|
مستشفى الولادة!!!!!!
السلام عليكم ورحمة الله وبركاته
أهلين حبايبي أهالي بريدة الغالية الله يخليه لنا وجميع ديار المسلمين ياناس ما أدري يمكن الموضوع طارحه أحد قبلي بس بحكم إني جديد على هالمنتدى الغالي الله يديمه أقول ياناس ماتلاحظون كثرة وفيات المواليد في المستشفى ـــ مستشفى الولادة ــ والله إني أشك إن السبب هو وجود ممرضات وطبيبات ــ قصدي أطباء ــ حاقدين أيضا إدارة المستشفى الفاشلة ,,وعدم الاهتمام بالنساء الحوامل وقد شاهدت بأم عيني كنت مرة في المستشفى وأتوا بالإسعاف ببنت تبلغ من العمرتقريبا 11 سنة وقد كانت تتنفس بصعوبة بالغة وقد وضعوا لها التنفس الإصطناعي ــ الأكسجين ــ وعندما أرادوا إنزالها للمستشفى من الإسعاف قامت الممرضة البنقالية بإسقاط الجهاز ــ شف عاد بكم طالع على المستشفى هالجهازــ طبعا الجهاز راح فيها الله يخلف على المسلمين خيرا وياليت الأمر وقف عند هذا الأمر المؤسف بل مازاد هذا الأمر سوءا وقد لا يصدقني البعض هو إسقاط البنية المسكينة من على السرير وجلست الممرضات مع هذا الخطأ الفادح أو مع هذين الخطأين كل يناظر الثاني من يشيل هالبنت المسكينة اللي في الأرض ولا من حسيب ولا رقيب والسواليف كثيرة وعلى شان تنبط كبودكم مثل ما انبطت كبدي إن بنت أنا أعرفها قريبة مني أرادوا أن يضعوا لها طلق صناعي ولا بد من وضع التحاميل فرفض الطبيب الخسيس أن يضع التحميلة إلا هو بنفسه ولا أدري لماذا؟؟؟؟ يعني معقول ماتقدر أحد هذه الممرضات أن تضع التحميلة هي أو يضعها زوجها لكن والله مالقى رجال هالدكتور وللأسف وماعليش لو غلطت عاى أحد وفي الأخير تقبلوا تحياتي... |
لاحول ولا قوه الا بالله ما عندك احد يارجااااااااااااااااااال مشكوووور على الموضوع |
الله يعين
والخطاء وارد من الكل وربم الممرضه اخطاءت وما ادراك انها لم تعاقب وتحاسب؟ واما لدكتور الشكواء لله |
لاحول ولا قوه الا بالله
ما عندك احد يارجااااااااااااااااااال |
السلام عليكم
لقد نبشت جروح عميقة من هذ المستشفى ( المقبره ) !! فالموضوع مخيف فعلاً خذ عندك زيادة تأكيد على التهاون من المستشفى والأطباء أراجع في زوجتي المستشفى كالعادة متابعة للحمل وكانت في الشهر الرابع وأفادوا بأن الجنين ميت ولابد من عمل تنظيف وحصل أثناء الترقيد وقبل العملية محاولة اسقاطه بالحبوب( تحاميل) وكان طبيب أو ممرض (سوري ) دخل الغرفه وسأل عدةأسئلة عادي وكنت أضنه الطبيب وأنا موجود وإذا به وبدون أدنى حياء ( يريد هو وضع التحاميل) يالدهشتي سراحة وعدم تحملي وقلت يوجد غيرك ممرضه أو طبيبة انقلع من وجهي . ( فهرب ولم أره بعدها وأحضر السستر ورقة وقالت وقع بأنك تريد امرأه فوقعت . الأخطر من ذلك تمت العملية ( دكتورة توصيفة ) وأعطوني خروج ومن بكرى زوجتي تتألم ألماً شديداً لدرجة عدم التحمل وبأقصى سرعة إلى مستوصف أهلي ووجدت أن الحرارة 39 ونصف ، وتم التشخيص فبانت الفاجعة ( أن الجنين لا يزال موجوداً مؤكدين ذلك بإشاعة مرفقة بالتقرير) وبتفاعل مشكور من طبيبة المستشفى الأهلي ذهبت مسرعاً إلى الطواري الذين استقبلونا ببرود لا مثيل له ، ومن بكرى كتبت إلى مدير مستشفى الولادة وقال سأعمل وأعمل والموضوع عندهم بعدها صار عادي مجرد وقف الإستشاري وأقنعني بكم كلمة أن اللي بالإشاعة بقايا و.....و....و وكانوا معطيننا موعد لعل عملية ثانية لولى لطف الله وتجاوب هذا الجنين مع حبوب ربما كانت قوية شوي أجبرته على النزول فعلاً . كان موقف لا أحسد عليه . وكان آخر مشاويري لهذا المستشفى المهبب لو أبيع سيارتي واروح لمستشفى أهلي .......... آآسف أطلت عليكم ذلك تأكيدا لكلام أخي والله على ما أقول شهيد والله من وراء القصد ... دمتكم بخير |
8
8 لاحول ولا قوة الا بالله وش هالكلام انا عارف ان مستشفى الولاده انواع التخريص ..بس لهدرجه عاد !! حسبي الله عليهم |
لاحول ولا قوة الابالله
|
لاحول ولا قوه الا بالله
ما عندك احد يارجااااااااااااااااااال مشكوووور على الموضوع |
اجل خذ
بنت خالتي به الطلق واكيد ان اي مره لا جاه الطلق ماتقدر تسكت ولا تقدر تملك روحه المهم الممرضه عطته هذاك الطراااق على وجهها والمسكينه ماتدري شتصيح عليه (الكف او الولاده) بس وش تقول ان حكينا شتمنا وان سكتنا ظلمنا مايحتسي الا فيتامين واو والمساكين مثلنا ياكلون تبن بايديهم ورجليهم حسبنا الله هو نعم الوكيل حسبنا الله هو نعم الوكيل |
حسبنا الله ونعم الوكيل ..
المشكله مابوه رقابه ومابوه عقوبات صارمه تجاه هالاشكال والله ان تصير مشاكل وامور مايعلم فيها الا الله والموت والحياه بيد الله سبحانه وتعالى .. اما اذا كانت الدعوة بتسبب او تسيب من قبل الطبيب او عدم لا مبالاه من ادارة المشفى فحسبنا الله ونعم الوكيل وزارة الصحه .. وزارة تحتاج الى وزارة البصيرة |
هذا بالنسبة النساء اما الاطفال فحدث ولا حرج والله انك تقول داخل مستشفى في افريقيا انا بنفسي قبل ثلاثة ايام وديت طفلتي للمستشفى الساعة الثانية ظهرا ولم ادخل على الطبيب الا الساعة الرابعة عصرا ولم يكن هناك الا طبيب واحد فقط فقمت وكلمت المسئول سعودي عن الوضع والاطفال المساكين اللي يعانون مع آبائهم او مهاتهم قلت له لو تزيدون عدد الاطباء اكثر من العدد فقال ما نستطيع وعجزنا ومن هالكلام اللي ما يسقي ولا يجيب نتيجة . المشكلة في المستشفى ان كل مناطق القصيم تجي له انا بديت اسال من بجانبي من وين الاخ وانت من وين كلهم من خارج بريدة . زد على ذلك ام المركزي ما يستقب الاطفال والتخصصي ما يتسقبل الاطفال عني انطق عند الدكتور هذا والارحب لمستوصف اهلي يغص ظهرك بالفوس ولا تطلع بنتيجة ؟ نحن نطالب ادارة المستشفى زياة الاطباء الى خمسة او ستة لاستيعاب الاعداد الكثيرة وخاصة ايام الخميس والجمعة اللي الاطباء في اجازة ؟؟؟ شكرا لكم وآسف على الاطالة . |
الله يطيكم العافية على المرور الكريم ووالله إن الأمر في خطر والله المستعان
وأزيدكم من الشعر بيت لا تنسون الدماء التي على الأسرة هي بالطبع تنقل الأمراض لكن لا نقول إلا الله يصلح الأحوال يارب وصدق أخوي اللي يقول وزارة الصحة تحتاج لوزارة |
لاحول ولا قوة الابالله
|
سبق أن قلت لو سمع الناس بأن شارع الخبيب فيه دار دعاره، لهرع الناس زرافاتاً و وحدانا، لهدم هذه الدار، ولكن و للأسف نسائنا يتم توليدهن من قبل أطباء رجال، و هذه مشكلة ولدة منذو زمن بعيد و مع ذلك كلنا ساكتون عن هذه المصيبة، و لا نشعر بها إلا إذا وجد لنا قريب يزور هذا المستشفى.
لذلك كان لزاماً على العاملين في قطاع التعاقدات تقدير مشاعرنا كمسلمين و التعاقد مع طبيبات، علماً أنه يعتذرون بعدم توفر كادر طبي نسائي، لكن هذا العذر مللناه و إلا فلماذا الفلبين و الهند و غيرها تخرج ممرضات، ولا تخرج طبيبات، وتخرج أطباء و لا تخرج ممرضين. لا أتهم أحداُ بنيته، لكن أقول ربما هو إهمال أو غفلة و ما أجمل التذكير. |
الشكوى لله ..............................
|
يعطيكم العافية على المرور الكريم
|
شكرا اخوي على طرحك لهالموضوع اللي كنت بطرحه أنا ..
يا اخوان وش الحل مع هالمستشفى .. والله قهر يا جماعة .. يعني معقولة مع كل اللي سووه وأخطائهم وتعاملهم الزفت خاصة من الممرضات الحاقدات .. والسبب في الإدارة فقط .. يعني لو فيه إدارة صح وقوية .. كان ما صارت هالمهازل .. واليكم بعض ما حصل مع زوجتي أثناء قرب وضعها .. 1- باختصار كان يتردد عليها خنزير ما دري سوري ولا مصري .. ويبي يكشف عليها بالغصب .. ( ترا يا ناس الشي هذا قاصدينه بيناتهم هالدكاتره الله يخزيهم .. هم وهالإدارة المريضة .. وهالشي ملاحظ واسألو أي قريبة لكم قدر الله لها مراجعة هالمقبرة مستشفى الولادة ) المهم كانت ترفض .. طبعاً الفحل اللي هو أنا لو كنت موجود بيروح فيها ولا عرفت إلا بعدين .. لكن بعد محاولات بائسة من هالخنزير .. جابو حرمة وكشفت عليها !! هذا يصير وبكثرة .. والله قهر !! هذا غير تعامل الممرضات الزفت ( بمعنى الكلمة ) مع حريمنا .. والله قهر !! 2- يوم قربت ولادة زوجتي .. حطوها بغرفة الولادة وعملو لها طلق صناعي .. وعلى هالبهذلة اللي صارت لها .. تقول كانت ممرضة تتردد عليها وتنافخ وتصرخ عليها .. حتى ان زوجتي جلست تصيح من القهر ولا تدري وش تسوي .. الين جت اجودية مصرية وقالت لها زوجتي اللي صار .. وطلبتها وترجتها انها ما تجيها الحاقدة الممرضة اللي بهذلت فيها .. تصورو تترجى وافدة مصرية بديرتنا - صحيح ما قصرت - بس قهر يصير هالشي هنا .. والله قهر !! 3- من المواقف .. حرمة جلست تبكي وتصرخ تقولهم .. أبولد قربت ولادتي .. الولد يبي يطلع .. وهم مطنشين .. تصدقون قالو لها روحي للحمام وفعلا طلع راسه وهي بالحمام .. وجلست تصرخ الين جوو بالقوة .. والله قهر !! طبعاً أنا مو ناقص شر .. بس القهر ان زوجتي قالت لي كل هالأشياء بعد الأربعين .. يوم صحصحت بدأت تقص لي المآسي اللي صارت معها واللي شافتها .. وتترجاني اني ما أدخلها هالمجزرة مرة ثانية .. وهذا اللي يبي يصير سواءً معي أو غيري .. اذا ما احد أدب كل اللي بالمستشفى وأولهم الإدارة .. على فكرة كان الشي هذا في رمضان .. ودعت عليهم زوجتي ليل نهار وكل ما تتذكرهم .. وما زلت ماراح ارتاح لين اخذ حق زوجتي من الممرضة اللي بهذلت فيها .. وهي فلبينية واسمها ( باميلا ) .. للي يعرف عنها تراها حاقدة ولها مواقف غريبة وحاقدة مع الحريم .. ومن كل اللي بهذلو فيها .. إذا إدارة المستشفى الفاشلة الساقطة إلى الآن ما سوو شي .. حسبي الله عليهم !! صدقوني هذي مواقف حصلت مع زوجتي وأنا مسؤول عن صحتها .. هذا مع اننا مسوين فيها عندنا واسطة .. لكن الخافي أعظم .. والله قهر !! الغريب واللي محيرني .. اننا في بريدة المعروف عنا اننا ما نسكت على الغلط واننا نأدب اللي يلعب ويتلاعب فينا زي اللي قاعد يصير في مستشفى ( قصدي مجزرة الولادة والأطفال ) .. لكن أستغرب فعلاً عدم تحريك ساكن في هالمجزرة !! وإلى إدارة المستشفى أقول .. الناس تدعي عليكم ليل نهار لأنكم سبب رئيسي في هالفوضى .. وعقوبتكم جاية بإذن الله .. وانقلوا كل ما ذكرت عني .. وأنا مسؤول عنه !! وحسبي الله عليهم ونعم الوكيل .. |
والله حرااام النساء يمكن تقدر تدافع عن حقه لكن المولود او الطفل وشلون بيدافع عن نفسه لكن المفروووض التشديد يصير على الادارة لان الادارة قادرة على ضبط المستشفى ومشكور اخوي على طرح الموضوع وحرصك على المصلحة العامة |
يرفع ليشاهدة العضو الزعيم اللي ما يدري ان فيه بلاوي بهالمستشفى الله يخلف علينا بس
|
ياناس تمصعتنا من كثر ما نتكلم عن المستشفى هذا ولو الجدار يحتسي تسان حتسوووو هم..
ماقول إلا مستشفى يجيب المررررررررررر.. |
فيه مقبره في الموطا وفية مقبرتين وحده التخرصي والولاده والله قهر مافية احد يسمع لنا:eek::i121
|
كلامك منطقي اخوي
المشكلة في هناك بلادن نتقدم عنها بمراحل كثيرة ولكن هم متقدمين بكثير عناء والله قهر لا وممرضتنا وصخات وبنقليات الي متي يعني وحنا مسلمين اروحنا للهمج هذولاء |
لاحول ولا قوه الا بالله
|
وزود الطين بلة قريبة لي يوم شالو الولدالي ببطنة أثر رجلة البنت المولودة منفصلة ؟؟؟؟؟؟؟؟؟؟؟؟؟؟ |
السلام عليكم ورحمة الله وبركاته
اناجديده بس الموضوع فتح اجراح عميقه للاسف يااخوان انا مسؤوله عن كل كلمه احكيها عن قذارة مستشفى الولاده والاطفال حدث ولاحرج انا بتكلم عن نفسي شي حصل لي لدرجه انه صابتني حاله نفسيه وكل اللي زاروني حزنوا لحالتي يااخوان انا كنت حامل بطفلي الثاني ولله الحمد والشكر اما الاول فقد انجبته بمدينه الرياض في العسكري وطبيعي ويحرجني اني احكي اللي صار معاي لكن الى متى نسكت حتى تروح ارواحنا المهم انااراجع المستشفى واتحمل معاملتهم الخايسه لان ماودي احمل زوجي مالاطاقة له فيه ياجماعه اصبت بفقر دم وكانت تجين دوخه وتكون قويه لدرجه مااسند طولي:eek5ودخلت الطواري واصرو باالكشف ولا مايعطوني اي اهتمام لو اموت على قولتهم ولما دخلوني التنويم كنت وقتها بالشهرالثامن مادخلت التاسع رجعت لي الدوخه وناديت السستر اللي ماجت الا بعد طلعت الروح جات ونظرت في وطلعت توقعوا وش جابت معاها وهي راجعه نيرس(ممرض)سوري يبي يكشف علي باالقوه وماكان باالغرفه الا انا صرخت بوجه وقلت اذا ماطلعت ابصرخ لحد مايجون اللي بالمستشفى كله تبون تستغلون دوختي بصفتك ايش قال يمكن ولاده وانتي ماتدرين قلت اموت ولا يكشف علي رجال رد على بكل وقاحه قال كل اللي باالمستشفى كاشف عليهم انا انتي ليش قلت اطلع برا ازين طلع وقال مااحد بيكشف عليك غيري ياجماعه مرت علي الدوخه طول الليل وتحملت بس عشان مااشوفه او انه يكشف علي (خفت) من بكره كشفت علي سستر وقالت ولاده(حسبي الله ونعم الوكيل) ماكانت عندي ولاده واكتشفت هذا لما دخلت كشك الولاده وفكوا مويت الجنين ولما توهقوا ان الجنين مانزل باالحوض واني باالثامن كملوا جريمتهم وبدم يعطوني طلق صناعي وانا اصرخ من الالام واصرخ واصرخ وهم يحطون من التحاميل والابر ااه ااه ااه ماساه اذا تذكرته ترجع لي كل الالام وانا اصرخ ابموت عاملوني بااسوى معامله وكانو يضربوني والدكتوره كانت باكستانيه كانت تصرخ وتقول انااخصائيه انت ايش عرفك بديت ادخل بحالات اغماء واصحي وهم يعذبون في باالتحاميل حتى وانا مغمى علي واصحي وانااصرخ ابمووووت سو لي عمليه(لاحياة لمن تنادي) ولما صحيت للمره العاشره الاالدكتوره(الاخصائيه على قولتها)سانده نفسها على الجدار وتشكي لدكتوره مصريه انافي مشكل كبيرهذه خلاص في موت هي والبيبي انا انفجعت وبديت اصيييح سولو عمليه وهم يطالعون في بياس قالت لها المصريه كلمي الجراح خليه يجي يشوفها بسرعه يمكن في امل وبعد مااغمي علي صحيت باالجراح وكان مصري توه داخل علي وقال بسرعه دخلوها غرفة العمليات ويلبسوني الاخضر والقسطره وانا اصرررخ ابولد خلااااااااااااااااااااص(وفعلا كنت احس اني ابولد) اصرخو علي لالالالالالالا بعدين انتي وبيبي مووووووت بديت انتفض لدرجه اني اصبحت خفيفه انط من اعلى السرير واطيح من الالالالام وهم ماسكين في ولما وصلو في غرفة العمليات كانت مشغوله وصارو يدقو الباب بسرعه افتحو حاله حرجه(حسبي الله ونعم الوكيل )ودخلت غرفة العمليات والجراح يقول بنحاول ننقذهم او ننقذ واحد منهم اسفه طولت عليكم بس انا حكيت قصتي تفصيلي عشان تتحرك القلوب المتحجره وترحم حالنا وماوقفت على كذا تهبت وزارتني امي اول ماطلعت من غرفة العمليات الا وجهي متنفخ (من كفوفهم الاعطونياها) وفمي ابيض ومتقطع وحاطي لي كريم وانا ماصحيت من البنج كنت ابكي واقول عذبتوني خلاص امي صرخت وصارت تناديهم وش مسوين في بنتي (((بنتي معذبينها وصارو يصرفون امي ويعطوني مهدا عشان انطم وانام وماوقفت على كذا امي من الالامي تعبت وتنومت باالمستشفى ورافقت على خالتي كبيره باالسن وانا تعبانه مااقدر اتحرك عذبوها بالامن كل شوي ساحبينها تحت ويرجعونها فوق وطلعوها عني وتعبت وتنومت هي الثانيه من بهذلتهم وكانت منومه معاي بنفس القسم مصريه حامل(الله يجزاها خير ويوفقها)ساعدتني بعد الله وقامت بولدي تبدله وترضعه وتنومه وتساعدني اذا احتجت وصابتني حاله نفسيه صرت ابكي بكل وقت بدون سبب غير التصرفات اللاشعوريه اللي كنت اسويها لدرجه ان اهلي خافو علي وولدي مااذكر شكله ففي فترة الاربعين من الحاله اللي صارت لي بااسبابهم حسبي الله عليهم (اخواتي واخواني هذه القصه صارت لي من اربع سنوات وانتم ذكرتوني فيها) واللي حصلي الان اني ولدت عندهم بعمليه قيصريه ومن التعقيد لما قالو لي عمليه قلت لهم اي اي خلاص سوولي عمليه ولما طلعت تعب طفلي بحراره وقت الاربعين وذهبنا به لطواري الخايس الولاده والاطفال طبعا امي راحت فيه للمستشفى ورنو علي انهم بيدخلونه العنايه المركزه انا طلعت بسرعة البرق للمستشفى ابجلس مع طفلي ورفضوا هو بس وانتم ترجعون للبيت رفضت واصريت اجلس مع ولدي راحت امي واخوي يكلمون المسؤول ورفض ان احد يجلس معاه تفاجات الدكتور جايب ابره وليات قلت لوش قال بنخلها بانف الطفل للمعده وصرخت عليهم بدون وعي وقلت اسمع ولدي مو فار تجارب عندكم ومسكت الابره والليات من يد الدكتور ورميتهم بالزباله وانتم بكرامه ورحت للمسؤول بعد ماجلست امي عند ولدي وكلمته ورفض وتوسلت له انا ودي بعافية ولدي بس مابي اتركه لحاله ورحم دموعي وحالتي وقال خلاص ادخلي معاه ماودي اطووووووووووول عليكم بس الجروح كثيره وانتم فتحتوالها باب لتخرررررررج ارجو من الله ان ياخذ بحقنا وحق اطفالنا من هؤلاء المجرمين وتاكدو يامسؤولين انا اللي يصير فينا وانتم ساكتين عنه بيصير لاختك وعمتك وخالتك وقريبتك وانت ماتدري:eek5 |
حسبي الله على مدير المستشفى المجرم السفاح
لا حول ولا قوة الى بالله |
للموضوع 3 سنوات !! |
ربك يعيين |
لاحول ولا قوه الا بالله
|
يارجال يوم كانو يبون يفتحون كليه صحيه ببريده عارضو اهالي بريده وغير مكان الكليه والحين رجعوها عقب ما طارت الطيور بارزاقه على العموم تم التاكد من كثره الوفيات لللاطفال من احد مغسلي الموتى بجامع الخليج وسؤاله عن الاطفال قال ان اكثر الاطفال الذين يتوفون هم خدج يعني سقط اعمارهم من شهرين الى 7 اشهر يولودون قبل اوانهم ثم يمكث بحضانه المستشفى وقليل منهم يعيش واحياننا يخطى المعلن عن صلاه الميت حين يقول الصلاه على الطفل وفي الحقيقه هو سقط عمره 5 شهور ياليت يكون من عرض الموضوع يكون لديه اثباتات اكثر لكي يكون كلامنا ونقدنا لاي شي فيه مصداقيه وعدم تضخيم وعلى قولتك ان الجهاز سقط من الممرضه البنقاليه لو تلاحظ انه مافيه ولا ممرضه بنقاليه بالمستشفى وياليت وضحت ماهو نوع الجهاز الذي سقط انا معك انه في كل مكان اخطاء وخصوصا بالمستشفيات ولكن عندما نتحدث عن شي ياليتنا نتحدث باثباتات وارقام صحيحه لكي نواجه بها المسؤلين
|
| الساعة الآن +4: 02:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.