|
ياجماعة واحد متمشكل مع الهيئه
السلام عليكم
يا جماعة خويي مسكوه في مجمع بتهمة ملتقي بفتاة ومواعدينه يجيهم لمركز الهيئه هاه من عنده خلفيه ولا يقدر يساعدنا نلقا له حل وهو والله العظيم عاقل موب راعي خرابيط بس كانت صدفة وزلة كيف يطلع منه وهو موب عارف طبيعة مكاتب الهيئات ولا وش يسوون ووش يسألون يعني يا جماعة الربع نبي مساعدتكم ابي ردن عاااااااااااجل الله يجزاكم خير |
وهو والله العظيم عاقل موب راعي خرابيط بس كانت صدفة وزلة
>> بما أنها زله وأول مره فإن الهيئه سوف ينذرونه ويطلعونه إن شاء الله .. راحل ... |
( موب !! ) عموماً حراس الفضيلة أحرص على سمعة خويك من نفسه بس عاد لازم ياخذ جزاه علشان ماعمره يزل
|
في البداية اتمنى ان توصي صاحبك بالانضمام الينا هنا ..
بالنسبة لسؤالك فما أعرفه من أحد الأقارب الموظفين بالهيئة .. هو أن الهيئة يحضرون الشخص بعدها يسدون له النصح بشكل يجعله يقرر عدم العودة لما كان عليه بإذن الله .. بالإضافة إلى أخذ تعهد خطي على صاحب المشكلة .. ولكن انتبه لايستهين صاحبك بهالتعهد .. ويقول شخطة قلم وننتهي .. لا .. لأنهم إذا مسكوه مرة ثانية خلاص طوالي للإمارة .. همن عاد شف من قبيلك .. (فيصل بن بندر) بالاضافة إلى أن شكله يصبح مألوف فإذا ماوجدوه بكان آخر يدعو إلى الريبة .. فثق ثقة تامة بأنهم سيكونون أشد عليه من المرة الأولى .. يعني لايظن في يوم من الأيام أنهم خلاص يبي ينسونه .. وبعدين ياأخي قل لخويك يبعد نفسه عن مواطن الزلل أسلم له عند رب العباد ثم العباد .. وقل له ياأخي اللي أنت سويت لبنت الناس ماترضاوه لأختك أو أمك فكذلك الناس مايرضون .. وبعدين لاتعذر له أنت لابد أنك تبين له خطأه ولاتكون له قرين سوء لابد أنك تنصحه فهذا من أعظم حقوق الصحبة وليس التطبيل .. فكم من قارض للأعراض وعرضه بين شفتي المقراض .. تحياتي لحراس الفضيلة .. أدام الله عزّهم بعزّ الدين .. |
وكما قال التويجري ...
وقل لخويك .. المغزلنجي .. يبي يعطونك كم فلكة .. لذلك من الحين دهن رجلينك بفازلين ... آخر زمن .. |
الله يجزاكم خير
هو بصراحه موب راااضي عن نفسه ولا على اللي صار لأنه رجال ماله بسوالف الخربطه والبنااات أبد أبد علشان تسذا خويي متضايق لأنه خايف الهيئه ما يصدقونه ولا يدري أحد بالسالفه والناس ما يرحمون طيب وش ممكن يسألونه أو يجبرونه على شيء ...ولا وش ممكن يصير بالضبط عندهم معه.. اقتباس:
والله يهدي الجميع ***************** طيب والهيئه وش موقفهم من اللي إلتقا به خويي عاد هو يقول هذي بلشه ثانيه و ما يدري عن البنت شيء من ذاك اليوم اللي أخذوا إدارة المجمع الرقم منوه من جواله |
والله حسب مااسمع من قريبي هو مثل ماقلت لك تعهد خطي انه مايتكرر منه هالشي مادام حي ..
بعد ان تسدى له نصائح أبوية من قلب مشفق رحيم لدى أفراد الحسبة وفقهم الله .. وبالنسبة للناس فثق مائة بالمائة إن الهيئة لايفضحون ستر الله على عبده إلا من أبى .. هم أحرص الناس على أن تنتهي هذه المشكلة بستر وتوبة .. فلذلك هو مب داخل يمتحن علشان نغششك الأجوبة أو لعبة نعطيك التعليمات والتوجيهات هم راح يتفاهمون معه بشكل طبيعي بغرض اتمام المحضر المسجل ضده وقل له يجاوب بصدق ولايكذب .. وبعد ذلك عليه أن يعد الجواب لسؤال رب الأرباب عسى الله أن يلطف بنا ويرحمنا .. ولاراح يجبرونه على شيء انما يوقع تعهد والا ينطق عندهم ان تسان براسه حب ماطحن ويشوف وش راح يسوون به .. القضية مب قضية اجبار وإكراه فالعاقل خصيم نفسه وعقل براسه ويعرف خلاصه .. يعني يبي يتعاون معهم يكونون له مثل البلسم الشافي على جرحه الملتهب .. يبي يتعنتر ويركب راسه مثل بعض الشباب يظن انه اذا انكر تنتهي المسألة فالله يعينه .. وبالنسبة للبنت فما أعتقد أنهم يبي يسوون له شي .. إن كان فهم سيدعون ولي أمرها ليوقع هو الآخر على تعهد خطي أنه مايتركه سايبة .. |
؟
؟ ؟ ؟ قله أهم شي لاتضهر الضعف أمامهم أبدا واضهر لهم انهم متبلينك وثالث شي قولهم ابوي شغلا بالامارة وأقدر أرفع شكوى بسرعة للامير وبكذا يقولونلك سم وطال عمرك واحنا اسفين على الغلط ؟ ؟ ؟ ؟ |
اقتباس:
ولو ما مسكوه الهيئة .. كان وش يبي يسوي في بنت الناس ؟! :) عموماً أسأل الله لنا وله الهداية والرشاد . |
اقتباس:
ياخي كبرت بعيني .. تصدق أنك تسذا تهيب الهيئة .. كفو والله يابطل .. مير أقول يأخ .... متى فكت ماما الحفاظة ..:D |
إخوااااااااااني
حنا نبي منكم المساعده لا تقلبون علينا الموضوع |
يااخي خلاص ..
انتهى الموضوع .. مثل ماقلنا لك وانتبه لايلعب عليك هالديشا ذا .. ترى والله الغالب الطالب قطاع الأرقاب إن سويت اللي قال عليه ان مايمرح رفيقك الا مصبحن عند الامير هناك .. والموضوع مايحتاج اي مساعدات قلنا لك وش ممكن يحصل وانتهينا .. وانصحكم بعدم التعنتر عند الهيئة لانكم بالاخير بتطيحون بالمراحم .. وافرض بعد العنترة والفتوة صار اللي ببالكم .. كيف تبي تتعنترون امام ربكم ..؟ بتقول اننا نعرف واحد من الملائكة ..؟ نصيحة لوجه الله .. قل له يعلنها توبة خالصة مع الله ويبشر بالفرج من عند الهيئة وغير الهيئة .. قل له يصدق مع الله ويحسن الظن بالله وسيرى من ربه مالن يراه من غيره .. اما ان كان هالشيء نابع عن توبة ظاهرية غير صادقة فالله يعينه على دنياه .. |
أسأل الله أن تكون هذه كبوه جواد و أن لا يعود لعفلة مرةً أخرى ، و بالنسبة للهيئة فقل له أن يذهب مع ثق و سيتفاجأ بالتعامل الهين اللين ، و لا ينخدع بما يُثار ، فالأصل فيهم الشفقة و الرحمه و الستر على المسلم قدر المستطاع ..
اللهم حبب إلينا الإيمان و زينه في قلوبنا و كرّه إلينا الكفر و الفسوق و العصيان و اجعلنا من الراشدين .. |
قل له .. قال تعالى : http://www.al-eman.com/Quran/Lines/Line4199.gif سورة النحل قال ابن كثير ( والذين هم محسنون ) :أي معهم بتأييده ونصره ومعونته وهديه وسعيه.ا.هـ وقال القرطبي : وقوله {إن الله مع الذين اتقوا والذين هم محسنون} أي الفواحش والكبائر بالنصر والمعونة والفضل والبر والتأييد. وتقدم معنى الإحسان. وقيل لهَرم بن حِبان عند موته : أوصنا؛ فقال : أوصيكم بآيات الله وآخر سورة النحل {ادع إلى سبيل ربك} إلى آخرها.ا.هـ وارجع إلى آخر سورة الفرقان . . . . محبك قصيمي رحال |
خويك هذا ( طرار ويتشرط)؟؟؟
مخطيء ويبيهم يتعاملون معه زين؟؟؟ وبعدين وش ضمنك انها اول مرة؟؟؟؟؟؟؟؟؟ |
إخواني الله يجزاكم خير ويفرج لكم
كفيتو ووفيتو وماااااقصرتوا اقتباس:
ما تحب تكسب فيه ثواب وتهون عليه همه!!!!!!؟؟؟؟؟ |
اقتباس:
أمام قل لهم أبي يعمل في الإمارة-----> وإن لم يكن فلماذا الكذب ؟؟ _______________________________________ أما ما يخص موضوعك أخي الكاتب .. فمن ناحية الفضيحة فلن يفتضح أمره إلا أن يفضح نفسه هو .. ومن ناحية الإجراءات فكما قال أخي التويجري : سوف يتم نصحه وتخويفه بالله .. ثم يقوم بالتوقيع على تعهد خطي .. وبعدها ينصرف .. وليتحرى الصدق في حديثه كله وخبره معهم .. فهم ليسوا بوحوش يُخاف منهم إنما هم آباءٌ رحماء يرون من المصلحة مالايراه ولا نراه نحن .. أما عن الفتاة فيستدعى وليّ أمرها للتوقيع أيضاً على تعهد ينص على متابعة ابنته وعدم تركها متسكعة بلا رقيب ولا حسيب وكما أخبر الإخوة لا يستهيننّ بما سيوقع عليه وليكن جدياً في حديثه ومعاملته .. ولا تنس أن تكون خير معين له على الخير فإن لاحظت شيئاً فلا تتردد بإخبار أخيك فإنه أداء للأمانة .. |
المهند الله يجزاك خير
اقتباس:
يخاف المشكله تتعقد عند الهيئه بحيث يطلبون البنت وهو ما يعرف عنها شيء ومن ذاك اليوم ما جاب خبرها ولا يدري عنها أبدا ما غير إتصلوا إدارة المجمع على رقمها يوم كانوا ما سكين خويي وما حصلوا رد واللحين هي راحت بحالها وما يعرف لها طريق وخوفه الهيئه يطالبون خويي حضور الفتاة ؟؟؟ هاه يا جماعه وش قولكم |
الله يرحم والديك ..
وش دخل الفتاة بخويك .. الهيئة جايبين خويك للمناصحة والتعهد .. وتبيهم يقولون له جب البنت علشان نطلعك .. مستحيل .. أصلاً لو كانت البنت موجودة في الوقت اللي موجود فيه رفيقك ماراح يعلمونه .. الهدف منها مناصحة الأثنين وأخذ تعهدات خطية بعدم التكرار فقط وليتذكروا بان الله يمهل ولايهمل .. وحتى لو جابوا ولي أمر الفتاة فهم أذكى من أن يجمعوا بين صاحبك وبين ولي أمره .. يعني لايظن ولو للحظة أنه ممكن ولي أمر الفتاة راح يدري منهو وهذا من أعظم الستر .. وبعدين ياأخي قل له يروح للهية ترى بيدخل على ناس مب زريبة وحوش .. بإذن الله انهم أحرص الناس عليه وعلى بنت الناس .. وبعدين ياأخي قل له مب شغلك وش بتزين الهيئة ووش بيقولون لك .. أنت أخطأت خطأ مب سهل ولابد تأخذ جزاءك من هالعذاب النفسي اللي أنت قاعد تعيش فيه .. ولاتنسى أن الله قال [وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى] .. أبو سلطان المعذرة ياعزيزي فقد أفرغت جميع مافي جعبتي .. ولعلك تعذرني في عدم تكرار الردود .. |
الله يجزاك خير إخوي التويجري
عارف إني سويت لكم قلق بس ويش أسوي بخويي الله يهديه ويريح باله غلط غلطه ماهو عارفن لها وماهي من سماته لكن ما نقول إلا قدر الله وما شاء فعل على العموم كفيتوا ووفيتوا والله يستر ويسهل أخوكم أبو سلطان :) |
لا تنس بأن النصيحة تكون لكل على حدة ..
ولكن قد يسأل عن الفتاة لزيادة الاحتراز وقد أخبرتك بأن يكون صادقاً وسيعينه الله .. هم سيتقصون فلا يخف |
اقتباس:
|
الله يجزاكم خير إخواني
ما قصرتوا الله يفرج لكم دنيا وآخره أخوكـــم: أبو سلطان :) اقتباس:
|
| الساعة الآن +4: 12:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.