|
تورطت وشريت هايلوكس 2008
السلام عليكم ورحمة الله وبركاته أحبتي الكرام . . . كعادتي أنقرد في بعض القرارات وشريت هايلوكس لي أسبوعين وهم يقولون بعد بكره تاخذه لين عفته:( عموماً ... دعواتكم لي بان يطعمني خيره ويكفيني شره ولا يكون مثل غيره من السيارات اللي أقردتني وعلمتني دروب الصناعية الشاهد من عنده ( شد , هنقلين ) لغمارة من 2006 وفوق .؟ طبعاً لو يكون معها الشراع يطلع أحسن أحد:41 الامر الثاني ... من عنده تانكي مخفي تحت الصندوق ( مكان الإستبنه ) .. ؟ الأمر الثالث .. من عنده جنوط مرسدس ( ماخرطن ) .؟ ^ ^ ^ تأثيث كامل :eek5 اللي عنده هالأمور وأي شي يتعلق بهالسيارة يقولي يمكن اشريه منه:rolleyes: لا هنتم يا شباب أبولجين |
الله يطعمك خيره ويكفيك شره أبو لجين ..
عندي هنقلين مع شراعه يفداك أبو لجين,متى مابغيته تراوه جاهز .. |
اقتباس:
اللهم آمين ياهلابك والله والله يجزاك خير وياليت ترسل صورهن ع الخاص لا هنت أبولجين |
عفواً .! أنا مدري وشلون خطمت لكن كتبت الموضوع وأنا أهوجس ترى اساس الموضوع ردائة عبداللطيف جميل في التعامل ... اليوم بإذن الله تفصيل كامل على قصتي معهم الله يغربلهم وعذراً مرةً أخرى أبولجين |
ابو لجين حرااام عليك اللي تسمي هذي ورطة هذا أحسن شي سويتة
عالعموم الله يطعمك خيره ويكفيك شره ويجعلها معونة على الطاعة الله يجعلها أردى ماتملك. يالله دعيت لك إطلع بنا نفطر بالبر هاهاهاهاها أمزح والأغرآض بدورهن وإذا حصلت شي منهن رديت لك أووووووووكي |
اقتباس:
ياعلك تسلم والله مب القصد بالسيارة السيارة ما عليها غبار بشكل عام بس تعرف التعامل الرديء من قبل الوكاله وإن السيارة هي أول غمارة تجي للرياض وأنا اشوفهن بالشوارع ؟.,..!! عموماً وعدنا الليلة وتعرف ليه فاقعين مرارتي أبولجين |
الله يطعمك خيره ويكفيك شره . مشكور |
الله يطعمك من خيره ويكفيك شره
تكسره بالعافيه:) جزاك الله خير |
على طاري رداءة عبداللطيف في التعامل .. وراء ماخذته من المعارض .. أحسن وأرخص .. :) .. وبالنسبة للطباتات .. الموجودة .. فللأسف .. عندي هنقلين حق الـ 2006 غمارتين مهب غمارة .. :eek5 والجنوط .. دووووووور أحد . هععععععع صز جاء الشتاء الحين .. تشريهن بألفين ..:D ودي أخدمك لكن الحاجة .. تلقى .. به جنوط نظاااااااااااااااااااااااااااااااااااااااااااااااا ااااااااااااااااااااااااااااف .. ماخرطن مع كفرات يوكوهاما .. جدد إلى الزرع وجود من جدادتهن موديل 2007 .. الجنوةط لونهن بيض تلقاهن عن محل البليهي الي بنزلة طلعة حي السلام .. بعد البرنس الذهبي .. شكرييياااااااااات س ق و |
الله يطعمك من خيره ويكافيك شره
. . . ودي أخدمك وأقولك ان عندي أحد الأشياء الي طلبته بس الشكوى لله ماعندي شي وأعانك الله على عبداللطيف وعلى العموم هو أزين الشينين لأن ماعندنا زينين |
كفو بالرجال أبو لجين مبروووووووووكـ ألف وستمية وخمس وعشرين مبروك يا غالي وعلى فكرة متى الكشة هلابيييييييييييييييكــ عجل متى لاتصرف ؟؟؟؟؟ |
الله يطعمك من خيره ويكفيك شره ..
|
وين تودي رجليك بوسط الغمارة ..؟ :confused:
|
ياهلا بالشباب تسلمون والله ع الدعوات والردود الطيبة قصتي بإختصار مع عبداللطيف بدأت القرادة قبل ثلاث اسابيع تقريباً ( أول ما أعلن عن وصول الهليات للموانيء ) رحت لهم بعد اكانوا يقولون لي مافيه حجز لين يجن للسعودية .. ويوم رحت لهم بعد الوصول للموانيء .. قالي أنت ( حظيظ ) لأنك من أول دفعة تحجز ... يعني تونا فاتحين باب الحجز قلت الحمدلله أسبوع اسبوعين ... والله واشوف هلي يسقط علي بالدايري غمارة 2008 .!! من القهر ع الوكاله بغيت أصدمه:D كنت تحت مخرج 14 واطق إحداثية ع العبداللطيف اللي بمخرج 15 وأقص لهم قص من الحمق:i121 دخلت عليهم وكانوا يبي يسكرون .. قلت وين أول دفعه .؟ قالي وش السالفه.؟ ( طبعاً يعرفني من كثر ما اشخص عنده ) قلت له أنت تقول انا أول دفعه وأنا توي شايف واحد ساقط علي بالدايري .!!! قالي لا يهمك هذا تلقاه شاريه من جده ولا الشرقية قلت طيب .. المهم متى بس أمركم وآخذ الموتر ( هذا الكلام كان يوم السبت ) قالي بكره بإذن الله تاخذها جيت من بكره ما جت ... جيت من بعده جت وهي الآن في المستودعات وبكره تاخذها جاهزة .! أمري لله ... وأجي من بكره .. معليش :S البطاقة الجمركية في جده ناسينها .!! << وين شنطه .! وإلى هذه اللحظة البطاقة لآتزال في جده ... طيب عطوني غيرها .؟ مافيه كلها محجوزه إلى بعد العيد :( عاد قالي يمكن يوم الأحد الجاي تاخذها ( يمكن ) يعني فيه إحتمال ما أكشت بها للشمال في العيد .!!:eek5 قلت له .. بكره إذا ماجت ... أباخذ دراهمي والسلام عليكم أروح آخذ لي مازدا اصرف:( << والله ياهو حمق:D عاد دعواتكم يطلع بالسلامة ... وهذي صورة له ( لنفس سيارتي ) أذكروا الله .. عاد من زينه ينظل:42 طبعاً مغسله وشايل القراطيس كلها http://up.joreyat.org/03Oct2007/asdfgh.jpg دعواتكم لي بأن يطعمني خيرها ويكفيني شرها ويعيني على هالعبداللطيف:( أبولجين |
آخر السخافات السيارة عندهم من كم يوم ولم أستلمها إلى الآن ... لماذا .؟ أخبرني مدير الفرع أن السيارات فور وصولها للميناء أخذت ( البطاقات الجمركية ) للجمارك لإنهاء الإجراءات ... وبما أن هناك منافسات بين فرع عبداللطيف بالحجز فيما بينهم .. فقد أخذ إثنتان منها للفرع قبل أن تنتهي الإجراءات ... بمعنى أن سيارتي أوراقها لا تزال في مصلحة الجمارك إلى الآن لم تنتهي ... سؤال ....!؟؟ بأي حق يعطوني وعد بيوم أو يومين وأستلم السيارة والآن يقولون ( إحتمال ) تاخذها قبل العيد .؟ بأي حق تترك السيارة خارج الوكاله في مواقفها ( مع الناس ) بسبب عدم وجود مخازن لديها .؟ حيث تتعرض للخدش بسبب فتح أبواب السيارات الزائرة للوكاله غير ذلك من تعرضها لبعض الشغب من الشباب .! وهذا الحال ليس فقط علي .. بل كل من يشتري السيارة .. حتى لو كان VX-R ... يضعونها في الخارج إلى أن تنتهي أوراقها ويستلمها الزبون .!!! سلامي على وكاله مثل هذي الله يخلف بس أبولجين |
الف ألف .. مبروك حبيبي أبو لجين ...
والله الله .. بالشغل الطيب .. ( متى أمرك آخذبه دوره ) http://www.raffe3.com/uploads/d32a4da860.gif أما عبد اللطيف جميل ... يبيله تسغله مع راسه :) |
اقتباس:
حلالك يالذيب ولك مني أرسل لك صورته ع الإيميل ودر بالصورة لين تأذن:D << الله وأكبر ياحوض بانوراما:113: يا علك تسلم يالذيب وخلنا نتشرف بشوفتك يالغالي:p وعندي لك بشارة .!:re ترى جمرة الصيف إنطفت الحين:D << ينكت هو وجهه :( أبولجين |
الله يطعمك من خيرهـ ويكفيك شرهـ وشر عبداللطيف جميل لأنه يظهر من اللي نسمع أنه مايجي منهم خير :d ..
وإذا ماطلعوهـ لك .. لا صار ليلة الأحد ياطويل العمر أدع عليهم بالقيام :113: .. والله يهنيك بالجديدة ويكفيك مخاطرهـ .. :) |
ابو لجين : فرحنا لك يالغالي من اقلوبنا والله يالخطوط بتعت التمان دي هايله ولاتنسى عاد نبي لنا كشته بها الشمال وابشر بالهرفي على احسابي |
الله يطعمك من خيرها ويكفيك شرها
|
الله يطعمك من خيرها ويكفيك شرها
|
الله يطعمك خيرة ويكفي ك شره
والله السيارة حلوة |
الله يطعمك خيره ويكفيك شره وعلى طاري الوكالات أكثرهم تسذا لانه مافيه منافس لكن تبي تطلع عليه وهي وكاله ماشاء الله عليك وعلى طاري الكشتات تراي ابروح معك على باب يمين وان تسان به احد ابيروح معك مخالف اتكي بالوسط >> والله ياهو حاشره وعلى طاري الشراع طقلك واحد جديد اتصممه على كيفك دام السياره جديده تف ماشاء الله وراس ماله 700 ريال ان تسانه غالي تحياتي أبو لجين |
أبو لجين :p:p:p آسف .. مانتبهت إنه غمارة والي عندي للغمارتين :p:p:p
متأسفين أوي .. فيه واحد بحايل يذكر بخير وكل ماشفت هنقلين شغله صح شفت عليه شعارهم , الحقيقة مبدعين .. إذا تبي ابحث عن رقمهم .. ؟ |
يطعمك وخير ويتسفيك شره ..!
ماشاء يابولجين ،، وين الي يبي يطق حوض ويبي يشرّعه ونبي نطلع للنفود الكبير بدزبالية الحج !! وين راح هالحتسي ،، غمارة !!! ===> والله ياهو شايب .. لا يهمك أحد بس الغمارة شطارة ووناسة .. بسرعة متى بتجي لبريدة !! أبتكي معك :113: |
المرتبة كله بمافيها مكان السواق محجوزة لي .. :011:
|
يالله حولوا كلكم ولاواحد يركب هالحين الرجال يبيكم تباركون له تجون كلكم تركبون , اعنبوا ابليسكم اسـتحوا على أنفسـكم وهاك هالكيبوردية : الصيف قفى والشتاء جا ينـادي ,, زانت مكاشـــتيته وحلت مزايــــاه ياماحلا والنــــار وقــت البرادي ,, في فيضــة ماطـــبها زول وأشـباه 2008 محــــملة كـــــــل زادي ,, سـواقها رجل على الطيب ممشـاه ماغير أنا وأنته (كفاية سـدادي) ,, نمضي دقايقنا مع القاف وغــــناه :41 تم ســهج البقية ؟؟ |
يا علكم تسلمون والله وخوتكم تنشرى والله يا عيال بريده اسمحوا لي أرد على شاعرنا اللي أطربنا والله بهالكلمات اقتباس:
الموتر (محتمي) يبي ينهي العدادي ,, 1000 كـيـلـو لـزووم البي مناياه يبي دروب ما يشوف فيهن جوادي ,, دروب النشامى ماللقارمن ومزاياه يطلبك يالقرم في ليل حالك سوادي ,, تتـصل على صاحـبه و تجي معاياه ياهوى قلبي ياحفيد ياقرم الشدادي ,, أنا (الهلي) والدهنا تشهد لي مداياه ياعلك تسلم يالغالي ... وتشرف والله الهلي بهالحروف النديه ومثل ما قال لك .. يبيك تحقق مناياه وناخذ لنا كشته :41 ... قل تم :rolleyes: لا هنتم ... وأبشركم الموتر طلع أمس وأعتق منهم : 12 دعواتكم لي بالبركه أبولجين |
اقتباس:
تم التحجير للجميع بصبات أسمنتية ..:081: بوركت وبورك مسعاك جدي .. |
أنا ما أقول الا:
الله يطعمك خيره ويكفيك شره أبو لجين .. > > > تقبل تحياتي |
وخـذ هالكيبوردية تســــلم ولايســلم عــــدو معــادي ,, لنا الشــرف مثلك نفاخر بطرياه أمـدح وإلى من قلت قولي وكادي ,, رجـــل كــريم مايحســب لمخباه الله يجــــــنبكم دروب النكــــــادي ,, ويطعمك من خيره ويكفيك بلواه ويجعلك تقطعه به سـهول وبوادي ,, في كيــفة مــا مثلها دوم تلقــاه ------------------------------ ص/ مع التحية للتويجري أبو لون أحمر |
ياحلاتي أنت ياحفيد أعدزيل ..
يبيلي أخاذبك دورة بالباترول .. غدي منا ولا منا .. تطلع لنا تسمن سطر .. وهـ بس .. |
خد هالشطر .. وانا أخوك .
يأبولجين القرم مبروك ماجاك ......... هلي غمارة تطرب النفس ممشاه هههههههههههههه والله من التوليف .. لاكن أقبلها من محبك.. ( ومازلنا نبي دورة صدزية :)..) |
وهـذي كيبوردية لأبو آدم ;) والمعـذرة من حبيبنا الغالي أبولجين لكن وش نسـوي الباترول أقرب :D لاصرت أنا وإياك بســهل ومهادي ,, وأبولجــين اللي على الدرب نلقــاه ماهوب مثل اللي بالإسكان غــادي ,, خريت له خبرة بطـــرقـه ومســراه ذي خوة ندفــع من أجله جــــدادي ,, زرق الدراهم بس نســعد ببمشـاه مثلك ترى ياخوي غـاية مـــرادي ,, لاقـــيل أبـــو آدم تمــنيت ننصـــــاه |
اقتباس:
صح لسانك يابعد قلبي .. يأبو عقيل .. وش وش .. وش أقول. . أول مرة واحد يكتب بي قصيدة .. ووش أنت يأبو آدم عشان حفيد عقيل يكتب بك قصيدة .. يابختي .. ونردهـ لك .. :) |
خلاص انا اشتريها منك بس ما عرف اسوق انتظر اذا كنا نسوق
|
ماشاء الله تبارك الله ,,,
ألف مبروك يافادي وتكسره بالعافية ان شاء الله بس سؤال جداً جداً برئ : كم مرة صبخ راسك بالتندة ؟ هااااه يافادي عاااادي لاتستحي أنا يامحدثك بس عشر مرات باليوم بس بس خبرك المراتب سليب هاي والمساعدات بي أم .. ! الأمر الثاني احلق شنبي أن شربت شاهي وانت تسوق :090::074: فلذلك لاتبزع وتسوي روحك راعي كيف خلك من البارد وانت جاي ولعيون براطمك يهون ألف كيف .. الله يطعمك من خيره ويكفيك شره واغديك تمرن اشوفه وارتسب معك تكشخبي ;) وعبداللطيف قبيح هذي عوايده مير تفقد الديكور لايصير ناقصن شي تراه مايوفر هالمشفوح |
اقتباس:
اقتباس:
صح لسانك يالغالي ولا هنت هذا رد كيبوردي سريع قبل الإقامة يا عل موتر(ن) ما يحمل ثقال زادي ,, و يـقــصــر بـك دروب المـنى والمعراه يعــلن عــند وكالته شعــار الحدادي ,, ونـبـدلـه بمـــوتــر يتبخـــتـر فــي ممشاه حـوض(ن) مصنوع لجل يد الكدادي ,, لا الباترول ولا الهلي يوفون لك عطاياه لكن لا تستعجل واسمع الهلي ينادي ,, يا بن عقيل عـمـر( العذال) لقدري وطاه الموتر يبيك يابن عقيل :p لا ترده وخله يتشرف بطلعه معك تراه يومين بإذن الله ويتجهز كاملاً لطلعات النشامى مثلك وشرواك http://up.joreyat.org/10Oct2007/11111111.jpg ياعلك تسلم يالذيب أبولجين |
لا تعليق
|
أعلمك والله يا أنت ماعندك وقت علطول هنقلين لاكن والله انك انت الي عارفن له مهب الي يشري هلي ويقعد له سنتين ماطب البر >>إقاله محافظ ولاتنس لاكمل الموتر نبي صورة الله يطعمك خيره ويكافيك شره تستاهل يالذيب كل خير |
اقتباس:
يا هـوى قلبي لا مـن طـرى لـي خلي = ابو سليمان العـــودة ( شـيـخ ) الشهامه من طرق الباب .!الكرم لأبوابه يدلي = تجـري سيــول خــيـره وتعـتليـها غــمامه المـوتـر تشرف بك وقـدره بك معتلي = ومن تشـرف لشـرواك مالـحـقـه الملامه يفداك الروح وإن بغيت معهن الهلي = ماعرف دروب الخكر في طعوس الثمامه أبولجين: 12 |
ماشاء الله ، مبروك يافادي ، وأخيراً طلعت الهيلوكس :) .،
متى نكشت يافادي بالهيلوكس .! |
أخي أبو لجين . قل : اللهم إني أسالك خيرها وخير مافيها وخير ما صنعت له وأعوذ بك من شرها وشر مافيها
وشر ما صنعت له . أعطاك الله خيرها كله وكفاك شرها كله .... وأعرف جيدا أنك خبير في أمور السيارات وسيارات تويوتا ممتازة وعليك تحمل وكالتها ونسأل الله أن يرزقنا جهة تعنى بحماية المستهلك فقد عانى المواطن كثيرا من الوكالات والشركات والغش التجاري بكل أشكاله وأنواعه وما تسمى بحماية المستهلك في سبات عميق أيقضها الله أوبدلها بخير منها فقد عانى الواطنون كثيرا وخسروا أكثر |
على هالقصايد يابولجين يبي لك دينّا تركب هالعالم :113: ..
وإن صار به دينّا تراي أبصير عريف عليهم وأول من أبعدهم أبوتج والجني :d .. والله يطعمك من خيرهـ ويكفيك شرهـ .. ويجعله من النواصي المباركة اللي تعينك على الطاعة .. :) |
الله يطعمك خيرة ويكفي ك شره
|
اقتباس:
حنانُ أبٍ نحنُ له أهل .. بالخير جزيت وعن الشر كفيت .. |
الله يطعمك من خيره ويكفيك شره
تقبل مروري |
.. ماشااااء الله .. الله يطعمه خيرها و يكفيك شرها .. بس ترا أبركب .. ولا أبخرب :113: أما باللي تبيهن فجميع ما ذُكر موب عندي |
الله يجزاكم خير جميعااا
ولا يحرمكم الأجر وأنت يا أبوتج مب أرض شات .. يالله براااااااا :D يا حبيلك والله << وش عقبه:( اقتباس:
شف الصورة يا ألبي تجاوبك :p قولوا ماشاء الله :) << على وشو :rolleyes: http://up.joreyat.org/12Oct2007/today.jpg أبولجين |
ماشاء الله أبولجين ، الهايلوكس شكله فخم ، يبيلنا طلعة به :) .،
|
وش هالجنوط الله يحوم تسبد العدو ..
لا وكفرات سلك حقات الوكالة بعد .. :011: ارفع موترك عشان تشوف الناس زين .. :011: مير الظاهر لو ترفع بيديك ورجليك .. رقية هو حمود .. :113: وبعدين ياخي أنا لازم أرد على جدي ..:011: لأنه قال : صورة من قصيدة بانت تبال فقلبي اليوم مسعود للأخ التويجري أبو خط أحمر يلق لق .. :011: |
مشالله 00 الله يطعمك من خيرها ويكفيك شرها00 بس عندي سؤال شق راسي 00 شلون فادي وهايلوكس :confused: عندي انه ماتجتمع وانت ابخص الله يحفظك << ايقاله ماخرره :D اما عن جنوط المرسدس والله اني خابر لك بس وش تبي جنوط فياقرا او الجديده بانوراما وبعد عندي سؤال يوجع الراس اكثر من الأول وشوله جنوط الفياقرا :confused: هذا مثل اسمك على الهايلوكس :D ماتجتمع جنوط مرسدس وهايلوكس بس ترى على كيفك وسو اللي تبي وركب ان بغيت كفرات حجريات حقت السياكل منول بس مجرد تساؤلات ودي تجاوبن عليهن الله يرعاك |
هلا والله وغلا بابولجين :030:.. اخبارك .. كيف الهلي معاك :041:.. الله يطعمك من خير ويكفيك شره يارب :42 ، وعقبالي ان شاء الله :110: |
ياخي ليه ماتشتري لكزس احسن
:p |
| الساعة الآن +4: 11:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.