----- نجمة المساء ----- شمس المشاغل ------- لجمال حواء------- دررالجمال ------ البارونه**هذا حلووووو مره ----- تاج الاناقهوعندي اساااااااااامي بحر بس مااااادري اكمل ولا ؟؟لا |
وعليكم السلام ورحمة الله وبركاته الله يوفقك بمشروعك إن شاء الله أبقولك أسماء إن شاء الله تعجبك ( أوركيداء,,,,,أوراد,,,,,كاااادي,,,,بنت بريده,,, فن,,,,,) ومن وجهة نظري من أسباب نجاح المشغل أن تكون منافستك قويه من نا حية الأسعار وتقديم أحسن ألخدمات وألتميز حلوووو حتى تجذبين ألناس لك موفقه إن شاء الله صديقة الشمس |
الله يوفقك وييسر امورك ,,
سبب نجاح المشغل : 1/الشكل الظاهر للناس من البس العام للعاملات واحتشامهن والديكور وغيره .. 2/النظافه والنظام والترتيب واهم شي اختيار مديره ممتازه وغير متهاونه بالأنظمه وتشجيع العملات .. 3/المعامله الجيده مع الزبون .. 4/الدعايه والخصومات اول الأفتتاح" لإنتشار سمعته " 5/اختيار الأسم واهم شي يكون سهل مثل " غـــانـيــه" ((آمري ياخيتي تراي تحت خدمتك)) ســــــــلام: 12 |
الله يووووفقك
وانا صراحه اعجبني الاسم الي قالته صديقته الشمس (اوركيداء) اسم حلووو وغريب :41 او...انامل ناعمه... او ....دوريندا الله وياك ويوفقك: 12 |
اشكر كل البنات اللي ردو ما اقول إلا ياحبيلكن بصرحه الاسمي كلها حلوه بس جاء بالي اسم ابستشيركم فيه وهو ( لقونا)
واما عن توصيتكم فأسال الله ان يعينن عليها وبيكون عندي ممنوع منعاً باتاً انه يكون فيه شي محرم مثل النمص والتوصيل للشعر ومن ناحية الجوال الكاميره رح يكون ممنوع والعاملات الجوال ممنوع بكاميره او بدون كاميره......... والموقع رح يكون جنب مشغل فربينيا بضبط ورعيته بنت الحلال ماقصرت معي بنسبه لتشغيل المحل مبدئي لاني ابغا افتح قبل الصيفيه اللي تجي وهمتكم معي وعهداً على انه كل وحده منكم بيكون اول زيارة مجانيه بس الله يخليكم همتكم معي |
الله يوفقكِ أختي الغالية .
توكلي على الله . ولا تنسين إخلاص النية لله ,فإن عملك بإذن الله باب من أبواب طلب الرزق . وأسعي لترك المحرمات . وأنصحك بسماع شريط للشيخ الفاضل /خالد الصقعبي . حفظة الله ورعاه . يتكلم عن المشاغل .. وأن شاء الله بنزورك بالمشغل .... أسأل الله العلي العظيم بمنه وكرمه أن يكتب لكِ الخير بكل عمل تعملينه .... والله يكون بعونك أخيتي .... |
هلا بك اخيتي
الاسم (لقونا) يعني مهب عاااامي شوي جيبي اسم يلعلع ترى اسم المشغل له دور في جذب الزباين عني لك اسم النصف الاخر نجمة بريده اميرة الشرق ناعمة درة بريدة ؟؟؟هههههههههههههههههههههههههههههه يااااااحليلنااااااانطلع من هاااااااالاسامي تقل جاااااااااينا مولود |
سمّيه the swan على البرنامج الامريكي اللي يطلع الوحده من قرده لغزاله ;)
|
ما شاء الله تبارك الله الله يفتحها عليتس ..ونشوف شارع المشاغل زحححححمه:eek: ..ونقول وش عندهم :confused: ..ويقولون هااو ما دريتو ..هذا مشغل جنااان:41 توه فاتح .. عاد ونجي وندخل ..ونشووف هاك النظافه ..وهاك الديكور الناعم ..وهاك الروائح اللي تفتح النفس .. والا الاسعار ..صراحه معقووله أسعارهم .. والعاملات نفسياتهن راايقه ..وزيهم موحد ومحتشم .. ــ هيين كل ذا أهم شي شغلهم زيين؟؟ .. ــ ايييه يا حليلتس ..جايبتن عاملات متدربات صحح ..يعني ما سوت الخصم تبي تدربهم على شعورنا ولا وجيهنا ..لا هالخصم بمناسبة الافتتاح .. ــ وش اسمه ؟؟ ــ بصراحه مادري ..بس أظنه عالم حواء ..((عاشقة لهالموقع)):D والله الله بالابتعاد عن المحظورات الشرعيه سواء بالتجميل أو الخياطه .. الله يارب يسهل أمورك ويفتح رزقك |
أهلين بنوته ,, :rolleyes:
ولو إني رديت وانا مدري وش صار عليك ! بس حبيت أقول لك أهم شئ الديكور يكون حلو ,, و إنك كمان تحاولين تقللين من العاملات الأجنبيات قد ماتقدرين ! حاولي تلاقين سعوديات :) ترا أحسن لك ولله ,, وانوو بعد زي ماقالوا اللي قبلي مافي جوالات كاميرا ,, ونفس الشئ اول ماتدخل الوحده تفتش وجهها :i125 لأن من جد مدري وش يبون الحريم اللي يجلسون عند الكوافير متغطيات :confused: ,, و حاولي ان الأسعار تكون معقوله ! يعني لا غاليه مره ولا نازله مره بحيث ان كل من هب ودب يجيك ;) و بالنسبه للأسامي اسمحي لي ماقدر اقول لك لأني لاحظت إن اهل " بريدهـ " ماتعجبهم الأسامي الأجنبيه ويحاربون أي مكان إسمو انقليش لوول ! لازم تختارين اسم عربي :rolleyes: و حبذا لو يصير الخنساء ولا زرقاء اليمامه :D ولا مدري وشو عشان يحبونه ويقتنعون فيه ! ولا حد يجي يتفلسف علي :mad: لأن ماقلت هالكلام الا من واقع ,, والله يوفقك ,, ويعينك .. ويرزقك ان شاءالله وينجح :) |
....عوده ....
انتي قلتي ثلاث أسامي ؟؟؟ أدلي بدلوي وأقول ..وش رايك بليلاس ،،، إيلياء،،، زري ،،، |
شوفي حبيبتي ماراح اتفلسف بالنسبه للاسم
عندي اسمين بس اوركيدا وقالوه البنات وبنفسج اما بالنسبه لي لو بغيتي نصيحة اخت من جد مهتمه خلي عاملاتك كلهم فلبينيات وابعدي عن السوريات والمغربيات والله نصيحه من قلب ولا ترى مشغلك بيضيع وانتي عارفه وش مسوين السوريات بمشاغل بريده حايسين الدنيا وكلهم يجربون ببنات خلق الله ويطلعون على ايدينا واخرتها لا حمدا ولا شكورا الا اذا انتي مستعده تدفعي رواتب عاليه وبتجيبين لك لبنانيات ولا مصريات متعلمات مو اي كلام زي اللي فمشاغل الرياض غير كذا خلك بالمضمون فلبينيات وبس الله يوفقك وانا اشوف اسم بنفسج حلو خصوصا انه لون الموسم ;) |
حنايا القلب
مشكوره اختي وانا شاء الله راح اشري الشريط واسمعه................. مجموعة مشاعر الاسم ماخوذ من القاء يعني التجمع مو اسم غربي ودايم تمر عليك الكلمه لقونا بالمكان الفلاني بس بالنطق يوحي بانه غربي واحس انه سهل والاسماء اللي قلتيها حلوه بريداويه بالرياض الله يخليك لعين ترجيك الاسم صعب انه ينحفظ من البعض فاصله يازينك ويا زين اسلوبك وكلامك بعين الاعتبار طايرتن بوهتي انا عندي فاصل لكني اواصل انقطع تعرفين ابونا اذا جاء اتوقف والعيال الله يخليهم والبيت و جوال الكاميره ممنوع والعاملات الجوال كله ممنوع والاسم البنات يقولون يفضل يكون بسيط والله يخليك ويسلمك على ردك قصيميه مقهوره الله لا يورك قهر ويرفع من شانك بالنسبه للاسم بنفسج بصرحه حلو ............ وبالنسبه للسوريات انا ما احب اتعامل معهم ولا راح يكون عندي سوريه بس من ناحية المغربيات بالعكس تعملهم حلو ومكياجهم قريب من الخليجي مو مثل السوريه تلطيخ تخليك كانك مزهريه والشكر كل الشكر وما قول إلا الله لا يخليني منكم |
هلا اختى اسمعين زين انا عندى خبرة بهالمجال
1 لا تحطين اسم صعب للمشغل علشان يسهل حفضة 2 لا تحطين رواتب للعاملات معينة خليها عمولة علشان يتحمسن ولا يملن ويجتهدن بالشغل 3 خلى اسعارك بالبداية رخيصة لين تثبتين نفسك بالسوق همن ابدى تدلعى 4 سوى نشرات ووزعية بالحوارى وعلى البيوت زى حقات اجيان حطى عليها الاسعار عندنا مشغل برياض ما تتخيلن زباينة اسمة مشغل لبنة بدت باسعار رمزية مثل تنضيف الرجلين بعشرة اول ما بدت والحين 25 ريال بس اكسبت الناس 5 حطى فى بالك ما فى مكاسب الا بعد خمس اشهر 8 اشهر لا تحطين ابالك الربح على طول 6 واذى تبينى اعطيك اسمى تحطينة لمشغلك ما عندى ما نع بس كم تعطينن هههههههههههه واللة يوفقك ولا يخسرك واذى جزتلك نصايحى علمين ازيدك |
,,الله يوفقك,,
فرحتين ياخيتي يوم قلتي مااوظف" السوريات ":41 وان شاء الله اذا فتح اني لأسويلك دعايه ,, بس علمينا ( ارسليلنا رسائل ) ... ســــــــلام: 12 |
ام رررررررررركب سود
ترا تبيض ركبك في المشغل مجاااااااااااااااااااني وبصرحه نصايحك كلها مفيده والله لا يحرمني منك واذا عندك زود منك استفييييييييييييييييد والله لا يحرمني منك الحسناء ابشري ياخيتي انه لعيونك وعيون البنات ما رح تشوفي ولا سوريه تشتغل ويو الله الله الله بالدعايه تراي منكم وفيكم ملي غانااااااااااااااات |
بصراحة مشاغلكم يابريدة مرررررة غالية وعلى غير سنع ! أتمنى يكون موب غالي مشغلك وإن شاء الله كل ما جينا لبريدة وأحتجت مشغل أجي لمك أنتي << :D بالنسبة للأسامي .. * السنيورة * الغندورة * رويدا * فنون وفقك الله :) |
اقتباس:
والله يوفقج يا خيتي وان شاء الله بينجح مشروعج :d |
| الساعة الآن +4: 04:58 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.