بريدة ستي - شـــمـــوخ .. ( 3 ).. شـــمـــوخ .. ( 3 ) سي يو ..

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - شـــمـــوخ .. ( 3 ).. شـــمـــوخ .. ( 3 ) سي يو .. (http://www.buraydahcity.net/vb/showthread.php?t=94587)

مدحت شوقي بريده

27-10-2007 02:07 AM

شـــمـــوخ .. ( 3 ).. شـــمـــوخ .. ( 3 ) سي يو ..

السلام عليكم ..

والله مابي حيل اكتب مقدمة ..

بس هذي قصيدتي شمــوخ ( 3 ) بس فيها نوع من التغيير شوي ..
وسلاام ائليكم ..

لاتحسب اني يوم انا ازهمك راجيك .. ترى إن زهمتك خيب الله رجايا

مـليــت وانا اقـول لك ياشين مابيـك .. ولا عاد اشوفك يوم تمشي ورايا

إن كـان تشحذ مــال والله لااعطيك .. يـغـفـر لي الله بــه كـثـير الخـطايا

وإن كان تبي القلب فالقلب ناسيك .. ماعاد لك طاري في خفوقي وحشايا

انا هــواي اللي رمـشـة يـسـاويـك .. هـي غـايتي هـي مهجتي هي منايا

لـو حـطـت اقــدام رجـلـه بآراضيك .. تنبت على خـطـاهــا جـمـيع البرايا

ولو سلهمت بالعين والله تـعـمـيك .. وتـعـمى مـعـك عـيـون كـل الصبايا

الله لاقــالـت .. محمد .. انـا ابـيـك .. محمد انـا ارجــــــوك خـلـك مـعـايـا

محمد انا أحـبـك محمد أنا اغـليك .. يـازيـن نـطـقـة بـيـن هـــاك الشفايا

عــرفـــت انا هـاللحين ليه مابيك .. وعــرفــت منهي غـايتي ومن غنايا

خــــلاص ريـحـنـي الله يـعـافـيـك .. ولاعـــاد اشـوفك يـوم تمشي ورايا

وسلاااامتكم ..

سي يو ..

أراسيل سلمان

27-10-2007 02:23 AM

قصيــدة جميلة لافض فوك أخي مدحت

بقايا ذكريات

27-10-2007 02:26 AM

مدحت شوقي بريدهـ : أبو إبراهيم .. قسماً .. ذهلت بها .. ولمعانيها ولقوة إسلوبها
حقاً إنك شاعر فذ وجزل ومبدع بكل مقاييس الإبداع .. شموخ 3 حطمت كل منافس

ولو سهلمت بالعين والله تـعـمـيك .. وتـعـمى مـعـك عـيـون كـل الصبايا.

تعجبني الرومنسيه في وصف العتاب والمقارنه بذاك وذيك ..

تقبل إطلالتي .. أبو ابراهيم

أبو ريّـان

27-10-2007 02:31 AM

قصيدك رهيبه
والله يانت مبدع من الطراز الاول الى الامام

ღ الفتاة الحنون ღ

27-10-2007 02:32 AM

من يستلذ بـ شموخ كهذا يمنح الأحساس فضاء من الدهشة .. !

ابدعت في كل حرف .. ,,

وصح لســـــــانك مليون ..,,

مدحت شوقي بريده

27-10-2007 02:40 AM

اقتباس:

المشاركة الأساسية كتبها آراسيل سلمان (المشاركة 784055)

قصيــدة جميلة لافض فوك أخي مدحت

اراسيل سليمان ..

شكراً لكي على مرورك وتشريفك ..

سي يو ..

صافي النية

27-10-2007 02:46 AM

ماشاء الله ماشاء الله
لا وما علمنا انه شاعر الله يهديك ياخيي مدحت والله تبي حق<<وش المعرفة؟هع:d

والله حلوة ورائعة جدا سلمت اناملك وننتظر جديدك مادامك شويعر او شاعر:)...

دمت بخير..

أنا شاطر

27-10-2007 03:05 AM

اقتباس:

مـليــت وانا اقـول لك ياشين مابيـك .. ولا عاد اشوفك يوم تمشي وراي

منتب سهل يامدحت باشا

مدحت شوقي بريده

27-10-2007 05:47 AM

اقتباس:

المشاركة الأساسية كتبها بقايا ذكريات (المشاركة 784058)

مدحت شوقي بريدهـ : أبو إبراهيم .. قسماً .. ذهلت بها .. ولمعانيها ولقوة إسلوبها
حقاً إنك شاعر فذ وجزل ومبدع بكل مقاييس الإبداع .. شموخ 3 حطمت كل منافس

ولو سهلمت بالعين والله تـعـمـيك .. وتـعـمى مـعـك عـيـون كـل الصبايا.

تعجبني الرومنسيه في وصف العتاب والمقارنه بذاك وذيك ..

تقبل إطلالتي .. أبو ابراهيم

هلا باااااااالبي بقاااااايا ذكرياااااااات ..

يابعدي انت مرورك صفر عطرتي .. قصدي عطر صفحتي ..
اعلمك بعد والله ياحامد زيد انه هاللحين يقراء القصيدة ويقول :
اويليه بس والله ياهي حسافة على هالصعيدي ..

يابعدي انت بس علمن اذا بوه احد مبلشك الزخوه بقصيدة هجاء .. تسير بها الركبان ..

يسلموا يالبي ..

سي يو ..

مدحت شوقي بريده

27-10-2007 05:52 AM

اقتباس:

المشاركة الأساسية كتبها <<ابوريان>> (المشاركة 784061)

قصيدك رهيبه
والله يانت مبدع من الطراز الاول الى الامام

ابو ريااااااااااان ..

وشي هذي الطراز الأول .. تصدق عااااد ماعمري سمعت كلمة طرااااز الا مع الطياراة ..
طيارة من طراز اف 17
طرااااز .. وش رايك مايصلح اسم ( طراز الشيباني )
<<((== اقول الشرهة مهيب عليك يالصعيدي .. الشرهة على اللي يرد عيلك ..

مشكور يالبي يابو ريان ..

سي يو ..

مدحت شوقي بريده

27-10-2007 05:54 AM

اقتباس:

المشاركة الأساسية كتبها ღ الفتاة الحنون ღ (المشاركة 784062)

من يستلذ بـ شموخ كهذا يمنح الأحساس فضاء من الدهشة .. !

ابدعت في كل حرف .. ,,

وصح لســـــــانك مليون ..,,

الفتاة الحنون :
اشكر لكي تواجدك ومرورك الكريم ..

سي يو ..

رسيل الخير

27-10-2007 08:10 AM

يقولون أن محمد بن فطيس مختفي هالأيام

أثر السبب صعيدي ناقش له قصيدة

مبدع أنت عندما تعصر لنا مخك

ماهنا قصيدة لمشايخ المنتدى التالين اللي طايحين بتقييم الدين وعرضه على عقولهم

عطنا اياهم لو أهجينيه تكفى >>>>>> يسمع بأنواع الشعر

تقبل مروري.......

مدحت شوقي بريده

27-10-2007 09:22 AM

اقتباس:

المشاركة الأساسية كتبها صافي النية (المشاركة 784065)

ماشاء الله ماشاء الله
لا وما علمنا انه شاعر الله يهديك ياخيي مدحت والله تبي حق<<وش المعرفة؟هع:d

والله حلوة ورائعة جدا سلمت اناملك وننتظر جديدك مادامك شويعر او شاعر:)...

دمت بخير..

هلا بالبي صافي النية ..

اقول لاتقعد ترقين اثله .. همن باتسر ابزع واقعد ارز خشتي بأمسية شعرية ..
همن يشوتون مع الباب ويلحقونن نعااااااالي ..

يابعدي انت الله مير يحيك ..
والله يالبي انت الرااااااااااائع انت وأناملك ..
انا ملك وألآ انا امير .. <<<((== أها بس انثبر بدينا بالملاااااغة بعد ..

سلاام ائليكم ..

سي يو ..

مدحت شوقي بريده

27-10-2007 09:30 AM

اقتباس:

المشاركة الأساسية كتبها أنا شاطر (المشاركة 784074)

منتب سهل يامدحت باشا

هلا بالبي انا شااااااااااطر ..

يالبي توك تدري اني مانيب سهل ..

يالبي انت ماتعرف احمد شوقي الدسوقي امير الشعراء ..
هذا ابوي وابوه كلهم عيال خالتي .. <<((== والله اللي هجت بوه هالثور .. وشلون ابوك يصير ولد خالك ..

يالبي احمد شوقي يوم يشوفن هاك اليوم جاي مع ابوي وأنا الاحق الجاموسة حقتهم بخب دمياط ..
قال يابو مدحت .. هالولد لك يبي يغدي شاعر ..
شف عصاقيلوه وشلون قايلة .. ماجن شلف مثل عصاقيلك .. جايتن على قافية وحدة ..
مير افطن لوه ..

ومشكور يالبي ..

سي يو ..

دلووووووني

27-10-2007 09:52 AM

والله انك تخوف يا مدحت شوقي
توي ادري انك اقشر
تقبل تحياتي
سي يو

ahoak2002

27-10-2007 10:28 AM

ولو سلهمت بالعين والله تـعـمـيك .. وتـعـمى مـعـك عـيـون كـل الصبايا
صباح العسل يا مدحو
شيء يا خطير : 12
لكن حلوه منك تعمي معك عيون الصبايا آسف كل عيون الصبايا
سي يوهات:D

أنا شاطر

27-10-2007 10:49 AM

اقتباس:

المشاركة الأساسية كتبها مدحت شوقي بريده (المشاركة 784221)

هلا بالبي انا شااااااااااطر ..

يالبي توك تدري اني مانيب سهل ..

يالبي انت ماتعرف احمد شوقي الدسوقي امير الشعراء ..
هذا ابوي وابوه كلهم عيال خالتي .. <<((== والله اللي هجت بوه هالثور .. وشلون ابوك يصير ولد خالك ..

يالبي احمد شوقي يوم يشوفن هاك اليوم جاي مع ابوي وأنا الاحق الجاموسة حقتهم بخب دمياط ..
قال يابو مدحت .. هالولد لك يبي يغدي شاعر ..
شف عصاقيلوه وشلون قايلة .. ماجن شلف مثل عصاقيلك .. جايتن على قافية وحدة ..
مير افطن لوه ..

ومشكور يالبي ..

سي يو ..

أجل بخب دمياط ههههههههههه هاه

أولاهـ لاعمرك تهرج عند أحد خصوصاً سالفة القافيه

وووووووووودي أشوفك وأنت تلعب بالجاموسه أحس آنك درج أنت والقافية اللي تمشي عليه خخخخخخخخخخخخخخخخخخخخخخخخخ

:D

مدحت شوقي بريده

27-10-2007 11:41 AM

اقتباس:

المشاركة الأساسية كتبها رسيل الخير (المشاركة 784191)

يقولون أن محمد بن فطيس مختفي هالأيام

أثر السبب صعيدي ناقش له قصيدة

مبدع أنت عندما تعصر لنا مخك

ماهنا قصيدة لمشايخ المنتدى التالين اللي طايحين بتقييم الدين وعرضه على عقولهم

عطنا اياهم لو أهجينيه تكفى >>>>>> يسمع بأنواع الشعر

تقبل مروري.......

هلا والله بالبي رخيل السيل ..

اجل اعصر مخي .. تدري يالبي لو اعصر مخي وش يطلع ..
يطلع صوت ( تغرة ) يعني ماهناااااااااااش ترى مابوه شي
مير لاتفل حجرك وتحتري ..

بعدين يالبي وش تبي بس نوع القصيدة ..
تبيه قصيدة معلقة .. والا مرفوعة فوق الدولاب :D:D:D..
<<((== افطن لوه ترى بدت تهج بوه هالدبشة ..

يابعدي انت ياخرير السير ..
<<((== والله ياهو عجز ينطق اسمه .. تحس انه لسانه يلعب بإثمه .. تسنه يمشي على صابون مهوب على سعابيل ..

مشكور يالبي .. والله لايحرمنا من طلاااااااااتك ..

سي يو ..

مدحت شوقي بريده

27-10-2007 12:12 PM

اقتباس:

المشاركة الأساسية كتبها دلووووووني (المشاركة 784230)

والله انك تخوف يا مدحت شوقي
توي ادري انك اقشر
تقبل تحياتي
سي يو

هلا بالبي دودلوني ..

ايـه شفت وشلون .. اجل هج .. القط نعيالااتك وادعسهن حدر ابطك .. واطلق عصاقيلك للريح ..
جعلك للريح ياولد قريح .. ياعدو دودلوني ..

ياحبيلك بعد .. وياحبيل معاليق شدوقك ..

سي يو ..

abo suliman

27-10-2007 02:11 PM

هههههههههههههههههههههههههههههههه

هلابيييييييييك هلا بالفحول .. هلا بالقصايد .. هلا بالأشعار ..

والله يأبو براهيم .. أنك منت ببسيط أبد ..

باتسر نبي لادزلبنا الريموت .. نلقاك بروتانا . بأمسية شعرية ..

هوع هوع ..

مير من تتغزلبه .. ؟

لاتسير ××××××× >>>>>>>>> تراي أنا اللي حاطهن مهوب المشرفين :d

الوابل الصيب

27-10-2007 03:26 PM

قصيده رائعة جدا جدا

خـــاصه الابيات ذي

الله لاقــالـت .. محمد .. انـا ابـيـك .. محمد انـا ارجــــــوك خـلـك مـعـايـا

محمد انا أحـبـك محمد أنا اغـليك .. يـازيـن نـطـقـة بـيـن هـــاك الشفايا

عــرفـــت انا هـاللحين ليه مابيك .. وعــرفــت منهي غـايتي ومن غنايا

خــــلاص ريـحـنـي الله يـعـافـيـك .. ولاعـــاد اشـوفك يـوم تمشي ورايا

ساحرة القرن الأخير

27-10-2007 03:55 PM

:

مدحت شوقي بريده
صــح لســانكـ وأعتــــلا شــانكـ...ولاهــانـ كلكـ..؛

قصـيــدهـ جميــلهـ ..؛
تهــادى النـور عـلى جبيــنـ الأبـــداع .. بومضـــاتـ من حســن أبجديتكـَ فيهـا..؛

كــانتـ هنـا
ساحِرهـ..؛

:

قطرات

27-10-2007 11:13 PM

اعترف بسرعه يامدحت لمين كاتب القصيده ؟ (يمون!) ..... لا ورومانسي بعد !

والله فاجأتنا بانك شاعر لا ووجداني يمكن نصدق انك هزلي بس وجداني قويه!!!!!

خمسه وخميسه بعين الحسود .... تسلم على هالقصيده يامدحت شووووووقي

بانتظار المزيد

الفارس الملثم

28-10-2007 12:05 AM

ههههههههههه ..
والله أنك ما بك ملح ..

اقتباس:

يابعدي انت مرورك صفر عطرتي .. قصدي عطر صفحتي ..

مااااااااش .. ما بالثوب أحد ..

مدحت شوقي بريده

28-10-2007 01:07 AM

اقتباس:

المشاركة الأساسية كتبها aqwaq2002 (المشاركة 784240)

ولو سلهمت بالعين والله تـعـمـيك .. وتـعـمى مـعـك عـيـون كـل الصبايا
صباح العسل يا مدحو
شيء يا خطير : 12
لكن حلوه منك تعمي معك عيون الصبايا آسف كل عيون الصبايا
سي يوهات:D

هلا والله بالبي .. aqwaq2002

يابعدي اتصدق انت .. اصلن هي عمياء .. تسلهم والا تقعد ..
مشكور يالبي ..

سي يو ..

غارق	28-10-2007 01:17 AM

تمشي ورايا :d

ابداع يا مدحتوه وإلا الأمام : 12

جيدا	28-10-2007 01:26 AM

ماشاء الله تبارك الله .. :D

وش هالحركات ..

إبداااااع ..

ولا تعلمنا أنك شاعر ولا ش .. :eek5

خلاص زعلت .. مايرضين الا تكتب بي شعر :113:

ولا تراي مزاعلك .. :091:

<<< اقنعه بسرعه أولاه .. :113:

.: أبو مصعب :.

28-10-2007 01:51 AM

قصيدة جميلة ورائعة ..

بس ما دلت الوزن :113:

السمـــو

28-10-2007 09:32 AM

اقتباس:

لاتحسب اني يوم انا ازهمك راجيك .. ترى إن زهمتك خيب الله رجايا

مـليــت وانا اقـول لك ياشين مابيـك .. ولا عاد اشوفك يوم تمشي ورايا

إن كـان تشحذ مــال والله لااعطيك .. يـغـفـر لي الله بــه كـثـير الخـطايا

وإن كان تبي القلب فالقلب ناسيك .. ماعاد لك طاري في خفوقي وحشايا

انا هــواي اللي رمـشـة يـسـاويـك .. هـي غـايتي هـي مهجتي هي منايا

لـو حـطـت اقــدام رجـلـه بآراضيك .. تنبت على خـطـاهــا جـمـيع البرايا

ولو سلهمت بالعين والله تـعـمـيك .. وتـعـمى مـعـك عـيـون كـل الصبايا

الله لاقــالـت .. محمد .. انـا ابـيـك .. محمد انـا ارجــــــوك خـلـك مـعـايـا

محمد انا أحـبـك محمد أنا اغـليك .. يـازيـن نـطـقـة بـيـن هـــاك الشفايا

عــرفـــت انا هـاللحين ليه مابيك .. وعــرفــت منهي غـايتي ومن غنايا

خــــلاص ريـحـنـي الله يـعـافـيـك .. ولاعـــاد اشـوفك يـوم تمشي ورايا

سي يو ..

أخي مدحت هذه القصيدة نبي نعتبرها باكورة قصائدك
وفي انتظار جديدك

تقبل محبتي وأحترامي

الساعة الآن +4: 11:12 PM.