|
- ––––•(-• سـَواليـف نـهـيـمـيّـة خـفـافـيـّـة •-)•–––– -
دايم تمر علي مواقف بشتى أصنافها [ محرجة ، مضحكة ، مبكية ، محزنة ، ... إلخ ] .. كغيري من بني البشر .. ! :) وحينما أهُم بكتابة موضوع، مشان أحط فيه هالموقف ولا هالسولافة .. ! أقول إستح على وجهك .. تحط موضوع كامل مشان هالكلمتين الي في راسك .. !! فأقول لي .. إي والله إنك معك حق .. ! ما يستاهل من يكتب موضوع .. ! فـ تروح مني مواقف ومواقف كله بسبّة هالعبارة .. [ ما يستاهل موضوع ] .. ! فقلت ليه ما أحط موضوع يكون مرسى لشاطئ المواقف والسواليف والمشاعر التي تعتريني وتمر بي ! فلعل أحداً ما [ مضيّع طريقه ] ويدخل الموضوع ويلقى شيّن يجوز له .. ! مع إني ما ظنيت .. ! :) فحيّاكم الله في هالماضوع الخفيّف .. ! وكل واحد يجيب بيالة شاهي .. مع كيسة فصفص .. ويفل حجاجه ويتفرّج :) ! والله يعينكم على ثقل الدم والطينة والعجينة وهلم جرّاً وسحباً .. ! :) |
مرّات من المرّة .. إتصلت على واحد المشايخ اللي أعرفهم وأمون عليهم <- يقاله يمون على مشايخ واجد ! :)
دقيت عليه بعد صلاة العصر تقريباً .. والجو كان [ حااار ] نيران تلظى ! وهالشيخ من زمان ما شفته ولا كلمّت عليه .. وكان يدرسني في الثانوية .. ! الشيخ متواضع جداً وبسيط وطريف للغاية .. ما رأيت أكثر تبسماً منه ! ألا يمكن أنا أكثر منه شوي .. ! بعد ما رد علي الشيخ .. كنت أكلمه باللهجة المصريّة .. ! طبعاً أنا ضابطن أمور اللهجة المصريّة .. لأن الخوال هناك هع .. أمزح ! فقلت للشيخ .. لامواخزة سماحة الشيخ عندي سؤال لو سمحت .. ! طبعاً السؤال كان طويل شوي .. وكان [ مشفر ] .. ولا أقدر أكتبه فيذا .. أخاف يجي أبومهند ويقشعه كما قشع أخٌ لهُ من قبل .. ! والشيخ معي .. يحاول يقنعني بالجواب .. ! ويقول .. هل ترضاه لأختك .. ؟ هل ترضاه لأمك .. ؟ أظنكم عرفتوا وش السؤال هع هع ! :D طوّلنا بالمكالمة .. لمدة يمكن عشرين دقيقة .. ! وأنا ماسك روحي من الضحك وخايفن تطمر مني كلمة عاميّة وأنفضح .. ! لكن مشت الأمور .. والشيخ معي متحمس قوّه ! بعد ما انتهى من الجواب .. ! قلت له : يا شيخ .. إنتا فاكر طالب عندك في الثانوية إسمو بَراهِيم الدُبيّان ؟ قال .. أيوه فاكره .. في إيه ؟ :i125 قلت .. بس .. دا هوّا الي بيكلمك دلوئتي !!! أنا حسبت الشيخ يبي يضحك .. ! وأثاريه عصب علي .. وقال يا ××××× .. أنا طالع عن أمي بالحوش أنواع الحر والشموس .. وآخرتها تلعب علي يالهيس الأربد !! :i121 :i121 طبعاً الشيخ يضحك معي ويمزح :D .. وبعد مدّة صليت معه في الجامع حقه .. ! فيوم ألتفت بعد الصلاة على الجماعة .. وشافني منهم .. تبسّم .. وبسمتهُ تسوى الدنيا وما فيها ..! ولكن أمرٌ ما .. جعلني أتأمل بشجى .. ! :eek5 وهو أن لحيته الكثيفة قد لوّنها الزمان بالبياض .. وقد كثر فيه الشيب .. ! :eek5 على غير ما كنتُ أعهدهُ .. ! فبعد ما عانقته - بحرارة - وسلّمت عليه .. سألته وقلت يا شيخ وراك شيّبت عقبنا ! قال ما شيّبن غيركـ يالمصري .. أنت وطلاب أوّل ! :113: |
تصدق اني حبيت صاحبك ... وانا اقراء مت من الضحك !!!!!!!!!! |
هههههههههههههههههههه
حط حرته بكم هههه اجل انا اذا شيبت ابحط حرتي بالطلاب هههههـ مشكور يا النهيم صراحه تقطعت من الضحك موضوع رااااائع للغايه >> ايه ياللغهـ مشكوووور سلام.. |
هههههههههههههه
مواقف مضحححححكه ورائعه أكمل بارك الله فيك |
هلا والله بالنهيم وراه ماترد علي أكلم عليك أكثر من عشر مرات باليوم و تسحب علي طيب وش أشري سياره <<<<<< أدري إنك أنهبلت بس ما يخالف مزح تراي أمون أحححح كم رقمك |
أكمل
يارعاك الله متااابع |
متابع..!
|
هلا والله بأبومعاذ شكل خويكـ ناوين على مجموعة سيارات فلذلكـ لا زم يجرب كل مرة :098: والموضوع راااائع من حيث الطرح والتنسيق ,, نحتري كعّات الشباب ومواقفهمـ ,, |
هههههههههههههههه أبومعاذ .. أسلوب رائع جداً ماشاء الله تبارك الله ..
ننتظر المزيد .. |
نحتريك
|
آخ .. مــواضيـــع جنــان زي الهبـــل ==>> ولا حــرف :eek: خلـّــكـ يــابــو معــاذ علــى هـالــوزنيــة مــن حيـــث الأسلــوب وزدنــا مــن هــذه الســواليـــف زادكـ اللــه مــن فضلــــه |
والله يانت تنسيييييييييييم وسلوب رائع وقميل قدا
ننتضزر المزيد |
حياك الله يــــا ابومعاذ والله أمتعتنا معك في هذه المواقف ... أكثر لنا مهنا :) عفكرة مبطين عن طلاتك المسنجرية يا بومعاذ :eek5 سيّر علينا تقبّل خالص تحياتي abraheem |
طيب ليش ماتعطيه حضر وترتاح ؟ << يسمع بالحضر :113:
|
في ثالث ثانوي .. كان في مادة [ الجيولوجيا ] الغثيثة .. موضوع لازلتُ أتذكره .. !
يتحدث عن الأحافير .. إيش حكاية هالأحافير هذي .. ؟ الأحافير هذي يا أحبابي .. هي آثار لـ حيوانات مرّت عليها قرون طويلة .. ! < - - حلوه يا أحبابي هذي .. تقل شايب يقص على بزرانه :) يعني يجيب لك حصاة .. يقولك هذي عمرها [ مليونين سنة ] .. طبعاً حنا نمشيها لهم .. :) ! ولا دارين إن الدعوة .. خرطي بخرطي .. :) ! اللي أبيكم تعرفونه .. أن هالأحافير .. هي أثار لـ حيوانات .. :) ! المهم .. مرة والأستاذ .. يسأل الطلاب .. قال وش فوائد الأحافيــــر .. ؟! جت إجابات واجد من الطلاب .. أنا قلت أبجيب من راسي .. فرفعت ايدي .. وقال تفضل !:) قلت : إذا وجدت أحافير في منطقة معينة .. تستدل على أن هذه المنطقة .. عاش فيها حيوانات .. ! ولا من وين جن الأحافير أجل ... ؟ :) المدرس .. يبدو أنه لم يستوعب المعلومة .. [ منب قايلن إن تفكيره مثل خشته ] .. ! قال : وشلون يعني .. إشرح أكثر .. :) ! المعلومة كما تشوفون واضحه مثل الشمس .. ! لكن وش تسوي فيه ... !! أنا من باب التقريب لـ عقله الصغير .. قلت له .. ! على سبيل المثال .. لو كان في هالفصل الآن .. أحافير .. ! فضج الفصل بالضحك .. بشكل فظيع ! المدرّس .. مسوي فيها ثقل .. وعض على إبتسامتهِ رافضاً أن تخرج .. فتهتز [ هيبته المُصطنعة ] :) ! قال المدرس .. أيوه وبعدين ؟ :) قلت إذا كان في هالفصل أحافير .. هذا يدلنا على أن في هالفصل [ حيوانات ] .. !! ضج الفصل بالضحك مرّة أخرى ، والمدرس فهمها من جهة اخرى .. ! وهي إني أسبهم .. وأنهم حيونات .. ! فقالي .. قم يالله .. أوقف وراء .. وسط ضجيج من الضحك المقرف !!! :D وأنا يعلم الله أني على نياتي .. أبشرح للمدرس ! :eek5 بعد ما انتهى الدرس .. جاء طالب وزرّن وقال : أبك حنا حيوانات يا قليل الأدب ؟ :113: |
هههههههههههههههههه
الله يرجه هالـ .............. ههههههــ اقتباس:
مشكور يا النهـيــم والله تقطعت من الضحكـ سلام.. |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه
أبك أبك أبك أبك ههههههههههههههههههههههههههههههه |
ابو معاذ ... ياحبيلك بس أن وخشك وسواليفك ... يبيلنا طلعة ياشيخ .. :) |
مشكور أبو معاذ لكن أعلمك أنك منتب سهل بالتشبيه لا بعد واضح أنك جزوم و تطقه بالوجه ماهمك أحد |
(( أبك إحنا حيوانات ))
اقول يا ابو نهيم اكيد انك دارس في مدرسة أبوبكرالصديق رضي الله عنه بالضاحي خخخخخ ننتظر باقي لباقتك وسجل أول واحد حبك :D:d |
مرّة وكلني أحد الأئمة أصلي بداله في مسجده .. !
وكنت [ صغير ] بعض الشيء .. ومرتبك ! والواحد إذا صار مرتبك .. كل شوي يبلع ريقه من الخوف :) ! وهذا الخوف ناتج عن ضعف في الثقة .. وضعف الثقة .. نتج من الرسائل السلبيّة التي اعتدنا على إطلاقها على أنفسنا .. ! فمنذ أن كنا صغاراً ورسائل التحطيم والنقد الجارح .. هو السائد لدينا .. أما التشجيع .. والرسائل الإيجابيّة .. فهي نادرة جداً .. :) ! المهم .. ! كبّرت بالمسلمين بعد ما أقمت وقلت إستوو أنت واياه لحد يتقدم ولا يتأخر .. ! وبديت .. بقراءة الحمد لله رب العالمين .. ! وماشية الأمور تمام .. لكني مرتبك وودي أبلع ريقي .. ! :D لكن ما أقدر أوقف قراءتي .. وأبلع ريقي ... تعرفون [ فشيلة ] :p ! واصلت قراءتي الرخيمة .. حتى وصلت إلى قوله تعالى [ ولا الضــــــــــ ] .. !! هنا .. توقف حلقي .. وضرب فرامل .. ! :mad: هذا وقته ؟ :mad: [ ولا الضــــــــــــــــــــــ ] ! :confused: بعدها نص الجماعة .. وراي .. قالوا [ آميــــن ] .. لكن بتردد وضعف ! :D ومثل ما تعرفون .. لو نقص حرف من الفاتحة .. تبطل الصلاة .. ! فعدتها مباشرة .. مرة أخرى [ ولا الضـــــــــالين ] .. ! فقالوا مرّة أخرى وراي [ آآآآميييييين ] ! :113: وش هاللخبطة ؟ :S موقف آخر ! بعد ما كبّرت بالجماعة .. ! تذكرت .. إني غير طاهر ... !!!! وش هالورطة .. !! وابليس ابن الكلب ما ذكرن إلا يوم كبرت ؟ :113: لكنه رحمن وقال .. كمّل بهم يارجال .. محدن داري .. !! مهب زود حب بي .. يبين آثم ابن الكلب :113: ! لكني مباشرة .. عشقت ريوس .. ورجعت ! عشّقت .. بتشديد الشين .. مو عشقت من العشق .. :113: ! فتقدم واحد من الشيبان اللي وراي الله يجزاه خير .. ! وأنا أنطلقت أتوضأ .. هع :113: ! |
والله ياموضوعك انه فله
اثرك خفيف دم وانا مادريت {{باب ماجاء في الشحط}}:d أولاه لو انا اعرفك كان اتصل عليك عشر مرات ونرجع ايام زمان يوم الطلعات هجييييييييج النهيم طق حوله يوم قلت عشر مرات,,,,,,,,,, |
تسلم والله يبو معاذ وسعت صدورنا الله يوسع صدرك عاد تكفى عندي موقف خلن اقوله اقوله او ماتبي :confused: مره من المراريت اقام مسجدنا لصلاة الظهر امير استعجل بلبس النعال اعزكم الله ورحت وصليت والحمدلله وعسا الله يقبل يوم طلعت من المسجد وادور اخت نعلتي مالقيته وين راحت بسم الله :confused: وانا ادقق بين النعال لقيت نعلتي الثانيه بسم الله الرحمن الرحيم وش جابه هذي هنا :confused: واثر محاتسيك من اللخبّه والعجله لبس وحده زبيريه والثانيه دس :113: بس مهب ذي المشكلة المشكلة الله مير يسلمك والقراء انه به واحد حبيب بالحيل يمر على حبيبك اللي قلت لنا عنه ويشربك له ويغمز من قوة الحبابه اللي عند رفيقي المهم يدور معي وفازع الرجال :eek: وامير يشوفن اللبس الزبيريه والدس وابنس وينشب لي يقول تعال وين تبي الا هذي مهب نعلك اكيد انت تبي تنطله يابن الحلال انا رفيقك اللي قبل شوي تدور معه ودايم اعطيك فشار كريك كراك بالكتشب << يموت عليه الله يذكره بالخير ماودك الواحد يقلب عليك مهب زينه :eek5 ياربيه عاد شسوي به معقوله اصفدسه وهو فازع مشكله ياشيخ والله ويعلم علي الجماعة كلهم من طلع علمه << ويتم التشهير به :eek5 والله حاله ياخي سمعتي صح ويجيك هالرقله يحوسه بسبت نعله عساه ماعادت حسبي الله على ابليسووه واعذرنا على التطفل يابو معاذ << يقاله يعرفه :D شكراً لك يالغالي |
.. ههههههههههههههههههه ,, فكره رائعه .. وموضوع شيق ورائع ,, قرأتها كامله ,, زدنا زادك الله من فضله ,, مواقفك وطرائفك شوقا لك .. <<< يقاله يشجع .. :113: :D |
سوالفك تعجبني
هبااااااااال هالمواقف شكراً لك على المواقف |
أثار استغرابي حادثة روتها لي أمي في سيّارتي، بعدما رجعنا من سهرة قضيناها في استراحة قد اجتمعَ فيها ثلة من الأقارب ، ومحور الإستغراب يدور حول أنّ هناك طفلين يلعبان سويّاً في الإستراحة، وبينها علاقة محبة ومودة وتصافي، يجمع بينها طهر القلب والنقاء وصفاء السريرة واللقاء، غيرَ أن أحدهُما لهُ علاقة عاطفية مع فتاة تصغرهُ بقليل، وقد كان مع الطفل [ الذي له علاقة مع الفتاة ] ريالين، فطلب منهُ صاحبهُ أن يُهديهُ واحداً .. فأبى وأعرض ! غير أن رأيهُ اختلف سريعاً حينما أتت صاحبته المذكورة آنفاً، فابتهج قلبهُ وطربت روحهُ، فترك صاحبهُ - غير مبالٍ - وذهبَ مع خليلتهِ ورفيقة دربهِ وأعطاها - دونَ أن تسألهُ - الريال الآخر، وذهب معها بعيداً، حيثُ اللعب الممتزجُ بالحب العاطفي والأنس المتوّج بالعشق العذري، وياليت شعري كيفَ فعلت هذه الفتاة بلب هذا الطفل، فأخذتهُ عن صديقه الذي ذهب وتركهُ، ضارباً بمشاعرهِ عرض الحائط ! والذي جلسَ لوحدِه حزيناً يضربُ كفاً على كف، ويشتم بداخله صاحبهُ الذي خذله !
فتأمل ياعزيزي ! ولكَ أن تستغرب مثلي و كما أنّ لك كذلك ألا تستغرب، فالحريّة هُنا متوفرة :) . |
ههههههههههههه
والله انك شئ متابعين بقوووه |
ههههههههههههه
والله انك شئ على فكره يوم انك تصلي وين الخشوع وانت تفكر متى تبلع ريتسك هههههـ متابعين بقوووه يا خلفهم يا روح أللللبي |
الرد السابق كتبته بالفصيح .. على غير ما ما كان يسير عليه الموضوع .. !
ما أدري وش رايكم .. أيهم أحلى .. العامي ولا الفصيح .. ؟! ولا تبون نشكل لكم .. :113: ! < - - صار مطعم .. قبل سنين طويلة ( يوم أنا نص بزر ونص شاب ) .. ! كنت أنا ورفيقي الصبح نمشي بالشارع .. فاضين .. لا شغل ولا مشغله .. ! والفراغ كما تعلمون .. مشكلة كبيرة ومعضلة عظيمة .. ! الثانويات ذاك الوقت .. كانت شغّاله .. ( يعني فيه دراسة ) .. ! فقلت لرفيقي .. وش رايك نروح نسيّر على الثانوية اللي بجنبنا هذي .. ! وندخل نتمشى فيها .. ونشوف أوضاعهم :) .. ( فاضين ) ! بالبداية .. رفيقي عيّا .. لأنه ذروق باللحيل .. ! مع الإقناع والإصرار .. رضخ لاقتراحي .. ومشى معي .. ! وكانت مع رفيقي [ دقسن ] مدردعه ما تسوى زنوبة بنقالي .. :) لبقنا عند الباب ودخلنا الثانوية .. وتجاوزنا .. باب الإدارة والمدير .. والشلة هذي .. ورحنا مع وراء ! ورقينا .. لم الفصول .. ولقينا بعض الطلاب اللي نعرفهم .. وسولفنا معهم .. ! ومن فصل إلى فصل .. ومن سيب إلى سيب .. ! لمين فقدت صاحبي .. !! وين راح رفيقي ما أدري .. ! قلت أبنزل .. أشوف وين راح .. شكله طلع .. !! ويوم نزلت تحت بالحوش .. لقيت [ الوكيل ] .. ! كان رجل طووويل وأصفر .. وملتزم .. واضح انه حبيب وطيّب ... ! مسك يدي .. وقالي امش معي .. قلت وين يالحبيب ..؟ قال امش رفيقك هناك .. تعال نبيك شوي .. :) ! أنا توقعت انهم من باب الكرم .. قالوا نبي نقهويكم .. :) ! رحت .. ودخلت غرفة المدير .. !! لقيت المدير .. مكشرررر ووجهه أسود ومعصب وضايقتن فيه الدنيا .. !! جيت أنا مبتسم .. وواثق .. ااالسسسلالالام عليكم ... !! أحتريه .. يرد بنفس الحراره .. لكنه رد علي بنظرات شزر واحتقار .. ! ورد السلام .. بكل برود ... !! حينها علمت أن اللي قدامي [ عنبه ] .. ولا عندك أحد :) ! وأشوف رفيقي .. وجهه حول تجيه الصيحه .. ! ثم حصل نقاش حاد شوي بيني وبين المدير .. [ لمعاملته السمجة ] زي وجهه .. ! قالي وش اسمك .. قلت منب معلمك .. ! < - اخس يالقوي .. قال ليش .. اسمك فيه عيب ؟! قلت لا ما فيه عيب .. بس الي مثلك .. ما أعلمه ! < - - الظاهر مبطي محد خقلن ذاك الوقت هع :113: بعد كلام طويل .. ومحاولة أنه يعرف معلومات عنّا .. عجز ! فقلت أنا له كلام .. انحرج منه قوّه .. وتلوّن وجهه .. ! قلت الآن أنت لو جيتنا بأسلوب جميل .. وبأسلوب ترحيب .. ياهلا باللي جانا .. يامرحبا .. وصبيت لنا فنجال قهوة ... كان ياخوي نستحي منك .. ونحب راسك .. !! ونقولك كل اللي في بالنا .. ! لكن أنت جيتنا بمعاملة الشدة والعنف .. !! مع أنك الآن .. ماشاءالله مدير مدرسة .. يعني لك باع طويل في التعليم [ والله من قله ] .. كنت أتكلم وأنا أتلفت بغرفته الفخمة .. ! وأقول ماشاءالله أنت رجل تعليم كبير .. ! المفروض تحرجنا بتعاملك .. وبتربيتك المتعقلة ... !! مهب تسوي تسذا .. المدير .. بعد هالهرج .. تلوّن وجهه .. ولا رد علي .. ! قالي أنت خلاص اطلع .. !! < - بعد ما حس إن ما بي فايده :113: ! وفي أثناء هالكلام .. جت مكالمة للمدير ... ! أنا على طول همست في أذن صاحبي .. وقلت له .. [ خلنا نفرك يا رجّال ] .. ! رفيقي لفرط [ ذراقته ] .. عيّا .. وخاف .. !!!! أنا قلت خل أطلع .. وأشوف وش يبي يصير ... ! رحت وجلست عند الباب بالضبط ... !! أسمع وش يقولون .. ! المدير يقول لرفيقي .. هذا وش اسمه .. ؟ وهذا وش يبي .. وليش جاي .. ؟ أنا على طول .. دخلت .. وقلت : لا وتغتابن بعد .. !!!!! < - - اوالله النشبه هع ! بعد ذلك .. أنا طلعت من المدرسة .. ورحت أحتري رفيقي عند الباب .. ! جلست مدة أحتريه .. ! وأنا جالس .. ما دريت إلا رفيقي طالع مجللللللللللعد وعاضن ثوبه .. ههههههههههه :eek: هههههههههههههههههههههههههههههههههههههههه والله وأدعس وراوهـ .. هههههههههههههههههههه وش السالفة يابوفلان .. !! قال إنه طلب الشرطة .. ههههههههههههههههههههههههههههههههه طبعاً حنا هجينا وتركنا الموتر .. ههههههههههه .. جلسنا مدة .. في مكان حول المدرسة .. ! وجت اللومينا .. تدور بالحارة .. وحنا تغبينا في [ مسجد ] .. ! بعد ما جلسنا فترة .. وحسينا إن الأوضاع هدأت .. ! قلت لرفيقي امش نجيب السيارة .. ! قال لا أخاف .. ! [ تبلش بالذروق ] .. ! قلت طيب هات المفتاح .. أنا أروح أجيبه .. وأجي .. !! عطان المفتاح [ بعد تردد ] .. ورحت للسيارة .. السيارة كما تعلمون قدام باب المدرسة .. !! يعني منطقة خطره .. !! وأنا جالس أبفتح باب السيارة .. إلا والمدير يطلع ومعه الضابط !!! وأنا الي ينقز قلبي .. من الخوف والروعه .. !! وأديور بكل هدوء .. وعطيتهم قفاي .. وشخصت شخصية [ كبارين ] .. وكنت أمشي بهدووووء .. و[ أعرج ] .. وأتأمل بالبيوت يمين ويسار .. يقالي مرّوق .. ولا لي من الشر طاري ههههههههههههههه .. مشيت أنا على هالحالة .. لمين لفيت .. يوم لفيت .. والله وأعض ثوبي .. وهجيييييييييييييج .. عاد جيت بعد فترة أخرى وأخذت السيارة .. ! وانتهت الحادثة بسلام ! ooo1 [ وتراي الحين كبرت وصرت عاقل ] .. إحم :) عفى الله عما سلف .. :) |
ههههههههههههههههههههه ياشين البزوعين وياشين الذروقييين هههههههههههههههههههههههههههه |
هههههههههه السالفة الأخيرة تنسييييييييييم ..
|
هههههههههههههههههههههههههههههههههههههههههههههه والله أنك منسم يا شيخ أنا قيالك من زمان أنك تطقه بالوجه عادي والله إني كسلان قووه بس يوم قريت(((((يقالي مرّوق .. ولا لي من الشر طاري ههههههههههههههه .. مشيت أنا على هالحالة .. لمين لفيت .. يوم لفيت .. والله وأعض ثوبي .. وهجيييييييييييييج )))) أمر أمووت من الضحك مشكور يالنهيم بإنتضار القادم |
النهيم انا من قريت اسمك وانا قلت انك فلة
|
في أحد الفجريات .. !
طلعت أنا وأحد الأحبة للديار قريبة من بريدة .. ! علشان نبي نصوّر بيوت طين .. ! :) وصلنا الديار المقصودة .. ! ولفينا الشوارع كلها .. ولا لقينا بيوت طين .. :) !! قلت لرفيقي خلنا نسأل أحد .. لعله يكون أبخص منا .. ! وأهل مكة أدرى بشعابها .. :) ! لقينا [ شايب ] حافي وثوبه وصخ باللحيل وحالته حاله .. ! وقفنا عنده .. وقلت أنا يا خاااااااااال .. يا خااااااااااااااااااااال .. !! قال هااااااااااه ؟ قلت يا خاااااال مااااا خبررررت بيووووت طين ؟؟ حولكم هنا .. ؟! قال هااااااااااااااااااااه ؟؟ قلت بيوت طين .. بيوت طين ... ماخبرت بيوت طين حولكم هنا ؟ بدأ يقرّب لمنا .. قلت ياخال أبي بيوت طين .. حولكم هنا ... ؟ قال هااااااااااااااااه ؟؟ بصراحه .. أنا خفت .. وش بلاه الرجال بدأ يقرّب .. ! لا يحسبنا نستهبل عليه ولا شيء وناي بنا نيّة ... !! :( لعل رفيقي كان يبادلني الشعور .. وأنا ما أدري .. ! قالي .. هج يا ولد هج هج .. !! :i125 والله وأحطه بالواحد .. ههههههههه وما تشوف إلا غباري ! :D هااااااااااااااااااااه ؟ |
ههههههههههههههههههههههههههههه حلوه كثر من السواليف
|
هههههههههههههههههههه
ههههههههههههه ههههههههههههههههه والله يا انت مطهبل خخخخخخخخخخ بس وراه اوصلت مع المدير لحد انه طلب الشرطه وش هالتخلف هههههههه اكيد مسوين شئ بالمدرسة وإلا كاسرين لوحة وإلا وشوله طلب هالشرطه :d:D لايصير ملفك اسود بس خخخخـ ;) والله يا سواليفك شئ قسم بالله اثرك ذرووووق وشسويت انت علشان تهج هههههههه يا حليلكم انت وخويك بس لايصير نفس الخوي اللي راعي المدرسة هههههـ |
الحزين ، الفتاك ، @جرّوح@ ، خريييش ، sloomii ، وحيد الخلان ، الصباخ ، برج المياة ، المسفهل ، قنـــ القلوب ـــاص ، abraheem ، الفـــارس ، الجني العبد ، مدعدع ، وحــــــــداني ، <<ابوريان>> ، أبو محمد النجدي ، جيدا ، أبوسعد! ، خوي السرور ، الناي الحزين .
أشكر جميع الأسماء التي في الأعلى من أعماق فؤادي، وأشكر جميع من شجعني وأثنى على موضوعي البسيط ، سواءً كان هنا أم في الرسائل الخاصة ، بورك فيكم وبوركت أناملكم . واسلموا لمحبكم : أبومعاذ . |
مـبدع يابومعــاذ كعـادتك في أي موضوعٍ تطرقــه أنا أقــترح أن يكون الدخــول للموضــوع بـتذاكــر وأن يكون ريعه لفقــراء الـ(ســواليف الكشــكولية ) |
ههههههههههههههههههه
|
أقول تراي انزرقت عاد وصدقت نفسي :) !
ارفقوا علينا شوي الله يهديكم .. ! مرّة من الممارير .. جعل المر ما يمر على حداكم .. ! أأذن بمسجد .. نسأل الله القبول والإخلاص .. ! وكنت منسجم مع الأذان .. شاااااااااالع .. وسادن أذاني بأصابعي .. ! < - لا تخلينا يا علي ملا :D ما دريت إلا وفيه بزر يحبرش تحتي .. [ بزر أسووود ] .. !! أنا نزززيييييت .. باسم الله .. هووووووواااااااااااءءءءء < --- صوت النزه :113: وطلعت نزتي بالمكرفووون :eek: !! وااااااوه .. يا فشيلتاه .. :p عاد يوم قضيت .. والله وأتص البزر .. ! قلت أبك مرّة ثانيه تعتب للمحراب .. أجز رجليك .. :D ! |
رائع جداً .. بصراحة استمتعت بسواليفك الجميلة أبومعاذ :) ..
انتظر المزيد .. |
بما أن الموضوع عن المواقف والسواليف أذكر قبل سنتين أو اكثر في أيام الشتاء ,, كنا مجموعة سنخيّم إلى إحدى البراري ,, وأثناء تجهيز العفش قبل التخييم بيوم بقي علينا الخيام وقيل لنا أن الخيام باستراحة بضراس ,, المويهم >> خربت :D مشينا بعد صلاة المغرب مباشرة كنا 3 من الشبيبة على جمس مغلّه 83 ,, ورحنا لضراس وبعد توصيف جاب لنا المر من شينه وصلنا للإستراحة المقصودة بدينا نطق الباب ونطق ,, ويظهر لينا أنه مافيش حد أستعنا بالله وقمز واحد من الشبيبة على الاستراحة وفتح دخلنا ونشوف ذيك الخرابة وندق على أبوفلان اللي تبعه الخيام ويوصف لنا مكان الخيام بالاستراحة ولا والله اننا ما نشوف شي قلنا وين طفايات النور علشان نشغلهن ,, قال أصلاً الكهرب مقطوعه :070: ,, قلنا وشو ,, قال أننا ما سددنا الفاتورة وقطع عنا الكهرب ,, قلنا طيب والغرفة اللي به الخيام قال دوكم رقم ابوفلان وانشدوه عن المفتاح ,, ودقينا على أبوفلان : ألو .....وبعد السلام...... أبوفلان مفتاح الغرفة اللي بالاستراحة معكـ قال : إيه ,, بس تراوهـ بسيارتي وسيارتي محجوزة بحجز الموطأ لأني قاطعن اشارة وصادون الدوريات وانا هاللحين حول المليداء :eek: ,, قلنا والحل !! قال مالكم ألا تقمزون بس انتبهوا ترا الدعوى كله غبار ,, إييييييييييه :041: طبعاً القمزة تتم بإزالة غطاء المكيف ثم الدخول من خلاله ,, وقلنا مالنا ألا ندور نور وطقينا على الاستراحة اللي بجنبهم قلنا لهم السالفة كذا وكذا ونبي مصدر نور ,, >> لا يفوتكم هالمصدر :041: وفزع معنا هاك الرجال وعطانا كبس يشتغل على السيارة لكن فيه مشكلة ان الجمس اللي معنا راعي طفيات وإذا طفى عاد مايشتغل ألا بنتع :eek5 ,, فعطانا الرجال ذاكـ موترهـ وما قصر والله وقال أشبكوه وإذا خلصتوا عطون المفتاح انا بالاستراحه ,, وبعد محاولات عنيفة لدخول الغرفة ,, وبحمد لله تم فتحها :41 ,, لكن المصيبة هنا ان الخيام غير موجوده :070: ,, واتصلنا على أبوفلان الأول قلنا له السالفة قال : ابتششششش ,, يمكن تلقونهن عند فلان باستراحتهم بالمريديسيه ,, قلنا مشينا وعلى المريديسيه ,, ودخلنا الاستراحة وطلع لنا واحد تبعه أبوهم مادري أخوهم وجلسنا وحنا نفهمه يمكن 10 دقايق وصفت السالفة أنه بغى يدقنا :102: لييش مادري وقال ماعندنا خيام ,, ودقينا على ذا قال ارجعوا لضراس ودوروهن ثانية ورايح جاي ورايح جاي وترددنا يمكن من ضراس للمريديسية يمكن 7مرات وبالآخير نلقى خيمة بضراس بمجلس الاستراحه والثانية بالمريديسية واللي أشغلنا زود انه كل ما بغينا نمشي لزوم ننتع هالاقشر اللي هو الجمس ويوم وصلنا حول الراشديات وقالوا تأكدوا من العمدان هن موجودات ولا لا !! واكتشفنا انه مافيه عمدان ,, وادعس للسنيدي ويالله لقينا موقف يصلح لنا للنتع ,, ورجعنا بحمد الله وسلامته رجعنا للشباب بالمسجد الساعة الـ 12.15 صباحاً ,, وهذه من المواقف اللي عالقة بذهني >> لا تخلينا :D ,, ونعتذر عن زود الهذر اللي حصل وسلام عليكم |
مشكور اخوي وحيد الخلان >>>> صار هو راعي الموضوع
|
ياااارب إن فيه نفر فاتح له موضوع خااص .. وقط معه واحد بدون شسمه إذن ..
ياحبي لسويلفاتك يابومعاذ .. والله إنك إكه .. تنسسسسسسيم .. وااصل يانهيييموووهـ .. |
اقتباس:
الشبتسة تعاير المنخل ..! وإلا عاد أنت ايقالك ترد ..؟ [:011:] |
مرتن يوم أنا صغنطوطي .. !
ما هنا ملحي وطعمي .. ولازلت .. ! :113: كنت ماشي بالشارع .. ! فلقيت [ توبيس ] لمطبخ مجاور لبيتنا .. متعطل فيهم .. ! والي يسوقونه بنقالية .. يدربون الراس .. [ كالعادة ] .. ! وبلشين بأعمارهم .. ولا يدرون وشلون يشغلونه .. فقالي واحد من البنقالية .. [ تعرف تسوق ] ؟ قلت أفا عليك .. وأنا الي أطق ايدي على صدري .. وأقول هشوه المفتاح بس .. ! :D ازهلوا الأمــــر .. ! :D وأنا والله ذاك الوقت ما أدري وش السواقه .. ! والظاهر انه اول مره أسوق بحياتي كلها .. ! افتتحت السواقه .. بتوبيس مطبخ :113: ! قلت دفوا يالله [ تسنبأ علم ] .. والله ويدفون .. وأشغل المووووتر .. والله ويشتغل .. !! وصار محطوط بالأول .. !! :D والله وأحط رجلي .. !! وكل الوقت وهو بالأول .. ! :D عنننننننننننننن عنننننننننننننننننن عننننننننن .. والبنقالية وراي يصفقون من الفرحة .. ! :052: :052: مشيت .. وأنا بلشن بعمري .. والله ما أدري وش السالفة .. ! أخذت لي كم لفة ورجعت لمهم .. ! وأشوني ما دعستهم بس .. :050: ورحت لمكان مطبخهم .. [ ما ركبهم هالنذل ] :113: ! جيت أبلبق .. والله ما أعرف .. ! :080: كانت فيه سيارة مصري .. بيته بجوار المطبخ .. ! قلت أبلبق وراوهـ .. ! :112: والله وألبخه مع وراء :113: وتنقز سيارتهـ ـ ـ قدااااااااااااااام .. :113: ! بس المهم التوبيس وقف :113: ! وأنزل .. وأفرك .. هع هع :112: ! |
عاد مالقيت إلى سيارة مصري يا ويلك منه لو يدريبك أشكرك أنت و وحيد الخلان اللي أتمنى أنه يشارك بالموضوع و يوسع صدورنا الله يوسع صدوركم |
اقتباس:
ربما . ! المدرسة الثانوية .؟؟ |
تهاويل يا أبو معاذ.
مشكوريين,,, مــــــــــــــــــــحــــــــــــــــــــــــــــ ــــــــبــــــــــــــــــــــــــــكــــــــــــ ــم |
أبومعاذ .. أجل صدمت سيارة مصري ..
عادي المصري والصرامة .. عيش وملح مع بعض .. شكله للحين ماصلح السيارة :cool: .. سواليف نهيمية رائعة جداً .. |
92392873912364823شكر لأبو معاذ
أحسن شي المدرسة والمطبخ |
يستاهل ختم التميز بجدارة :)
|
أحد شباب المنتدى !
منب قايلن إسمه .. إلا إذا سمح لي .. ! :p صارت له سالفة قبل أيّام مضحكة حد الثمالة .. ! :D في غرفة نومه العامره .. سرير ! < - لا يا شيخ :113: لكنه ما يحب ينام على السرير .. يحب ينام بجنبه [ مثلي ] بعض الأحيان :113: ! فـ مرّة من المرّات .. نام بالفراش الي بجنب السرير .. ! وحلّم .. حلم شين .. ! عصب على واحد من الشباب .. وجاء يبي يخقله بكل ما أوتي من قوّه ! :i121 ششششششششششششطععععععععع !! :i121 والله ويلزخ طرف السرير .. ! ويقوم ورجلينه تصبصب دمامين :113: واااااااااااااو !! هذا وقته ؟ :113: ! سالفة أخرى ! أحد الأعراب .. ذهب إلى مطعم من المطاعم .. ! فقاله وش عندك .. ! قال عندي كذا وكذا وكذا .. ! وهو يدربي الراس ما يدري وشن ذولي .. فطلب بعض الأسماء .. ! قاله العامل ..[ تبي محلي ولا سفري ] ؟ قال الأعرابي : [ شكّـلي ] :113: [ شكراً أبوسر ع التميّز الي ما نستحقه ] ! |
هذي سالفة كتبها واحد من الشباب !
خلونا نتابع سوا < - يصلح مذيع بالمجد :113: ! يقول لكم هذا واحد مسيكين صحيح ! كان يسوق وانيت ! ومحمل غنم ! المهم ويوقفونه التفتيش .. قالوا له ما شاء الله عندك غنم وش توكلهم ؟ الرجال هدر شوي .. الله يهديه :113: قال أوكلهم حشيش .. الرجال المسيكين يقصد التبن .. المهم .. ويرضونه يبونه يعترف من وين يجيب الحشيش .. المهم لين فهموا وش قصده .. المهم ويمشونه .. ويوقفه تفتيش ثاني .. قالوا له ما شاء الله عندك غنم وش توكلهم ؟ قال خاف اقول لهم حشيش يرضوني .. قال أوكلهم تبن ! ويرضونه الين صاح .. يقولون وراك تقول للعسكري تبن ! المهم يوم شبع تكفيخ ! مشوه وقفه التفتيش اللي بعده .. قال ما شاء الله عندك غنم .. وش توكلهم ؟ قال خوفك أقول تبن وإلا حشيش أتوهق ! قال لهم : والله أعطي كل واحد فلوس وأخليه يشتري اللي يبي ! :113: شكرن ! |
ياحبي لك وسواليفك والله إنك شي أكمل أكمل يا هذا فأنا جداً متابع :D |
واااااااااااااااااااااااااااااااااوتس آآآآآآآآآآآآآآآآآآآآآآآآآآآآآآآآآآآآآآي يابطني آآآآآآآآآآآآآآآآآآآآآآآآآآآآآآآآآآي
اوجعن بطني من الضحك والله اني دايخ يوم قريت الموضوع طار النوم الله يخس ابليسك والله انك فله وخفيف ظل<<<<:re قريته بحدى المواضيع |
تسلم والله يبو معاز
عاوزين البائي الله يقبور بخطرك |
هههههههههههههههههههههههه
هبال سواليفك ياشيخ تدري |
" رؤيا صادقة "
قبل فترة - ليست بالطويلة - أتى إليّ أحد الأصحاب وأخبرني أنه رأى رؤيا جمعتي بهِ ! وقد حكيتها لبعض الأحبة .. في الماسنجر .. ولا بأس بأن أحكيها هُنا للجميع .. ! فقلت لصاحبي - ماشاءالله - أخبرني يا هذا بما رأيت ؟ < - مسوي مسفر أحلام :113: قال حلمت إني كنت واقف أنا واياك عند باب بيتنا .. ! فـ جاء بابا عبدالله [ أبومتعب ] الله يطوّل بعمره على الطاعة .. :D ! ووقف عندنا وجلسنا نسولف وإيّاه .. ! فقال صاحبي لـزميلنا أبومتعب < - - حطه زميلهم :113: ! إقلط خلنا نقهويك .. ! أمر أنقز أنا وأقول والله يتقهوى بغير بيتنا :113: ! ذابحن الكرم هع هع ! فبعد التلزيم .. طاعني أبومتعب .. ومشى معي للبيت .. ! والبيت مهب بعيد أصلاً عن بيت صاحبي .. ! فذهبت أنا والصديق أبومتعب ودخلنا البيت .. ثم لحق بنا صاحبي ودخل وراءنا .. ! فلعل صاحبي .. اتصل بـ مفسّر رؤى .. ! فقال لهُ المفسر بعض الأسئلة .. أتحفظ عليها .. ! لكن مما أخبرهُ المفسر أن لي صاحب قد ذهب زمن طويل لم أره [ لمشكلة حدثت فيما بيننا ] .. وقال له المفسر أنني [ يعني أنا يالنهيم ] أبقابل ذاك الرجل الي متهاوش معه عما قريب جداً .. !!! أنا قلت أوالله النشبه :113: ! وشوله تروح تفسر .. ورطتنا :113: ! الكلام هذا [ الظهر ] .. !! آخر العصر .. أنا ذهبت لمكان [ عام ] فيه ناس واجد .. ! فبالصدفة .. تقابلت مع صاحبي الذي لم أره منذ زمن طويل .. وجهاً لوجه .. ! وسلمت عليه وعانقتهُ .. وأنا في داخلي [ ضحكة عظيمة ] .. ! فسبحان الله :) ! |
هذي لم تضحكني يالنهيم<<<اهم شي اقرا وسكت
|
,, أبو معاذ ,, :) أثرك مفسر أحلام وحنا ماندري :D <<<< هجت بوه الهدر .. :113: زدنا بورك فيك ,,, متابعين :) |
يعطيك العافية أبو معاذ ع هذا لإبداع القصصي..
مازلنا ننتظر المزيد والمزيد.. |
رائع جداً ..
متابع باستمرار .. |
سواليف ممتعة ياسماحة اللذيد أبو معاذ يعجبني في مواضيعك الأسلوب والتنسيق والنفس الطويل قرأت الموضوع بكامل حلقاته على غير العادة وهذا دليل الجاذبية في طرحك فــ سجل عندك متابع متأخر :) |
الأحبة الأكارم الذين شرّفوني في هذا الموضوع وأبهجوني بردودهم وتعقيباتهم لهم مني كل الشكر والتقدير والعرفان .
قرناس ، الصباخ ، وحيد الجزيرة ، جيدا ، أبوسعد ، وحداني ، قصيمي طيبة الطيبة ، مـــلاذ ! ، خوي السرور ، الرازي ، الــلــيــث ، صاحب سمو ، أبومحمد النجدي ، خريييييش ، التويجري ، الشجاع ، برج المياة ، وحيد الخلان ، قصيمي كوم ، حفيد عقيل . ياحبيلكم كلكم .. وه بس .. ! |
اقتباس:
:D |
مرّة من المرّات .. يوم أنا [ بزقة ] إبان بداية انطلاق قيادتي للسيّارة < - ياعيني .. !
كانت معي كابرس عنابية قديمة [ محششة ] .. :113: ! ورثتها من الوالد جزاه الله خير .. :) ! http://www.goyemen.com/images/748_1752m9fRd19P3lNH.jpg والله لا يوريكم وش كثر ما كانت البرحة الكبيرة الي بجنبنا تشكي كثرة التخميس والتربيع فيها :113: والله لا يوريكم وش كانت الزبايل الصفر الي بالشوارع ترتعد فرائصها إذا مريت من عندها :113: ! http://training.iranenergy.org.ir/pi...le/garbage.jpg إذ حدث ذاتَ مرّة .. أني كنت طالع الصبح .. أبروح للثانوية حقتي .. ! وكانوا فيه طلاب بزارين يمشون بالشارع .. رايحين للمدرسة المتوسطة المجاورة .. ! فلعلي جيت بالمحششة وكنت دايس .. ! وطلع لي واحد من الأصحاب من بيتهم .. يسلم بايده .. وأنا فرح على بالي أسوق همر .. ! وجلست أمطمط ايدي .. علشان يشوفن رفيقي .. ! :113: ما دريت إلا أنا قاااااشعن ذيك الزبالة الصفراء .. والي أحدثت دويّ وانفجار هائل .. مما جعلها تتدربى بالشارع .. ! والله لا يوريك الطلاب .. وش حالتهم !!! :113: ! هههههههههههههههههههههههههههههههههههههههه يعني كانوا يظنون أن قنبلة وقعت من قوّة الدويّ !! بس صدقوني .. صحيّتهم من النوم .. وابن ابوهـ اللي ينام بالفصل .. هع هع :113: ! والزبالة .. الله يرحمها .. توّفت ! وقد رثيتها بقصيدة طويلة أعطيكم بيتين منها : يازبالتن على الشارع واقفة .. تنتلي كل يومن قمايم صدمتها وهي باللحيل خايفه .. من سواقة شبيه البهايم :113: فعلاً .. كانت لي مواقف كثيرة مع ذيك المحششة .. طيّب الله ثراها .. وسقى الله لياليها بمزون الرحمة والغفران .. وشآبيب النياحة والعرفان < - - دوّر شآبيب عاد :113: ! وفي مرّة من المرات .. وفي أحد الليالي المقمرة .. وعلى أتون الموسيقى الهادئة < - وش عنده اليوم :113: ! كنت طالع أتمشى بالمحششة .. مع صاحبي [ راعي الدقسن الذروق ] :113: ! وأخذنا كم لفة بهالشوارع .. لمين .. لمحت رفيقن لنا يمشي ورانا .. ! رفيقنا هذا من خبيري [ التفحيط ] هع هع :113: ! الزبدة أنا حطيت رجلي .. يقالي أبهج عنه .. ! وأدعس وأدعس .. وأدعس .. ! وكنا في وسط حاره .. ! < - - شوف التهوّر ! رفيقي [ راعي الدقسن ] يقولي إرفق يابن الحلال .. تطلع علينا سيارة اللحين ! أقوله أنا .. [ يارجال طرّب زمانك بس ] .. :113: ! والله وتطلع علينا ذيك الهايلوكس غمارتين .. ! وكان مسرررررعه أكثر منّا .. !! والله وألبخه ذيك اللبخة الي أحدثت دويّ مهب صاحي بوسط الحارة :113: ! وأخذت الهايلوكس عدة [ عقد ] .. ثم إلبخت ذيك البيت .. !! وكان بالصندوق [ ستبنة ] نقز في أحد البيوت :113: ! رفيقي .. صبخ راسه بقزاقزة المحششة .. وبدأ يصرخ .. أستغفر الله .. سبحان الله .. سبحان الله .. أستغفر الله .. لا اله الا الله :113: ! أنا أنفجرت من الضحك ههههههههههههههههه !! وأنا بي خاصية الضحك في الأوقات العصيبة جداً .. ولا أدري وش تفسير لهالحاله !!:113: طبعاً أنا كنت صاحي جداً .. ولا صار فيني أي حاجه [ ولله الحمد ] .. ! أما رفيقي .. فتأثر من صبخته بالقزاقزه .. ! وراعين الهايلوكس .. واحد شالته الاسعاف .. :113: وطلع بنفس الليلة .. ! والثاني .. نص ونص .. بس ماجاه شي ولله الحمد :113: ! عاد أنا مباشرة أخذت جوال رفيقي .. ودقيت على ابوي .. وقلت له : يا بابا .. دَنا عملت حدسه :113: ! وأترك لخيالكم معرفة بقية التفاصيل .. :113: ! ودعواتكم للمحششة بالرحمة والغفران .. فقد كان ذلك اليوم ! هو يومها الأخيـــــر !! اهئ اهئ .. http://www.alwatan.com.sa/daily/2006...nat.p9.n15.jpg |
خخخخخخخخخخخخخخخخخخخخخخخخخخخخخخخخخخخخخ
وشي ذي القصة مشكووووووووووور على هذه القصة المهبلة مع السلامه |
انت الليو وهـ بس يالنهيم وحنا نحبك اكثر اخص يابرج المياه مشرفين فطاير؟؟ وحنا يالضعوف فصفص بس!! اوريك تراه بعيني هالفطيره يبو محمد :D عاد امزح عليكم بالعافيه والله يجزاك خير يالكريم يابرج << صدق :D |
كانت دراستي المتوسطة في مدرسة جميلة تدعى [ متوسطة ابن هشام ] .. !
وكان فيه مجموعة من المدرسين الرائعين .. وفيها مدرسين غير رائعين بطبيعة الحال .. ! :) ولقد كانت لي فيها أياماً شجيّة للغاية .. ! :) وفي أحد الأيّام، كان معي في الفصل [ قطرة صغيره ] فيها مادة غريبه، تحط كم قطرة على الكرسي، فإذا جلس الطالب يشب شب مهب صاحي تقل جالس على نار :) ! http://www.dw-world.de/image/0,,297810_1,00.jpg شريت هالقطرة هذي من إحدى المحلات التي فيها بعض الحركات والألعاب السحريّة والطرطعان وغير ذلك ! ولا زلت أذكر اسم ذلك المحل ! وهو في حي الهلال .. :) إلا ليه ما فيه حي اسمه النصر ؟ يزعلون علينا النصراويين .. :) شكل الي كاتب أسماء أحياء بريدة هلالي هع :) ! اليوم حالف ما أحط سيكو بالموضوع :) ! تعرفون سيكو ؟ هذا [ :113: ] أخ طيّب جداً ، بس فيه حوله من يوم الله خلقه .. ! الحمد لله الذي عافنا مما ابتلي به .. ! :) المهم .. دخلت الفصل بالفسحة الأولى .. وحطيت في كم كرسي من هالقطرة .. ! وسط مشاهدة من بعض الطلاب < - وهذا هو الخطأ الفادح الذي ارتكبته ! :) جت الحصة وجو الطلاب .. ! وجلسوا .. وشبت البتاعات على الكراسي .. ما بقى إلا نسمع تستسة الكاتم :) ! http://www.baghdadart.de/has23.jpg وخرج مجموعة إلى دورة المياه وأصابهم إسهال والله لا يوريكم .. !:) ووصل الخبر للوكيل والذي كان يحمل عصاً غليظة، ويجلدُ فيها بلا أدنى رحمة ولا شفقة ! فدعاني في ذلك اليوم .. ! وقد كنت شاباً لطيفاً للغاية .. لا تبدو عليّ سمى الشر ولا المغامرة .. ! بل الأدب واللطف والهدوء ! فتساءل مستغرباً .. كيف فعلت ذلك ؟ ولماذا ؟ المهم أن الأمر انتهى .. بدون [ تسطيع ] ولله الحمد ! وسط سيل منهمر من الدموع النهيميّة التي اندلعت في ذلك اليوم الدراسي ! http://www.alltalaba.com/media/islamyat/eye.jpg ويا كاتم .. تستست وهات أشوه .. :) ! تحياتي للجميع ! :) |
متابع لك |
اقتباس:
ولم تتحدث عن روع صاحبك:116: - حدث ولا حرج - واللي يقهر ؟؟؟ إنك مشيت ولا كنك عامل حاقه الزبالة ما زالت مسجاه إلى الأرض:i125 |
روعة هذه سـَواليـف دمك خفيف يانهيم أثرك خـفـيـف الـظـل تسلم ياخلفهم أستمر |
,, متابعين ,, زدنا بوركت .. :) |
مشكور اخوي النهيم على ابدعاتك الجميلة
|
ههههههههههههههه هستره ماشاء الله تبارك الله ..
أحسن شيء حقت القطرة اللي آخر شيء .. يقالك أنواع البراءة وتصيح علشان يسامحك الوكيل .. ياما خلف الدموع بلاوي .. <==== يقاله قايلن حكمة .. ياحبيلك ياالنهيم .. كمل .. كمل .. لا فض فوك .. ترانا متابعين وبشوق .. |
أبومعاذ يألبي ..
تابع تراي متحمس يومياً أسيّر على الموضوع واشوف إذا فيه جديد .. شتسرن |
متابع بستمرار اجل كابرس عنابية نحتريك
|
متابع لكـ
تحياتيـ .. |
أقف في مدرجات جمهورك أخي أبي معــاذ مــتابعاً ومشــجعاً لك على الإســتمرار :054: ;) |
الصراااحة سوالفك تعجبني اوي اوي<<<قلبة مصري هع هع
|
محشش راح للبلدية يطلع ترخيص لمطعم يبي يفتحه :) !
فسألوه : وش بتسميه ؟ قال : مطعم الترمذي ! قالوا : ما يمكن، لأن الترمذي رواي أحاديث جليل وما نسمح !! قال : يا سَلااااااااام .. وليش سااااامحين بمطعم البخاري بكل مكان :113: ! |
خخخخخخخخخخخخخخخخخخخخخخخخخخخخخخخخخخخخ
|
انا اشهد انك متستس اجل ناط علا مدرسه وينافخ علا المدير :073: :073:
ولاكن قصه مهبووووله :d ننتضر منك المزيد |
تسلملي يانهيم علا السواليف الفله وترانا نا متابعين
في انتضار الجديد |
النهيم لا تجيب نكت أولاه .. نبي من مواقفك الجميلة ..
زين يا ألبي .. |
زاد أقول وش مقعدهم بذا .. :)
روعة .. قريتها حتة وحدة أثرك تدرس بمدرستنا اللي بحارتنا اللي بجنب بيتنا منول اللي بغيت أسجل به اللي هونت عنه ورحت للمعهد :) عساك مالك مواقف مع السسترات :) شكلك 24 ساعة عند المحمدية :) تحياتي |
أثناء ما كنت أذهب للأستاذ الرياضي لممارسة لعبة التايكوندو .. !
http://www.webmartial.com/images/taekwondo2.jpg كان المدرّب يُمسك بـ بأثنتين من قطع الإسفنج .. ! ليصطف المتدربون طابور ويمشون واحد واحد .. ويركلون الأسفنجتين بأقوى ما عندهم .. ! :) أخوكم في الله من فرط الحماس وشدة الإنفعال لبخ وجه المدرّب :eek: ! ويجيك المدرّب ويلصن بطراق بالأسفنجه مع وراء هع هع :113: قال لاعمرك تتعود لها :113: |
خخخخخخخخخخخخخخخخخخخ
مشكور |
متابع لكـ
تحياتيـ .. |
انا ودي اسألك عن مدرس البدنية بمدرسك المتوسطه هيبة هو ولا لا...تحس انه مسطعه,,, مع التحفظ بأسمه والم يكن لك صولات وجولات بالشارع اللي عند المستوصف اللي بجنب المدرسه بالكابرس العانبيه هااااه يانهيمووووه.... تراي دارسن بالمطرسه ذي
|
اقتباس:
:113: روعه في الاسلوب.. روعه في البتاع كلووه..:41 مـتـــــــابع لكــ ..:) |
ابداااع
ماشاء الله |
مرّة سويت مقلب حلو .. في اثنين من أعضاء هذا المنتدى ! :)
جيت الله يسلمكم .. وحطيت النك نيم بالماسنجر [ أسد العقيدة ] .. ! مثل النك نيم حق أسد بالضبط .. ! :) وكان أسد غير متصل في ذلك الوقت .. ! ثم وضعت تلك الوردة الحمراء التي كان يضعها أسد العقيدة .. ! :) وغيرت تنسيق النص واللون بتاعي .. إلى ما كان يضعه أسد العقيدة .. ! يعني أنا الآن ألبس ثوب أسد العقيدة تماماً .. :113: ! وهو مقاسي .. إلا انه عررررريض شوي .. يخبخب علي :113: ! ثم جيت ودشيت على الأخ الحبيب [ ليث الغاب ] بالماسنجر .. ! وقلت السلام عليكم .. وكيف الحال .. ومن هالهرج .. ! وماشية السواليف مع ليث .. على أنني [ أسد العقيدة ] .. ! يقولي : كيف حالك يابومالك .. أقول بخير وطيّب :113: ! المهم .. قلت لليث الغاب .. تراك الليلة معزوم عندي على العشاء .. :D أبيك بموضوع مهم الليلة :113: ! ههههههههههههههههههههههههههههههههههههههه :113: قالي أنا مشغول الليلة .. قلت يابن الحلال أبيك بموضوع مهم .. ! تعال بعد الصلاة .. ! قال ابشر .. أبقضي شغلي على عجالة وأجيك إن شاءالله .. ! قلت خلاص أنا بانتظارك .. :113: ! سكرت الماسنجر وطلعت .. :113: ! ليث الغاب يوم صار بالليل .. دق على أسد ... :D ! قال له : هاه وين موعدنا يا أسد ؟ قال أسد : أي موعد تتكلم عنه ؟ قال : أفااا .. أنت اليوم قايلي بالماسنجر أبيك الليلة !!! قال أسد : أبد ما قلت لك ولا يحزنون !!! قال ليث : لا تستهبل علي .. المحادثة موجوده :113: والله العظيم انك قايلي :113: والله العظيم اني ما قلت لك :113: و و و و وسبحوا في دوامة نقاش حاد .. هع هع ولا يدرون من الفاعل :113: ! أرق التحايا وأعطرها ،، لجميع من يزور هذه السواليف .. ! :) |
هههههههههههههههههههههههههههههههه ياحبييييييييييييلك ووياحبيل قلبك وهبالك يالمنسم والله العظيم إنك رهيب يارهيب :D |
النهيم يزينك انت وسواليفك
تراي متابع على طول |
اشتقت لك وايد يا سمبوسه :bad
http://farm1.static.flickr.com/100/2...0b15ae90e3.jpg http://www.aromas.com.sg/images/webs...amosa%20lr.jpg [ ج . ق ] ! |
رااااائع جدا يابو معاذ والله توي أقرأ هالسواليف والله انك منسم... لكن ما عندك مواقف لسيارتك الفضية اللي مشغلك عنده خويك اللي يبي يشتري مثله.... |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
الله يقلع سوااليييييفك يالنهيم لعبت الاخ ليث الغاب:d خخخخخخخخخخخخخخخ |
| الساعة الآن +4: 12:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.