عطفا على الطفل المرحوم ( بن الحجيلان) ....والنخيل بلازا
 

المطبات حل الضعفاء فهذا شارع رئيسي بل ومن أهم شوارع بريدة
لكن الحل هو بعدة أشياء فمنها
أولا الشجر الي ماتدري إلا طالع منهن هندي أو بزر أو امرأة فلابد من شيلتهن
وثاني الحلول وضع سياج للحد من الخطمات

صح بس الناس وشوله يقطعون
من زين سامره وعععععععععععععععع ام الهراديس

حكيم،

فعلا... توضع سياج على طول الخط، وتكون لها فتحات محددة.

أما الشجر فحدث ولا حرج ...
ومصيبة الشجر مب هنا وبس، بل في كل مكان تقريبا ... خصوصا الدوارات ما تدري هل فيه احد جايك ملوي ولا لا.


واحيانا لازم تقدم ( بوز) السيارة بنص الطريق عشان تشوف هل فيه احد جاي ولا لا:)






الصحيحة:

المشكلة مب بسامره،
المشكلة باللي ساكنين في الجهة المقابلة للنخيل بلازا...

اقرب لهم يجون مشي!.

أسأل الله أن يرزق أمه الصبر السلوان ! :eek5

والله العظيم كل ما اتذكره آوي له ... والله إنه يكسر الخاطر ...

س ق و

لاجسر مشاة ولا مطباة ولا غيره
ينظر باالموضوع اذا راح ضحية هذا الشارع 100 او 200 نفس
يمكن بعد يفكرون

الصراحة أن الشجر ذوليك خطر ..


البارحة كدت أن أقربع لي شايب نقز من بين الشجر ..


اللهم ارحم الطفل وارزق والديه الصبر والسلوان ..

المرور ماله دخل .
بلدية بريدة هي اللي ماعندك أحد حاطة همه بس المضمار والحدائق .
طيب ألحين اللي حط جيان مايبي زبونه وراه ما يدعم البلدية ويحطون جسر مشاة بين جيان وبين سامره
على شان يسهل المرور بينهما بدون حوادث لقدر الله وابن احجيلان جاه يومه الموعود

رحمه الله واسكنه فسيح جناته



خليجي2

جزاك الله خير على التنبيه والتنويه.

تقوله وانت صادز


اكبر دليل الاشارة الجديدة شمال الدائري الشمالي

وشوله تسرعون

طيب ليش مايحطون أشارة مشاة او جسر بس للاسف ربعنا ماعندهم الا هالمطبات حتى صرنا أكثر مدينة بالمطبات بلا منازع

إلى هالحد فيه أحد يغلط بإسم الجلالة ( الله ) حتى لوحة المفاتيح لا كتبت الله حطت شده من نفسه


أما من ناحية الجسر فإني من سنتين وأنا أقترحها ولا وجدت أذن تسمع أو عقل يعقل


المفروض يطلب من الحكير وسامره أن يزينوا جسر بينهم ولمصلحتهم العامة

الله يرحم الطفل ، ويثبت أهله على الحق

مادري هل هذا كله عدم احساس من المسؤلين ولا وش السالفة جسر مشاة هل يحتاج تفكير .. ياليت واحد من رجال الاعمال يتبرع فيه لان البلدية لن تفعل ذلك إلا عندما يكون الضحية أحد ابناءه ..

لو هالشارع ببنغلادش او بالاردن او لبنان كان حلو الموضوع من زمان اتمنى من كل مسؤول الرفع لمقام خادم الحرمين الشريفين هو اللي بيده الحل وحده بعد الله

لاحول ولا قوة الا بالله


الله يصبر امه يارب