بريدة ستي - استفسارعن مستوى بعض الشقق ببريدة.

بريدة ستي (http://www.buraydahcity.net/vb/index.php)

- أخـــبـــار بــريــــدة (http://www.buraydahcity.net/vb/forumdisplay.php?f=66)

- - استفسارعن مستوى بعض الشقق ببريدة. (http://www.buraydahcity.net/vb/showthread.php?t=74448)

أبونوف القحطاني

08-03-2007 03:23 PM

استفسارعن مستوى بعض الشقق ببريدة.

اخواني ارجو الافادة عن مستوى بعض الشقق المفروشة ببريدة من حيث مستوى النظافة والخدمات اما من حيث الاسعار فليس هناك اشكالية والشقق هي :
1ـ البرنس الذهبي للاجنحة الفندقية .
2ـ منازل الحمراء للوحدات السكنية المفروشة .
3ـ المسكن الفاخر للوحدات السكنية المفروشة .
ارجو الافادة ايها افضل وذلك بصورة عاجلة وجزا الله خيراً من افادنا .

abo suliman

08-03-2007 03:29 PM

4 - البنفسجية للشقق المفروشة ..

حجر	08-03-2007 03:52 PM

هناك شقق روووووووووووعة اسمها
قصر السلام
وهذه تجدها بتقاطع شارع الوحدة بشارع الإمارة
فهي نظيفة جدااااا

أبوالطيب الخبوبي

08-03-2007 04:18 PM

البرنس الذهبي أفضل من ناحية النظافة والتنظيم
وحسن التعامل وشكراً.............................

المسفهل

08-03-2007 05:51 PM

تبي تطيع شوري ..

لا تعدى البرنس الذهبي .. فنظافتــه وتعامل موظفيــه وإنشراح الصدر في ساكنيــه تدعوك بأن ترتاده كل ما أردت السكنــى ..

وأخص بذلك فرعهم في طريق الملك خالد [ الشاحنات سابقاً ] ...

جربــه مرّه لن تنســـاه بالمرّه :) ...

سعفة	09-03-2007 03:55 PM

يابعد قلبي يا ابونوف القحطاني أنت وعيالك ياخلفهم
عين فراش وعين غطاء ،،، دارنا تفداك ياحبيلك

خل عنك الشقق وسير علينا والله مير يحييك يا ألبي

وان تسانك مستحي فالراي راي الشباب ، هالشقق ماليتن بريدة
بكل شنق تلقا شقة وانا ما ادري ان تسانك تبي شهر وزيادة
علمنا ياحبيلك حتى ندور لك من هالرخيص الكويس

وان تسانك تبي ارقامهم نجيبهم لك

ِِ°ِِِ°ِ°ِـــــــــــــــــــلااااا ااااااااااااام

المنخرش

09-03-2007 04:16 PM

يمدحون شقة موفنبيك

أبونوف القحطاني

09-03-2007 08:53 PM

جزاكم الله خيرا وتعبتكم معاي يا بعد حي تسللللللللللللللللموا وشكري لك ياسعفه

ولكم تحياتي وهذي أول زيارة للقصيم من 35 سنة !!!!!!!!

قصي100

10-03-2007 02:44 PM

حياك الله أخوي / أبو نوف القحطاني

في ربوع بريده

أتمنى لك قضاء رحله جميله وممتعه

دامك تقول منـ 35 سنه

حياك الله في فندق موفنبيك .

وإذا تبى شمال شوي شقق الوطن مادخلتها لكن شكلها مرتب وحلو .

مدير بريدة

10-03-2007 03:14 PM

البرنس هي الافضل من وجهة نظري

تحياتي لك وتمنياتي لك بالتوفيق وقضاء اسعد واجمل الاوقات

مدير بريدة

مدير بريدة

10-03-2007 03:15 PM

هههههههههههههههههههههههههههههههههههههههه
المنخرش ما يبي شقة مرتفعه تسبب الدوخه

تحيااتي
مدير بريدة

A N A S

10-03-2007 04:02 PM

عليك بس بشقق تاج السلام مره حلوه خدمه

على تقاطع شارع الإمارة والوحدة داخل البلد

فيه بعد خدمة DSL مجانيه .

أنصحك فيها والأسعار مره زينه .

الوسيــــــم

10-03-2007 06:00 PM

البرنس الذهبي ممتاز بشهادة الكل ..
وأيضاً فندق موفنبيك ..
وضيوف الوطن شمال بريدة ..

عموماً البرنس الذهبي ممتاز .. وله عدة فروع ..
فيه بحي السلام وفيه بطريق الملك خالد فرعين ..
وفيه بطريق الملك عبدالله ..
<< عز الله أنه موقع ممتاز ..

وحياك الله في بريدة ..
نتشرف بزيارتكم لبريدة ..

وماتغلى عليكم بيتنا وأصحابه ..
حياكم .. حياكم ..

مدحت شوقي بريده

10-03-2007 06:27 PM

هلا بالبي ابو نووووووف ..

يالبي إسئل واحدن قطع شقق بريدة تقطيع ..

تبي أحسن شقق .. ( شقق هليون ) خلف الإمارة .. وشمال فندق السلمان ..

ولاتنسى فندق السماااااااااان .. اسعار حلوة .. ومعااااملة ( راقية )
وخاصة الدورين الخاااااامس والثالث .. بعد الترميم ..
قسم بالله تحس إنك إتسدح بفنادق 16 نجمة من زود الفخااااااامة ..

سي يو ..

المستشار

10-03-2007 11:36 PM

اقتباس:

قسم بالله تحس إنك إتسدح بفنادق 16 نجمة من زود الفخااااااامة ..

الأخ مدحت ،
يا حبذا لو تزودنا ببعض الصور ..
ممكن ؟

أبونوف القحطاني

14-03-2007 12:13 AM

شكر الله لكم إخواني على المعلومات القيمة ومساعدتي وجعل ذلك بميزان حسناتكم والحقيقة أول مرة

أجي القصيم ويكفيها فخرا أنها بلد العلماء والدعاة والفضلاء من أمثالكم فقط أحرجونا بكرمهم وطيب

أصلهم وحسن ضيافتهم فشكر الله لكم وللأخوة العاملين بإدارة التربية والتعليم للبنات حسن استقبالهم

وضيافتهم ودمتي لنا القصيم بلدا للعلم وأهله

ابن الديرة

14-03-2007 08:31 AM

حبيبي تعال تفضل عندنا ليه ندلك على الشقق وبيوتنا فاضية

الساعة الآن +4: 12:15 AM.