|
ياسر التويجري شاعر بريدة الأول
يااهل بريدة شجعوا شاعرنا الفذ ياسر التويجري المدن الأخرى تفتخر بشعرائها وانتم تسبوا هذا الشاعر الآسر وسوف اعلانها لكم الشاعر ياسر يسير الى الأمام شأتم ام بيتم للمعلومية بأن هذالشاعر لم أتقابل معه أبدا وجراء بيني وبينه بأتصال واحد فقط لاغير لا يصح الا الصحيح
( القافلة تسير والكلاب تنبح ) |
والله يستاهل أبو محمد شاعر قوي بس زودها حيه شوي ومشكور اخوي
|
والله ياخوي الشعر هو الفصيح يجب أن نرتقي بلغتنا العربية الفصحى أما شعر هؤلاء فلا يعدو مجرد نثر يفصل بفاصل للأسف
وقد يكون لدى أي شخص موهبة ونباهة وسرعة بديهة لكن لم يحسن توظيفها في طريقها الذي يرفع بها من شأنه الله يوفق الجميع لما يحب ويرضى..... |
الشاعر ياسر التويجري
شاعر قوي واثبت وجوده بالساحه تحياتي له . |
المدن الثانية اللي عندها شعراء تفتخر فيهم لانهم يستاهلون
بالله عليك بتقارن ياسر التويجري بشاعر زي محمد العازمي (من الرس) ولاعرفناه الا بشاعر المليون مع اني ودي ان واحد من ديرتي يصير شاعر ويستاهل مع احترامي لياسر التويجري المهايط هو اللي اشهره وليس شعره |
اقتباس:
http://www.qassimy.com/sd/sounds.php?mqtaa=844 والوقت هذا وقت الشعر العامي وهو أقرب وأرغب للناس |
اقتباس:
|
أخي ياسر التويجري ليس الشاعر الأول في المملكة العربية السعودية.
أين ذهب كلاً من : تركي الميزاني المطيري عبد الرحمن الشمري محمد العازمي أليس هؤلاء من شعراء الوطن ؟؟؟؟؟؟ لماذا النصيب الأكبر من الكلام يكون لياسر التويجري ؟؟؟؟؟ (( القافلة تسير والكلاب تنبح)) هاهو تركي الميزاني يسير بشعره الرائع واللي في الخلف ينبحون .... |
اشكرك اخوي الغالي [ واسفابك] على اهتمامك بشاعرنا [العملاق] ياسر التويجري .. اما بعض الردود ابص بالعشره انهم كلهم حاسدين على الآسر لقوة وجزاله قصائده سر يابومحمد ونحن خلفك .. اكرر شكري لك يالغالي ,, اقتباس:
هلا ببنت الرس .. للمعلوميه تمنيت ان العازمي انه هو الفائز بلقب شاعر المليون لكن ذهبت الى بن فطيس .. وكلهم والله فيهم حقهم .. بس مدري ليش انتي على ياسر :oo |
احسن ياياسر
والله انت شاعر غصب على؟ |
ياإخوان ترفقوا شوي كل المذكورين شعار مافيهم كلام .. أبومحمد على العين والرأس وشاعر بريدة الأول , ومحمد العازمي والله يستاهل الملايين مو مليون واحد ولا يهون عبدالحمن الشمري شاعر شمر ويستاهل المليون دولار من شيخ شمر الجربا .. كلهم شعراء سعوديين جميلين وكنا نتمنى واحد يفوز منهم بشاعر المليون .. لا تنسى إن دولة قطر فتحت الخطوط مجانية للتصويت لشاعرهم محمد بن فطيس المري . وحنا هوشات ونعرات قبلية ولا فاز منا أحد رغم كوننا في الحلقة النهائية ثلاثة ضد واحد .. تحييييييياتي للجميييييييييييييييييع ,,, |
:41 :41 :41 :41
اقتباس:
|
كلامك كله دررررررررررررر:41 :41 :41 :41 :41
|
يــآسر ..
يآخي واللهـ يآهو شآعر صحححح بس مادريـ ورآه عليهـ النآس.. وامـآ اللــي يقــول به شعرآء بالمملكهـ .. انت متأكد انك قريت الموضوع .. ؟ يقولكـ شآعر بــريده .. مآقآل شآعر المملكهـ .. ومشكوور ياخلفهم على الموضوع .. |
اقتباس:
يستاهل كفو والله |
الى الامام ايها الشاعر الكبير
لا يهمك الحساد مايبغون احد يشتهر بشي. |
اقتباس:
نعم المهايط والغرور سوف يقضيان على ياسر |
اي شي به ريح بريدة والا طاري بريدة
يحارب من عيال التسلاب والحساد ياخي والله انكم مرضى تبون تصيرون شعار صيروا ماقلنا شي ....وش معنى انكم تسلطتوا على ياسر التويجري والا عشانه من بريدة جيتوا تسبون...والله يابعض الناس ودك تديور به وتخقله من هدارته وامش ياياسر ولايهمك احد |
عفوا ياسر التويجري ليس شاعر بريده
بل هو شاعر الوطن كله |
ياسر شاعر خطير وجاتة فرص واستغلها بشكل المطلوب الى الامام ياياسر ...
لكل بارز اعداع .................. |
الله يعينك يا ياسر
طحت بيدين أهل بريدة عاد إذا ماجاز لهم الواحد حطوه مهايطي ومايعرف ويمكن تقدر تقول الحسد شوي مع التحية... |
ياجماعه وراكم اللحين شابين ضووووو وشي ( القافلة مدري وشو والكلاب مدري ايش ) وش التوووووليف ذا اللحين الرسول اللهم صلي وسلم عليه يقول ( ... قل خيرا والا فـ اصمت ) يعني اللي جايزن له الشاعر يرد بالموضوع ... واللي ماجازله يا يرد مثله مثل العالم والا يطلع ولا كأن شي صاااار ... وبالنسبة لـ ياسر محمد التويجري من الشعراء المميزين في المملكة .. وله اسلوبه الخاص في القاء الشعر فضلا عن قدرته العالية في كتابة الكلمات ونسج القصيدة بشكل يكون كالقصة تماما ....... هذا والله اعلم |
مشكلتنا اذا سبينا اسرفنا وأذا مدحنااسرفنا
الشاعر ياسر التويجري صحيح له بعض القصائد الجيده لاكن الغالب سيء وتذكر قوله عطني زقاره كنت ولا دفدوف ابشرب الدخان لو كنت مطوع وتذكر تفاخره ومدحه المبالغ فيه بنفسه وبعدين الشاعر مو شرط يميل العقال ولا يحط له قذيله ولا يصارخ علشان ينجح بالأخير كل هذا بكوم وقصه بشاعر المليون بكوم يوم يفشلنا مع الشيخ محمد بن زايد يوم يقول للشيخ ماهم الا هم العرس ولا وجع الا وجع الضرس يعني شمعناها شحاذه عالهوا يومها فشل السعوديين كلهم الله يهديه ويسامحه |
هذا شحححححححاد
رقم واحد |
والله لو تفتح فؤدي بالمقص....وتقلب الكرشه وتبعثر بالطحال
طارت عيونك وقلت اص اص------شي يمشي تسنه لابس نعال مادريت اني متعشي حمص----- حمص بنكهة الفصفص خيال وشرايكم ماصلح شاعر بريده؟ |
:097: ياسر,فشلنا فشيله وقدام أمة لا اله الله, يوم قعد يطر عند ولد الشيخ زايد ويطلب الفزعه بزواجه ,فس برنامج (شاعر الملين.ماتنغسل عن الوجه...
|
اقتباس:
ياخوي لو يدخل اجنبي ويقراوووه يحسبنا كلنا مثلك مانعرف للكي بوردات وشي فس برنامج تذكرتي انشوده تقوله امي وهي: سلمى سلمى طاحت بالماء قال ذنيبه فس فس والعقارب تخترش |
أه يا تركي الميزاني
|
السلام عليكم
صراحه للاسف كثير من الردود تحمل الضغينه بينهم ... كل شخص له حريه باختيار الشخص والكلام في الشخص اذا مافيه جرح له ... وليس لكل شخص فرض رأئه على الناس سوا من الكاتب وذالك على ردودهـ على الاعضاء او الاعضاء بردودهم على الكاتب ... اذا لاتوجد لديكم تقدير فيما بينكم اروج يكون للاعضاء البقيه تقدير واحترام والترفع عن الكلام البذئ .. اما الشاعر ياسر التويجري ... يمتلك خامه من البداهه والذكاء ... ويستاهل تسميته بالشاعر وطريقته بقول الناس مهايطي طريقه ذكيه لايعرفها الا من يتذوق الشعر .. لانه طريقه بحيث يفرض نفسه .. ماكنت اعرف ياسر التويجري الا بعد كلام الناس وسبهم له والعاقل من يحكم بنفسه ولايصدق الناس حتى يرى باام عينه ... كم شخص تكلم على من اكبر منه ليس اهانه له ولكن باابراز شخصيته كثير من الناس يقول يعني يرقى على اكتاف الناس .. الشاعر يختلف عن عن بقيه الناس .. لانه اذا ارتقى على الناس مع الشعر سأيعرف الناس شعرهـ ويحكمون انه اترقى على شخص بقصد حسن او قصد سئ .. وكل شخص يخرج على الساحه يقول سأكون انا الاول بالساحه مثل الشاعر سعد علوش قال انا المركز الاول واثبت وجودهـ .. لكن انا عندي عتب على الشاعر ياسر .. ان يترك عنه سفافه الامور ويتكلم بلهجه تليق بالمجتمع وليس كلهجته التي خرج بها مع اميره الفضل بقناة روتنا .. كأنه بين اصاحبه وليس بين جمهوهـ ارجو ان تقبل رأي بصدر رحب |
| الساعة الآن +4: 09:17 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.