|
...::: *** [[[ كــشــتــــــة الــمــنــتـــــــدى ]]] *** :::...
الســـلام عليكــــم ورحمـــة اللـــه وبـــركـــاتــه إقتـــرح ثــلاثــة مــن الإخــوة الأعضـــاء المقنـــاص ، وراعــي شقــة الملـــح ، وفتــى شقــراء علــى مشــرفنـــا القــديــر بتــاع الكشتــات المستشـــار بــرحلــة بــريـّــة بمنــاسبــة إنتهــاء الإمتحــانـــات ، فــإستحســـن المستشــار الفكـــرة وعــرضهـــا علــى مشــرفنــا بــريمــاكـــس ولكــن بــريمــاكــس وبحكــم فلسفتــه المعتـــاده :re إشتــرط للمــوافقـــة وضــع آليــة للــرحلــة ومــدى الإستفــادة منهــا ، وبعــدمـــا كــزّّ المستشـــار بــريمــاكــس بكــم كلمــة وافــق أخيــراً ، ثــم عــرض بــريمــاكــس الفكـرة روتينيـــاً للكفيــل buraidah للتــوقيــع :) . وُزّعـــت المهـــام ودُعــي الأعضـــاء وجـُـهـــز بــاصـــان للــرحلــة الأوّل يقــوده مشــرفنــا خــوي الســرور بمســاعــدة قــريبـــه بهــدل ، وأمــا البــاص الثـــانــي فقــائــده الصــديــق اللــدود لخــوي الســرور الشجـــاع بمســاعــده مــن المتحــركـ . إجتمــع الأعضـــاء والمشــرفــون فــي مكــان البــاصـــات وفــور وصــولــكـ تقــابلــكـ الأهــازيــج المـُـرحبـــه مــن الإعصـــار وبعــد مــا تعــب أخـــذ مشــرفنــا خــالــد بــن محمـــد المكــرفــون عنــه وأطــرب الحضـــور بتــرحيبــه وتهــلاتــــه :026: . وجــدنــا عنــد حضــورنــا لمقــر الإجتمــاع أن كـُـل شــيء جــاهــز ، فــكــل عضــو مــوزّع فـــي مكــانــه فــي البــاص وذلــكـ كـُـلــه بجهــود مشــرفنــا أســد العقيــدة ، وأي واحــد يعتــرض أو يخنبــــق يـُـحــوّل إلــى مشــرفنــا أبــو محمــد النجــدي للتفــاهــم معــه وتطييــر العيــون عليــه :mad: . فــي مقــدمــة الحضـــور أتــى كـُـل مـــن الحقــو2 د والشــاكــي والمحتـــار و alsrab ومــواصـــل والــدرو و بــريــدة city والحســود والأسمــرانــي .. وسبحــان اللــه مــن الــوفقــى صــاروا جميــع بــالبـــاص :018: ، وعلـــى طـــول لآخــر البــاص ، ويغطــون آخــر البــاص بــس أبشــركــم دفــاع صلـــب بــس مــزعــج لكثــرة النــقــرة بينهـــم :071: جــاء بعــدهــم مشــرفنــا النهيــم هــو وأجهــزتـــه ومكــرفــونــاتــه ويــركـــب بــالبــاص ويجيــكـ يقعــد بهــاكـ المقعـــد ويقعـّــد قــراشيعــه بجنبــه ، ويــالنهيــم وخـّــر بــلاويـّــكـ وحطهــن بحجــركـ تــرى البــاص يــاللــه يــاللــه يكفــي الأعضــاء وهــو معيــي مــن زود العنــاد ، ويقــول اللــي مــا جــاز لــه :081: ويــوم جــاء مشــرفنــا الجــديــد alfaris وينبســط أبــو معــاذ ويـفحــز لــه شــوي ويقعــده بجنبـــه .. ميــر عــاد النهيــم إنبســط زود يــوم صــار ميكــروتيــود قــدامــه وبجنبــه الشكيـــم وبعــدهــم snake والأعضــاء يــركبــون حصـــل هــوشــه بيــن إثنيــن ، وننــاظــر وإلاهــم الصبــاخ والمتــزن :014: ، واللــه يهــديــه أســد العقيــدة حــاطهــم ببــاص واحـــد ، ويتــدخــل مشــرفنــا الصمصــام بحكــم إشــرافيتــه ويحــط كــل واحــد ببـــاص والحمــد للـــه . فيتــاميـــن مــا غيــر يسجـّــل ويــدوّن كــل مــا يحصــل للتــوثيــق :033: ، أمـّــا الجــدعــان وعمــر الصمعــانــي وإبــراهيــم اليــوســـف بــالإضــافــة إلــى بـدر الشــايــع فطــايحيــن تصــويــر مــن كــل جهـــه :058: . أوّل مــا تــركــب أحــد البــاصــات تلقــى حبيبنــا حفيــد عقيــل وبجنبــه المسفهــل مــا غيــر يــوزّع إبتســامــات :) ، حسبــي اللــه عليــكـ يــا أســد العقيــدة حــاطــن الشيبــان بجنـــب بعــض :022: . تمشــي شــوي يقــابلــكـ المتــزن مــع أســامــه بــن شــداد وخــذ يــا نقــاش ، شــوي وإلى التــويجــري يتضحـــكـ كــل مــا شــاف واحــد :) . أســد العقيـــدة حــط مفتيــان للــرحلــة واحــد حطـّــه بالبــاص الأوّل وهــو عمـــر 55 والثــانـــي ليــث الغـــاب ووضــع فــي البــاص الثـــانــي . صقــر الــوادي يســولــف مـع اللــي بجنبــه وكــل شــوي اللــي بجنبــه ينبــط بـُــه وأنــواع التــدقيـــق بكــلامــه وكــل شــيء يــعــذرب بــه وأنــاظــر وإلاو عــابـــق الــذكــرى بــالبــاص الثــانـــي مجتمــع فطــاحلــة المنتـــدى فتــأبــط رأيــاً وولــد المريدسيــة وأبــو فــارس الخــالــدي ومشــرفنــا أبــو رائـــد والثــائــر الأحمــر وعبد الرحمــن الكــاتــب والنـــاقـــد ورجــل الثلـــج وأبــو سلمــان الخــالــدي والنــادم ، وأمـــا كــاتبنــا القــديــر كــرمـــع فكــان مكــانــه فــي البــاص الأول وخــذ يــا حكــايـــات ويــا سعــد مــن كـــان معـــه . وحيــد المعنــى والفــارس الملثــم مــا هنـــاهــم ليــن سلـّــموا علــى جميــع الأعضـــاء ، أمـّــا المصـــري مــدحــت شــوقــي فــاللــه لا يــوريـــكـ مــا سكتـــن طنــزة بخلــق اللــه :090: ، والمنخــرش ما غيــر كــركــره :072: . المسكيـــن الجنــي العبـــد جــاء يبــي يــركــب ببــاص خــوي الســرور عيـّــا عليــه خــوي الســرور ويقــول لــو هــو جنـــي بــس تســان ركبتــه بــس جنــي وعبــد معصــي ، راح للبــاص الثــانــي ونفــس الحكــايــة عيـّــا عليــه الشجـــاع وقــال لــو هــو عبــد وبــس تســـان ركبتــه بــس عبــد وجنــي مــا تنصــرف ، ويجيــكـ الصمصـــام ويقنــع الشجــاع والحمــد للــه إنتهــت قضيــة محبــوبنــا الجنــي العبـــد . الغــريــب بــالأمــر إن المنسـّـق جــامعـــن أي واحــد يحمــل أســم حــي مــن بــريــدة جميــع .. فــالبصيــريــة وولـد البصيــريــة وولــد الصفــراء هاللــي بلشــن بــالأخبـــار وفتــى الفــايــزيــة ، والشقــة السفلــى وغيــرهــم كثيــر مجتمعيــنن ببــاصــن واحـــد . أزيــن مــا بهــالــرحلــه عــودة كثيــر ممـّــن إفتقــدنــاهــم فهــذا تهــاويــل والشفــوق والمتــوهــج والــرازي واللــيــزر وأبــو الفهــود وقلــب الــذيـــب وغيــرهــم كثيــر خــاوونــا بــالــرحلــة وواعــدونــا بالــرجــوع وعــدم الإنقطـــاع ، كــذلــكـ إجتمعنــا بــالمتغـربيـــن أمثــال أبــو نجــديــه وكســـاب وولــد السيــح وغيــرهــم . حصــل لنــا الشــرف بهــالكشتــة بشــوفــة الكثيــر مثــل مخــاوي الصمـــت والــراصـــد والــروشـــن وميمــون والفتــى أحمـــد والطمــــوح 99 والــواثـــق وقــرنــاس اللــي عــانيــن مــن الــريــاض اللــه يجــزاه خيــر ومــن معــه وكــذلــكـ أخــو دريحـــم ــ أبــو الأخبـــار ـــ وأبــو مصعـــب وعبـد الــرحـــمــن الثــانــي ومعـــالي الــوزيـــر والمثمـــن . أمـّــا مســؤول الأسئلــة الثقــافيـــة فكـــان قــاهــر الــروس ولكـــن راعــي بــريــدة غطــى علــى كــل الحضـــور فقبــل مـــا يـُـكمّـــل الســوآل تجيـــكـ الإجــابـــة مــن ذلــكـ النــابغــــة وأمـــا المعتــز بــدينـــه فكــان دائــم التصــويـــت والتشجيـــع لقــريبـــه قــاهــر الــروس :026: فــي أحـــد البــاصــــان يـُـخيـّـــم الهـــدوء علــى وسطــــه وبعـــد التحــري والنظـــر وجــــد قــاطنــــه العمــــود . الغــريــب فــي أمــر هـــذه الــرحلــة أن الكفيـــل buraidah يشـــاهــد منظــر ركــوب الأعضـــاء والمشــرفيـــن وكــأنــه لا يعنيـــه شــيء مــريحـــن دمـــاغــــه وكلمـــا شكــى أو إقتــرح أحــد الأعضــاء عليــه شــيء حــوّلــه إلــى بــريمـــاكـــس ==>> المسفهــل GUST أخـــذ كـُــل عضــو ومشــرف مكــانـــه فــي الحــافـلـــه وتــوكلنـــا علــى ربنـــا وتــوجهنـــا إلـــى الــدهنـــاء بقيــادة الــدلــولــة وشيـــف الــرحلـــه أبــو لجيــــن . فــإلــى أحــداث وروايــات الــرحلـــة |
المسفهل كككككككككك <<< تبي الصراحه ترى ماقريتها بس احجز اول رد ققققققققق
وان شاء الله بغراها اوتسيه |
موضوع متعوب عليه ..
أجل الشجاع هو سواق الباص الثاني ..:i121 الله يعين اللي راكبين معهم .. غشيم الله يصلحه يوديهم لم البطانيج والمطبات .. http://www.cosgan.de/images/midi/sportlich/a065.gif كم مرة غرز بهم همن يحولون الل معه يدفون .. عاد تشوف المصري مدحت من زود الهدارة .. العالم تدف ورا وهو يدف قدام .. يالله أمال ليه مابيمشيش :confused: همن يجي المستشار ويطحله .. ياهدر هالحين زود من أنك مروحن بنا بريح الثوم .. تدف عكس !! أنزلع بذاك يالله ..http://www.roro44.com/smilies/evil/017.gif همن مدحت يبدا يحلطم : مابعرفش ليه بيروحوا للتراب .. http://www.cosgan.de/images/midi/traurig/b005.gif ليه مابيروحوا لحديأة المحكمة ويلعبوا كورة هناك ..السعوديون دول متخلفين .. http://www.roro44.com/smilies/sad/017.gif همن يمعط أذنه الكفيل .. قم قامهـ .. قم دز معنا ..http://www.roro44.com/smilies/sad/018.gif عاد وهم يدفون يكتشفون أن الشجاع رافعن الجلنط وهم يحول يدفون من الصبح همن يكوفنونه ..http://www.roro44.com/smilies/evil/024.gif واللي معي مرتاحين علطول نصيت بهم المكان .. ونزلنا العفش .. http://www.cosgan.de/images/midi/sportlich/s020.gif http://www.cosgan.de/images/midi/konfus/g015.gif الصمصام ماغير يكلم من يوم مشينا http://www.roro44.com/smilies/crazy/005.gif والنادم وعمر 55 قاعدين يقرون الروض المربع .. ويتناقشون بمسألة .. عاد يجي المتزن ويقول مسألة شاذة همن يناقشونه ..http://www.roro44.com/smilies/evil/014.gif المنخرش يحول يدور مكان لرجلينه .. خبركم مابش مكان لعصاقيله المراتب قريبات لبعض .. http://www.roro44.com/smilies/sad/004.gif حفيد عقيل وكرمع يقصون قصص .. عاد تشوف الشباب منسجمين معهم .. همن يشمون ريحة تتن .. http://www.roro44.com/smilies/smoking/002.gif عاد لهالحين مايدرون منهو .. أبو مهند يقول جيبوه لي وأعطيه gust .. الموضوع يستاهل ختم التميز + التثبيت . |
فــي مقــدمــة الحضـــور أتــى كـُـل مـــن الحقــو2 د والشــاكــي والمحتـــار و alsrab ومــواصـــل والــدرو و بــريــدة city والحســود والأسمــرانــي
يا حول انا داخل قبل هالعلل الي معي علشان اخذ ازين مكان احح احح احم الله يهديكم مليت من كثر الهواش فرقونا فكونا من هالمجموعه المفروض الي معي بالباص الشاكي والحسود والاسمراني لانه مسالم والدرو علشان ينكت علي والسراب ما ابيه ولا شلته مواصل والمحتار واحيانا بريدة ستي >> مرة وحدة تسلط عليه وجدعه برا القائمه >> ماله خاتمه >>>>>>>>> اقول اسكت وكمل هواشك ازين لك مشكور اخوي المسفهل سلام.. |
موضوع رائع ومسلي .. متشكرين حبيبنا .. :) |
اسلـــوبــــــــ رائع أخي المسفهل ....
والتناسق مظبوط كلٍ وطبعه !! شكراً للاطراء :) ] خنشوفكـ [ :D |
:D قســـم باللهـ إنكـ منسمـ .. :110: والسراحهـ اخذت بنــآ جوو .. عقبآل صز < :027: شيغرررن المسفهل مسفهل :p < مكثررن دراسهـ اليوم :rolleyes: |
ههههههههههههههههههههههههههه
أضحتس الله سنك يا شايبنا ، أجل قاعدن بجنب حفيد عقيل ، والله إنك عارفن له ! :) ومالقيت إلا أنا تطنز بي بالقراشيع .. :113: تبين أكمخك بالمايك اللحين :113: ولا أدبجك بهالسماعة الي كبر كبوت جمس أبوي :113: موضوعك منسم وروعه يا ألبي .. يسلمووووووووووووووووو < - - مهب يقلد أحد :113: أجل الصباخ والمتزن تلاقطوا ..هع :113: المتزن جايبن شريط موسيقى هع هع هع :113: وعيّوا عليه اللجنة الشرعية [ عمر66 ] و [ ليث الغاب ] :113: وقال ماراح نصلي بالمسجد .. :113: نبي نصلي جماعة :113: ياحبيلكمـ ـ ـ منسمينـــ ـ ـ ! نصلح نصير أهل :113:! |
ممتاز جدا
ما شاء الله عليك |
مُتابع ...أسلوبك جميل ورائع ..... بس مالك حق الصباخ والمتزن فرقهم وحط كل واحد في باص:i121 |
ههههههههههههههههههههاي :d أبومسفهل يا منسم .. عز الله أنك منسم .. وين يالحبيب حاطن مع رموز المنتدى الثائر الأحمر وشلته .. تراي ما أديره :113: ههههههههه أجل المتزن قال مسألة شرعية مخالفة ، هلابيك ... تلقى عمر 55 يلج عليه .. وأبوصم قاعدن بينهم ياويلي ييؤيؤيؤ . . متابع ، ولي عوده .. |
اقتباس:
متابع ...ولي رجعه |
أنواع الكيافية .. يالمسفهل .. قسم بالله يأنت دخلتن جو ... إلى الآن أسبح في أزقته وأسيابه :) .. ...... الله يسعد أيامك يالمسفهل .. وننتظر تكملة الموضوع .. |
هههههههههههههههههههههههههه الصراحة أول خمس سطور أحسبكم صدز كاشتين :113: بس والله يا أنت عرفت وظايف الأعضاء السيناريوا بالمقص يامنسم واليوم موضوع وباتسر بالدهناء ان شاء الله بس خل الشتاء يجي ياحبيلك . أجل ياخوي السرور النادم وعمر55 يقرون الروض المربع هههههههههههههههههه موضوع يستاهل مب أربع مسامير الا باتكس خله يبتل مثبت خل نكشت بالسواليف والهواش |
يطلعون ولا يقولون لنا...!:cool:
مالكم حق صراحة؟! :oo المرة الثانية حطو عندنا (خبغ):D |
شكلنا انا والحقــو2 د والمحتـــار و alsrab ومــواصـــل
لجه باالباص من كثر المناقر |
مبدددددددددددددددددددددددددددع
هذي المواضيع الصح تكفى تسثرلنا منهن والله يا أنت فخم وبس هذا الي أقوله |
أزيــن مــا بهــالــرحلــه عــودة كثيــر ممـّــن إفتقــدنــاهــم فهــذا تهــاويــل والشفــوق والمتــوهــج و
اقتباس:
أحسن مابلموضوع وش أقول هجت بي والله ابداااااااع ليس له حدوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووود |
مشاء الله رحله رااااااااااااااااائعه لكن للأسف لم يكن لنا نصيب منها ننتضر التكمله يامببببببببببببببببببببدع |
أهــلاً بــالكشـــاتــة أهــلاً وسهـــلاً بـالجميـــع متكـــي وأفصــفــص أتمنـــى أن مــا قــرأت بعــد عـــودتـــكـ نــال إعجــابـــكـ فــأهــلاً وسهــلاً بــكـ وبــأولــويتـــكـ فــي الــردّ خــوي الســـرور شكــراً أبــو ســـر علــى الختــم ثــم شكــراً علــى التثبيـــت وعلـّــكـ تـشـــاطــرنـــي بــالمــوضــوع بــإضــافــاتـــكـ البـــاسمـــة :) وحيــاكـ اللــه الحقـــو2د اللــه يصلحـــكـ حتــى بـالــردود تــدورون الهــواش مــرحبــاً بــكـ أخــي الكــريــم alfaris مــرحبــاً بمشــرفنــا الجــديـــد وأهــلاً بــكـ وبـــإطــلالتــكـ الســـارّة الفتــى أحمــــد قـراءتــكـ وتعقيبــكـ أدخــل الســرور إلــيّ فـحيــاكـ اللــه .. وبــاركـ اللــه فيــكـ الـــدرو مــرحبــاً بـــكـ وبــإعجــابـــكـ وجــزاكـ اللــه خيــراً النهيـــم مــرحبــاً بــأبــو العنـــاد ، واللــه يهــديـــكـ مــا أفحــزت ليـــن جــاء خــويـّــكـ والمثــل يقــول [ بيــن الأحبــاب تسقــط الآداب ] وأهــلاً وسهــلاً بــكـ أبــو معـــاذ يـــوســـف 5 شكــراً لــكـ ولثنــائــكـ وبــاركـ اللــه فيــكـ وفـي إطــلالتــكـ للمــوضــوع رجــل الثلـــج أهــلاً بــالعمــلاق .. أهــلاً بكــاتبنــا الكبيــر كــم أسعدتنــي زيـارتــكـ وقــراءتــكـ وثنــائـــكـ ومتـــابعتــكـ |
أبــو رائـــد إن لــم يكـــن أبــو رائـــد رمــزاً فمــن يكـــن شكــراً لــكـ عــزيــزي بتفضلــكـ بــالــزيــارة والقــراءة وأهـلاً وسهــلاً بــكـ عــابـــق الــذكــرى مــرحبــاً بــالــدقيـــق والبـُــر :) أخشــى مــا أخشـــاه أن تتلـقـّــط علــيّ مــا يسقــط عفــواً منــي مــرحبــاً بــكـ وبــإعجــابـــكـ الجنــي العبـــد أهــلاً وسهــلاً بأم الهكـــي أقــول إدع للصمصــام يــوم أنقــذكـ مــن ذلــكـ المـــوقــف وإلا كــان أنــت فــي خبــر كــان :) أسعـد اللــه أيــامــكـ وجــزاكـ اللــخ خيــراً بــدعــائــكـ لأخيـــكـ قــرنـــاس تـــشششش .. تبينــا نكشـــت ولا نعلمــكـ .. ؟؟ لــن تكتمــل الــونــاســة إذا لـــم يكــن قــرنــاس من ضمــن الحضـــور .. !!! مــرحبــاً بـــكـ وبــإطــرائـــكـ المـُـسعــــد فــانتــوليـــن مــن يقــول إنــكـ منتـــب معنــا .. أفــى عليــكـ بــس .. !! أنــت معنــا بــس [ نيـــم ] :) أسعــدنــي مــروركـ الكــريـــم أخــي العــزيـــز الشـــاكـــي أنـــتــم تبــون مــن يــاخــذ علــى يــديكـــم ولعلنــا نحـــاتســي المنسـّــق بــالتفــريـــق بينكـــم مــرحبــاً بــكـ عبــد الـرحمـــن شهــادتــكـ وســام علــى صــدري فشكــراً جــزيــلاً لــكـ ولمــروركـ العــطـــر الــرازي حــيّ هــلا ومـرحبــاً بــكـ وشكـراً لإطــلالتــكـ المبــاركـــة جــروّح دوركـ جــاي بــس لا تستعجــل ، ولــم تـُـنســـى مــرحبــاً بــكـ ، وأسعــدتنــي طلـّـتـــكـ البهيـــة |
المسفهل والله انك صدز مسفهل والله الكشتة رووووووووعة ياحول يالجني العبد أجل كلٍ يقول ماأبيك رح للباص الثاني وراكم عليه اقتباس:
والله ياأنا بتلت أضحك :D ننتظر تكملة الكشتة والله وناااااااســـــــــــــــة :: سفن اب :: |
ههههههههههههههه تنسيمـ هالكشته ماشاء الله عليكـ يالمسفهل ننتظر ابداعاتكـ |
اجدع همومك التي كأنها ( قراشيع ) النهيم .. ماااااشاء الله أسلوبك خيااااال .. و توظيفك للشخصيات في القصة أروع تصلح رائد أسرة بمركز صيفي عشان توزع المهام على الشباب <== أهم شي بالمراكز :41 مشكور يا شايبنا .. أمتعتنا .. |
السلام عليكم .. ماشاء الله اسلوب رائع
جميل وماشاء الله عليك كل شخص بمكانه المناسب . اجل السواق الي بجنبي الشجاع دور احد ناصل .. اسبقونا ونلحقكم !! نحن بالانتظار ياعزيزي .. |
اقتباس:
أنا قدام أهههههههههههههههههوووووووووو . مشكور على هذا الموضوع |
حركتاااااااااااات يالمسفهل .. موضوع متعوووووب عليه .. اجل المتزن والصباخ تدابغوا ..:D واصل يألبي ..:) |
سلام عليــــــكـــ:41 ماشاء الله اليوم مسفهل :) الله يجعل أيامك دوم مسفهله :D وأفضل شئ بالكشتــــه تنظيم أيها المسفهــــل :) بانتظار بقية الرواية : 12 |
[center]
اقتباس:
ولد الصفراء ... معنا بالباص .... الله يعين أي واحد يمر بجنب باصنا مهوب سامع إلا نشرات الأخبار . . والظاهر إنه محد يبي يسولف بالباص لأنه إذا جاء أحد يسولف يبي يقول ولد الصفراء اص اص خلونا نسمع الأخبار والله يا أنا أحس إن معنا المذيع الراحل ماجد سرحان حق اذاعة لندن . . لكن هين نريد من المسؤل عن الرحلة منع اصطحاب الرادو و الجرايد انتظروني لأخبركم بمجريات ( كلمة قوية ) الأخبار .... .. . النقط هذه شويه مهوب على عادتي والسبب علشان أوفر مجهود لترتيب وربط العفش |
مشكور على هذا الموضوع الجيد . مشكور |
فــي طــريــق ذهـــابنــا إلــى الــدهنـــاء .. تــوقفنــا عنــد أحــد المحطـــات لتــزويــد الحــافــلات بمــا يـُـرويهــا وكــذلــكـ بمـــا يـُـروي ويـُـشبــع بطــوننـــا ، إلا أن الــدعــوى غــدت زيطـــه فكــل واحــد ذهــب بحــال سبيلــه فهــذا البــوارق أشغلنــا بالمكــالمـــات :034: وهــذا المسفهــل و نــور الصبـــاح ومــدحـــت علــى طــول للمطعـــم :059: وبعــض النــاس راحـــو لدورة الميـــاة ، أمــا المعــاريــس الجــدد أســد العقيــدة وفيتــاميــن وأبــو محمــد النجــدي فــإستغلــوا التــوقـــف للإطمــئـنـــان علــى أم العيـــال :) ، أمـّــا أحــد المشــرفيــن فبــمــجــرد تــوقفنــا وجــدنــاه خلـّــص بعــض الأمــور عــن طــريــق الجــوال ووضــع اللمســات الأخيــرة لمشــروعـــة القـــادم:115: . ركبنـــا ومشينــا متــوجهيــن إلــى مكـــان المخيـــم وبعــد تحضيــر خــالــد بــن محمــد لــلأعضــاء وجــدنــا أن ســـامــي بــريـــدة ونجــدي 220 و ajmn منسيــون فــي المحطــــة ويــاللــه يــا خــوي الســرور إرجــع خــل نــاخــذهــم ، فــرفــض بحكــم أن أحــدهم قــد هــاوشــه فــي أحــد المــواضيـــع وزود علــى ذلــكـ مــا بــاركـ لــه بــالإشــراف :oo ، فطـــق الشجــاع صــدره ooo1 لإثبـــات أنــه أطيــب مــن خــوي الســـرور ورجــع وجــابـــهـــم لنــا . راشــد الصليحـــان حـــاط بــالــه لأي سلبيــه تــواجهــه فــي الــرحلــه حتــى يضــع مــوضــوعــاً لــذلــكـ وتتــم معــالجـــة تلــكـ السلبيـــه .. طيــب يــا راشــد حــط بــالــكـ للإيجــابيـــات وإكتــب عنهــن مــواضيــع وونسنــا ، والمثــل يقــول [ إضحــكـ للــدنيــا تضــحــكـ لـــكـ ] لكــن كــل حــر ، وأنــت يــا راشــد حــر بمــا تكتبــه بــس وجهــة نظــر ، وأبشــركــم فقــد واعــدنــا الصليحــان بــالــرجــوع للمنتــدى كمــا كــان فــي الســـابـــق . الخبــوبــي سعفـــة كــان ملــح هــذه الــرحلـــة فقــد كــن ذروة سنــام التنسيـــم علــى قــولــة مــدحـــت .. بــس مشكلتـــه مــا ينفــع أبـــد مــا غيــر تــأفـــف وتشتشــــه مــن كــل شــيء ، وتبيـّــن لنــا بــالنهــــاية إنـــه حمـــقـــن ورا مــا رحنـــا للمكــان اللــي هــو يبـــي ، بــس مــا يخــالــف يــا سعفـــه المــرّه الثــانيــــة . وصلنــــا لمكـــان المخيـــم .. ونــزلنــا عفشنـــا بهــالخيـــام الـــرووووعـــة اللــي مجهــزات منـــذ يــوميـــن ، ولــد السيـــح نــازلــن قبــل كــل الأعضـــاء ومعـــه شطــرطــون وأوراق دعـــوة وخــذ يــاتعليـــق بهــالخيــــام [ محـــاضــرة للشيــخ فــلان ] [ دعــوة لحضــور المــؤتمــر الفــلانــي ] [ إستـئــنـــاف الــدروس المقــامــة فــي المسجـــد الفــلانــي ] يــا ولـــد السيـــح اللــه يصلحـــكـ تــرانــا جــاييـــن نكشـــت وهــاللــزقــات خلهــن بــالــديــرة . أكثــر واحــد مستـــانــس :052: بــالــرحلـــة هـــو جــروّح .. خبــركــم نــاجـــح وأنــواع الــونــاســـة ، لــذلـــكـ تــرجــم هــالإنبســـاط بــإشعــالــة للــرحلــة حيــويــة ونشـــاط . إنقســـم منســـوبــوا الــرحلــة إلــى ثــلاثــة أقســام علــى عــدد الخيــام المـُـعـــدّة ، وللأســف فقــد كــان التقسيـــم عشـــوائـــي ، حيـــث ركــن كـُـل عضــو إلــى الخيمـــة التــي تحتضــــن مــوافقيـــه فــي الأفكــار والــرؤى . فــالخيمــة الأولــى إحتضنـــت الســلال ــ بتشجيــع مــن بــريمــاكــس ــ و ولــد الــرفيعـــة والإدريســـي ومــن يــوافقهـــم بــرؤاهـــــم أو فــي بعــض ممـّــا يــرونـــه ، وأمـّــا الثــانيـــة فقــد شملــت كـُـل مـــن راعــي بــريـــدة وأســـامــة بــن شـــداد وشــوشــــان وكــذلــكـ مــن يــوافقهــم بمــا يــرونــه، وأمـّــا الثــالثــة فهــي المســالمــة والتــي تــدعــو إلــى إحتــرام وجهــات النظـــر وتــدعــو لــذلــكـ وهــذه الخيمــة هــي الأكثــر بقيــادة الصمصــــام وحفيـــد عقيـــل . وفــي صبــاح اليــوم الأوّل عمــد أصحـــاب الخيمـــة الثــالثـــة ــ المســالمــة ــ لجمــع وحــدة الصـــف وتقــريـــب وجهــات النظـــر [ وخلــط الحــوا مــع البسبـــاس :) ] حيـــث قــام الصمصـــام خطيبــاً بــالجميــع وواعــده المستمعـــون بنبــذ الخــلافــات وإحتــرام الغيـــر فــي هــذه الــرحلــة وكــذلــكـ عنــد العــودة عنــدمــا يكــون الكــلام يـُـقـــرا مــن خلــف الشــاشــات :064: . بعــد جلســة المصــالحــة والمصـــارحــة المثمـــرة عمــد النهيـــم إلــى تغييــر الجــو فــأمــر فــائـــزوا المســابقــة الإنشــاديــة الثــانيــة بــإطـراب الأسمــاع بـأصــواتهـــم فقــد شــدا لنــا حســـاس المعــالــي ثــم عمــر النجيـــدي ثـــم أبــو محمـــد وأمتعــونــا بمــا وهبهــم اللــه . بعــد تنـــاول الفطـــور المـُـعـــد ، جــاء دور البــرنــامــج الثقــافـــي وقــد طــالــب الأعضـــاء بخــروج كــلاً مــن راعــي بــريـــدة و a l f a r i s خــارج الخــدمـــة فــي هــذه المســـابقــة للسمــاح للجميـــع بــالمشـــاركــة وإلا لــو تــواجــدا لمــا أبقيــا شيئــاً لغيــرهمـــا مــاشـــاء اللـــه . بعــد ذلـــكـ بــزع أبــو لجيــــن بطبخـــة عــرق اللحـــم لــوجبـــة الغـــداء وليتـــه لــم يفعـــل :oo ونحمـــد اللــه أن الخبــز والنــواشـــف كــانـــا بــالمــرصـــاد والإنقـــاذ :) . بعــد عصـــر ذلــكـ اليــوم ، إقتــرح الكفيـــل buraidah أن يـُـقسـّـــم فــريقــي كــرة القـــدم إلــى قسميـــن فقســـم يشمـــل سكـــان أهــل الــريــاض بقيـــادة مــدحـــت شــوقـــي والــذي بــدوره لعــب حــارســاً لتغطيــة المــرمــى بجسمــه الــرشيـــق وبخــط دفـــاع يتكــون مـــن أبــو لجيـــن وبــريــداوي بــالــريــاض و الصمصـــام و وحيــد المعنـــى وفــي خــط وســـط يتكــون مـــن خــوي الســرور ومحمـــد الكــويتـــي والصبـــاخ وخــالــد بــن محمـــد وفــي هجــوم بقيــادة قــرنـــاس و التــويجــري ، وفــي الفــريــق المقــابــل وهــو سكــان أهــل القصيــم فيشمــل فــي حــراســة المــرمـــى أســـد العقيـــدة وفــي خــط الــدفــــاع كـُـلاً مـــن إبــن البــدائـــع وسعفـــة و دبيـــب النمـــل وراشـــد الــراشـــد وفــي خــط وســط بقيــادة فهـــد 703 و al7nooooon و المتــــزن و فــرخ الفيـــل وقــد لعــب المتــزن لقهــر الصبـــاخ وتكسيــر رأســـه :) وأمــا الهجــوم فيقــوده بــارق والسمـــو ، وإنتهــى اللقـــاء بفــوز الفـــريــق القصيمــي بمبــاركــة مــن مــدحـــت [ أبــو النكبـــات :i125 ] حيــث كــان الممـــر بيــن رجــلاه طــريقــاً سهــلاً للكــورة إلــى المــرمــى :045: . بعــد ذلــكـ حـــاف لنـــا المستشــــار مقلقــــل الــدجــــاج والــذي نــال إستحســـان الجميـــع ، علمـــاً بــأن أبــو مصعـــب واعــدنـــا فــي الطلعـــة المقبلـــة بعمـــل [ المقلــوبــة ] مــن يــداه الكـــريمتـــان . بعــد خلــودنــا للنـــوم أخـــذ كــرمــع فــي قـــص حكــــايات مثيــرة لأصحـــاب الخيمــة الأولــى ، والخيمــة الثــانيــة تــولاهــا أديـــب الــواصـــل وأمــا الثــالثــة فكــانـــت مــن نصيـــب أبــو سلمـــان الخــالــدي . بعــد أن صحــونــا لليــوم التــالــي أذّن بنــا لصــلاة الفجــر محبــوبنــا تهــاويــل ثــم أديـــت الصـــلة خلـــف أســد العقيـــدة ، بعــدهــا لاحظنـــا أن أخينـــا السعــودي منسجـــم ويفكــر وشكلــه مــا أستــانــس بــالــرحلــه فلمــا ســألنــاه قــال : قهــر البــــر مــا بـُــــه أجهــزة كمبيــوتــر نصلحهـــن ونتفــرنــكـ عليهـــن :012: .. !!! فسـّـــر مــدحـــت شــوقــي ذرعــانــه وضبـــط لنـــا ذاكـ الفــول المصـــري اللــي خــلانــا نتبلتـــا بـأمكنتنــــا ، بـــس أعلمكـــم فـــول جنـــان لــولا المقلـــب اللــي ســواه بكــل مــــن أكـــل مــن ذلـــكـ الفـــول حيـــث أن كــل واحـــد طلـــب اللــوذ عــن الآخـــريـــن لإخــراج مــا أفــرزه ذلــكـ الفطـــور :i125 [ حسبــي اللــه عليــكـ يــا مــدحـــت :oo ] بعــد ذلــكـ كـــان الشعــر حـــاضــراً بقصـــائــد لشــاعــر المنتــدى وعمــدتـــه حفيـــد عقيـــل ، وبعــض المقــاطـــع الأدبيـــة البليغـــة مــن قبـــل أديبنــا أبــو محمـــد النجـــــدي . ثـــم تـــزهـّـــل لنـــا أبــو لجيــــن بعمـــل غـــداء هــذا اليــوم ليعــوضنـــا عــن طبخـــة أمــــس ونعـــم التعــــويـــض ، فقــد كــان غــداءاً مسكتــــاً :41 . بعــد ذلـــكـ ضـــفّ الجميـــع قشـّــهــم وطــويــت الخيـــام وركـــب كـُـل فــي بــاصـــه الــذي أتــى بـــه ، وعــُــدنـــا قــافليــــن إلــى ديــارنـــا إخــوة متحــابيـــن متعـــارفيـــن تجمعنـــا الأخـــوّة فــي اللـــه ، والــوعــد بــالــرقــي والــرفعـــة لمنتــديـــات [ بـــريــــدة ستــــي ] والســـلام عليكـــم ورحمـــة اللــه وبــركـــاتــه |
[align=justify]المسفهل ، حلوة هذي فطاحلة المنتدى ، راح أسجلها في سيرتي الذاتية ، موضوع رائع وذكي ، من الآن فصاعدًا أي مسكين راح يتعرض لك راح تلقى كل اللي ذكرتهم يدافعون عنك .. حفظك الله تعالى . [/CENTER]
|
اقول يا حفيد انا لاصير نيم بالباص وناسيننا اخبري مساعد سواق الله يستر ماتدري وش صار علي ..؟
وابدااااع ماشاء الله علي لكني قلقت على روحي ماشفت نفسي مع النازلين :d |
اقتباس:
هاقد عدت يالغالي :) فندائك زاد حنيني وأشعل بداخلي الشوق رحلة ممتعة اخوي وكتابتك رائعة واحداثها شيقة دمت لنا تزرع البسمة وتصلح بين الإخوة دام قلمك ونبض قلبك الطاهر محبك الـمـتـوهـج |
مـــرحبــأً مـــرّة أخـــرى بــالقـــراء مــرحبـــاً بــالمعقبيــن مــرحبــاً بــالجميـــع ســــفـــن أب حــيّ هــلا ومــرحبـــاً بــكـ وبمتــابعتــكـ ومــرحبــاً بــكـ دائمــاً almehtar الإبــداع فــي قــراءتـــكـ ومتـــابعتــكـ وشكــراً جــزيــلاً لـــكـ الصمصــــام صـــدقنـــي تـــوظيفــي للأدوار لــم يكـــن عــن معــرفـــة مسبقـــة بــل كــان قــراءة لقــراءة مــا خلـــف السطـــور أمـّــا مســألــة رائــد أســـرة .. أمممممم نفكـــر .. :confused: !! بــس كــم الــراتـــب ==>> حضــرمـــي :) مــرحبــاً بــكـ أبــو عبــد العـــزيــز ، وأهــلاً وسهــلاً بـــكـ المتحــــركـ وعليكــم الســـلام .. حــيّ هــلا بــالمســـاعـــد :) تــرى الشجـــاع لا جــت الفــزعــة تلقـــاو ، بــس أهــم شــيء حــط خــوي الســرور نــدّ لـــه جــزاكـ اللــه خيــراً أخــي المتحــركـ لمــروركـ الكــريـــم بــريـــدة city مــن يقــول إنــكـ قـــدام .. ؟؟ أنــت وربعـــكـ [ اللجـّــة :) ] غطيتــوا الخلفيـــة بتــاعــة البـــاص مــرحبــاً بــكـ وبــزيــارتــكـ وتعقيبـــكـ الأسمـــرانـــي المتــزن والصبــاخ تــدابغــوا .. بــس أبشــركـ بعــد هــالكشتـــة هــم وغيــرهــم إنضبطـــوا والأمــور وللــه الحمــد تبشــر بخيـــر وأهـلاً وسهــلاً بــكـ ميكــروتيـــود آميـــن .. وجــزاكـ اللــه خيــراً أبــو فهـــد وحيــاكـ اللــه زائــراً وقــارئــاً ومعقبـــاً البصيـــريــــة ولــد الصفـــراء معنــا بــالبـــاص والأخبـــار عنــده أوّل بــأوّل مــا شــاء اللــه عليـــه حيــاكـ اللــه أخــي الكــريـــم .. وجــزاكـ اللـــه خيــراً بــريـــدة city مــرحبــاً بــكـ مــرّة أخـــرى وجــزاكـ اللــه خيــراً |
الثـــائــر الأحمـــر أهــلاً وسهــلاً بكــاتبنــا الكبيـــر أهــلاً بمـــن أضفــى لمنتــديــات بــريــدة ستــي الشيء الكثيـــر أسعــدتنــي طلـّـتـــكـ وتعقيبــكـ ودُعــــائـــكـ فــجــزاكـ اللــه خيـــراً المتــحــركـ حيــاكـ اللــه مــرّة أخــرى ومــرات وأهـــلاً وسهـــلاً بـــكـ المتـــوهــــج أووووه أبــو عمـــار هـُـنــــــا .. يــا لسعــادتـــي بعــودتــكـ عــزيــزي للمنتـــدى بعــد قــراءتــكـ للمــوضــوع أحسستنـــي بنتــاج وجــدوى هــذا المــوضـــوع حيــاكـ اللــه أخـــاً كــريمـــاً وصــديقــاً مــن خلــف الشـــاشـــات عــزيـــزاً |
الحمد لله على السلامه ياالاعضاء والمشرفين |
ماااااااااااشااااء الله .. :i125 ..
طاااالعين ومخلينن سواق باص وأنا مادريت .. ;) .. والله ياهو عااااد تسيف أشغلنا هالمساعد .. :mad: .. مخلي القير له .. عليه التعشيق .. علشان مايقول ماعطانا نساعدهـ .. وبغى يكسرهـ علينا كم مرهـ .. :( .. ماتسمع إلا قرقرته .. المهم الرحلة الجاية دور لنا غيرهـ .. ماجاز لي .. ;) .. يالله أبروح للي أنتم خابرين .. بطني عقب فوول مدحت ماشاف العافية .. :S .. وين حماية المستهلك .. والله مالكم داعي .. كل من هب ودب وقال أعرف أشب الغاز .. قام يطبخ لنا .. صرنا مهكاكة .. كلن يجرب علينا طبخاته .. لا .. ولا ياخذون عقابات ولا شيء .. :i121 .. أقل شيء خلهم يمشون بطة .. :113: .. بس الصعيدي صعبة .. :D .. |
موضووع ولا بالخيــال قسم بالله يا الكشته انه ماتعوق بالسواليف
//////////////////////////////////// ياحول يا انا رايحين ومخلينن //////////////////////////////////// |
اقتباس:
|
اقتباس:
>>>>>>شكلك غلط بالمنخرش:D **************************** رحله رااااااااااائعه أتمنى تطبيقها:114: :114: شكرا لك يالغالي:) |
وشو ذاااااااااااااااااااااا
توي أشوف الموضوع .. عجزت أرد .. لي عودة بحول الله وقوته .. |
خياااااااااااااااااااااااااااااااااااااااااااااااا ااااااااال أبتل وأنا أقول خيال يالمسفهل .
أنا أبعرف وراك حاشرن مع المتزن بكل جخر :cool: ، بس خل عنك رهيبة هالحشرة :rolleyes: . ياحبيلك بس ، قسم بالله إن الموضوع أكثر من رائع . |
مــرحبــاً بــالجميـــع زوار ومعقبيــــن الشـــاكــــي اللــه يسلمـــكـ وجــزاكـ اللــه خيــراً لمــروركـ الكــريـــم الشجـــــاع أهـــلاً بســواقنـــا .. ميــر المــرّه الجـــايــة أغــدينــا نختــار لــكـ مســاعـد ثــانــي بــس تــراكـ منتـــب لاقيـــن أزيــن مـــن المتحـــركـ بــالنسبـــة لبطنــكـ عقــب فــول الصعيـــدي فتبيـّــن لنــا عقــب الكشتــة إن مــا ســواه مــدحــت إنتقــام مــن المجمــوعــة عقــب فضيحــة هــزيمــة الكــورة حيـــث إن ربعـــه يهــاوشــونــه بتسببــه بــالهـــزيمــه والفــريــق المقـــابـــل يتمهـــزون بـُـــه لــذلــكـ جـــرى المقلـــب مــرحبــاً بــكـ أخــي الكــريــم وبــزيــارتــكـ المبــاركــة عـــرق المضهــــور مــرحبـــاً بــكـ وبــرأيـــكـ وأهــلاً وسهـــلاً بــكـ خــــوي الســـرور أقــول إلعـــب أرضـــي .. وإبلـــع العــافيــة .. ســواقـــة الشجـــاع مــاهنـــا ملحـــه :) مــرحبـــاً بــكـ مشــرفنـــا القـــديـــر عـــابـــق الــذكـــرى تــراي مــا غلطـــت بيـــن ميكــروتيــــود والمنخــرش بــس هــذا اللــي أعــرفــه عــن الــرجــال علمــاً بــأنــه لــم يتســـن لــي الشــرف بمعــرفــة ميكــروتيـــود شخصيـــاً فقــط أخ أحبــه فــي اللــه أمــا أنـــت يـــا عــابـــق مــا ينسلـــم منــكـ يــا دافـــع البــلا :mad: مــرحبــاً بــكـ دقيقــاً فــي كــل شــيء :) وسلـّـم لــي علــى أبــو ريـــان :) المستشــــار عســى عـــدوّكـ للعمـــى أعنبـــوا داركـ المــوضــوع لــه أربعــة أيــام وتـــوّكـ تشــوفــه .. ؟؟ ميــر أغــديــه أعجبـــكـ ، وتــراي أحتــري رجعـــكـ بفــارغ الصبـــر ومــرحبــاً بــكـ أبــو محمـــد الصبـــــــاخ خــلاص عقــب الكشتـــة تــراكـ أنـــت والمتـــزن زي العســــل بــس أهــم شـــيء المتـــزن كسـّــر رأســـكـ بــالكــورة :) أبــو ريـــم .. زيــارتــكـ ورأيــكـ اعتــز بهمــا فــأهــلاً وسهــلاً بـــكـ |
اقتباس:
أي بطاااااااااانيج أي بطاااااااطيخ .. :( .. يارجال خل حالك بتريلك .. رجعين مابه إلا مساعدين وركبة اللي سالمات .. :oo .. حنا تصدق من يوم مشينا ووصلنا فيه أثنين أخذين لهم غفوة ماصحوا أبد .. :41 .. لا لجة .. ولا مطبات .. ولا ازعاج .. هداوة ومسابقات ثقافية .. واللي مشغلين لهم الشاشة .. بس مبحلقين به .. :eek: .. <<< فلللللللل كامل توبيسنا .. :109: وجروح طالع مع الفتحة .. :D .. صززز يعني تسمع هوتافات عم بتؤوووول .. دع القيادة لنا وتمتع بالكشتة .. والصراحة ماودي أزيد بالهرج .. لأن كلام أبو مسفهل عن قيادتي يكفي .:110: . مع إن شهادته فيّ مجروحة .. :092: .. |
يا هلا .. يا هلا ..
أصبر يالشكش ،، خل أبا أضحك .. ههههههههههههههههههههههههههههههههههههه ههههههههههههههههههههههههههههههههههههه أجل أنا عرفت وشلون أجيبه على بريماكس .. لعنبو شيطانك هذا ذيب ما يمديك تلعب عليه ،، والله إن يدخلك منا و يطلعك مناااااك <===== جاري ترقيت بريماكس كينه .. ! هع هع هع و تعجبني يا أبو مسفهل ،، وشولن قدرت تحط كل واحد في مكانه الصحيح مية بالمية .. كلن حطيته على ما يناسب نفسيته ، و كأنك تعرفه من 55463 سنة .. !! تف تف تف ما شاء الله عليك .. و لا تخلينا ، من إكمالة الرحلة ،، تراي منبطح على بطني و أدودل رجلين و معي فشيار بفك أحتري إكمالة الرحلة .. إسلم تسلم .. |
يالله هالحين إرجعوا بي أنا ماتعودت القعود بالبر إلى الليول أبي داري ,, أبي داري ,, الشــرهة والله على أبومهند وإلا أنتم كلكم بو:( مير ماأقول إلا حسبي الله على هالمســفهل وهقن يقول أبــد إن شاالله إن تصلي المغرب مع جماعك وأنا يحول صـدقت , يوم جيت وإلى الدعــوى دردبيس تقل عرس توكــرن ماتدري من أنت بــيده:D إرجعواااااااااااااااااااااااااا بي :eek5 عاد خوذوا هالكيبوردية الإحتجاجية خليت الوالد يكتبه وإلا أنا ماعرف للكمبوتر يــازين بيتي ورفقتي والجمـــاعة ,, البــر مالي به ولاهـوب يغريــن وجدي على العاير يزيد إلتياعـــه ,, مع رفقة كبري تحبن وتغـــــلين أعلنت أنا رفضي لكم والقــطاعة ,, يالله تنفس كربتي من يـــوديـــن حتى عشــاكم كننا في مجـاعــــة ,, وحظي رماني بين ناس سمانين طفيتوا الأنــــوار غـش وخداعـه ,, وأثر العشا ماهو يكفي نفــريــن :053: |
حلوة كمل القصة بكل أعضاء بريدة ستي
مشوار ولا لأ:100: |
اقتباس:
ماشاء الله شاعر مبدع............أغبطك بشده ياليت تعطينا شيء من مذكراتك يوم توك بادي تشعر يعني >>>>>>>>>>>ولا أقول أتمنى أبو مالك يرشحك بالمكاشفه الجاااااااايه أن شاء الله والله يانا أبشرشحك شرشحه خخخخخخخخخخ>>>>>ناوي على شـــــــــــــر :D ************************* المسفهل:آسفين والله أغديك تقمز ردي يالحبيب...... و يبلغ أن شاء الله سلامك لأبو ريان:) |
أممممممممممممم السواق الشجاع عز الله اللي ما رجعوا أخوياوه والله من قولة " يازين هالنفود اصبروا اصبروا ياجماعه خلونا نسيّف به همن القاصمة ولاوه مثولث والحلقة الأخيرة يقول معليش ما كنت أدري اننا نبي نغرز " >> لا يهمونكـ بس يابو خطاب تراهم ماعرفوا ذيابكـ "" فس رالجملة الفايته |
اقتباس:
أولاً أشــكرك على ثناءك العاطر ولاعجب فقـد عيق منك أما المذكرات - كما تقول - فللأسف ماعندي شئ يسوى فأنا لازلت أعتبر إن إســم شــاعر مجرد معياره لي فأنا لســت بشــاعر ,, وإنما أطقق بالشــعر :D وأما المكاشــفة فأنا أقول ( أيّس ) إني أوافق مابقي إلا هي >> عاد تراه واقفة عليك يالشكش:) واللي عندك من سـؤآلات هاته بذا ولايردك إلا لســانك واللي تستحي منه كزه لي بهكا اللي مايشاف اللي يســمونه الخاص ’’[/CENTER] |
وجدي على العاير يزيد التياعه :eek5
|
إي والله .. وجدي على العاير يزيد إلتياعه ! :096:
أبيت إلا أن أسيء إلى الأبيات بصوتي :096: :096: وقد وقف النهيم ومسك [ المحقان ] ليُنشد على الأعضاء المرتحلين :096: http://www.buraydahcity.org/A.d.v/ana/ya-zeeeen.mp3 :096: |
اقتباس:
ممكن تعطينا الزبدة لاهنت .. :rolleyes: .. مرهـ تسب مرهـ تمدح مرهـ جملة غير مفيدة .. :confused: .. ودي أدري وش صفيت عليه علشان أفسر ذرعاني عليك .. :( .. |
اقتباس:
هو الخوف من تفسير الذرعان ولا تسان محطنا :D لأنكـ خبركـ سواق تريلة ,, فلذلكـ المزح معكـ مميت :( |
شكرا ...
|
اقتباس:
المشكلة أنت ياعزيزي معين تـنـوتـا .. :113: .. |
اقتباس:
هووووووووووع |
لاقول شيء :(
|
يا سعدكم بالكشتة
بس المرة الثانية لاتنسونن |
المسفهل
تجربة رائعة ، بس خانك التوقيت خبرت ناس تكشت بالصيف أو صح نكشت على الشاطي :) متشكرين يا غالي |
اقتباس:
السلام عليكم .. من قال لك تحطن مع أهل الرياض ..؟ :i121 هو صحيح اني أمس واصل من الرياض .. لكني من أعمدة بريدة .. :D وأحب بريدة ولاسواها .. فلذلك أنصح المدرب باجراء التغيير اللازم .. |
مـــرحبـــاً بــالجميـــع الشجــــــاع إتـــركـ خــوي الســرو هــذا لا يهمـّـــكـ تــراو حــاقــدن علــى ســواقـــكـ إســـألــن أنـــا عنـــكـ عــاد تصــدّق إن المنسـّـــق حــاطــن مــع خــوي الســرور بــس عييــت قلــت مــا أبــي إلا الشجـــاع ==>> تــمّ كــزّ المـــذكــور :) مــرحبــاً بســواقنـــا وبعــودتـــكـ المبـــاركـــة المستشـــــــار أجــل أنــا شكـــش ==>> الشبيكــة تعيـّــر المنخـــل :) مــن يقــول لــكـ إنـــكـ مــا كــزيــت بــريمــاكــس .. ؟؟ أنــت لا أهتــويــت شــيء تكــسـّـر الحصــى علشـــانــه ==>> راح وطــي :eek: حيــاكـ اللــه أبــو محمـــد ضيفــاً خفيفـــاً مــؤنســـاً فــأهــلاً وسهــلاً بــكـ حفيـــد عقيــــل حــيّ هـــلا بصــاحبــي وجليســي فــي الــرحلـــة أفــى بــس عليــكـ تخــاف وتبــي الــرجعـــه لبيتــكـ والمسفهــل بجنبــكـ وســواقنــا الشجـــاع أجــل لــو أنــت مــع خــوي الســرور تســـان تــرجـــع قبــل مــا تـــركــب ميــر يــالعمـــده بعــد هــالكيبــورديــة المشكــورة نبــي نكشــت المــرّه الجـــايــة ببــرحـــة بيتكــــم :) مــرحبـــاً بــكـ أخــاً عــزيــزاً أتشــرّف بــردّكـ والتعقيــب عليــه mhd-22 القصـــة وأنــا أخــوكـ قضــــت بــس عســـاه ونـّـســـكـ بــاركـ اللــه فيــكـ وفــي تعقيبـــكـ المبـــاركـ عـــابـــق الـــذكـــرى مــرحبـــاً وأهـــلاً بـــكـ وحيــــد الخــــلان آه بــس لــو تـــركــب مــع خــوي الســرور تســان تعــرف قـــدر الشجـــــاع مــرحبـــاً بــكـ أخــي الكــريـــم وحيـــد وكــم سـُـعـــدت بــكـ وبتعقيبـــكـ meto مــرحبـــاً بــكـ وبــزيــارتــكـ المبـــاركـــة النهيــــــم أبيـــات حفيـــد عقيـــل تستحــق وقــوف المحقـــان أمـــام حنجــرتـــكـ الــذهبيـــة فشكـــراً جـــزيــلاً لـــكـ Thegenius الشكــر لـــكـ لمــروركـ الكــريـــم أبـــو حمـــــــد قــل وراكـ مستحــــي :p مــرحبـــاً بـــكـ مــرّة ومـــرات وأهــلاً وسهــلاً بـــكـ محمـــــــد نــــت هــالكشتــة وأنــا أخـــوكـ علــى ورق أمـّــا الكشتـــة الــرسميـــة فلــن تكــون إلا أحـــد أعضــاءهـــا ومــرحبــاً بــكـ وبــزيــارتـــكـ وتعقيبـــكـ بــريمـــــاكـــس أقــــول إلعـــب أرضـــي .. والكشتـــة مــاهنــا ملحــه بــالصيـــف :) عـــاد تعـــال أنـــت .. كـــان بــإمكـــانــكـ تحــويــل الكشتـــة مــن الــدهنــاء إلــى كشتـــة علــى الشــاطـــيء بحكــــم إنــكـ الكـــل بــالكـــل :) ع فكــره .. عــرفـــت منهـــو اللــي خلـّــص بعــض أمــوره عــن طــريــق الجــوال .. ؟؟ مــرحبـــاً بــكـ عــزيــزي ضيفــاً شــريفــاً ومشــرفــاً قــديــراً وأهــلاً وسهــلاً بـــكـ التــويجـــري الحمـــد للــه علــى الســلامـــه وعلــى شــانــكـ أمـــس رايحـــن للــريـــاض حطيتـــكـ مــع فــريقهـــم والمعـــذره وأنـــا أخـــوكـ .. وأهــلاً وسهــلاً بـــكـ |
اقتباس:
مثل ما انت عارف اموصينن أولياء أمورهم اصير حولهم تعرف واحد يبي تغيير لملابسه:D وواحد ما يعرف يتصرف كود انومه على رجلي علشان ينام :eek5 وواحد مهب عارف يفرش منامه :i125 وأنا ملزوم في متابعتهم هههههههههههههه بدون زعل شباب عادي كلنا اعيال علي:114: |
ماشاء الله تبارك الله توظيف رائع وكلام عسل يا عسل إنتا ،،،،، |
ماشاء الله .. تبارك الله .. توي أطيح بالموضوع .. والله يانت خيال يالمسفهل .. وظفت كل واحد بمكانه .. بس مادري وراك حاشرن مع حقين الصوتيات .. عز الله إني بلشت بهم :D واصل أيها المُبدع .. |
شيء رائع شكراً جزيلاً
|
هههههههههههههههه
تنسيـــــم الربـع ..! |
" (( عودا حميداً ))
|
ميخالف اروح معكم<<< تحس اني مؤدب
ادعسون بأي مكان <<تقول باغه عرفطه واحلته |
مـــرحبـــاً بــالقـــراء مــرحبــاً بــالمعقبيــــن مـــــــواصـــــل أجـــل صــايــرن أمهـــم :) ميــر أعلمــكـ واللــه يــا عيــالــكـ قــرقـــه بــس عقــب مــا جلســت حــولهـــم أعقلــوا مــا شــاء اللــه عليــكـ حيــاكـ اللــه عــزيــزي مــواصــل وأهــلاً وسهــلاً بــكـ وحيــــد المعنـــى العســــل مـــن بـــؤكـ يــا عســـل ==>> قلبنــاه مصــرييــن يــا وحيـــد :eek: مــرحبــاً بــكـ وبــزيــارتـــكـ المبـــاركـــة الشكيـــــم خخخخخخ .. حــاشــركـ اللــه يسلمــكـ مــع حقيــن الصــوتيـــات لأن معــرفــكـ علــى وزن مشـــرف الصــوتيـــات ==>> ولا حــرف :) زيــارتــكـ وتعقيبـــكـ شــرف لـــي أيهـــا الشكيــــم المحبــــوب أبـــو هشــــام الــروعــه مــروركـ وتعقيبـــكـ وأهــلاً بـــكـ بـــريـــدة العــــز هـــذا اللــي وضـــح مــن الكشتـــة وإلا بــاقــي التنسيـــم مــن منســوبــي المنتــدى مــا ظهـــر :i125 مــرحبــاً بــكـ ضيفـــاً وأخــاً كــريمـــاً فـــانتــــوليــــن أهــلاً وسهــلاً بـــكـ وبعــودتـــكـ والكشتـــة الحقيقيـــة لــن تخــلــو مـــن [ فــانتـــوليـــن ] ومــرحبــاً وأهــلاً بـــكـ رفيـــع الشــــأن تـــروح معنـــا .. أممممممم :confused: مــا يخــالـــف بــس كـــم تـــدفــــع :i125 أهــلاً بــكـ وبــزيــارتــكـ وقــراءتـــكـ وتعقيبـــكـ |
الصراااااااااااااااااااااااااحة كشتة معتبره قوه بس هذي شكلها سفرهـ مهب كشته معكم باصات وزحمة بعد إلا وراااااااااااااه ما عزمتونا أشوف المنتدى طفا له يوم >>>> وااااااااااااااااااااااااحد مصدق |
مشكور
|
أهلا وسهلا أثري كاشت وأنا مادريت !! :d
الله يعز مقدارك أخوي المسفهل رحلة رائعة وتصوير جميل بالكتابة .... أما ابوإياد الجدعان أبلشنا بكاميرة الديجتل اللي معاه الكشته كلها بالحركة البطيئة والسبب الجدعان من كثرة التصوير :d:d ((( الراصد ))) |
شاكر لك مششششششكوووووووووووور ألف ....................................
|
* أول شيء: عذراً أبو فهد توي أقرأ الموضوع<< خويك نايم الطيور طارت بأرزاقه وهو نايم.
* ثاني شيء: ما ذكرتن مع اللي كشتو، شكلك حاطن عند الشكمان، لكن أبسامحك هالمرة، وتشفع لك طيبتك يالوسيم. * ثالث شيء: مالقيتوا إلا أبو مصرن تحطونه حارس قضوا الحراس، ولا بعد مخلينه يصلح فول. * رابع شيء: وراه أبو مهند مقزز؟ وكل شيء يلزقه بظهركم. * خامس شيء: أشكرك من أعماق قلبي على هذا الموضوع الأكثر الأكثر الأكثر من رائع، جودة تنسيق+ حسن حبكة في إعطاء كل عضو دوره في الرحلة + أسلوب فكاهي ومضحك - والله يا أنت خليتن أبتل أضحك على مدحت - + ذكر أعضاء لهم مدة لم نراهم وعند قراءتهم لموضوعك تجاوبوا معه بتفاعل، كل هذه الأشياء تساوي = المسفهل و الابداع مقترنان معاً فإلى الأمام يا أبو فهد. وتقبل مروري. لك ودي واحترامي. |
. . . الموضوع قديم ، وليت المشرفين يـُـغلقونه . أما أنت يا [ كربة النخلة ] فهذه الكشتة قبل إنظمامك إلى المنتدى وإلا من غلاك وحرصنا على حضورك ما نرضى نركبك إلا قدام :) . . . |
وراي مارحت معكم أنا حرااام عليكم ما أحللك يالمسفهل ياابن اللذينا :eek5 تدري إني ما قريته قلت ما أقرى عن كشتة مارحتله وش الفايدة:mad: <<< تراي صايل <<بشر امك :S |
| الساعة الآن +4: 05:07 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.