|
ها ماحصل في النخيل
السلام عليكم ورحمة الله وبركاته
الصراحه مادري وشلون أبدأ المهم قدّر الله علي ورحت للنخيل امس يعني يوم الخميس10\3\1428هـ ودخلت وياليتني مارحت ولا دخلت شي انا ماشفته قبل ماني مصدقه اني ببريدة يعني بين قوسين (مُعاعكسات عيني عينك ) ولا فيه حياء ولا خوف من الله ولا شيء انا مستغربه من الهيئه وينها؟؟!!!!! فيه الف سؤال بخاطري مو لاقيه له جواب... الشباب كيف دخلوا بدون اهلهم والبنات وين اهلهن والله العظيم اني خفت أسأل الله العظيم السميع البصير الحليم القدير انه يهدي شبابنا وشاباتنا إلى الصراط المستقيم وأسأل الله العظيم ان يفتح على قلوبهم نور الهُدى انه مجيب الدعوات آمـــــــــــــــــــــــــــــــــــــين |
الله يجزاك خير كان اتصلت على الهيئه وبلغت عن اللي شفت .المفروض كلنا نصير هيئه في هذه المواقف وندفع البلاء بقدر الاستطاعه |
حقيقة رأيت كل ذالك في النخيل العثيم السوق الداخلي وقد كنت انقطعت كثيراً عن الأسواق فهالني مارأيت وأضن ذلك لسببين هما
1- تحجيم دور الهيئة 2-ظعف الإنكار بين الشباب المستقيم فلم أرى واحد منهم ينكر |
انا قريت خبر الشابين اللي محكوم عليهم بالجلد في رياض الخبراء بس المفروض ان البنتين يصدر فيهن حكم علشان يصيرن درس وعبرة لغيرهن من البنات اللي مايستحن ويلبس لبس عاري ويتبرجن بالأسواق
ولو كل بنت ورجال طُبّق عليه الشرع كان صار الوضع احسن من الحين بس البنت ماراح يجيها شيء ويستر عليها وبكره تحصل نفس القصه مع نفس البنت..!!![ |
الله المستعان ,,, كل الأسواق مليانة منكرات وبالذات ( النخيل ).. تحياتي لك بكيفي .. |
الله يهديهم وصح عليتس بكيفي المفروض البنت تعاقب هي غلطة بعد مثله الصراحه تقهرن الي تجي للسوق بس تمشي ونقاب مفتوح ودي أسطره الحين معروف أن السوق أشر الأماكن و أبغضها لله وتجي بس تمشــى ونقطه ثانيه ابقوله لو هي لابسه عبات الرأس المحتشمه وماتزينت ولاتنااااظر الشباب والله محد بيطالع لها ولا بيلاحقها ولا راح أحد يتجرا يشوفه يعني احس ان البنت هي الأساس بهالمشكله !!!! @كوكتيــل@ |
كان اتصلتوا على أبو فهد رئيس هيئة السوق
من الشباب المتحمسين والمخلصين |
مساكين الشباب اللوم عليهم والبلي من البنات
ويعاقبون الشاب والبنت تروح ولاكان صار شي هذا مااشاهده اليوم ربي يهدي الجميع |
انا اشوف ان الشباب هم الذين يقع عليهم الخطأ الكبير
اما البنات يقع عليهم الخطأ الصغير وذالك بسبب ان الشباب هم المنجس في اكثر الاحيان اما البنت فهي ضعيفه لو ماجاء الشاب وعاكسها مارايح تدوره وتعاكسه وبعدين يكفي اذا علمو اهل البنت فأهلها سوف يحرمونها من الطلعه الى الاسواق وتنتهي سالفتها......... اما الشاب لازم يعاقبون لانهم سوف يكررون المعاكس الا اذا جلدوهم وفضحو بهم يالله يالله يتوبون............. اما بخصوص الهيئه الله يكون بعونهم وش يبدون .... الدوله كما هو معروف ماسكه عليهم حرية اتخاذ القرار ومحسوبه عليهم روحتهم وجيتهم الله يهدي الدوله مايدرون ان هؤلاء (رجال الهيئه ) هم حماة الوطن الفعليين وليس الشرطه كما يتوهمون وما اقول الا الله ينصر ويعز رجال الهيئه وكل من سعى لهم بالفعل والقلم والقلب |
مشكورين على ردودكم ويعطيكم العافيه
بس حبيت اعلّق على كلام ابوعجاج واقوله مافيه دخان من غير نار قال الله تعالى { وقرن في بيوتكن ولا تبرجن تبرج الجاهلية الأولى وأقمن الصلاة وءاتين الزكاة واطعن الله ورسوله إنما يُريد الله ليُذهب عنكم الرّجس أهل البيت ويطهركم تطهيراً } مو معقوله ان الشاب راح يعترض طريق المرأه وهي محتشمه ولابسه عبايه اسلاميه ياخي الحمد لله والشكر انا من عرفت الدنيا مافيه احد اعترض طريقي او قال كلمه لي لأن الوحده إذا حشمت وأحترمت نفسها صدقني راح يحترمونها ويقدرونها . انا اتوقع والله اعلم في عام 1430هـ راح تقتلب الآيه ويصير الرجال هم اللي يلبسون عباه ...!!!؟؟ |
برنسيسه بريده كلام منطقي والله
والله يهدي الجميع . |
مرحبا
انا مع من وضع اللوم على البنت .. فليس شكل العبائه او النقاب المفتوح او التمشي بالاسواق بسبب او بدون سبب هي المشكله .. ولكنها جزء منها المشكله الحقيقيه تترتب بعدة نقاط اساسيه منها *نقص الوعي *الاهمال من ولات الامور *نقص الوازع الديني *الانجراف وراء الغرائز *التقليد الاعمى لما طفح على الوجه وساد بالمجتمع وتسرب بخلسة حتى تمكن من قلوب وعقول شبابنا *ولاهم مبادرة المرأة او الفتاة بتوجيه نظرة الى الرجل او الشاب ففي نظرتها هذه دعوه لحضور الشيطان وتوسطه بقلبهما حتى يزين لهما اعمالهما فلو كل فتاة غضت من بصرها و مشت بطريقا وهي تناظر الى مواطئ رجليها لما تجرء الرجل بتحرش بها . فهي تبدء بالنظره وهو عليه الباقي .. رغم اني مرأة وادعو الله ان يصلح بنياتي وبنات المسلمين الا اني اخشى عليهن من الانجراف مع تيار سلبيات المجتمع وغرائزه والمباهات المجاهره بالذنوب والمعاصي وكل شيء يبدء بنقطه ثم يكبر الى ان يكون فيض بحار فلا نستطيع الصمود امامه الله المستعان تحياتي |
الحمد لله ماقد شفت هالاشيااااااااااااء ....... أصلاً مثل ماقالت أختي الزين نجدي هي من النظره بسسس... يعني لو تكشخت ومشيت بطريقي ماراح يتعرضون لي .... واللي تناظر الرجل هذي منزوع الحيا عنه .... يعني منتهيه تقريباً .... يعني اسوي اللي اسوي بس ما أقعد اناظر فيه وأتمقله ... عييييييييييييييييييييب يسلموا أختي .... |
من بغا الدح ماقال اح
|
الله يستر على المسلمين تراه مو بس معاكسات
ملابس عاريه لايلبسها إلى من قل دينه نسأل الله السلامه المفروض يكون أسواق نسائية خاصه لايدخلها إلاالنساء ولايبيع فيها إلا النساء |
جزاك الله خير على هذه الغيرة التي منك .
مشكورة. |
لا تحطون اللوم على الشاب لحاله ولا على البنت لحاله
لان لو البنت لابسه عباة اسلاميه كان صارت محترمه وكلن يقدرها ولو هي لابسه عباة مخصرة الشاب على طول وراة ما صدق على الله طيب وراة ما فيه حياء والعياذ بالله المهم كلهم مخطين ليش المعاكسه وش الهدف منها .. سلام.. |
شي طبيعي من أنفتاح مظلم
|
لم يحصل ماحصل لشبابنا من كل الجنسين إلا بأسباب منها
1-حصر وتقليل من دور رجال الهيئيه كأننا تنسينا أمر الله تعالى وهو يقول(ولتكن منكم أمة يدعون إلى الخير ويأمرون بالمعروف وينهون عن المنكر) 2-سماح أولياء الأمور للنساء بالخروج من البيت من دون رقيب متناسي قوله عزوجل(وقرن في بيوتكن ولاتبرجن تبرج الجاهلية الأولى) 3-عدم تذكر قول الرسول صلى الله عليه وسلم بأن أشر الأماكن إلى الله الأسوق هذه بعض الأسباب فإن كان صواب فمن الله وإن كان خطأ فمن نفسي والشيطان |
الله يهدي الجميع من شباب وبنات
المفروض يكون فيه تكثيف من رجال الهيئه لان قد حصل معاكسات اكثر من مره ولا تحسب ان بريده منزله من السماء لا يوجد بها معاكسات بل فيها معاكسات كثيره لاكن لاتعلمون فيها روح للسوق الداخلي تحياتي |
مشكورين يأخوان لكن مأقدر أكتب لأنكم ...أعطيتوا الحلول..والردود..والنقد
ولكن لهذا السبب أنا لاأذهب الى الأسواق المختلطه بالنساء ومشكوره أختي على الموضوع ..الأكثر منرائع |
السلام عليكم مشكورين كلكم على المرور والله يعطيكم العافيه والله يهدي الجميع :07: بعد ردودكم بس اللي حبيت اضيفه وارجوه من اولياء امور الشباب والشابات انهم :eek: يفتحون عيونهم عليهم شوي ولا تنسون ان :015: الشيطان حريص عليهم اكثر منا ولازم الواحد يتعب شوي بتربيتهم وآسفه على تأخري بالرد |
صاحب السمو :41 :41 :41 |
| الساعة الآن +4: 08:04 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.