|
أعضاء الرياض أكثر من بريدة في منتديات بريدة ستي هل هذا صحيح ؟
السلام عليكم ..
قبل كل شي الموضوع للاخ د.قلم .. http://www.aborenaz.com/smilies/smil...wheelchair.gif ولعدم معرفته بطريقة وضع الاستفتاءات وضعته بدلا عنهـ .. مارأيكم أيهم أكثر الأعضاء الذين يسكنون في الرياض أم الذين يقطنون بريدة .؟. بانتظاركم .. |
..
جزاكـ الله خير .. بس خابرن د.قلم ما وافق أنك تنزل فكرته ..;) ولا أنا واهم ؟:rolleyes: أما صورة الشايب .. فأهم شي السُكّر .. :) :) :) |
واهمــــــ
|
لا لا أعتقد أن القصيم أكثر من الرياض....
|
تم التصويت ، مع اعتقادي بصحة ما جاء في العنوان .. |
ياخى عادى الاخ شوف شجرررررررررررررررر:eek:
|
الأعضاء اللي ساكنين بمدينة بريدة أكثر من القاطنين بالرياض وبلا مقارنة .
وبالله التوفيق .. |
يبطي عظم .. أبو قلم .. يكفي ان المنتدى أسمه ( بريدة ستي ) بس انتم يأهل الرياض .. حاشرينه معنا .. ههههههههه |
اقتباس:
مشـكلة خوي الـسرو انه نـطـل الموضوع بـطريقه مؤبـه وأنا ماسمحت له :i121 لا وزين بعد ماكتب انه فكرته!!!!!! لكن بالنسبه للسكر ابـو علي قايسه اليوم وطلع تمام............ عاد تراي امزح معك ويفداك الموضوع وراعي الفكره |
السلام عليكم.. ان كان يوجد هنا اعضاء من الرياض.. ان دل هذا فإنما يدل على ان منتدى بريدة ستي زين . . |
اخوي مشكور على الموضوع
اما بالنسبة للجواب انا اتوقع اهل بريــــدة اكثر بلا منازعة |
من كثر أهل بريدة والقصيم !!!!!!! أطلعوا لشارع الخبيب يوم الجمعة وأحكموا .
شي تو |
تم التصويت .. واعتقد ان الرياض اكثر بكثير من بريدهـ.. .. |
حبيبين أنتم الرياض أكثرمن بريده أضحكتوني
بريده ستي وبعدين الي من الرياض يعدون بالأصابع |
شمولية و كارزمية المنتدى عاملان أساسيان في جذب أعضاء من خارج المدينة المتسمي بها
و يبدو لي أنها تحسب لصالحه . وجود أعضاء من خارج بريدة في منتدى بريدة ستي غالباً ما يعود لأصولهم القصيمية و رغبتهم بتعويض نقص النفس القصيمي عبر الأثير الإلكتروني و هذا ما نمارسه نحن أيضاً إذا غادرنا بريدة لأيام معدودات . آآه .. تذكرت أن الموضوع ليس طلب تحليل و إنما أستفسار فقط .. :) عالعموم تم التصويت و شكراً لكم جميعاً . |
وعليكم السلام ورحمة الله وبركاته
ياحليييييييييييلكم يااهل بريدة دخلت الموضوع وانا باصم بالميه انه اعضاء الرياض اكثر بس ماشاء الله تفاجأت ان بريدة اكثر الله يكثركم ويعزكم ويكثر قروشكم وحريمكم وبزارينكم,, اخوكم,, ســلــمــان,, |
ودي ادري وش هالكسل اللي بكم ؟!!! معقولة أكثر من 200 زيارة للموضوع وعدد التصويت 45 بس :eek: وبعدي وراه بعض الناس يتفلسف همن يقول إيه صح أثرهم ما طلبوا فلسفتي همن يقعط :109: <<< قربت شوتته :068: <<< خلاص خلاص صحيب ترانا خويا أنا وإياك :040: مثل سالفة العجوز اللي أرسلت رسالة لولدها و يوم وصلت الرسالة وفتحه وقراه :060: لقاه كاتبه بآخر شي نسيت يا وليدي احط الدراهم وما فطنت إلا عقب ما صكيت الظرف بالصمغ :096: شكله تعقد كل ما لقى له صبيه :052: لزق بابوه همن عاد الأبو يعطيه أشكل :rolleyes: <<< أشكل وإلا حكم :D <<< أقول عجّل ولا يكثر :mad: <<< طيب :eek5 عموما حصل خير مع السلامة:08: |
وفقكم ربي
لا أشك أن أهل بريدة أكثر مع أني من قاطني الرياض محبكم في الله بوسلمان :) |
فيه شيء بغيت أقوله
صحيح إن أهل بريدة أكثر بس أحس إن نسبة المهمين بالمنتدى من كتاب وبعض المشرفين يقطنون الرياض تراي مانيب أعني نفسي وأنا أقل من أن أكون مهماً ولكن هذا ما بدا لي من بعض الأسماء التي عرفت أنهم يقطنون الرياض طبعاً ولا يهونون شباب بريدة شكل الطراق مهب بعيدن عن !! |
مازلنا بانتظار البقية فالموضوع تم النقاش فيه وكان الرأي ( الغالب ) عند الحضور أن أهل الرياض يشكلون السواد الأعظم ..
صوت ولاتبخل تراوهـ ببلاش :rolleyes: |
أنا أقول إن الأعضاء العرجان (جمع أعرج) بها المنتدى من أهل بريدة أكثر من أعضاء الرياض الحاليين واللاحقين :) هالحين الأعضاء سطعشر ألف وتقولن أيهم أكثر ,, الله يهديك ياخوي السرو >> :) أو أبو سبع وسبعين رجل عموماً أهل الرياض بالفعل من المتميزين الرائعين خلقاً وأدباً ,, وأنا أؤيّد ماذهب إليه أخي بريماكس من أن الإصول القصيمية تلعب دورها في ( عودة الفرع للأصل) ,, |
| الساعة الآن +4: 03:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.