|
شركة تدخل بيوتكم فأحذروها ؟؟؟؟؟؟؟؟؟
شركة تسويقة تدعا الشركة الدولية ليس لها معارض انما تسويقهم عن طريق التليفون
وذلك بعرض جهاز اسمه (((((( ريمبو )))))) وهي عبارة عن مكنسة كهرباء يزعمون ان لها عدة مزايا قيمتها ((( 8000 )))) ولآنها بدأت عرض منتجها في بريدة هذه الأيام وانا لي عدة وقفات للتحذير منها 1- لي تجربه سابقة بشراء الجهاز يوم ان كنت من سكان الرياض ولي مواقف مع الشركة وزرت موقعهم على طريق الملك فهد 2- الاتصال بالهاتف على الزبائن للحضور الى منازلهم لعرضها امام الآهل 3- العرض مغري لكن المضمون والواقع جدا سيء 4- السعر جدا خيالي بالنسبة ( لمكنسة كهربائية ) 5- الاتصال بالنساء لآجل العرض وتعلمون ما لي هذا من المخاطر 6- لي من الزملاء من اشتراها وتندم كثير على الشراء 7- التعامل من الشركة سيء بعد شرائها وعندي الكثير عنها وسبق أن عرضت منتجهم في منتدى أخر من منتديات الرياض لكم تحياتي:41 :41 :41 :41 :41 5- |
السلام عليكم
المكنسة رائعة المواصفات .. وهي ليست بالجديدة حيث إن بعض الناس قد اشتراها منذ 9 أو 10 سنوات ، ولكنهم لم يأتوا إلى بريدة إلا في الآونة الأخيرة .. مثل ما قلت المكنسة رائعة جداً .. ولكن السعر مبالغ فيه جداً جداً .. وللمعلومية فإن المفترض أنه بعد مرور الوقت ينزل سعرها ولكنهم في كل سنة يزيدون السعر .. حيث كانوا يبيعونها بـ 7000 ثم 7500 ثم 8000 ثم الآن 8500 على شرط إنهم يأخذون مكنستك القديمة وشروط أخرى .. ومن زود الثقة يقولون لك إذا ما اشتريتها الحين ثم طلبتها بعدين ما راح نبيعها عليك إلا بـ 21000 ريال !!! ومع هذا فإنك إذا طردتهم تلقى المندوب يتصل عليك كل فترة لعك تاخذها بـ 8500 !!! ويكسب من وراك عمولة ومزايا أخرى .. المهم يعطون الواحد معها هدية قدور , قيمتها بالسوق 600 أو 700 ريال ، ولكنهم يقولون إن قيمتها 3000 !!! عموما .. أنا بحثت بالانترنت عن موقعهم الأصلي وراسلتهم بخصوص سعرها مع قيمة الشحن .. ولازالت المفاوضات لم تنته .. ولكن الذي توصلت إليه أن سعرها بأي حال من الأحوال لا يتعدي مع الشحن 2800 ريال .. وقد وجدت في موقع الإي باي رجلاً أمريكياً يعرض مثلها ولكن يبدو أنه ينقصها بعض القطع الملحقه ، وسعرها مع الشحن إلى بريدة 897 ريالاً فقط !!!!!!!!!!!!!!! تحياتي ،، |
الله يجزاك خير على هالملاحظة وأنا سمعت واحد يقول إنهم إتصلوا علي وصرفتهم ههههههه >>> منسم خويي ( أبو عيال ) وشايب وش ترجي منه |
.. لها أكثر من سنتين عندنا و لله الحمد مافيها أي مشاكل ، و ما يجي العامل إلا إذا كنت أنا أو الوالد موجودين ، و قيمتها أذكر أنه قرابة الـ 8000 لكنها رائعة المواصفات .. |
شكر للجميع لكن مارأيكم في طريقتهم بالإتصال على الجوال مع أنه لايوجد معارض لهم ثم من الجرأة أنهم يتصلون على النساء ذكرت لي أحد القريبات أنهم أتصلو عليها الساعة التاسعة صباحا |
الزيدك من الشعر بيت
وكالة الشركة في القصيم في عنيزة خله ينفعونه الي موهقينه يفتح في عنيزة اكيد ذكرين له ان عنيزة وسط القصيم من المميزات الي بعنيزة ذكر لي الموزع ان اغلب المشترين الجهاز من بريدة الرجاء من المشترين الجدد المطالبة بفتح معرض في بريدة لايصح الا الصحيح |
. . . يــا ليـــت تعطــوننـــا شيئـــاً مــن مــواصفـــات هــذه المكنســـة . . . |
لا ومن ضمن العروض انهم ياخذون المكنسة اللي عندك ويحسبونه بــــ 800 ريال تقريبا !!!!!
وللعلم فإن سعر هذه المكنسة في الامارات تقريبا 1800ريال !!!!! والغريب أيضا ان المسوقين فلسطيزيين ما أدري وش السر في ذلك.... |
بالعكس التعامل مع زوجي وهي خياليه
واعطى زوجي سي دي يشرح كل اعمال المكنسه وكل مره نحتاج المندوب يجي عادي وما يعارض اقارب زوجي اشترو المكنسة قبل 7 سنوات بـ 15000 ريال من جدة |
اقتباس:
أنا شايفها بموقع الشركة بكامل الأغراض 755$ فقط .. وبيني وبينهم مراسلات إلى الآن .. عموما .. اكتبي في قوقل (مكنسة رينبو) وراح تطلع لك مئات الصفحات ، وستجدين أناساً اشتروها قبل 9 سنوات بثلث سعر شراء أقارب زوجك الملعوب عليهم .. تحياتي |
وين حماية المستهلك؟!!!
|
سعر المكنسة خيالي .. انا جاء المندوب حقهم وخلني اشوف المكنسه
وخليته يكنس البيت حقي ... يوم خلص من التكنيس قلت له موووب مشتري المكنسة غالية وبعدين انا شفت الشفط ... مثل المكنسة العادية ليست قوية كما تتصورون .. ولكن السر يكمن في الوعاء المائي الموجود اسفل المكنسة فقط يعني لو فيه واحد عبقري ... يقدر يرهم هذي المكنسة |
الأخ ميمون
اذا ممكن تعطيني رابط الشركة ،،،،،،،، وبالامارات اعتقد نفس السعر ،، لأنه يتكلمون عنها سيدات الامارات بنفس القيمة اللي عندنا وصراحة اسلوبهم سخيف بالاتصال ،،،،،،،، اتصلوا علي وقالوا : معنا ...............( عارفين اسمي بالكامل) احنا من طرف فلانة ،، بكرا بنجي نعرض عندك ،، قلت خلاص اشوف ضروفي واتصل عليكم قالوا لا معليش عندنا مواعيد لازم نجي بكرا >>>>>>>>> انواع اللزقة ،،، وسهجتهم ،،،،،،،،،، ودقوا على اكثر من مرة بالجوال مارديت .......... والقى ذاك الرقم يتصل من الرياض ،،، وكل مافتح جوالي القي الرقم داق ،،،، واقول وش ذا الرقم وارد مرة والاقيهم هم داقين ،،،، قال مندوبنا بالقصيم بيجي بكرا يعرض عندكم ،،،، >> غصب يعني قلت : والله زوجي مو موافق ............ تأسف وما عاد يدق بس سخافة صراحة والاسخف اللي يشري منهم ويوزع ارقامنا عليهم.... |
طيب وش به هالمكنسه يوم انه بـ 8000
هي تصفط وتكنس وترتب وتكوي وتطبخ والا بس تكنس؟؟ |
أختي قصيمية ..
الرابط الأول للموديلات الموجودة ، والرابط الثاني لبعض المرفقات غير الضرورية : models: http://www.goodvac.com/RAINBOWsystems.htm accessories: http://www.goodvac.com/RAINBOWaccessories.htm تحياتي |
السلام عليكم ورحمة الله وبركاته ،،
ولله بصراحه جو لبيتنا المندوبين حقين شركة رينبو وقام يقرق اللبناني حقهم بصالتنا قسم بالله حول ساعتين ماسكت بشكل متواصل لمين اقتنعوا الوالد والوالده وشراه بـ8000 ويقول اول سعره 14000 ولها أكثر من خمس سنوات عندنا ورائعة وعطانا طقم قدور استيل اصليه الى اللحين نكرف بهن وماتغيرن وفيها مميزات حلوه خاصة انه تنقي الجو وتعطره بعطور خاصة وتغسل السجاد والستاير والكنبات والمفارش والشبابيك وتستاهل سعره لأن أهم مافي البيت نظافته ،، والغريب في الأمر انه أشترط المندوب انه ياخذ مكنستنا القديمة((الصاروخ الحمرا تخبرونه:d )) بس الوالده عيت عليه ياخذه تقول يخسى مابقى الا هي علشان ياخذه ويبيعه ويتكسب به ،، وشكراً اخوي كلكتا ،، |
على فكرة ..
يبيعون العلبة إذا خلصت بـ 85 ريال !!! ويقولون ماهي موجودة عند غيرهم !!! ومع هذا توجد بنفس الشكل والصناعة والحجم في البقالات والسوبر ماركت بـ 11 ريال فقط !! (يعني بزيادة 800% فقط لاغير) . والغُفل .. يستاهل .. جميع ما سبق لايعني أنني أرى أنها غير جيدة .. بل هي رائعة جداً ولكنهم يستغفلون الناس بسعرها المبالغ فيه !!! تحياتي |
.
. عند خالتي مثلها وأحسنـ شي .. والله لو يقولون بـ 10000 رخيصة .. والعائلة المحترمة يستعمولنها غالباً .. لكنـ مستغرب ما شفت أحد يشتكي منها .. حتى المسجداللي بجنبنا طاقـٍ علاقة معنا علشانها .. لأن فيها ميزات حلوهـ يكفي بس الريحة اللي تطلع منها >>>> الكلام منسوب للمالكين لهذهـ المكنسة " سعادة خالتي المحترمة " . . |
اقتباس:
بحيث يكنس بالمكنسة العاديه 20 مره بنفس المكان ثم يحضر مكنسته ويكنس يخرج ضعف ماخرج بالاولى عيبها صعبة جدا جدا وليست عمليه يعني الفرشه 4*4 يستغرق غسيلها فوق الساعة وبتعب الضعف تصلح لوكالات التنظيف و للعوائل الكبيرة [اكثر من خادمتين] |
يارجال ماسوو كذا إلا إن فيه مخفات يلعبون عليهم .
مكنسه 8000 والله لو هي هبال لو هي شغاله كامله . شغاله مع قشه وفيزته تكلف 4000 إذا طق بوزه . دمتم بخير |
وايضا ازيدكم من الشعر بيت
اتصلوا على لأخذ الموعد وقلت لهم كم السعر قبل ما تجون ابى ان يعلمني بالسعر ابدا حتى المندوب ما علمني حتى شرحها لي وقال لي لازم الزوجه تحضر وقلت له انا الي ابشري ولم تحضر زوجتي وكانت غير موجوده والي جاني يماني وما شريتها |
اقتباس:
|
شكر للجميع ياعالم الشوام العبوا علينا حنا نعرف أن المكنسة رهبيه وزينة لكن سعرها جدا مبالغ فيه ومثل ما قالت ( قصيمية ) جدا سخافة ما تحملناهم توصيل مطاعم ولقينا كل المشاكل منهم وعندي سؤال مهم ( ليش ما لهم معرض بالرياض أوهنا ليش عرضهم بالتلفون ) وقلت لكم سبق أني زرتهم في الشركة كل العاملين شوام يغلب عليهم الجنسية الفلسطينية |
اقتباس:
رخيصة مرررره سعره الأصلي ما يتجاوز 2831 ريال سعودي ... القيمة الأصلية للمنتج755 دولار بس افهموه بدون شحن ... الشحن مدري عنه |
| الساعة الآن +4: 05:22 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.