بريدة ستي - جـدتــي مـوضـي .. واليوم الوطني .. سي يو ..

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - جـدتــي مـوضـي .. واليوم الوطني .. سي يو .. (http://www.buraydahcity.net/vb/showthread.php?t=90236)

جـدتــي مـوضـي .. واليوم الوطني .. سي يو ..

السلااااااام عليكم ..
حي الله شباب بريدة ستي .. الشهر عليكم مبارك .. وينكم مبطين عنكم ..
بس يالله مايخالف .. انتم السابقون ونحن اللاحقون :065: ..
<<((== من اوله هجت بوه هالثور .. آها إخلص علينا وش عندك بس ..

تعرفون عااااااااااااااااد جدتي موضي ( لعبته ) حلول مشااااااااااااااكل المجتمع ..

جدتي قبل برهة من المزيد .. شافت هاللي متحمسين ويستعدون لليوم الوطني ..
فقامت وهمسة بإذني همساً .. حتى إنسدت من كثر سعابيله .. وقاااااااااااالت :

ياوليدي وش جااااااااااايهم من هاللحين يمددون بهالاسلاااااااااك ويركبون باللمبااااات
وش معجلهم .. باقي عشرين يوم على العيد ..

قلت له ..
لاياميمتي .. هذا مهوب علشاااااااااان العيد ..

مهوب للعيد :confused: !!! .. اجل وش علشااااااانه :confused:؟؟؟
لايصير الملك يبي يعرس فرقعين جـــــدي .. :D

بس اعلمك بعد ياوليدي .. والله ياحظ اللي تبي تآخــذه ..
تبي تطير :065:من الوناااااااااااااااااااااااااسة ..

يبي يعطونه حبوب السكر ببلاااااااااااااااااااااااش ..:D:D:D

والله ياااااااااااااااهي من زود الفسقة تبي إتعشى كل يوم مطبق ..

والله ياوليدي عااااااااااااااااد تصدق إني ودي اشوف دولاب غرفته ..
شكلة 36 صفقة .. يعني ثيااااااااااااب الشتاء ماتبحل بهن :D ..
تبي تلقى لهن محل .. ماترقهين لغرفة الشغاااااااااااالات وإلا تصك عليهن بشنطة ..

وتبعي تعطي عيااااااااااله كل يوم 3 ريااااااال فسحة زود على السنتوب وصااااااامولية الجبن ..

لايمه ..
هذا مهوب عرس ولاثيااااااب شتاء ..
هذا إحتفال يوم الأحد الجاي .. باليوم الوطني حق السعودية ..
حتى حاطينه إجازة ماهنا دواااااااام ..

وشو اليوم الوطني ..
لايصير المستشفى الوطني .. اللي ولدت بوه هيلة العلي ..
ويوم شقوا بطنه وطلعوا البزر .. وجو يبي يخيطونه مالقوا خيوط وقام الدكتور ولصقة بعلك ..
وقومي إمه يامال الجنة موضي الحمد ياويلي وروحي لمحل ابو ريالين اللي جنب المستشفى ..
وتشتري هاااااك المكرة .. وتجيبه وتقعد تخيط بطن بنيته ..

لايمه هذاك المستشفى الوطني .. اللي بالملز ..
اما اليوم الوطني هذا .. هو اللي وحد بوه الملك عبدالعزيز السعودية ..

تشششششششش .. وبس مير ..
عاااااااااااااااد وشوله يحتفلون بوه تسذا ..

لاعاااااد إن الرسول اللهم صلى على نبينا محمد .. وحد العالم كله على دين واحد ..
ولا قالوا إحتفلوا .. بهالتوحيد ..

ولاعاااااد إنه بعد .. يوم حجة الوداااااااااااع .. قراء هالآيـــة ..
"اليوم أكملت لكم دينكم وأتممت عليكم نعمتي ورضيت لكم الاسلام دين"
وماقال إحتفلوا بهاليوم .. مع إنه يوم كماااااااااااااااااااال الدين ..

بعدين ياوليدي لو نبي نحتفل كان إحتفلنا بيوم بعثة الرسول او يوم ولادته اللهم صلي على محمد ..
لكن الرسول صلى الله عليه وسلم نهانا عن مثل هالأمور وشدد على عدم تعظيمه ..

وبعدين وراه الاجاااازة يوم الأحد .. ياكاافي والله لو حنا نصارى ..

لايمـــه .. هذا علشاااااااااانه يوافق يوم 23 سبتمبر الجاري ..

وشلون 23 سبت تمر جارك ..
وانت ماتمر جاااااااااااارك الا يوم السبت .. وإلا ماتمره ..

ياوليدي لايكثر انت وإيااهم بس ..

حنا عندنا لهم أحــســن من الاحتفااااااااااااال ..
عندنا لهم ( دعوة ) لعبدالعزيز إن الله يغفرلوه ويرحمه ويسكنه الجنة ..
ولعيالوه إن الله يوفقهم بالدنيا والآخرة ..
وهذا حقهم علينا .. بمثل هاليوم ..

سي يو ..

اقتباس:

وتبعي تعطي عيااااااااااله كل يوم 3 ريااااااال فسحة زود على السنتوب وصااااااامولية الجبن ..

وش جاب المغريات على الصيام الحين يا مدحت
سلم لي على جدتك موضي
القيمات هنيئة مع الافطار
تقبل تحياتي

هلا بالبي دودلوني ..

يالبي انت بعد .. وش مغريااااااااااااته ..
انت الى هاللحين تآخذ فسحة .. اللي اعرفه إنك تعطي فسحة ..

بعدين يالبي وش جااااب هنيئة عندنا هنا .. لاتقعد تبلشنا فرقعين جدي ..
يقعد يجينا أحمد عبااااااااس مادري سعد عباااااااس ..

يالله سلاااام يالبي ..

سي يو ..

والله ياهي مثل الكاتم جدتك متستسه ...
إلا وراه ماتطلع لها كتيب سواليف المجالس ...
لكن ياحول ماتدري عن شي هالزاهده ...
وش قال قال مهب عيد هذا يوم وطني ...

على كيفك يامدحج ؟

أوووه جدك شديده في هذي الأمور .

اقتباس:

وبعدين وراه الاجاااازة يوم الأحد .. ياكاافي والله لو حنا نصارى ..

هع حلوه منها .

مشكور

مشكور

رحم الله جداتنا كم كان الطهر يملا قلوبهن
ولكن لا تجعل هذا اليوم يخدش جمال ومشاعر وطيبه ملكات القلوب !!

اقتباس:

المشاركة الأساسية كتبها المعتز بدينه (المشاركة 743694)

والله ياهي مثل الكاتم جدتك متستسه ...
إلا وراه ماتطلع لها كتيب سواليف المجالس ...
لكن ياحول ماتدري عن شي هالزاهده ...
وش قال قال مهب عيد هذا يوم وطني ...

على كيفك يامدحج ؟

هلا بالبي المعتز بديده .. :D

يابعدي انت .. يوم وطني عيد وطني .. مافرقت مادام فيه تمييز خلااااااااص انتهى كل شي ..
هاللحين انت يالمعتز بديده :D ماتعرف إن تمييز الشي هو نقله من عاااادي الى ( لا .. عاااااادي )

يالبي إن بغوا يسمونه اليوم الحزين .. مادام بوه إحتفال قضينا ..

سي يو ..

حتى بقالتنا صارت تبيع أعلام اليوم الوطني ,, الظاهر التجار ماتركوا شي ألا واستغلوه
على كل حال
كل سنة وأنتم طيبين ياأخوان بهذه الذكرى السنوية العزيزة على قلوبنا

ههههههههههههههههههههههه
الله يقطه دابر من بودابر يامدخت <<<< اقصد مدحت
ياحبي لجدتك . . .

..

اليوم الوطني .. :041:

ماخبرت لي محل ابو ريالين يبيع أعلام .. :09:

يلزمنا أعلام ياشيخ .. :052:

مدحت أغدين مارك ورايحين ندور انا وياك ونفحط بمناسبة اليوم الوطني .. :037:

..

لكن والله كلام جدتك عين الصواب .. :d

الواجب أننا ندعي لهم .. هيك الكلام الحلو .. :)

تشكرات حبيب ألبي مدحت ..

:)

مشاء الله يامدحت

مدرينا انك طالعن على جدك متستس

ههههههههههههه

هع هع هع

ذاك الثور من ذيتس البقره <<<<<<<<< العفو ذاك الشبل من ذيتس اللبوة

<<<<< خاف يعفه الثور هع هع

يله سلام يمدحت شوقي بريدة

بوادر الطهبلة بدت من اليوم
عقب التراويح شفت سيارة مدهونه بعلف واللي يسوقه
عاصبن راسه بعلم المملكة ! وكاتبن بقلم أبيض على البيبان
Ksa
ومن الشين حاطن تحته
A+m
يعني أنور يجدد الحب والرفس في هذا اليوم مع أبو ولف مروان !
ويعيش شبابنا ويومنا الوطني !

اقتباس:

لاعاااااد إن الرسول اللهم صلى على نبينا محمد .. وحد العالم كله على دين واحد ..
ولا قالوا إحتفلوا .. بهالتوحيد ..

هذي بس تكفي

متشكرين أبو أبراهيم

اقتباس:

المشاركة الأساسية كتبها بريدة city (المشاركة 743713)

أوووه جدك شديده في هذي الأمور .

هع حلوه منها .

مشكور

مشكور

هلا بالبي بريدة ستي ..

يابعدي انت ويابعد معاليق شدوقي ..
يالبي جـــــــــــــدتي موضي ملتزمة قوة ..
من قوة التزامه طالعن له لحية ..

يالبي الحلاال بين والحراام بين .. <<((== اقول لاتبزع يالصعيدي همن تبلش فرقعين جدي ..

سي يو ..

اقتباس:

المشاركة الأساسية كتبها المحار (المشاركة 743795)

رحم الله جداتنا كم كان الطهر يملا قلوبهن
ولكن لا تجعل هذا اليوم يخدش جمال ومشاعر وطيبه ملكات القلوب !!

هلا بالبي المحااااااااار ..

يالبي بعض الجدااااااااااات هاللحين مازالن يحملن الطهر ..
وبعضهن اعوذ بالله والله يابليس انه احيان يقوله .. لا لا لا ماتفقنا على تسذا .. :015:

بس ودي اعرف منهي ملكة القلوب .. تراي ماعندك احد والرام عندي صفر ..
عااد إجحده يابو مهند عرفت االراااااااااااام وشو ..

سي يو ..

جزاك الله خير ياللي ماأنابقايل ......
فعلا وين المشائخ وكبار العلماء وين المفتي وين اللحيدان وين الفوزان ؟؟؟؟؟؟؟؟
وقبلهم ابن باز وابن اعثيمين؟؟؟؟
عن هذه البدع
حسبنا الله ونعم الوكيل

جزاك الله خيير ياللي ما انابقايلل .........
فعلا وين هيئة كبار العلماء ؟والمشائخ؟ والدعاة ؟ عن هذه البدع ؟؟؟؟؟؟؟؟؟؟؟؟؟؟؟؟؟؟؟؟؟؟؟

حسبنا الله ونعم الوكيل

جزاك الله خير على هالموضوع الله يكثر من امثال جدتك

هههههههه صراحه نكته ...
انت تولِّف علينا سواليف .. احلف ان جدتك موضي تقول هاالحتسي:rolleyes:
صراحه مطوعه ومثقفه بنفس الوقت لا وكبيره:eek: تف ماشاء الله عليه

موضوع حلو جاء بوقته:41 ..
تشكر على هيك موضوع..

اقتباس:

المشاركة الأساسية كتبها اليابس (المشاركة 744367)

فعلا:i121

هههههههههههههه
موضوع قيم جميل , بثوب فكاهي جذاب .. ثوب وإلا بدله
مشكور أخوي مدحتووه , متابع لكتاباتك بشغف ...

قصة جميلة هادفة من المبدع مدحت
أشكرك أخي مدحت
....نوح....

عرض شيق من المبدع مدحت
استطاع أن ينقد الاحتفال باليوم الوطني بأسلوب
بارك الله فيك

هههههههههههههههههههههههههههههههههههههههههههههههههه ههههههههههههه
ياحبيلكم اقول إذا جلست انت وجدتك دق علي ودي اجي اسولف معكم :)

مدحت وش رايك تكتب روايات من تأليف جدتك وكتابتك؟؟؟؟
مشكوره ياجدتي موضي ..شكله عنيزاويه ياحبيله...
شكرا مدحت ألبي موضوع حلووووووووووووووو

اقتباس:

المشاركة الأساسية كتبها تكفى (المشاركة 743881)

حتى بقالتنا صارت تبيع أعلام اليوم الوطني ,, الظاهر التجار ماتركوا شي ألا واستغلوه
على كل حال
كل سنة وأنتم طيبين ياأخوان بهذه الذكرى السنوية العزيزة على قلوبنا

هلا بالبي تكفى ..

يابعدي انت ويابعد معااااليق تـنورة جدتي موضي اللي لبسته يوم عرس خالتي فطيمة ..

يالبي وش هالذكرى اللي نحتفل بـــه .. فتح مكة وإلا فتح القسطنطينية ..

تصدق عاد يالبي احس إن ( القسطنطينية ) اطول كلمة بالتاااااريخ ..
ياخي تحس وأنت تقوله كأنك ترقى درجه ..
والله كل مانطقته احس إن لساااااااني يبي يلزق بسنوني ..

ومشكور يالبي ياتكفى ..

سي يو ..

اقتباس:

المشاركة الأساسية كتبها عروقي بريده (المشاركة 743882)

ههههههههههههههههههههههه
الله يقطه دابر من بودابر يامدخت <<<< اقصد مدحت
ياحبي لجدتك . . .

عروقي بريدة ..

اقتباس:

ياحبي لجدتك

ماودك بعد ازوجك اياه يالبي ..
الا اغدين ازوجك اياه .. والله يالبي لو تشوف اثمه تقل فتحة بجداااااااار ..
مابه ولاسن .. يعني توفر الأكل يالبي ..
تغديه وتعشية وتفطره موز ..

إذا بغيت تعذبه .. عطه خيار وألا جزر .. وخله ترضح به الين تقول العيد الليلة ..

ومشكور يالبي على المشاركة ..

سي يو ..

اقتباس:

المشاركة الأساسية كتبها جيدا (المشاركة 744044)

..

اليوم الوطني .. :041:

ماخبرت لي محل ابو ريالين يبيع أعلام .. :09:

يلزمنا أعلام ياشيخ .. :052:

مدحت أغدين مارك ورايحين ندور انا وياك ونفحط بمناسبة اليوم الوطني .. :037:

..

لكن والله كلام جدتك عين الصواب .. :d

الواجب أننا ندعي لهم .. هيك الكلام الحلو .. :)

تشكرات حبيب ألبي مدحت ..

:)

جيدا ..

يالبي مايحتاج اعلااااااااااااااااااام ..
اقرب محل قماااااااااااااااااش تشري خرقة خضراء ..
وعصا المكنسة وبمسماااااارين تطق القماش بهالعصى وهذا العلم يالبي ..

يالبي اليوم لو تسرق لو تذبح .. ويمسكونك وتقول لا انا سويت تسذا علشان الاحتفال باليوم الوطني ..
كان صفقوالك ومسكوك الباب وقالو .. سر على بركة الرب وإعمل مابدالك فأنت ومن معك من الطلقاء ..

يالبي هاجتن بهم هاليومين ..

وسلااااام يالبي ..

سي يو ..

اقتباس:

المشاركة الأساسية كتبها ليبتون (المشاركة 744056)

مشاء الله يامدحت

مدرينا انك طالعن على جدك متستس

ههههههههههههه

هع هع هع

ذاك الثور من ذيتس البقره <<<<<<<<< العفو ذاك الشبل من ذيتس اللبوة

<<<<< خاف يعفه الثور هع هع

يله سلام يمدحت شوقي بريدة

هلا بالبي ليبتون ..
منور يالبي ..

وانت يالبي ماتجي امثال الا على فصيلتكم الموقرة يالبي ..

شكراً على مرورك الكريم ..

سي يو ..

اقتباس:

المشاركة الأساسية كتبها قرناس (المشاركة 744067)

بوادر الطهبلة بدت من اليوم
عقب التراويح شفت سيارة مدهونه بعلف واللي يسوقه
عاصبن راسه بعلم المملكة ! وكاتبن بقلم أبيض على البيبان
Ksa
ومن الشين حاطن تحته
A+m
يعني أنور يجدد الحب والرفس في هذا اليوم مع أبو ولف مروان !
ويعيش شبابنا ويومنا الوطني !

هذي بس تكفي

متشكرين أبو أبراهيم

هلا بالبي قرنااااااااااااااااس ..

يابعدي انت والله ..
اجل عاصبن راسه بعلم .. يمكن يالبي يوجعه راسه ..
<<((== عجوز ماتدري وش السالفة ..

يالبي هذولا شباب يدورون القلهي ..
وألا والله لو توقفه وتقول متى وحد الملك عبدالعزيز السعودية ..
وكم كان معه من الرجال يوم فتح الرياض ..
كان قالك ماأدري وش دراني عنهم .. وانا كنت معه علشان اعرف ..

اجل يهالسرسري وش اللي مخليك تشغلن وتحوس مريرنا وش هاللي قاعدن تحتفل بوه ..

يالبي والله كله دعدعة وقلهي ..

ومشكور يالبي ..

سي يو ..

اقتباس:

المشاركة الأساسية كتبها اليابس (المشاركة 744358)

جزاك الله خير ياللي ماأنابقايل ......
فعلا وين المشائخ وكبار العلماء وين المفتي وين اللحيدان وين الفوزان ؟؟؟؟؟؟؟؟
وقبلهم ابن باز وابن اعثيمين؟؟؟؟
عن هذه البدع
حسبنا الله ونعم الوكيل

الياااااااااااااابس ..

ياحبيلك يابعدي ..
كاني سمعتك تقول وين ابن باز وإبن عثيمين .. وإلا انا واهم ..

مكشور يالبي ..

سي يو ..

السلام عليك يارجل واخبارك اشوف واحد يدور عليك ويبحث عنك بسم الله عليك : 12

خطير اسمك مدحت شوقي بريده :confused: اشك بان جـدتــك مـوضـي .. من الصعيد يعني؟؟ :bad على العموم مشاركه حلوه (((جـدتــي مـوضـي .. واليوم الوطني .. )))

بس اعلمك بعد ياوليدي .. والله ياحظ اللي تبي تآخــذه ..
تبي تطير من الوناااااااااااااااااااااااااسة ..

تعجبك طهارة القلب