|
. . : : الموظف في جيان : : . . يفجرالمفأجأة بتعمدهم تغيير سعر الرف عن سعر الكاشير
بسم الله الرحمن الرحيم الإخوة الأعزاء / أتمنى أن تكونوا بخير فجّر أحد الإخوة العاملين في ( جيان ) [ سابقاً ] مفاجأة من العيار الثقيل حيث ذكر أن إدارة ( جيان ) ممثلة برئيس مجلس إدارتها الفرنسي تعتمد على النصب والإحتيال واختلاس أموال الناس بالباطل باعتماد طرق وأساليب لإيهام الناس بوجود عروض ترويجيّة بينما أن كل ما في الأمر لعبة لا ينتبه لها الزبون وخاصة من يشتري أغراض وحاجيات كثيرة يصعب معها تدقيق الحساب عند اجتماعها . وأوضح الأخ الكريم أن جيان يعتمد سياسة تحايليّة لإيهام الزبون بوجود التخفيض وذلك بمخالفة سعر الرف عن سعر الكاشير بحيث أن من يشتري حاجات كثيرة لا يدقق في الحساب ومع كثرة مشترياته لا يدقق بين السعر المطبوع على الرف وماهو مسجل في كمبيوتر الكاشير . . وأوضح أن هناك تجاوزات خبيثة حيث أن أحد النساء اشترت علبة تحتوي على عدد ( 6 ) من الكيوي والتي يبلغ سعرها تسع ريالات بــ ( 190 ) ريال وذهبت إلى بيتها وبعد فترة حضر زوجها الذي قلب مكاتب الإدارة رأسا على عقب حيث لم يجد تبريرا لمثل هذه التجاوزات التي يمكن أن تتفادى إلا أنها تلاعب ونصب واحتيال واستغلال لطيبة أبناء هذا البلد الطيب . . وإزاء هذا الكلام سألته ما إذا كانت مثل هذه الحوادث عرضية تحدث نتيجة خطأ من موظف في التسجيل أو نحو هذا قال لي الأخ خذ معك ورقة وقلما ً وكل قطعة تشتريها سجل سعرها وأثناء الحساب لاحظ هل السعر المسجل في الكمبيوتر هون نفسه السعر المسجل لديك في الورقة أم لا ؟ وستتفاجأ بأن هناك في بعض السلع تفاوت بسيط وبعضها تفاوت كبير يصعب السكوت عنه . . أنتم يا أبناء بريدة مارأيكم بهذا الكلام . . ؟ وهل وجدتم فعلا مايقوله الأخ الذي يعمل في جيان . .؟ ومادورنا كزبائن يتلاعب ملاك جيان بعقولنا . . ؟ أتركـ لكم التعليق دوموا في رعاية الله وحفظه أسد . ملحوظة / أذكر أن هناك موضوعا تحدث عن هذه التجاوزات أتمنى أن يتحفنا أحد الإخوة برابطه .. |
والله سمعنا بهذا من قبل وتعجبنا ,, ورأينا أيضاً ,, :( |
اقتباس:
نعم وجدت هذا التلاعب بنفسي حيث أني إشتريت غرض بسيط 9 ريالات بعد التخفيض والأصل أنه 10 ريال بعد ما وصلت عند الكاشير طلع بـ 9.5 هذا وأنا ما أخذت شي واجد ولا كان طلعت الفضايح وبنفس اليوم وبنفس الوقت بعد ذهب الوالد وإشترى سمك عليه عرض بنقص 10 ولما وصل الكاشير وجد السعر بتخفيض تقريباً نصف ريال والله تلاعب بعقول الناس ألحين يجي واحد ويرد ويقول أنتم يا أهل بريده ما يفتح عندكم محل إلا تسبونه وتطلعون فيه مشاكل وهذي الصراحة إن جيان آخذ الناس على عقول غبية وما دري إن بريده ما يمشي عليها الحركات مشكور يا أسد العقيدة |
بسم الله الرحمن الرحيم
والله يا أخ / أسد العقيدة هذه ماهي بعيدة أبدأً وقريبة منهم لا جيان والعثيم ولا بندة الشبعان وأنا من الناس للي مقاطعهم مقاطعه تامة ولا اشتري وكلما جيت أدخل يقول لي قلبي يا [ ؟ ؟ ؟ ] لا تدخل ترى فيها نصب وأحتيال وأعوذ بالله من حالهم . ومشكلة أن الناس متى تعي هذا النصب والأحتيال لا بارك الله في جيان ولا العثيم ولا بندة الشبعان وشكراً |
جيانا غشاشين كم مره يتعمدون السرقه ..
لابد لهم من رادع |
كفو والله كفو ياأبنا بريدة ...
فعلاً الحركات الغبية ماتمشي على اهل بريدة ...... يجب ايقاف جيان عند حده |
لاحول ولاقوة إلا بالله ،
وهالمواطن الضعيف المغلوب على أمره منين يلقاه هي من الإتصالات هي من الكهرب هي من الماء هي من المواد الاستهلاكية وحاجيات المنزل وأغراضه صدق الوالد يوم قال : راتب أبو 1500 مايوكل عيش بهالوقت وكان في زمنٍ مضى يمول قرية كاملة |
شكرا على طرح القضية المهمة ,,
حصل معي في يوم من الأيام, وبينما كنت أتصفح ورقة العروض في البيت أن وجدت سعر Dvd-rw (ديفيدي رايتر) بتقريبا 180 ريال ان كنت مانب واهم, المهم رحت على طول ومن الرف شلته,, الحمدلله انه كان الغرض الوحيد لي, السعر طلع فوق ميتين ,, وشيل وحط, ووريتهم سعر العرض, فقال لي الكاشير (سعودي شاب), أن هذا العرض حق اليوم, وحتى الحين, ماحدثنا الكمبيوترات ==> ميب علينا, دارسينه ياعزيزي .. يعني لو حسبت من كل فرد ريال بس (بحيلة) اضربه بعدد الداخلين والطالعين يوميا, فهي قضية من جد احتيال ونصب, عينك عينك .. فما بالك بالعشرة, والمية .. الله ييسر لك أخوي, والمشاركين بالطرح .. وشكرا .. |
لقد تم ممارسة النصب علي شخصيا ً . وذلك لتقديمهم جهاز مشغل DVD بسعر ( 199 ) ريال والسعر السابق لهذا الجهاز هو ( 299 ) ريال ( تخفيض 100 ريال ) طبعا ً ما يبغالها حساب .. إضافة إلى أني عازم على شراء مشغل DVD فالحاجة عندي + الفرصة التي لا تعوض = ما يبغالها تفكير لم يكن العرض عاديا ً بل يقول مذيع العرض ( لمدة ساعتين فقط ) عندها قلت الحمد لله أني كنت من ضمن المتسوقين تلك الليلة واشتريت الجهاز وما توقعت إن حماية المستهلك معدوووومة عندنا وأتفاجأ !! بعدها بأسبوعين أن أجد الجهاز في ( بندة الشبعان ) بسعر أصلي وقدره ( 212 ) ريال ويا قلب لا تحزن :confused: |
يقال المال السايب يعود السرقه
قبل سنوات وباسواق الجزيره بالرياض شاهد حمد السياري محافظ مؤسسة النقد وهو يدف عربيه تسوق وبيده اله حاسبه ويوم وصل للكاشير عطاه المبلغ بالنصف هلله يعني أنت الله لايهينك خذ اله حاسبه وتسوق واذا جيت للكاشير وطلع خطأ حسابه لاتعطيه الفلوس ورجع البضاعه ماعتقد انك ملزوم بشرائه واذا كنت تقصد الخير لجميع المسلمين صور قيمتها وهي بالرف وخذ الورقه وعلى طول لاقرب مركز شرطه |
هذا الموضوع سيكونُ ضربة تأديبية لكل من يحتال ويسرق !!
كل الشكر لك عزيزي أسد !! |
ما تعرضت لشيء من هذا
و لله الحمد لكن الله لا يوفق من يغش الناس |
أظن الطريقة من زمان لاعبها العثيم وغيره ....
تحياتي ... |
مـــــال الحـــرام لايــدوووم !!
طــال الزمن أو قصــر ..! |
جزاك المولى خير الجزاء أستاذي الكريم أبا مالك نعم حصلت معي وقلتُ في نفسي مثل ما قالت نفس ابو محمد النجدي له مهب معقولة شركة عالمية تغش :confused: وأثر ما بالفار فار طاهر :( أذكر مرة شريت مشتريات ومن ضمنهم حليب بقية 4 ريال كل عمري اشريه ويوم شريته منهم هالمرة طلع سعره 5 ريال طبعاً بالصدفة شفت سعره وقلت للكاشير السعر فيه خطأ ( أومار يقعط ) للمدير ويروح للرف ويشوف السعر 4 ريال وهو اللي يجي ويخصم الريال صح ريال ما يشكل شي لكن مثل ماقال أحد الأخوة لو من كل واحد أخذوا ريال نصب وإحتيال كان بلاوي لو أنهم قايلين عطن عشرة محتاجين أهون من أنهم يآخذون ريال إستغفال فعلاً شي يقهر من الحين يبي يشري حسابة :) عموما شكل الخطة أنفضحت والدليل أشوفهم كاتبين عبارة عند كل كاشير معناها : ( إذا كان سعر السلعة مختلف في الرف عن الكاشير فهي لك مجاناً ) أو حولها الآن عرفت وش سبب كتابة هالجملة |
غريب والله ! !
لهالدرجة الاستخفاف بعقولنا ! ! |
اقتباس:
وحيد الخلان أهلا وسهلا بكــ وشكرا لمروركـ العاطر أسد . |
دعوكم من جيان الحنون مقارنةبالمجرم والأخ الأكبر جرما واحتيالا إنه البطل
؟ ؟ ؟ ؟ ؟ ؟ كارفور.. اسمحوا لي أقول اللعين حسبي الله عليه:mad: لا أعتقد أن ثمة من ينازعه البطولة.. فقد فاز في بطولات لا تعد ولا تحصى .. آخرها مع الغفل محدثكم ..:eek5 حيث اشتريت منه سلعة بناء على ثقتي في أسعاره ولم أسأل عنها في الخارج... وبعد الفحص والتحص والقحص وجدته قد ضحك علي.. وسادّتي لاني غفل؟:096: وجدته باختصار رافع السعر على غيره 400% والله العلي العضيم وأنا على ما أقول شهيد:eek: السلعة اشتريتها منه بـ 200 ريال .. ولما سالت عنها برا كنت اظن ما أحد ينافسني سعر لقيته عند غيره بخمسين ريال بسسسسسسسسسسسسسسسسسسسسسسسسسسس :i125 قهرررررررررررررررررررررر:i121 والله العظيم يا جماعة الجودة وحده الصناعة وحده ..الماركة وحدااااااااااااااااااااه. يوم عرفت سعره الحقيقي رجعت لهم امشي مليووووون:048: وصلتهم.. سألتهم : كيف يا جماعة تضحكون علي كذا؟؟؟؟ تتوقع إيش الجواب؟ الجواب باختصار : هذا سعرنا وغيرنا يحط السعر اللي يبي وانت اختار .. وقال اننا عارفين أن سعر اللي برا كذا... صراحة قعدت اضرب اخماس باسداس:096: .................. يا جماعة العملية عندهم بسيطة؟ ينزلون السلع المشهورة والمعروف سعرها عن سعر السوق.. والباقي ياويلكم ويلالالالالالالالالالالالالالالالالالالالالالالالا لالالالالالاه ما فيه إلا قصب...:cool: انا من تجربتي أنصحكم ما تشترون إلا السلع المشهور لني وجدتهم يخفظونها بصراحة.. ثمن يصدق اللي مثلي ( دبشة طبعا ) ويبدا يضف يحسب الأسعار كله منزل سعرها عن غيرهم.......... كم أنتم مجرموووووووووووووون إيها الخونة |
معلومات خطيرة !
الصراحة إني قليل التسوق منهم ولكن أعجبتني فكرة حمل الآلة الحاسبة لتوثيق الحساب وقطع الإحتيال .. بريدة مدينـــة (( لست بالخب ولا الخب يخدعني )) ياسلاااام عليكم وبس |
بالفعل أخي أسد طريقة التسويق فيها لعب بشكل كبير والحمدلله أن وضحت لنا ماكنا نجهل شكرا لك .
|
جيان ،، كثير ما يحدث فيها نصب واحتيال .. مرة الوالد شاف بالعرض لحم نعيمي الكيلو بـ 23 .. فقال فرصة نروح ناخذ منه ، وبمان أننا من سكان غرب بريدة ، فجيان يعتبر بعيد خصوصا للشيبان .. يوم راح وبعد ما قرأ دعاء السفر قال له ياولد عطنا من هاللحيمات ، هذولي هن نفسهن الي بالعرض ؟ قال السوري مادري مصري .. لالا .. هذا مايسري عليه العرض ،، قال وين أجل الي عليه عرض قال مافيه .. قال الوالد : والي قدام عيوني ذا شو ؟؟ مب لحم نعيمي ؟؟ قال : بلى ياعم .. قال أجل عطنا منه زي ماقلتوا بالإعلان !! راح السوري ونادى مدير قسم اللحوم ، ولا الوالد محتمس .. خصوصا ان فيه واحد جاي قبل الوالد وقالوا له نفس الكلام ، هذا مايسري عليه العرض المهم قال السوري : هذا مايسري عليه العرض ، قال الوالد : اجل جايبينن من أقصى بريدة وشوله !! أعرف آخذ لحم نعيمي بـ 29 من اقرب قصاب !! بس أنا عانين أبي العرض .. قال : والله مادري ايش أأولك ياعم .. قال : لا تقولي ولا أقولك .. أنتم حاطين بالإعلان أنه النعيمي بـ 23 تعطين بـ 23 !! بعدين لو انتم قايلن والله العرض قاضي ، ممكن نعذركم ، أما اني أشوفه قبال عيني .. وتقولي ماعليه عرض !! لعب هي ؟؟ بالنهاية أخذ أبوي كم كيلو ، وراح للرجال الي جاء قبله وقال : رح خذ تراي أخذت أنا .. وعقبه ماطبينا جيان .. وياحبيل بنده والحجيلان .. سلامة عمرك عزيزي أبومالك :) |
الله يخليلنا بقالة ابوعبدالله ..
وشوله الشقا والغرابيل ... ونقعد نلاحق هذا وذاك |
كذلك أنا حصلت معي أكثر مرة لكن بصراحة أجد أسعارهم في بعض المنتجات أقل من الأسعار في الأماكن الأخرى ..
لكن هناك ما هو أطم من ذلك وهو تلاعبهم من ناحية العروض التي يطرحونها ففي بعض المرات إذا ذهبت لطلب ما هو موجود في العرض تجد السعر مختلف .. وإذا سألتهم يقولون العرض لم يبدأ :eek: بصراحة تلاعب في العقول .. |
على تسذا يغشون الناس لاحول ولاقوه الابالله
|
حسبي الله على وزارة التجارة
جيدين على الضعوف بس يا اخوان كان عندي بقاله صغيرة المهم جاني استدعى من وزارة التجارة للحضور لمدة لاتزيد عن 3 أيام . وذلك لوجود زيادة في الاسعار المهم مارحت لضروف خاصة , اليوم الثالث جاء مندوب التجارة وعطا العامل انذار رسمي اذا ماجا صاحب البقالة سوف يتم تسكير المحل و تغريمة مالكم بالطويلة . رحت لوزارة التجارة قالوا رح لقسم الغش التجارى , يوم سمعت الغش التجارى قعدت التنافض وش حنا مسوين . قعدت على الكراسي اللي برا نصف ساعة حتي بردت اعصابي ودخلت على هذا القسم وقدمت الورقة حقتهم قاالي الموضف فيه مواطن مشتكيك انك رافع سعر حليب الاطفال قلت كم قال نصف ريال . الصيدلية تبيعة في 17.50 ريال وانتم في 18 ريال واخذ علي تعهد شديد بعدم التكرار والله ان هذا صاير ليش مايطبقون على المحلات الكبيرة |
يالله مادري وش أقول لاكن مره أنا وهلي قشينا منه قش العذااااااااااااااااااب:42
يعني الوالده ماقصرت كل شي أخذته والسعر معقول؟؟؟؟؟؟؟؟؟؟؟؟؟؟؟؟؟؟؟؟؟؟ |
الحمـــد للــه لـــم يحصـــل لــي نصــب ولا ســرقـــة لأن رجلــي لــم تطـــأ [ جيـــان ] بتــــاتــــاً وللــه الحمــــد |
أجل الوالد رايح بخرايطها يقول إنه زين كل شي به....
يعني ماتبلش تطلع من محل إلى محل... ((يجب عدم السكوت عن هذا التلاعب)) أشكرك أخي أسد على هذا التوضيح |
ماذا ترجون من شركةجيان وهي احدى الشركات الفرنسيه ومالكها فرنسي
((ياناس فرنسا ألعبت على الامه الاسلاميه يعني ماهي قادره تلعب عليكم يالقصمان)) |
أقول الله يخلي لنا العثيم واسوااااقه الرجال منا وبنا ( بريداوي) وماعندهم هالخرابيط وغش الناس مشكوووور اخوي |
وين حماية المستهلك الي نسمع عنها ولا قد شفناها وين وزارة التجارة الي جيدة بالترزرز بالجرايد والإعلام والله لوهو مواطن كان شفت وش لون يسون فيه ناظر البلديات لو تنقص بلكه غرموك عشر آلاف ليش لأنك مواطن وشوله يصير عندك بيت ملك وشوله تصير تاجر وشعارهم خلانا نستفيد منك ونطلع بفايده لأن بعد كم سنه ما راح احد يقدر يبني لأن الناس ما عنده فلوس |
جيان اكبر نصابين احذرو من اشتر واحد والثاني مجاناً !!!!!! لا نهم نصابين يحسبون كل واحد بسعره مثل ما صار معي!!!! |
هذه مهوب اول مره دايم تصير لاهلي ولاقربائي حتى تركو الذهاب اليه
بدوو يرحون لبنده والعثيم افضل منه بكثير |
انا لي صديق موظف في جيان كاشير اقسم لكم انه قال لي بعضم لسانه
انهم ينزلون العروض بالبروشورات ولا توجد هذه العروض بجيان ( بعض القطع النادره أو المخفضة بأختلاف السوق ) حتى ينتهي نصف مدة العرض بعدين ينزلونها للسوق |
شكرا لك أخي أسد العقيده: لاكن الموضوع فيه شئ من المبالغه ,, والأن اشوف ((جيـــان))واضع ورقه يقول فيها للعميل الحق في استرجاع البضاعه اذا وجد اختلاف في القيمه فيما بعد .. والحركات هذي ماتمشي على راعين (((((((بـــــريـــــده))))))) ؟؟؟ راحل |
.
أول من اكتشف هذا التلاعب هم : أخواننا المصريين . وفقهم الله |
| الساعة الآن +4: 09:34 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.