|
الامثال التي يرددها الشيبان (دعوة لحصرها)امل المشاركة من الجميع
الامثال التي يرددها الشيبان (دعوة لحصرها)امل المشاركة من الجميع بكل صراحه كنت منسدح بالفراش وجتني هالفكره قلت خلنا نسدح (نطرح)الموضوع على الشباب دائما مانسمع امثله من الشيبان بين مفردات كلامهم لكن عيال الجيل المتطور يستبدلون الامثال بكلمات انجليزية ترادف العربية بسم الله نبدء لاتقول حب لين توكي الباب الي يجيك منه ريح سده واستريح اذاكان خويك عسل لاتلحسه كله اضربه بالموت يرضا بالسخونه وهذا مثل مصري الي على راسه بطحى يحسس عليها وهذا مثل سوري الي يخاف من الضفادع مايغوص بالساقي وفيه واحد بس عجزت اكمله الي فيه الي يخاف من الحيه ....الحبل يله ياشباب ذكرونا خلونا نراجع المعلومات يله من يبداء ويكفينا مثل واحد |
بمناسبة توه قاضي رمضان , , والربع مايقصرون بالنوم ,, وبعض المرات الصلاة شوي تتأخر . .
دايم ماتردد أمي " حفظها الله ووفقها " مثل قديم معروف بقصته . . وهو : { الفقعسي صام ولا صلى . . ليت الفقعسي صلى ولا صام } واضحه السالفه من المثل . |
ما يجيك من الجوف عدو
الطعمة ما تجي إلا من صديق يا بقةً بالدعيسة الشق أكبر من الرقعة الشبكة تعير المنخل وش خانة الكويت ( هذا المثل قيل عندما كان أحد الشباب تهرب من أهله إلى دولة الكويت بسبب تقويمة لصلاة الفجر وهناك كانو الأخوة يوقضون الجماعة لصلاة الفجر فقال هذا المثل ) |
هذا وهو بلح وشلون لصلح تعبر بام شوشة الى ان تجيك المنقوشة |
ومن يكن الغراب له دليلا يمر به على جيف الكلاب :D |
الله يغيِّمْ بَه يفتِّحْ جِنِينِي |
اعرف امه قبل ماتضمه(تقال للخاطب)
|
رحمك رحمك إن ما حبك رحمك
الاقرب عقرب مثلين متناقضين تقال للخاطب والمتزوج من الاقارب اللي بطنه ريح ما يستريح صكت باب أهل البصر |
ما حك جلدك مثل ضفرك
|
ما اجمعه اخضير اكله الطير
هذا المثل من تأليفي انا ..!! ,,,,, تمسك بام شوشوة لين تجيك المنقوشة مثل بريداوي مشهور ,,,,,,,,,,,, المرأة والبزر والأمير يحسبون الرجل على كل شيء قدير جدتي الله يرحمها دايم تقوله ..!! |
طقة براس غيري مثل شطب بالجدار
الي نفعه لغير اهله يقال له انت مثل النخلة العوجا .. الباب الي يجي منه ريح سده واستريح الضب مليان بطنه دبا ... |
كــذلــكـ يـُـقــال لمــن لا فــائــدة فيــه مــن ولــد وغيــره : [[ شخبــن طفـــح .. لا بيــدي ولا بــالقـــدح ]] أمـّــا المثــل [ النكتـــة ] فهــو قــول تلــكـ الــزوجـــة عــن زوجهـــا : [[ مـــن حـســـدُه وقــرّده .. مـــات وليلتــــي عنـــدُه ]] :D :D :D |
إيولم العصابه قبل الفلقه
يقال للي دايم مسيعجل (حار):i121 مد لحافك (شرشفك) على قد رجليك. ؟؟؟؟؟؟؟؟؟؟؟؟؟؟؟؟؟ هذا بلى أبوك ياعقاب ؟؟؟؟؟؟؟؟؟؟؟؟؟؟؟ |
موضوع حلو ..:cool:
جااااك الموووت ياتارك الصلااة http://up17.arabsh.com/1/4411b72.gif http://up17.arabsh.com/1/4411b72.gif |
الي تقرصه الحيه يجفل(بمعنى يخاف) من الحبل..
|
موضوع رائع الله يعافيك ... وهذي مشاركتي... بو طبيع ما يجوز من طبعه * إذا بغيت صاحبك دوم حاسبه كل يوم • لي حبتك عيني ما ضامك الدهر • اشيل الخره على الراس ولا منت الناس • إذا حجت البقر على قرونها • لي صار رفيقك عسل لا تلحسه كله • إذا طاح الجمل كثرت سكاكينه• • لفات الفوت ما ينفع الصوت • إسأل مجرب ولا تسأل طبيب • إش حادك يا المسمار ؟ قال المطرقه• * إصرف ما في الجيب يأتيك ما في الغيب • أقضب مجنونك لا يجيك أجن منه • إن طاعك الزمن وإلا طيعه • انتظر يا حمار لما يجيك الربيع • إنفخ يا شريم قال ما من برطم • الباب اللي يجيك منه الريح سده وإستريح • بغيناه عون صار فرعون • حط راسك بين رجليك وإشهد على والديك • الذيب ما يهرول عبث • راعي النصيفة سالم • رزق القطاوه على الخاملات • زرع المجانين يطلعه رب العالمين • طارت الطيور بأرزاقها • الطول طول نخله والعقل عقل صخله • كثر الطق يفك اللحام • لبغيت الخبر يشيع عطه أم بزيع • اللي بالقدر يطلعه الملاس • اللي ما يستحي منك لا تستحي منه • اللي ما ينوش العنقود يقول عنه حامض • اللي ما يعرف الصقر يشويه • اللي ماله أول ماله تالي • اللي مو على دينك ما يعينك • اللي هذا أوله ينعاف تاليه • اللي يجي من الله حياه الله • ما تعينك إلا يمينك • ما لك إلا خشمك لو كان أعوج • مال عمك لا يهمك • مد رجولك على قد لحافك • ياخال ابوي حك إظهري • يا من شرا له من حلاله علَه • ما يمدح السوق الا من ربح فيه |
باب النجار مكسور ما يضر السحاب نبح الكلاب ما طاح من التمر أخف للنخلة |
شكرا للجميع الرادين والمشاهدين لتفاعلهم ونريد مزيد من المشاركات حتى تكون مرجع للامثال المعتادين عليها القصمان |
اللحمة تنط من القدر
يحشم الخنيز بضر القت الي ما يحضر عنزة تجيب تيس أمر الله شق القربة أقول تيس وتقول احلبه لغاب الهندي وأثر ولدة عندي من حفر حفرة لأخية وقع فيها |
افلان يتوحش من ظله
يدخل عصه في شيئ ما يخصه من جفرة لدحديرة التمر من جصتنا والزق لعقيل الحلال حلال أبونا والقوم طردونا |
تجمع النملة ويقم الجمل
|
الزين زين لو قام من منامه
طيرفي يدي ولا عشرة بالشجرة قال دوك خير قال ما تأخذة مخباتي |
يوم أمطرت ولانا سايلين
يهج من القوم ويطيح بالسرية |
المهتوي يقطع المستوي .............. ناقت عريمان ان قامت مانامت وان نامت ماقامت ................ اذا دقيت البزر فاوجعه
|
مشكور ييزيد الاول
وكذلك اميره الورد لاثرائكم وتفاعلكم مع الموضوع وشكرا للجميع |
الذيب ما يهرول عبث
الكلب ما ينبح إلا عند باب هله أكبر الطيور النسور وأذهنهن العصفور من عرفك صغير حقرك كبير من تراخص اللحمة خانته المرقة ليتك مخليه على طمام المرحوم ما خبزتي يالرفلا كوليه لو به خير ما عفه الطير قال من ومرك قال من نهاك من اشتهى الدح ما قال أح عنز لو طارت إذا أكلت بصل فكثّر كلن يشوف الناس بعين طبعه حدّر جبل ولا تحدّر طبع من به طبع ما خلاه الطبع يغلب التطبع بغيناك يا عبد المعين تعين ولقيناك يا عبد المعين تنعان من طوّل الغيبات جاب الغنايم ما كل حمرا لحمة ولا كل سودا فحمة ما كل مرّة تسلم الجرّة يولّم العصابة قبل الفلقة قالت البقة للنخلة تمسكي أبا أطير قالت النخلة ما دريت انك واقعة والأمثال كثيرة . وعسا الربع على القوة |
عنز طاحت بعبس
اذا اكلت الفجل ارفع الرجل احفظ للناس ولا تصلح بينهم يخال ابوي خك اظهري |
لي عودة .
|
مشكور انا دخلت وجلست أقاأ لأني من الجيل الثالث
هههههههه |
القدر ماينصب إلا على ثلاث
اللي بالقدر يطلعه الملاس <<<<<<<<<<<< كل امثلتي عن القدور !! واحد جوعان ,,,!! |
يجرعون البعير ويغصٌووون بالماء وهذا حال كثير من الناس <<<<< منب قايلن المتشددين |
بصراحه مشكور للجميع ونريد المزيد والي ماعنده مثل يكتب تعليقه |
موضوعك جميل مـــــــــــــــــرة وعلى فكرة راودتني فكرتك في رمضان ولكن السبق لك
أتمنى من المشاركين بأن يضعوا المثل ومضربه كذالك اتمنى الدقة في بعض الأمثال لأن بعضها فيه تحريف شوي شكرررررررررررررررررا للجميع على مشاركاتهم |
أمر الله من سعه .. كل تأخيره فيها خيره .. خير البر عاجله .. |
جدتي منيرة دايم تقول : اللي يبي النوماس نومه شلافيح :) |
....... أرخص من تبن المذنب <<<<<<< يضرب للرخص بالاسعار قال وش حدك على المر قال اللي أمر منه ياشين السرج على البقر قال من امرك قال من نهاك ما يعرف كوعه من كرسوعه كل يومن يا حمد باتسر مت يا حمار لما يجيك الربيع الذيب بالقليب ما كل من يركب الخيل خيال الدراهـــــــم مراهـــــــــــــــــــم تجبر العظم الكسير ....... |
راعي الطيب ايش معنا هذا المثل اللي يبي النوماس نومه شلافيح وشكرا للجميع واعطونا المزيد |
جدتي الله يقومه بالعافية تذكر هالبيت على طول :
ماهمّن المرهوص .... وماهمني طارٍ تطقونه والظاهر ان معناه ( تراك ماقمت ولا قعدت عندي ) |
اكسبرس س " سألت جدتي منيرة وش معناهـ ومير تعطين محاضره كامله عنه :D هو شطر من بيت :: اللي يبي النوماس نومه شلافيح ::: واللي يبي الطالات يتعب ركابه :077: تفسير البيت " اللي يبي النوماس نومه شلافيح " يعني اللي يبي المكانه والعزة فإنه لا يضيع وقته في النوم والأمور التافهه النوماس الأمور العليا والشلافيح يعني كل شوي يتنبه ونومه مب قعير:113: كنايه عن حرصه على المعالي " شكرا اكسبرس س عالموضوع الرائع تشكراااااات يالغلا ... الله يخليتس لي ياجدتي منيرة :eek5 |
أيضا يقولون
1/ ما يحج إلا قوي 2/ ماوطى راسك وطى رجليك 3/ قال سد على أمك قال خرابه 4/ الذيب ما يهرول عبث 5/ با العتبه دم ديك 6/ طقتن في راس غيري مثل صدع في جدار 7/ قال من شاهدك يبى الحصين قال اذنيبي 8/ صيد أسعد 9/ الي تقرصه الداب يجفل من الحبل 10/ قال لا بس من عطرك لا تهريين 11/ يوم طقعت صمت افخوذة 12/ اقضب اعظامت راسك 13/ كرم الحمار بقولة اش 14/ من قالك يبا البقر قله يبا الحمير 15/ الشوف لي والغبوك لمريم 16/ من جاء بلا دعوة قعد على غير افراش 17/ افلان مثل عجوز البدوا تحب النيك مير توجعه استه 18/ الي ابطنه ريح مايستريح 19/ كلب ينبح لك ولا كلب ينبح عليك 20/ يعاف العزيمه ويرضى بالطوافه |
مشكورللجميع ورايح انسقها بالورد وانزلها بالمنتدى ليسهل حفظها بالجهازللجميع |
يبدو انكم خلصتو
مابديتو تكتبون امثال اليوم رايح انزلها بشكل مرتب ومنسق والي عده جديد يكتب بسررررررررررعه |
اصخنا الماء وطار الديك
|
الميه تكذب الغطَّاس |
| الساعة الآن +4: 04:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.